Thupuak
Vol 01, Issue 07 Oct 01, 2017
“TOPA hoih hi, ciam unla mu dih un; amah beel mi thupha ngah ahi hi” (Late 34:8)
SINNA 07 - HONPA HONG SUAHNA
Thupatna: Leitung ah mawhna hong om cil a kipan
mawhna pana Pasian in mihing a hotkhiat ding hun, khua
vannuai in kum tul tampi ngak uh hi. Mite' lakah mi khat a
Pasian ahong pian ding vantung mite in pilvang takin ngak
gige uh hi. Mawhna vangik hong gik zaw semsem ahih
manin mite in tua hun ding ngaklah mahmah uh hi. Satan in
lah Pasian Tapa leitung ah ahong pai ciangin athat dingin
ngak gige hi. A tawpna ah Pasian' sehna bangin ahun hong
tung petpet hi.
1. Mary in nau paai ding a hih lam
kua'n va gen hiam? (Luke 1:16, 30, 31)
Theih ding: Gabriel pen Pasian'
van kamtaipipa a hihi. Mite' kiangah
puak ding a thupi mahmah thute amah
kisawl hi. Mary kianga a puak hih thu
in a thupuak khempeuh lak pana a
thupipen a hihi.
2. Mary in tua thu bangci nial hi-
am? (Luke 1:34).
Theih ding: Mary pen Joseph kici
mi khat tawh a kiteng dinga zuthawl
kipiasa ahi hi. A kiten taktak ma-un, pasal nei nai lopi-in
gaai ding cih thu tawh ama vang akiam ding hong hi hi.
3. A hong suak ding naungek tawh kisai-in vangtung mi
in bang teng gen hiam? (Luke 1:35).
Theih ding: Hih thu in Isaiah 7:14 sunga genkholhna a
tangtun nading ahi hi.
4. Mary le Joseph-te Bethlehem ah a pai nading uh bang
thu hong om hiam? (Luke 2:1-5)
Theih ding: Joseph lah zawng, Mary lah gaikhah mah-
mah ta ahih manin khual azin ding uh haksa sa mahmah uh
hi. Ahi zongin tua ma kum za sagih lai-a Mikah 5:2 sunga
genkholhna a tangtunna ahi hi.
5. Naungek koi lai-ah hong suak khilkhial hiam? (Luke
2:7)
Theih ding: Pasian' Tapa Jesu pen vantung ah vantung
mi khempeuh in a pahtawi ziahziah uh ahi hi. Ahi zongin
leitung ah a seiniam bel mihing namin Amah hong piang hi.
6. Naungek a va lawm masapente' lakah kua khawng
kihel hiam? (Luk 2:8-15)
Theih ding: Gimpi-a nasemte' kiangah hih thupha van-
tung mite in a va puakna un, Pasian in mizawng daipate a
khualna hong lak hi.
7. Naungek Jesu a zong kua dang om lai hiam?
(Matthew 2:1, 2)
Theih ding: Jesu in kuamah deidan tuam nei lo hi.
Phung leh nam, mel leh sa, neih leh lam cihte khen lo-in
Jesu in mi khempeuh khual kim hi.
8. Hih mipilte a kuan khia sak bang hiam? (Matthew
2:2,9)
Theih ding: Hih gam dang mite pen leitung buppi hong
tan ding pa a hong suahna ding tawh kisai Lai Siangtho leh
genkholhnate a limet mahmahte a hi uh hi.
9. Mipilte in bang letsong manpha nono puak uh hiam?
(Matthew 2:11)
Theih ding: Naungek Jesu pen Kumpi khata ngaihsun
uh a hih lam mipilte' letsongte in kilang sak hi. Ahi zongin
Jesu pen gam kumpi dinga hong piang hi lo hi.
10. Ama tokhom a lauhuai sak hih thu Kumpipa Herod
in koici phialmang sawm hiam? (Matthew 2:16-18)
Theih ding: Tangthu sungah amah A lian Herod kici hi.
A taktak a hi-a upmawh ahi zongin ama langpang ding
peuhmah dopbawl lo hi. Bethlehem
kim nai-a naupang khempeuh thah
ding thu pen ama lungsim a kilat-
khiatna ahi hi. Pasian' Tapa hong
suahna tawh kisai a genkholhna a
tangtunna zong hi lai hi.
11. Joseph in naungek leh a
nu koi-ah taipih hiam? (Matthew
2:13-15)
Theih ding: Gamla-a a gimhu-
ai mahmah khualzinna ahi hi.
