Assesment ng Programa sa Pagtuturo ng Filipino para sa mga Dayuhang Mag-aaral ng FEU:

Isang Basehan sa Paggawa ng Limang Taong Plano

Ni

Emmanuel S. Gonzales

Far Eastern University

manpoltaz@yahoo.com

ABSTRAK

Ang paggamit ng konsepto ni Cohen (1994) ang nagsilbing pangkalahatang batayang

konseptwal ng pag-aaral na ito , Assesment ng programa sa pagtuturo ng Filipino para sa mga
dayuhang mag-aaral ng FEU: Isang basehan sa paggawa ng limang taong plano. Pangunahing
layunin ng assesment ng programa na matugon ang mga kasalukuyang pangangailangan ng mga
dayuhang mag-aaral. Mahalaga ang riserts na ito upang magsilbing basehan sa idedevelop na
programa sa wika. Ang riserts ay gumamit ng paraang triangulation na binubuo ng mahigit sa isa at
iba’t ibang estratehiya sa riserts para sa assesment ng programa.Batay sa ginawang assesment sa
kasalukuyang programa natuklasan na may mga bahagi ng programa ay may kahinaan at
kalakasan na nangangailangan ng pagbabago upang umangkop at maging sapat na sapat sa mga
kasalukuyang pangangailangan ng mga dayuhang mag-aaral ng FEU.

Mga Susing Salita: assesment, dayuhang wika, programa sa wika , wikang Filipino, dayuhang
mag-aaral

Introduksyon

Simula pa lamang noong 1979, nagbigay na ng kautusan ang Commision on Higher

Education ( CHED ), “Filipino as Curricular Requirement for Graduation of Foreign Students”

CHED Order no.22, s. 1978. At bilang pagsunod sa layunin ng polisiya ng Bilingual Education at

sa pagtupad sa naturang kautusan , nararapat na makatapos ng anim(6) na units na Filipino ang

lahat ng mga dayuhang mag-aaral na nag-aaral sa Pilipinas.

Sa ganitong kalagayan,ang bawat universidad at kolehiyo na tumatanggap ng mga

dayuhang mag-aaral ay nararapat lamang na bumuo ng isang espesyal na programa sa pagtuturo ng

1
Filipino upang makatugon sa mga pangangailangan ng mga dayuhang mag-aaral at gayundin sa

programang pang-wika ( Filipino Program).

Ang Far Eastern University- Manila bilang isang Universidad na may bisyon na maging

isang pangunahing universidad na pinipili ng mga dayuhang mag-aaral sa Asya ay tumatanggap

ng mga dayuhang mag-aaral simula pa ng mga taong pitumpu ( 70’s ), subalit sa mga nasabing

panahon ay wala pang kongkretong programa at materyal na susuporta sa pagtuturo ng Filipino sa

mga dayuhang mag-aaral. Sa kasalukuyan, may mahigit ng tatlongdaang dayuhang mag-aaral na

ang naka-enrol na sa iba’t ibang kurso sa FEU, binubuo ito ng mga Koreano, Chinese, Afrikano,

Americano, Pilipino-Amerikano (na lumaki sa ibang bansa) at iba pa.

Taong 1985, nabuo ang espesyal na programa sa pagtuturo ng Filipino para sa mga

dayuhang mag-aaral ng FEU sa sangay ng Institute of Arts and Sciences at sa pamamalakad ng

kagawaran ng Filipino. Pangunahing layunin ng programa na malinang sa mga dayuhang mag-

aaral ang kakayahang komunikasyon sa pamamagitan ng aktibong pakikilahok sa mga gawain sa

loob at labas ng klase.

Sa pagsasakatuparan nito, mainam na mabatid at makita ang mga pagbabagong naganap

makalipas ang mga taong pagpapatupad ng espesyal na programa sa pagtuturo ng Filipino para sa

mga dayuhang mag-aaral. At upang mabatid ang kasalukuyang kalagayan ng programa , binigyang

pansin ng riserts ang mga pangunahing layunin ng programa at ang proseso ng assesment ni Cohen

(1994), 1) diagnosis, 2)ebidensya ng pag-unlad 3) fidbak ng mag-aaral at guro , at 4) evalwasyon

ng pagtuturo.

Sa kabuuan ng riserts, ang assesment ng espesyal na programa sa pagtuturo ng Filipino

para sa dayuhang mag-aaral ang pangunahing tunguhin nito. Batay sa mga tala ng University

2
Research Center (URC) ng FEU ay wala pang gumawa ng ganitong pag-aaral at magkaroon man,

hindi ito nagbibigay–tugon sa assesment ng espesyal na programa sa pagtuturo ng Filipino para sa

dayuhang mag-aaral.

