

Traffic Code of the City of Malolos Manual

SAKOP NG BATAS TRAPIKO:
Ang panuntunan at alituntunin Para sa Kaayusan ng Trapiko sa Lungsod ng
Malolos (Traffic Code of the City of Malolos) ay ipatutupad at sasakop sa lahat ng
nagmamay-ari ngsasakyan, pribado man o pampublikong gamit, tricycles, PUJ, PUB maging
pedicab na pinagkalooban ng prangkisa ng Land Transportation and Regulatory Board at
MTPFRB at nagmamaneho sa loob ng Lungsod ng Malolos, gayundin ang mga tao/pedestrian
na lumalabag sa batas pantrapiko ng lungsod.
MGA ALITUNTUNIN

1. ALITUNTUNIN HINGGIL SA TRICYCLE

a. Ang lahat ng bayaring buwis, “Regulatory Fees” at iba pa hingil dito ay dapat lamang bayaran sa Tanggapan ng Ingat-Yamang Panlungsod gaya
ng “Prangkisa, MTOP fee, Mayor’s Permit, Stickers fee”.
b. Ang mga pamasadang tricycle ay dapat may “body number”, pangalan na nakatatak sa “sidecar”, at susunod sa itinakdang “color coding”.
c. Ang “Tricycle Zone” ay itatakda ng MTPFRB sang-ayon sa rekomendasyon ng TMTRO at Tanggapan ng Trapiko ng Kwerpo ng Pulisya ng Lungsod.
d. Ang MTPFRB ay may kapangyarihang magtakda ng Terminal sang-ayon sa rekomendasyon ng pulisya at TMTRO.
e. Ang Traffic Law Enforcement Officer ay binibigyan ng kapangyarihang kumumpiska sa lisensya ng driver na nakagawa ng paglabag sa batas trapiko na
dapat tubusin ng “operator” sa loob ng 72 oras.
f. Ang paglilipat sa karapaan sa MTOP ay mangyayari lamang sa sandaling ito ay payagan ng MTPFRB.
2. MGA ALITUNTUNIN SA OPERASYON (Rules of Operation)
a. Ipinagbabawal ang pagpasada ng tricycle sa lungsod ng Malolos kung ito ng walang kaukulang MTOP at LTO Registration.
b. Ang MTOP ay may isang (1) taong bisa lamang at kailangang i-renew 1 buwan bago ito mapaso.
c. Ang sona na ililipat sa ibang sona ay kailangang ihingi ng “clearance” sa samahan na kinasasapian na nagmamay-ari ng prangkisa sa sona at ang
pahintulot at pagpayag ng asosasyon kung saan nais lumipat.
d. Hindi pinahihintulutan ang operator na magpapasada ng tricycle sa driver na walang lisensya (professional license with code 1 restriction)
e. Dadaan sa inspeksyon ng MTPFRB ang isang tricycle bago ito pagkalooban ng MTOP upang maseguro ang “road worthiness” nito.
f. Dapat may “Certification of Approval” mula sa FETODAMBI ang aplikante bago pagkalooban ng bagong prangkisa.
g. Ang drayber ng “Tricycle-For-Hire” ay dapat nakasuot ng tamang damit na napagkasunduan ng asosasyon at nakasapatos habang namamasada.
h. Ang “Tricycle-For-Hire” ay dapat mayroong “Tin Plate” na inisyu ng TMTRO at “Sticker Year”.
3. ALITUNTUNIN HINGGIL SA PEDICAB
a. Dapat ipatala sa TMTRO ng may-ari ang kanilang “Pedicab-For-Hire” .
a. Dapat magsumite ng Barangay Clearance, Police Clearace, Resibo ng pag-aari at Inspection Report hinggil sa :Road Worthiness ng “Pedicab-for-Hire”.
b. Dapat magbayad ng halagang Php100.00 bilang “Registration Fee” at “Pedicab Tin Plate” at “Sticker Year”, gayundin ang pagkuha ng driver
ng “Driver’s I.D.”.
c. Ang “Pedicab-for-Hire” ay pinahihintulutan lamang mamasada sa lugar ng subdibisyon at sa lugar lamang na itatakda ng Sangguniang Panlungsod.
4. ALITUNTUNIN HINGIL SA PUBLIC UTILITY VEHICLES

 Ang PUJ, PUB, FX-Taxi at iba pang kauri nito ay dapat magpatala sa TMTRO at magsumite ng 2 kopya ng:
A. PUBLIC UTILITY BUS
1. SEC Registration Certificate at listahan ng
mga drivers nito;
2. LTO at LTFRB Certificate of Regisration ng bawat unit
3. Police Clearance ng bawat driver ng PUB

B. PUBLIC UTILITY JEEPNEY

1. SEC Certificate of Registration at listahan ng mga
Draybers
2. LTO at LTFRB Certificate of Registration ng bawat
Unit
3. Police Clearance ng bawat ksaping drayber.

C. FX-TAXI
1. Katulad na pangangailangan (requirements) na itina
takda sa PUJ.

5. ALITUNTUNIN SA MGA LANSANGAN AT PAGTATALAGA NG TERMINAL

A. TERMINAL
i. Ang Sangguniang Panlungsod lamang ang may kapan
gyarihan na magtakda ng terminal ng anumang pam
publikong sasakyan at sang-ayon lamang sa mabuting
pagsasaalang-alang.
ii. Ang Punong Lungsod sa pamamagitan ng TMTRO ay
binibigyan ng karapatang magtakda ng bagong kaa
yusan at alituntunin sa pamamagitan ng “Executive
Order” bilang Supplemental Provisions sa umiiral na
batas trapiko.
iii. Ang TMTRO ang magsasagawa ng pag-aaral sa pagta
takda ng “Bus Stops” sa kahabaan ng McArthur
Highway partikular sa Crossing, Malolos.
iv. Mahigpit na ipinagbabawal ang paglalagay ng termi
nal ng PUJ, PUB at tricycle sa Plaza Balagtas at
Plaza Rizal.
v. Ang terminal ay pinahihintulutan sa pamamagitan ng
pagsusumite ng sulat para sa aplikasyon sa pagtayo
ng Terminal, “Title of Land”, “Clearance Certifi
Cate” mula sa City Engineer at “Fire Department”,
at pagbabayad ng registration fee na halagang
Php1,000.00 o sang-ayon sa “assessment” ng Ingat-
Yamang Panlungsod batay sa “Annual Income”.

