EDITOR’S NOTE: REANGLE THIS.
FOCUS MORE ON ITS IMPACT TO THE
VILLARICANS OR TO HOW VILLARICANS GO WITH THE TREND.
Elektroniks + Aklat = ? (Change title)
Marie Kairish D. Vivar
Click. Read. Scroll.
Umuusbong ngayon ang isang
panibagong tinatangkilik ng mga
bookworms o ng mga taong mahilig
magbasa. Pero ang mga ganitong uri ng
babasahin ay hindi direktang nahahawakan;
elektronikong gadyet ang kailangan – ang
electronic books (e-books).
Ayon kay George Lossius, CEO ng
Publishing Technology, kahit na hindi na
gaano kataas ang bilihin ng elektronikong
babasahin ay nagsikap pa rin sila sa pag-alok
ng mga libre nito.
Sa pagtungtong ng bawat mag-aaral
sa mataas na lebel ng edukasyon,
mangangailangan ito ng bagong gamit upang
matugunan ang mga sopistikadong
kailangan sa iba’t ibang kasanayan ng
akademiko.
Madadala ito kahit saan at kung
minsan ay tinutukoy bilang elektronikong
bersyon ng nakaprintang aklat. Kasabay ng
paglago ng teknolohiya, ito ay patuloy na
umaakit sa milyong-milyong bilang ng
mambabasa at manunulat, lalong-lalo na ang
mga kabataan.
Ayon kay Mycka Vee Villacote,
isang mag-aaral ng Nieves Villarica
National High School, "Nakaka-engganyo
ang pagbabasa ng mga elektronikong aklat,
lalo na 'yung punong-puno ng mga
misteryosong pangyayari sa kuwento at ito'y
nakahiligan ko na rin."
Ayon sa pagsasaliksik ng Ang
Villarican, ang opisyal na pahayagang
pampaaralan ng Nieves Villarica National
High School, sa 266 estudyante ng NVNHS
na tinanong, 67% ang gumagamit ng
elektronikong aklat, samantalang 33%
naman ang hindi gumagamit nito.
Sa kabila ng magagandang
naidudulot nito sa atin ay mayroon pa rin
itong kabaligtaran. Makakabasa lamang ang
isang indibidwal kung mayroong
elektronikong gamit na kung saan
makakagastos pa ng pera.
Ayon kay Mark Coker, isang pinuno
ng Smashwords, hindi na gaano sumulong
ang mabilis na pagtaas sa bilihin ng mga
elektronikong babasahin sapagkat mas
mabenta ang mga nakaprintang babasahin.
Mayroong mga pagkakataon na kailangang
bumili ng salamin o ipagamot ang mga mata
dahil sa epekto ng pagbabasa ng
elektronikong babasahin. Nararapat ding
isama sa pagkukuwenta ang halaga ng
ginamit na gadyet sapagkat hindi mababasa
ang elektronikong aklat kung walang ganito.
Ang elektronikong babasahin, bilang
bagong aklat, ay may magaganda at
masasamang epekto sa mga mag-aaral.
Ngunit nasa kamay pa rin ng mambabasa
ang magiging epekto nito sa kaniya. Kung
iisiping mabuti, kahit nga ang tunay na silid-
aklatan ay kinapapalooban din naman ng
lahat ng uri ng babasahin, masama man o
mabuti; pormal o di pormal; malaswa o
hindi; nakakatawa o nakakaiyak; totoo o
kathang-isip. Hinay-hinay sa paggamit ng
mga ito at huwag abusuhin.