Batayang Konseptwal

Ang riserts na ito “ Assesment ng Espesyal na Programa sa Pagtuturo ng Filipino para sa

mga Dayuhang Mag-aaral ng FEU: Isang Basehan sa Limang Taong Plano” ay nababatay sa

konsepto ni Cohen (1994), sa konseptong ito, naibibigay ang pagkakataong mabatid at makita ang

mga pagbabagong naganap sa isang programang pang-wika na katulad ng kasalukuyang ginagamit

na programa ng FEU- Manila.

Sa pagdidisenyo ng assesment ng programa, mahalagang maisagawa ang diagnosis upang

matukoy ang kasalukuyang kalagayan ng programa at makita ang ebidensya ng pag-unlad nito.

Ang fidbak ng guro at mag-aaral ay nararapat ding matukoy upang maging sandigan sa kabuuang

ebalwasyon ng kasalukuyang programa.

Batay sa kasalukuyang ginagamit na programa sa pagtuturo ng Filipino sa mga dayuhang

mag-aaral, ang mga kasanayan sa pakikinig, pagsasalita, pagbasa, at pagsulat sa aspektong sosyal

at akademik ang nararapat na bigyan ng diin sa pagtuturo ng Filipino sa mga dayuhang mag-aaral

sa isasagawang assesment.

Kaugnay sa mga hakbang ng assesment ng programa nararapat lamang gawin ang

diagnosis bilang paunang hakbang upang matugon ang kasalukuyang kalagayan ng programa. Ang

paggamit ng talatanungan para sa guro at mag-aaral ang magsisilbing datos nito. At mula rito,

isasagawa ang assesment ng programa na sa unang pagkakataon ay magagawan ng pagtataya.

3
 Ang kasalukuyang ginagamit na programa ay naglalaman ng layunin, metodo, at assesment

ng bawat aralin. Ang kasanayan o skills ay matatagpuan sa mga elementong lumilinang sa dulog

komunikatibo na maaaring pasalita o pasulat. Ang estratehiya naman ay mga pamamaraan ng

pagtuturo na angkop sa kasanayang nais idevelop sa bawat aralin. Ang programa rin ay may

Talang Kultural na pinagkukunan ng mga impormasyon tungkol sa target na wika.

Ang mga nabanggit na nilalaman ng programa ang siyang dadaan sa assesment na batay sa

konsepto ni Cohen (1994). At batay sa nabuong assesment ng espesyal na programa sa pagtuturo

ng Filipino para sa dayuhang mag-aaral ng FEU ito ang magsisilbing basehan sa pagbuo ng limang

taong plano,

Assesment ng Programa

May apat na hakbang ang assesment ni Cohen (1994), na makikita sa paradaym ng risert

(Fig.1). Ang unang hakbang ng Input ay ang pagsasagawa ng Sarbey sa pamamagitan ng

talatanungan para sa mga guro at mag-aaral at para mas mapatatag ito, magsasagawa ng interbyu

ang risertser. Ang ikalawang hakbang ay ang pagproproseso ng mga nakalap na datos batay sa mga

pangunahing layunin ng programa at sa paggamit ng konsepto ni Cohen. 1) Diagnosis (mula sa

sarbey), 2) Ebidensya ng pag-unlad (mula sa sarbey), 3)Fidbak ng mag-aaral at guro (mula sa

interbyu), at 4) Ebalwasyon ng pagtuturo (mula sa pinagsamang datos ng sarbey at interbyu). Ang

ikatlong hakbang ay ang output na siyang bunga ng isinagawang assesment ng programa sa

pagtuturo ng Filipino para sa dayuhang mag-aaral na magsisilbing basehan sa paggawa ng limang

taong plano ng programang pang-wika ng FEU.

4
 Figure 1

Paradaym

Input Proses Output

Sarbey Assesment ng Ang Assesment ng

kasalukuyang Kasalukuyang
Ang Espesyal na programa sa Pagtuturo Espesyal na
Programa sa ng Filipino para sa Prorama sa
pagtuturo ng Dayuhang Mag-aaral Pagtuturo ng
Filipino para sa na ginagamit ng FEU . Filipino para sa
Dayuhang Mag- Batay sa Konsepto ni mga Dayuhang
aaral ng FEU Cohen(1994) Mag-aaral ng FEU-
Talatanungan Manila Bilang
a. Para sa mga a. Diagnosis Basehan sa 5
guro b. Ebidensya ng Taong Plano
b. Para sa mga Pag-unlad
mag-aaral c. Fidbak ng
Interbyu mag-aaral at
c. Guro guro
Mag-aaral d. Ebalwasyon
ng Pagtuturo

5
Paglalahad ng Layunin

Ang riserts ay naglalayong ma-asses ang kasalukuyang ginagamit na Programa sa

Pagtuturo ng Filipino para sa Dayuhang Mag-aaral ng FEU-Manila.

