Ipinasa ni: Gwen Bess N.

Cacanindin STEM 12 | I
______________________________________________________________________________

MGA DAHILAN NG PAGSALI SA FRATERNITY NG MGA ESTUDYANTE SA

PAMPAMAHALAANG UNIBERSIDAD NG CATANDUANES

Nina: Bagadiong, Jefferson; Broncano, Sammuel;

Samudio, Romeo Jr.; Bena Videz, Domenick

Buod ng Kabanata 1

Ang fraternity ay isang samahang sinasalihan ng mga kalalakihan na kinakailangang

dumaan sa mga pagsubok upang makasali (Bagadiong,et al. 2014). Mayroong adhikain ang
fraternity na ipagtanggol ang bawat miyembro at magsagawa ng mga proyektong nakakatulong sa
komunidad. Illegal ang tawag sa mga fraternity na hindi sinusundan ang mga adhikain.
Masasagutan ng pag-aaral na ito ang mga katanungang patungkol sa tulong ng fraternity sa pag-
aaral, ang magandang layunin nito, ang epekto nito sa pag-aaral, mga posibleng maiidulot sa
buhay, at kung pinayagan ba ng mga magulang ang anak nila na sumali sa fraternity. Ang
pananaliksik na ito ay nakatuon sa pag-suri sa pananaw at kaalaman ng mga mag-aaral sa
Catanduanes State University hinggil sa Fraternity. Mga mag-aaral, mga magulang, at mga
paaralan ang magbebenepisyo sa resulta ng pag-aaral.

Buod ng Kabanata 3

Sa pamamaraang deskriptib-analitik na pananaliksik, tunguhin ng mga mananaliksik na

ilarawan at suriin sa pag-aaral na ito ang kaalaman at pananaw ng mga estudyante ng
Pampamahalaang Unibersidad ng Catanduanes Departamento ng Industriyang Pang Teknolohiya
(DIT) ukol sa Fraternity. Gamit ang sarbey-kwestyoner, bawat block ay nabigyan ng tig labing
lima (15) na sasagutan. Dahil simpleng pag-aaral lamang ang tinangka nila, tanging pagtatalay at
pagkuha ng porsyento lamang ang isinagawang tritment ng mga datos.
Buod ng Kabanata 4

Pagkatapos magsarbey ang mga mananaliksik, natagpuan nila na 16% sa sumagot ay mga
kalalakihan at 9.5% ay mga babae. Ang edad ng karamihan sa kanilang mga respondante ay 18 – 19 taong
gulang. Ayon pa sa sarbey, ang S.R.B o ang Scouts Royale Brotherhood ay ang fraternity na
nangingibabaw sa unibersidad habang ang Alpha Phi Omega ay walang ni isang miyembro sa mga
respondante. Pangunahing dahilan ng karamihan ang makipagkaibigan na may bilang na tatlopu’t (31) dahil
ayon din sa madyoridad, nakakatulog daw ito sa paghubog ng pagkatao (14%). Ngunit ang prinoproblema
ng karamihan ay nakaka-abala sa pag-aaral ang fraternity dahil sa madalas ang meeting (7.5%) ngunit kaunti
lamang ang may sagot nang lagging nasasangkot sa gulo (4.5%). Batay naman sa Talahanayan Blg.7 mas
lamang pa ang hindi alam o pinayagan ng kanilang mga magulang nang isang poryento kaysa sa pinayagan
at alam ng kanilang mga magulang.

Buod ng Kabanata 5

Sa pamamaraang deskriptib-analitik na disenyo ng pananaliksik, ang mga mag-aaral ay

nagsarbey ng limampung mga estudyante sa Pampamahalaang Unibersidad ng Catanduanes.
Natuklasan ng mga mananaliksik na ang pinakamakapangyarihang fraternity ay ang Scouts Royale
Brotherhood dahil sila ang may pinakamadaming miyembro. Ang negatibong resulta ay mas
madaming hindi alam ng kanilang mga magulang ang pagsali ng kanilang mga anak sa fraternity
kaysa sa mga pinayagang sumali. Inirerekomenda ng mga mananaliksik sa mga susunod na mga
mag-aaral na gawing mas malawak ang lugar na sasakupin ng pag-aaral at dagdagan pa ang bilang
ng mga respondante. Inaasahan ang pagpapatuloy at pagpapalawak ng pananaliksik na ito upang
mabigyan ng kaukula ng aksyon ang mga problema ng kinakaharap ng mga estudyanteng
Unibersidad ng Catanduanes.