Mipilte' piak letsongte mah a
khualzina uh leh Egypt gama a om sung uh a nuntakpih uh
hi ngel ding hi.
12. Herod a sih khit ciangin amaute koi-ah hong teng
uh hiam? (Matthew 2:19-23)
Theih ding: Genkholhna a tangtuna khat hi leuleu
hi. Joseph pen singlep siamna tawh a kivak hi-a, Jesu zong
a hong gol ciangin, tua mah hong sem hi. Mark 6:3 le Mat-
thew 13:55
Thukhupna: Jesu hong suah ciangin na lamdang tampi
in hong zui hi. Pasian' Tapa, mihing Tapa hong suah cianga
a piang dinga a kilamen bang lian ahi hi. Pasian mahmah
mihinga a hong pian ding eite' tel zawh a hih loh hangin,
mihing' tanga mawhna daan a hong thuak ding a hih nak
leh, mihinga a hong pian loha a phawmawh ahi hi. Tua
tham lo-in, mihing khat a hong suahna ah Pasian' Tapa in a
zawngbel leh a seiniambel dinmun hong la-in, mi
khempeuh' a dinga na a sem ding a hihna hong lak hi.
Numei..!Numei..!
1. Numei pen a pasal' ki etna limlang hi. (Ruth Bill)
2. Numei hoih pen Sia za khat(100) tawh ki bang hi.
(Zawr Herbert)
3. Ngaihsutna hoih a pia theilo numei lauhuai hi.
(Mother Terasa)
4. Pasal te' ngaih theih a manpha pen in numei' lung-
tang hi. (Geo Holland)
5. Numei pen pasal sangin hatlo zaw ahih man in
dawm in. (Victoria)
6. Zi pil a nei pasal pen lawhciang hamtang hi.
(Napoleon)
7. Numei cih pen panpih, ahuh cihna hi. (Hebrew)
Source: Hangpi Hatzaw FB.
 CIDAMNA THU
S
unshine (Nitaang): Nitaang i cih nam thum om
hi: 1). Manta mel (Natna lungno that hi). 2).
Akang mel (khuavak pia hi). 3). Asan mel
(lumsak hi). “Khuavak hoih mahmah aa, i mit in
nitang a muh ciangin nuam mahmah hi” (Thuhilhna 11:7).
Zingsang nisuak tung minute 3 sung khawng en le-
hang ni pan a hong pai dat khatin i mit-nauta pailet in I
khuak sungah lut aa hong khangmoi sak, hong nosuak sak
hi. “Ahi zongin ka thu a hongmang note tungah dikna ni
hong tang dinga, tua in nizang bangin note tungah cidam-
na hong tun ding hi” (Malakhi 4:2).
Nitaang pan a kingah phattuamnate:
1. Sisan kizelh na tha hatsak hi.
2. Lungtang pan sisan puakkhiat na tha hatsak aa atam
zaw puakkhia zo sak hi.
3. I sihui te sungah oxygen atam zaw puak thei sak hi.
4. I siluan zia maan sak hi.
5. Natna lungno adal sikaangte thahatsak, pungsak aa, nat-
na lungno suksiatna thahatsak hi.
6. Hemoglobin a kici natna ki-lawh loh nading a dal Pro-
tein dat pen thapia in pungsak hi.
7. Ni suak tung pen naungek suaktung ci eng (jaundice
natna) bawlna ding zatui hoih pen hi.
8. I sin thahatsak in, i pumpi sunga om gute lakhia hi.
9. Pumpi sunga (cholesterol) thau-te kiamsak hi.
10. I sagolhte cidam in thahatsak hi.
11. I lungsim ngaihsutna le muhnate thahatsak in lungkia
natna damsak hi. “Nitang in inn sung a om natna lungno te
that hi. Natna omlo a lungnuam innkuan ih hih ding thupi
pen hi” (MH 276).  Sianu Aye Cing
FALL WORKSHOP 2017
Michigan Adventist Community Services makaihna tawh
Sept 22-24, 2017 sung, Camp Au Sable (2590 Camp Au
Sable Rd. Grayling,
MI) ah FALL
WORKSHOP 2017
kinei a, MCS director
Cady Sian le palai
pawlkhat va kah thei
uh hi. Hih hun sungah
a zawdeuh in taangpi
tawh nasepna koi
bangin muibun thei ding cih thute ban-ah forklift, chain
saw cihte atak takin (practical) sinsak uh hi.
TATE KHANSUAH SIAMNA
Naupangte Sangkahna: American pilsinna sangte in
sangkhan mun nuam, ngaihsutna kihopkhiat theihna, kisat
kivelnate zat lohna, ngaihsutna le nuntakna ah mimal kim
kampau theihna cihte thapia uh hi.