Tinitiyak ng layunin ng riserts ang mga sumusunod na mga tanong:

1. Anu- ano ang mga bahagi ng programa na nangangailangan ng pagbabago upang mapalakas

ang espesyal na programa sa pagtuturo ng Filipino sa mga dayuhang mag-aaral ng FEU?

2. Anu-ano ang mga pangangailangan ng mga guro at dayuhang mag-aaral upang matiyak ang

epektibong paggamit ng kasalukuyang programa sa pagtuturo ng Filipino para sa mga

dayuhang mag-aaral ng FEU?

3. Anu–ano ang mga pamamaraang dapat gawin upang ma-asses ang kasalukuyang programa sa

pagtuturo ng Filipino para sa dayuhang mag-aaral upang maging basehan ito ng limang taong

plano?

Kahalagahan ng Pag-aaral

Ang kasalukuyang riserts ay isang paunang assesment lamang ng programa sa pagtuturo ng

Filipino para sa mga dayuhang mag-aaral ng FEU-Manila. Magsisilbi itong basehan sa pagbuo ng

limang taong plano upang matugunan ang pangangailangan ng mga dayuhang mag-aaral na naka-

enroll sa FEU. Maaari itong pakinabangan ng mga gurong nagtuturo ng Filipino para sa mga

dayuhang mag-aaral. Matutulungan din ng riserts na ito ang mga iskolar na bumubuo ng programa

sa wika.

Mahalaga rin ang assesment-riserts na ito sa mga administrador upang magsilbing batayan

nila na maitaas ang antas ng kanilang programa at makatugon sa lumalaking pangangailangan ng

mga dayuhang mag-aaral sa kanilang pamantasan. Higit sa lahat, naniniwala ang risertser na ang

pag-aaral na ito ay lubos na makakatulong sa larangan ng assesment ng programa sa wika. Kung sa

pamamagitan ng assesment na ito ay mapalalakas pa ang pagtuturo ng Filipino para sa mga

dayuhang mag-aaral, ang lubos na makikinabang nito ay sila-mga dayuhang mag-aaral at mga

risertser.

Sa kabuuan, ang nabuong assesment ng programa sa wika ay magsisilbing kontribusyon

din ng risertser at ng FEU sa larangan ng assesment ng programa sa wika.

Saklaw at Limitasyon ng Pag-aaral

Saklaw ng pag-aaral ang paunang pagtingin sa kasalukuyang ginagamit na Programa sa

Pagtuturo ng Filipino para sa Dayuhang Mag-aaral. Gagamitin ang mga katangian at layunin ng

kasalukuyang programa sa assesment na gagawin na ibinatay sa konsepto ni Cohen(1994).

Ililimita ang riserts sa paggamit ng sarvey bilang pangunahing instrumento sa pagkuha ng

datos sa assesment na gagawin sa programa sa pagtuturo ng Filipino para sa mga dayuhang mag-

aaral ng FEU-Manila dahil ito ay magsisilbing basehan lamng sa pagdevelop ng limang taong

plano.

Definisyon ng Termino

Nasa ibaba ang mahahalagang termino na binibigyang definisyon ayon sa

pagpapakahulugan sa riserts na ito.

• Filipino, target na wika ng dayuhang mag-aaral

 • Banyagang wika, ang wikang hindi kilala ng isang mag-aaral na kailangan niyang pag-

aralan upang magamit sa pang-araw-araw niyang pamumuhay sa loob ng isang bansa

tulad ng Filipino.

• Programa, disenyo para sa guro at mag-aaral upang magsilbing gabay sa pagtuturo at

pagkatuto (Steffy,1997)

• Dayuhang Mag-aaral, mag-aaral sa antas tersyarya na hindi Filipino ang unang wika

maaaring Ingles, Mandarin, Koreano, at iba pa.

• Assesment, instrumento upang mataya ang kabisaan ng pagtuturo ng guro at natutuhan ng

mag-aaral batay sa kasalukuyang ginagamit na programa sa wika.

• Pagtuturo, pamamaraang ginagawa ng guro upang mahubog ang kasanayang ng mga mag-

aaral.

• Diagnosis, gamit sa paunang ebalwasyon ng isang programa upang mabilis na matukoy

ang mga kahinaan at kalakasan ng programa sa wika (Eisner,1974).

