Professional Documents
Culture Documents
Mga Paniniwalang Nakakatakot
Mga Paniniwalang Nakakatakot
Mga Paniniwalang Nakakatakot
baka Mahawa
Kakatuwang mga pangyayari, nakakita ng kaluluwa o espiritu, nakakita ng namatay
na mahal sa buhay, guni-guni o panaginip, ilan lamang ‘yan sa mga bagay na
karaniwang pinaniniwalaan ng maraming mga tao, hindi lamang sa ating mga pinoy
kundi maging sa ibang bahagi ng mundo. Subalit ang lahat ba ng mga ito ay may
katotohanan? O kung mayroon man ay ano ba ang opinion ng Biblia tungkol dito? Ito
bang ganitong paniniwala ay ayon sa kalooban ng Dios?
Ilan sa kanilang mga paniniwala ay tungkol sa kung saan napupunta ang kaluluwa ng
mga namatay na tao at maging ang pinanggalingan nito bago pa man ipanganak.
Naniniwala din ang iba sa pagtawag sa mga espiritu at sa mga kaluluwa ng mga
namatay na tao.
Ang ganitong paniniwala ba ay mababasa natin sa Biblia? Eto ang sagot ng Biblia.
Lev 19:26, 31 Huwag kayong kakain ng anomang may dugo: ni huwag kayong
mag-eenkanto ni magpapamahiin. Huwag ninyong babalikan ang mga inaalihan
ng masasamang espiritu ni ang mga mangkukulam: huwag ninyong hanapin na
magpakahawa sa kanila: ako ang Panginoon ninyong Dios.
Noon pa man ay ipinagbawal na ito ng Dios sa lahing Israel. Kung ipinagbawal ito,
nangangahulugang mayroon nang umiiral na ganitong paniniwala sa kanilang
panahon.
Gal 1:8-9 Datapuwa’t kahima’t kami, o isang anghel na mula sa langit, ang
mangaral sa inyo ng anomang evangelio na iba sa aming ipinangangaral sa inyo,
ay matakuwil. Ayon sa aming sinabi nang una, ay muling gayon ang aking
sinasabi ngayon, Kung ang sinoman ay mangaral sa inyo ng anomang evangelio
na iba kay sa inyong tinanggap na, ay matakuwil.
Bakit kasalanan ang maniwala sa ganito? Mayroon bang mga tala ng kasaysayan na
mayroong nakagawa ng ganitong pagkakasala sa harap ng Dios? Ang sagot, si Saul
mismo na hari sa Israel ay namatay sa ganitong pagkakasala.
1Ch 10:13 Sa gayo’y namatay si Saul dahil sa kaniyang pagsalangsang na
kaniyang nagawa laban sa Panginoon, dahil sa salita ng Panginoon na hindi niya
iningatan; at dahil naman na siya’y nakipagsanggunian sa masamang espiritu,
upang pagsiyasatan.
1Sa 28:7-18 Nang magkagayo’y sinabi ni Saul sa kaniyang mga lingkod, Ihanap
ninyo ako ng isang babae na nakikipagsanggunian sa masamang espiritu, upang
ako’y pumaroon sa kaniya, at magusisa sa kaniya. At sinabi ng kaniyang mga
lingkod sa kaniya. Narito, may isang babae na nakikipagsanggunian sa
masamang espiritu sa Endor. At hindi napakilala si Saul, at nagsuot ng ibang
kasuutan, at naparoon siya at ang dalawang lalake na kasama niya, at sila’y
dumating sa babae nang kinagabihan: at kaniyang sinabi, Hulaan mo ako
isinasamo ko sa iyo, sa pamamagitan ng sinasanggunian mong espiritu, at iahon
mo sa akin sinomang banggitin ko sa iyo. At sinabi ng babae sa kaniya, Narito,
iyong nalalaman ang ginawa ni Saul, kung paanong kaniyang inihiwalay yaong
mga nakikipagsanggunian sa masamang espiritu, at ang mga manghuhula, sa
lupain: bakit nga ipinaglalagay mo ng silo ang aking buhay, upang ipapatay
ako? At sumumpa si Saul sa kaniya sa pamamagitan ng Panginoon, na sinasabi,
Buhay ang Panginoon, walang parusang mangyayari sa iyo dahil sa bagay na
