"Buhay"

Isang ordinaryong teenager lang ako

May simpleng pangarap, mababaw na kaligayahan at buhay na magulo

Nais ko lang naman magkaroon ng simple at masayang buhay

'Yung buhay na hindi nakamamatay
Buhay na masaya kasama ang kaibigan at pamilya.

Ngunit bakit parang mailap ang mundo sa akin?

Masaya ba siyang makita akong nahihirapan at nasasaktan?
Bakit paulit-ulit nalang ang takbo ng buhay ko?
Parati na lang bang ganito?

Nakakapagod ng lumaban
Nakakapagod ng pagtiyagaan
Ang buhay na 'di mo alam kung ano ang kahihinatnan.
Pero kahit na nakapapagod na
Kahit ang hirap hirap na,
Kailangan kong lumaban
Kailangan kong magsumikap upang maalis sa magulong landas na puno ng
kahirapan.
Oo, nakakapagod
Oo, mahirap lumaban
Pero hindi ito sapat na dahilan upang sumuko.
Dahil sa mundong ito,
Ang unang sumuko ay talo.