Mga kaugnay na Literatura at Pag-aaral

Nalalahad dito ang mga kaugnay na literatura at pag-aaral na nakatulong nang malaki sa

pagbuo ng balangkas konseptwal ng risert na ito gayundin sa pag-abot sa layong ma-asses ang

kasalukuyang programa sa pagtuturo ng Filipino para sa mga dayuhang mag-aaral.

Assesment ng Programa

Ang assesment ng programa ay dumadaan sa proseso ayon sa pangangailangan, layunin, at

plano ng mga yunit at materyales na ginagamit. Ito ay ginagawa matapos na magamit ang nabuong

programa ng mahigit sa limang taon (Weir,1994).

Ayon kay Eisner(1974), magagamit rin ang terminong diagnosis bilang gamit sa

ebalwasyon. Matutukoy nito ang kahinaan at kalakasan ng programa sa loob at labas ng klase.

Sa puntong ito, masasabi na ang assesment ay nangangahulugan muna ng diagnosis upang

matukoy ang aspekto o bahagi ng programa na nangangailangan ng pagbabago. Magagamit ito sa

kasalukuyang risert upang mapatibay ang diagnosis bilang paunang hakbang sa assesment na

isasagawa sa kasalukuyang programa na ginagamit sa pagtuturo ng Filipino para sa dayuhang mag-

aaral ng FEU.

Ayon pa rin kay Eisner(1998), ang gamit ng ebalwasyon ay matukoy ang mga pangangailangan sa

pag-aaral at pagkatuto ng wika. Ang konsepto nito ay may tuwirang kaugnayan sa paunang

hakbang ng assesment-ang diagnosis na nagbibigay diin sa pagtukoy sa bahagi ng programa sa

wika na nangangailangan ng pagbabago.

Sa nasabing pahayag mapagtitibay ng risertser ang mga punto ng kahalagahan ng diagnosis

bilang unang hakbang sa assesment ng programa sa pagtuturo ng isang banyagang wika.

Ayon naman kay Sanders(1992), ang ebalwasyon ng programa ay maaaring makamit sa

pamamagitan ng maraming proseso na dinisenyo upang malaman kung gaano nakakamit ng

programa ang mga layunin nito. Ang mga prosesong ito ay binubuo ng 1) gathering, 2) recording,

3) interpreting, at 4) using evidences of the degree to which changes have been brought about in
the behaviour of individuals or groups. Ang pangunahing gamit ng ebalwasyon ay mapataas ang

kabisaan ng ginawang pagbabago sa programa. At upang matamo ito , ang ebalwasyon ay

nararapat na maging integral at patuloy na binibigyan ng patnubay.

Ang mga pahayag na ito ay mapagbabatayan ng risertser sa pag-aasess ng programa sa

pagtuturo ng Filipino sa mga dayuhang mag-aaral upang matiyak ang pangangailangan ng

programa sa pagtugon naman sa mga pangangailangan ng guro at mga dayuhang mag-aaral.

Para naman kay Cohen (1994), ang mga sumusunod na prinsipyo ay maaaring magamit sa

pagpapatnubay ng assesment sa pagpapataas ng antas ng kalidad ng programa:

• Evaluation should be planned and carried out in terms of specific

purposes of curriculum improvement program.

• Evaluation activities should be an integral and continuous part of the

program;

• Evaluation should be defined in terms of desired changes in behaviour

• Evaluation should be based upon abundant descriptive evidence

obtained in a variety of ways;

• Evaluation procedure should not be limited to the use of the pencil and

paper instruments;

• Evaluation is concerned with both means and ends;

• Evaluation plans should be made and carried out so as to increase the

effective use of self-evaluation.

 Ang mga nasabing prinsipyo sa ebalwasyon ay nagsilbing sandigan sa proseso ng

assesment na gagawin ng risertser upang matamo ang mahusay na assesment ng kasalukuyang

ginagamit na programa sa pagtuturo ng Filipino para sa mga dayuhang mag-aaral at maging

basehan na rin ito na limang taong palano ng programa sa wika.

Ang lahat ng mga literaturang nabanggit sa riserts na ito ay nagbigay kaalwahan sa pag-

aaral na ito upang mapagtibay ang gagawing assesment sa programang pangwika partikular na sa

pagtuturo ng Filipino sa mga dayuhang mag-aaral.

Metodolohiya

Inilalahad sa kabanatang ito ang disenyo at pamamaraan na ginamit sa assesment ng

programa sa pagtuturo ng Filipino para sa mga dayuhang mag-aaral. Saklaw nito ang disenyo ng

riserts na ginamit, ang mga respondent, at mga hakbang sa assesment ng programa.