ito. Nang magkagayo’y sinabi ng babae, Sinong iaahon ko sa iyo? At kaniyang
sinabi, Iahon mo si Samuel sa akin. At nang makita ng babae si Samuel, ay
sumigaw ng malakas na tinig at nagsalita ang babae kay Saul, na sinasabi, Bakit
mo ako dinaya? sapagka’t ikaw ay si Saul. At sinabi ng hari sa kaniya, Huwag
kang matakot: sapagka’t anong iyong nakikita? At sinabi ng babae kay Saul, Aking
nakikita’y isang dios na lumilitaw sa lupa. At kaniyang sinabi sa kaniya, Ano ang
kaniyang anyo? At sinabi niya, Isang matandang lalake ay lumilitaw; at siya’y
nabibilot ng isang balabal. At nakilala ni Saul, na si Samuel, at siya’y yumukod sa
lupa, at nagbigay galang. At sinabi ni Samuel kay Saul, Bakit mo binagabag ako sa
aking pagahon? At sumagot si Saul, Ako’y totoong naliligalig; sapagka’t ang mga
Filisteo ay nangdidigma laban sa akin, at ang Dios ay humiwalay sa akin, at hindi
na ako sinasagot, kahit sa pamamagitan ng mga propeta, ni ng panaginip man:
kaya tinawag kita, upang maipakilala mo sa akin kung ano ang aking gagawin. At
sinabi ni Samuel, Bakit nga nagtatanong ka sa akin, dangang ang Panginoon ay
humiwalay sa iyo, at naging iyong kaaway? At ginawa ng Panginoon ang gaya ng
sinalita niya sa pamamagitan ko: at inihiwalay ng Panginoon ang kaharian sa
iyong kamay, at ibinigay sa iyong kapuwa, sa makatuwid baga’y kay David.
Sapagka’t hindi mo sinunod ang tinig ng Panginoon, at hindi mo ginawa ang
kaniyang mabagsik na galit sa Amalec, kaya’t ginawa ng Panginoon ang bagay na
ito sa iyo sa araw na ito.
Hindi lamang si Saul kundi maging si Manases sa kaniyang paghahari din sa lahing
Israel.
2Ch 33:1 – 6 Si Manases ay may labing dalawang taon nang siya’y magpasimulang
maghari; at siya’y nagharing limang pu’t limang taon sa Jerusalem. At siya’y gumawa
ng masama sa paningin ng Panginoon, ayon sa mga karumaldumal ng mga bansa, na
pinalayas ng Panginoon sa harap ng mga anak ni Israel. Sapagka’t kaniyang itinayo
uli ang mga mataas na dako na iginiba ni Ezechias na kaniyang ama: at siya’y
nagtayo ng mga dambana na ukol sa mga Baal, at gumawa ng mga Asera, at
sumamba sa lahat ng natatanaw sa langit, at naglingkod sa mga yaon, At siya’y
nagtayo ng mga dambana sa bahay ng Panginoon, na pinagsabihan ng Panginoon, Sa
Jerusalem ay malalagay ang aking pangalan magpakailan man. At siya’y nagtayo ng
mga dambana na ukol sa mga natatanaw sa langit sa dalawang looban ng bahay ng
Panginoon. Kaniya rin namang pinaraan ang kaniyang mga anak sa apoy sa libis ng
anak ni Hinnom: at siya’y nagpamahiin, at nagsanay ng panggagaway at nanghula, at
nakipagsanggunian sa mga masamang espiritu, at sa mga mahiko: siya’y gumawa ng
maraming kasamaan sa paningin ng Panginoon, upang mungkahiin niya siya sa galit.
Ilan sa mga katulad nito sa panahon natin ngayon ay ang pagsangguni nga sa mga
patay o masamang espiritu, manghuhula, na nagsisihuni at may kasama pang
bulong.
1Jn 4:1 Mga minamahal, huwag kayong magsipaniwala sa bawa’t espiritu, kundi
inyong subukin ang mga espiritu, kung sila’y sa Dios: sapagka’t maraming
nagsilitaw na mga bulaang propeta sa sanglibutan.
Ang mga naunang Kristiyano sa panahon ng mga Apostol ay naliwanagan nang
kanilang marinig ang evangelio ng ating Panginoong Hesus. At ito ang naging
dahilan upang itakuwil nila ang karumaldumal na mga paniniwalang ito.