Sangte in nulepate tungah a lamet uh:
 Nu-le-pa le siate kimuh
khopna pai pelmawh
ding (a tawmpen kum1
in 2vei ta kinei hi).
 A kisap leh ki pumpiak
a sepna (volunteer) nei
ding.
 Naupangte innlai bawl
dingte zawhpih gai ding.
 Sang panin laikhak (thupuak laidal) te sim hamtang
ding.
 Sang khak ni le zum khak nite thei ding.
Sang ii vaihawmna ahi kimawlna tuamtuamte ah na
tate a kihel nangin thapia in.
Nitumna gamte ngeina ah naupang (numei/pasal)te
kimawlna / kipawlna tuamtuamte a kihel nangun khaktan
ngeilo uh hi. Tua bang kimawlnate ah a kihelna uh hangin
phattuamna tampi ngah thei uh hi:
 A ci uh dam zaw hi.
 Hun awng neilo uh a, buaina om lo zaw hi.
 A khanpih lawm-le-gualte tawh kilawmtatna nei thei uh
a, a kihel lote sangin huzap hoihte ngah zaw uh hi.
 A siamna, kivaknate uh khangto uh a, amau le amau
kimuanna nei uh hi.
Nang in naupangte kimawl nite ah va pai in, tha na piak
ding ahi hi. Ref: Parenting Presentation (Zop Lai Ding)
MAKAI HIHNA
 Thumanna tawh gam a ki-uk ciang in mi khempeuh
kipak a, thuman lo tawh a ki-uk ciang in mi khempeuh
hingim hi. Solomon (Paunak 29:2)
 Thumanna in minam lamsang a, thuman lohna in
zumna piangsak hi. Paunak 14:34
 Makai pa mizawngte tungah a thuman leh a za kip ding
hi. Paunak 29:14
 Mizawngte a nenniam ukpa in mehtehmehgah susia
huihpi tawh kibang hi. Paunak 28:3
 Thuman tawh a ukpa in gam thahat sak a, golhguuk a
ne pa in gam susia hi. Paunak 29:4
Source: Building A Better Cambodia
TAANGPI THEIHSAKNA
 Nasep: Bethany Refugee Adult and Family Programs—US na
tun aa kipan kum 5 dong nasep tawh kisai panpihna hi.
1050 36th St SE, Suite 400, Grand Rapids, MI 49508
616-224-7540 / kgarberson@bethany.org
 Mikang Lai Sinna: Bethany Refugee Adult & Family Programs,
Beckwith Adult Education, Wyoming Community Education, Lit-
eracy Center of West Michigan, GRCC, etc. te tungtawn in mikang
laisinna kipia hi. Bethany panin US ngeina le tawnzia sinnate zong
kipia lai hi. Bethany laisinna mun in,
Grand Rapids International Fellowship (GRIF)
3765 Kalamazoo Ave SE, Grand Rapids, MI 49508
616-224-7540 / kjamesen@bethany.org
 An: Nek ding kisap vatna naneih aleh, nang tawh kinai pen mun
na zuat theih nangin 2-1-1 sam in. (ahk 1-800-887-1107 sam in).
An ki ngah theih munte Access of West Michigan ah ki en thei hi.
616-774-2175 / http://accessofwestmichigan.org/
 Inn Omna: Inn omna tawh kisai buaina na neih aleh, 2-1-1 sam
in (ahk 1-800-887-1108 sam in).
M
CS panin ESL (Mikanglai) sinna ami om zah tawh ki-
zui in kizom toto lai hi. Zolai & Kawllai asin nuam ih
om leh zong, vuk kiat madong nulepate ngetna tung-
tawn in Sunday nisim in kihilh lai ding hi. MCS panin Green Card
siauhna, nasep zonpihna, puansilh nikten le adangdang huhna ki-
vaihawmsak hi. Hong kizom ciat un.
 Thupuak: MCS thupuak kal 2 sim in kihawm khia den hi. Hih
nasepna ah sum tawh hong kihel nuam ih om leh, hawm khat $ 20
kiciangtan hi. Hong kihel khempeuh tungah lungdam mahmah ung.
* MCS Address : 4447 Eastern ave SE, Suite A
Grand Rapids, MI 49508
* MCS Contact : 616-432 7293; 407-782 7644.
* MCS Email : mcs.of.gr@gmail.com
Hih thupuak hoih nasak leh, midang na gensawn in maw lawm!