Disenyo ng Riserts

Ang riserts ay isang palarawang pananaliksik na naglalayong ma-assess ang kasalukuyang

ginagamit na programa sa pagtuturo ng Filipino para sa mga dayuhang mag-aaral . Paunang

assesment lamang ito upang maging basehan ito sa gagawing limang taong plano. Ibinatay ang

disenyo ng riserts sa modelo ni Cohen, (1994)na tinalakay sa batayang konseptwal.

Sarvey

Ang risert ay gumamit ng sarvey nalalahukan ng mga guro na nagtuturo Filipino sa dayuhang

mag-aaral at mga dayuahng mag-aaral na nasa espesyal na klase sa Filipino na gumamit ng

kasalukuyang programa sa wika. Ang mga ito ang titiyak sa mga pagbabagong dapat gawin sa

kasalukuyang program sa wika.

Instrumento ng sarvey

Ang riserts ay gumamit ng paraang triangulation na binubuo ng mahigit sa isa at iba’t ibang

estratehiya sa riserts para sa assesment ng programa sa pagtuturo ng Filipino para sa mga dayuhang

mag-aaral tulad ng mga sumusunod:

a. Interbyu

Ang mga guro at dayuhang mag-aaral ay impormal na ininterbyu upang

matukoy ang katangian at nilalaman ng programa. Gayundin upang matukoy ang

kanilang mga karanasan sa paggamit ng espesyal na programa sa Filipino.

b. Talatanungan

Ang mga guro at dayuhang mag-aaral ay pinasagot din sa isang

talatanungan na naglalahad ng kanilang karanasan, kaalaman, at kasanayan sa

paggamit ng espesyal na program sa Filipino. At upang lubusang maunawaan ng

mga dayuhang mag-aaral ang mga tanong nilagyan ng pagsasalin sa Ingles ang

lahat ng mga aytem sa talatanungan para sa kanilang kaalwahan.

• Mga Respondent

Ang limang (5) guro na gumamit ng kasalukuyang programa sa pagtuturo

ng Filipino at labinglimang (15) dayuhang mag-aaral na nakaranas ng espesyal na

programa sa Filipino, ang siyang bumuo sa pangkalahatang bilang ng respondent sa

ginawang pag-aaral ng risertser.

Assesment ng Espesyal na Programa sa Pagtuturo ng Filipino

Narito ang balangkas ng Assesment ng riserts na ibinatay sa konsepto ni Cohen, (1994).

a. Diagnosis

b. Ebidensya ng pag-unlad sa pagkatuto

c. Pagbibigay ng fidbak ng guro at mag-aaral

d. Ebalwasyon ng pagtuturo gamit ang espesyal na programa

Paglalahad at Interpretasyon sa Datos

Ang bahaging ito ay naglalaman ng mga kasagutan sa mga suliranin ng riserts na fokus sa

assesment ng kasalukuyang ginagamit na espesyal na programa sa pagtuturo ng Filipino para sa

mga dayuhang mag-aaral ng FEU- Manila.

Ang kasalukuyang Istatus ng espesyal na programa sa pagtuturo ng Filipino para sa mga

dayuhang mag-aaral ng FEU – Manila

Matitiyak ang kasalukuyang istatus ng programa sa pagtuturo ng Filipino para sa mga

pamamagitan ng pagsasagawa ng diagnosis na bawat aspekto ang magsisilbing tulay upang

maisagawa ang assesment. Mahalaga ang diagnosis upang matukoy ang mga karanasan ng mga

guro at dayuhang mag-aaral na gumamit ng programa.

Ang kaligiran ng kasalukuyang programa sa pagtuturo ng Filipino para sa Dayuhang mag-

aaral ng FEU – Manila

Ang programa ng Far Eastern University (FEU) sa Edukasyong Pangwika sa Filipino para

sa dayuhang mag-aaral ay nasa pamamahala ng Department of Language and Literature (DLL).

May limang (5) guro ang humahawak ng klase para sa dayuhang mag-aaral. Tatlo (3) sa nabanggit
na guro ang wala pang ekspiryens sa pagtuturo ng Filipino para sa dayuhang mag-aaral. Subalit

ang dalawang (2) professor ay may malawak na kasanayan na sa pagtuturo nito. Walang

permanenteng guro na magtuturo sa kursong ito, pinipili lamang ng Tagapangulo ang guro na

magtuturo sa kursong ito batay sa aveylabol na oras ng guro.

Ang kasalukuyang ginagamit na programa ay nabuo noong 1995 pa at ang silabus nito ay

nasa dulog komunikatibo at gramatika. Ayon sa mga guro, sumasailalim sila sa ebalwasyon ng

tagapangulo at koordineytor upang masiguro na naisasagawa ng maayos ang patuturo sa mga

dayuhang mag-aaral. Ang ebalwasyon o grade na ibinibigay sa mga dayuhang mag-aaral ay

katulad din ng mga nasa regular na Filipino I.

Sa kasalukuyan, may dalawang daan at animnaput walo (268) ang naka-enrol na dayuhan

sa FEU (SY 2009-2010) at apatnaput walo (48) sa kanila ay kumukuha ng Filipino I para sa

dayuhan.

Isa sa nakitang problema ng guro ang pagkaklasipika sa mga dayuhan na may iba’t ibang

katatasan sa pagsasalita at pag-intindi sa wikang Filipino. Gayundin, ang kawalan nito ng sariling

rubrik sa pagmamarka. Maliban pa rito, ang kakulangan sa kaangkupan at kasapatan ng programa

dahil sa ngayon ay hindi pa ito sumasailalim sa masusing ebalwasyon/ assesment.

Assesment ng Espesyal na programa sa pagtuturo ng Filipino para sa mga Dayuhang Mag-

aaral ng FEU- Manila

 Makikita sa bahaging ito ang mga assesment na ginawa sa espesyal na programa sa

pagtuturo ng Filipino para sa mga dayuhang mag-aaral ng FEU. Binibigyang linaw rin nito ang

bawat aytem sa instrumentong sinagutan ng mga guro at dayuhang mag-aaral.

Interpretasyon ng Datos mula sa mga Guro at Dayuhang Mag-aaral

Sa bahaging ito ilalahad ang resulta ng kwalitatibo at kwantitibong assesment ng

kasalukuyang programa na ginagamit ng FEU sa pagtuturo ng Filipino sa dayuhang mag-aaral.

1. Assesment mula sa mga mag-aaral

Ang pangkalahatang layunin ng programa na malinang at mapaunlad ang

kakayahang komunikasyon ng mga mag-aaral ay nakakuha lamang ng weighted mean 2.87

na may interpretasyon katamtaman. Nangangahulugan ito na halos hindi natugunan ng

programa ang pangkalahatang layunin na malinang at mapaunlad ang kakayahang

komunikasyon ng mga dayuhang mag-aaral. Hindi rin naipakikita ng programa ang

kompetensi sa paggamit ng wikang Filipino sa mga gawain sa loob at labas ng klase dahil

ito ay nakakuha lamang ng weighted mean na 2.80 na may katumbas na katamtaman.

Gayunpaman, naipakita naman ng programa na napahalagahan ang kulturang Pilipino dahil

ito ay nakakuha ng weighted mean na 3.26 na may interpretasyong may kasapatan.

2. Assesment mula sa mga Guro

Ang mga guro na gumamit ng programa ng FEU sa pagtuturo ng Filipino para sa

dayuhang mag-aaral na sumagot sa katanungan tungkol sa pangkalahatang layunin nito ay

nakakuha ng 3.80 weighted mean at may interpretasyong may kasapatan.

Nangangahulugan na halos natugon ng programa ang mga kahingiang layunin ng programa

 na malinang ang kakayahang komunikasyon ng mga dayuhang mag-aaral. Gayundin, sapat

na napahalagahan ang paggalang sa kulturang Pilipino dahil sa nakuha nitong 4.20

weighted mean. Subalit ang kaangkupan ng mga gawain sa programa ay nakakuha lamang

ng weighted mean na 2.60 na may interpretasyong katamtaman at nangangahulugan ito na

karamihan sa mga gawain sa programa ay hindi angkop sa mga kasalukuyang

pangangailangan ng mga dayuhang mag-aaral upang malinang sa kanila ang kakayahang

makapagsalita, makapagbasa, at makapagsulat ng Filipino.

3. Assesment ng mga Guro at Dayuhang Mag-aaral

Sa pinagsamang assesment ng mga guro at dayuhang mag-aaral, ang programa sa

pagtuturo ng Filipino para sa dayuhang mag-aaral ay nakakuha ng 3.1 weighted mean na

may interpretasyon may kasapatan lamang ang programa na malinang at mapaunlad ang

kakayahang komunikatibo ng mga mag-aaral. Halos hindi maipakita naman ng programa

ang kompetensi sa paggamit ng wikang Filipino sa pasalita at pasulat na gawain dahil sa

nakuha nitong 2.85 weighted mean na may katumbas na katamtaman. Gayunpaman, may

kasapatan naman ang nilalaman ng programa sa mga gawaing indibidwal at pangkatang

pagkatuto sa parang pasalita at pasulat. Subalit, ang kaangkupan ng mga gawain sa

programa ay nakakuha lamang ng 2.40 weighted mean na may interpretasyong katamtaman

na nangangahulugan lamang na may kahinaan ang programa sa nilalaman na angkop sa

mga kasalukuyang pangangailangan ng mga dayuhang mag-aaral upang maging mahusay

na makapagsalita, makapagbasa at makapagsalita sa wikang Filipino.

 Sa kabuuan , ang nilalaman at mga gawain ng programa ay may kahinaan at walang

kasapatan na maiangkop sa mga kasalukuyang pangangailangan ng mga dayuhang mag-

aaral upang malinang ang kanilang kasanayan komunikatibo.

A. Katangian ng Weighted Mean Interpretasyon

Programa

1. Malinang at 3.1 May Kasapatan

mapaunlad ang
kakayahang
komunikasyon ng mga
mag-aaral sa
pamamagitan ng
aktibong pakikilahok
ng mga gawain sa loob
at labas ng klase

2. Maipakita ang 2.85 Katamtaman

kompetensi sa
paggamit paggamit ng
wikang Filipino sa
pasalita at pasulat na
gawain.

3. Mapahalagahan at 3.5 May Kasapatan

igalang ang kulturang
Pilipino

4. Mapahalagahan at ang 3.05 May Kasapatan

mga content na
batayan ng gamit ng
wika sa paraang
indibidwal at
pangkatang pagkatuto
sa paraang psalita at
pasulat.

B. Espesipikong Layunin Weighted Mean Interpretasyon

1. Kaangkupan ng 2.65 Katamtaman

 layunin at gawain ayon
sa mga
pangangailangan ng
mga dayuhang mag-
aaral.

2. Paggamit ng 3.05 May Kasapatan

makatotohanang
ekspresyon at pahayag
sa bawat gawain

3. Kawilihan ng mga 2.75 Katamtaman

paksang pang
komunikatibo at
intelektwal

4. Kahalagahan ng 3.25 May Kasapatan

bokabularyo at
gramatika ayon sa
pangangailangan ng
mga dayuhang mag-
aaral.

5. Kahalagahan ng mga 2.55 Katamtaman

gawain sa
integratibong
programa

6. Malinaw ang mga 3.05 May Kasapatan

gawain upang
makamit ang mga
kasanayan

7. Nakakaganyak ang 3.30 May Kasapatan

mga gawain sa bawat
aralin

8. Makatotohanan at 3.55 May Kasapatan

kawili-wili ang mga
kagamitang gamit sa
bawat gawain

9. Nagbibigay ng kultural 3.80 May Kasapatan

na kamalayan ang
bawat gawain.

10. Angkop ang mga 3.80 May Kasapatan

gawaing pagsulat ayon
 sa mga
pangangailangan ng
mga dayuhang mag-
aaral.

Paglalagom, Kongklusyon at Rekomendasyon

Paglalagom

Ang assesment ng isang espesyal na programa sa pagtuturo ng Filipino para sa mga

dayuhang mag-aaral ay bahagi nang pagtugon at pagpapabuti ng programa ng FEU sa larangan ng

pagtuturo ng wika, partikular ang wikang Filipino.

Pangunahing layunin ng programa na malinang at mapaunlad ang kakayahang

komunikasyon ng mga dayuhang mag-aaral sa pamamagitan ng aktibong pakikilalahok sa mga

gawain sa loob at labas ng klase.

Sa ganitong kalagayan, mahalaga ang riserts na ito sapagkat inaasahang makatutulong ito

na matugunan ang mga aspekto ng programa na mangangailangan ng kalakasan. Dahil may tiyak

na hakbang at modelo sa assesment ng isang espesyal na programa, inaasahang makatutulong ito

upang mapagaan, mapasigla at mapalakas ang pagtuturo ng wikang Filipino sa mga dayuhang

mag-aaral. Isang malaking kontribusyon ang assesment ng espesyal na programa sa larangan ng

edukasyon partikular sa ebalwasyon at assesment.

Tatlong (3) mahalagang hakbang ang ginamit ng risertser sa assesment na ito. 1) Input,

sarvey sa pamamagitan ng talatanungan para sa mga guro at dayuhang mag-aaral, 2) Proseso,

gamit ang konsepto ni Cohen (1994), 3) Output, ang paunang assesment ng espesyal na programa
sa pagtuturo ng Filipino para sa mga dayuhang mag-aaral bilang basehan sa pagbuo ng limang

taong plano.

Batay sa nabuong assesment ito ang magsisilbing gabay upang mapagbuti ang programa at

pagtutro ng Filipino para sa mga dayuhang mag-aaral.

Kongklusyon

Ang riserts na ito ay naglayon na ma-asses ang isang espesyal na programa sa pagtuturo ng

Filipino para sa dayuhang mag-aaral ng FEU- Manila.

Ang mga nilalaman ng programa sa pagtuturo ng Filipino para sa dayuhang mag-aaral ay

nangangailangan ng pagbabago sa nilalaman at mga gawain upang maging angkop sa

pangangailangan ng mga dayuhang mag-aaral . Ang mga aspektong pang-nilalaman at mga

kasanayang pang- komunikatibo ay nararapat na magbigyan ng kalakasan upang maging sapat ito

sa kanilang mga pangangailangan sa buhay.

Ang mga guro na nagtuturo ng Filipino para sa mga dayuhang mag-aaral ay nararapat na

magkaroon ng lubusang kasanayan sa pagtuturo ng Filipino bilang dayuhang wika upang masagot

ang lahat ng mga kasalukuyangn pangangailangan ng mga dayuhang mag-aaral.

Ang paunang assesment na ginawa sa programa sa pagtuturo ng Filipino para sa dayuhang

mag-aaral ay nakapagbigay ng batayan sa pagdevelop ng programa na may kaangkupan at

kasapatan na siyang magbibigay kasagutan sa lahat ng kahingian ng isang programa sa wika na

tumutugon sa pangangailangan ng mga gagamit nito.

Rekomendasyon

Ang kasalukuyang riserts ay naghahanay ng ilang rekomendasyon.

1. Ang pagbuo ng isang bagong programa para sa pagtuturo ng Filipino para sa dayuhang mag-

aaral na angkop at sapat na sapat upang lubusang malinang ang kanilang kasanayan sa pakikinig,

pagsasalita, pagbasa at pagsulat sa wikang Filipino.

2. Magkaroon muli ng assesment na susukat naman sa kompetensiya ng mga dayuhang mag-aaral

sa paggamit ng wikang Filipino.Gayundin sa parte ng guro na susukat naman sa kaepektibuhan ng

iba’t ibang estratehiya sa pagtuturo ng Filipino para sa dayuhang mag-aaral.

3. Magdevelop ng mga bagong materyal sa pagtuturo ng Filipino sa dayuhang mag-aaral upang

makatulong na matugunan ang pangangailangan sa kasapatan at kaangkupan ng kasalukuyang

programa.

4. Magkaroon ng assesment na gagamit naman ng multimethod sa pananaliksik gamit muli ang

konseptong ito .
 Sanggunian

A. Aklat

Cohen, A.D., Assessing Language Ability in the Classroom. 2nd Ed Boston,Massachusettes

Heinle and Heinle Publishers. 1994.

Eisner, E.W,. The Educational Imagination on the Design and Evaluation of School Programs.

New York: Mcmillan. 1998

Weir, C and Sanders. Evaluation in Language Teaching. Oxford: Blackwell. 1994.

B. Memorandum

CHED Memorandum Order No. 59 s: 1996: New General Education CHED Memorandum Order

No. 04, s: (1997). Guidelines for Implementation of CMO No. 59, s: 1996.

MEC Order No. 22, s. 1978 (Pilipino as Curricular Requirement in Tertiary Level). 1981
 Bio-note

Emmanuel S. Gonzales, DALL

Si Dr. Emmanuel S. Gonzales ay kasalukuyang Full Professor 1 sa Far Eastern

University sa ilalim ng Institute of Arts and Sciences, Department of Language. Nagtapos
ng kanyang Bachelor of Science in Education major sa Social Studies at minor sa Filipino
sa Pamantasan ng Lungsod ng Maynila. Natapos niya ang kanyang Master of Arts in
Language in Literature at Doctor of Arts in Language and Literature sa De La Salle
University-Manila. Tumanggap din siya ng pagkilala sa Gawad Collantes mula sa
Komisyon sa Wikang Filipino (KWF) sa pagsulat ng sanaysay noong 2009. Nagwagi rin
siya ng ikalawang gantimpala sa pananaliksik wika sa Gawad Clemencia Espiritu mula sa
Pambansang Samahan sa Linggwistikang Filipino (PSLF) noog 2008. Sa kasalukuyan siya
ang Tagapangulo ng Pampelikulang Samahan ng mga Dalubguro (PASADO). Awtor siya
ng mga aklat sa HEKASI, at FILIPINO sa antas tersyarya, sekondarya at
elementarya.Editor din siya ng BANWA isang jornal sa Filipino ng FEU. Tagapagsanay rin
siya ng mga guro sa Elementarya at Sekondarya sa mga araling Filipino at Sibika .