B. ALITUNTUNIN SA MGA LANSANGAN

1. Maliban sa itinakdang hintuan, sakayan at babaan ay
ipinagbabawal ang paghihimpil, pagbababa at pag
sasakay ng pasahero sa mga sumusunod na kalsada
mula ika-6:00 ng umaga hanggang ika-7:00 ng gabi:
i. Kaliwang panig ng Canlapan St. mula likuran ng Im
maculada Academy mula hilagang pintuan ng patio
ng Simbahan.
ii. Kanang panig ng daang M. Crisostomo mula Meralco
hanggang sa Ngusong-Buwaya (San Vicente).
iii. Kanang panig ng daang F. Estrella mula pagpasok ng
Pariancillo St. sa daan sa likod ng Santos Clinic.
iv. Kanang panig ng T. Alonzo Street.

2. Mahigpit na ipinagbabawal ang huminto at pumarada

sa mga sumusunod na daan maliban kung emergency
at iba pang pangangailangan ng pamahalaan.
i. 30 metro magkabilang panig pababa at paakyat sa tu
lay Gen. Estrella at sa Atlag.
ii. 30 metro mula sa panulukan ng Pariancillo St. Patun
gong Paombong
iii. Magkabilang panig ng gsali ng Pamahalaang Lungsod.
iv. Kanang panig ng Canlapan St. mula T. Alonzo St. hang
gang Plaza Torres.

IBA PANG MGA ITINATAGUBILIN:

1. Sumunod sa rutang itinatakda ng Kautusan Blg. 15-2001

2. Sumunod sa itinakdang “ONE WAY”
3. Sumunod sa mga alituntuning itinatakda para sa mga “PEDESTRIANS” (no jaywalking, “NO LOADING AND UNLOADING ZONE”, Ipinagbabawal sa
sinumang tao ang paglalagay ng anumang hadlang sa daanan ng “pedestrians” at sa bahaging daan ng sasakyan gaya ng: Tindahan sa Sidewalk, paggamit
ng sidewalk bilang lugar pagnenegosyo; paggamit ng daan bilang tambakan ng “construction supplies at materials”; paggamit ng daan bilang “parking
space”, at paglalagay ng basurahan sa sidewalk).
4. Sumunod sa itinatakda ng Seksyon 55 ng Traffic Code of the City of Malolos. ALITUNTUNIN HINGGIL SA PAGSINGIL NG MEMBERSHIP FEE NG MGA
SAMAHAN NG MGA SASAKYANG PAMPUBLIKO. Pinagbabawalan ang anumang samahan ng Tricycle, Jeepney, FX Taxi at lahat ng samahan ng sasakyang
pampubliko na maningil ng higit sa isang libong piso (Php1,000.00) bilang “Membership Fees”.
5. Ang sinumang gumagawa ng pag-abuso ay maaring magsumbong at magreklamo sa Tanggapan ng Punong Lungsod at Tagapangasiwang Panlungsod.
MGA GAWAING LABAG SA BATAS TRAPIKO

1. Pagmamaneho ng walang lisensya, pasong lisensya,

suspendido at imbalidong rehistrasyon.
2. Pagmamaneho ng nasa impluwensya ng ipinagbabawal na gamut.
3. Pagmamaneho ng sobrang bilis (reckless driving)
4. Pagmamaneho ng tricycle na lampas sa itinakdang bilis na “40 kph”.
5. Pagwawalang bahala sa umiiral na “traffic signs”
6. Hindi pagpapaskil ng itinakdang halaga ng pamasahe.
7. Hindi pagtuloy sa itinakdang ruta (trip cutting).
8. Pagsingil ng pasahe sa pasahero ng labis sa itinakda.
9. Hindi pagdadala ng OR at CR ng sasakyan sa pamamasada.
10. Pagpasada ng tricycle ng walang kaukulang “Tin Plate” at “Sticker Year” na inisyu ng TMTRO.
11. Pagbara ng sasakyan sa daang para sa ibang sasakyan (Traffic Obstruction).
12. Pagsasakay at pagbaba ng pasahero sa gitna ng daan.
 13. Pagmamaneho ng sasakyan na walang busina, head lights, tail lights, stop lights, cabin lights, at basag na windshield.
14. Pagmamaneho ng “smoke belching” na sasakyan.
15. “Overtaking” sa intersections o habang papalapit sa tulay o isla.
16. Pagmamaneho ng saliwa sa agos ng trapiko o sa maling bahagi ng daan (out of line)
17. Pagtanggi ng drayber ng sasakyan na magsakay ng pasahero ng walang sapat na dahilan sa rutang pinapasadahan.
18. Pagpasada sa labas ng itinakdang ruta maliban kung ito ay arkilado.
19. “Overloading”
20. Pagmamaneho ng Tricycle-for-Hire ng walang pag-alinsunod sa kulay na itinakda para sa sidecar nito ayon sa sonang kinabibilangan.
21. Hindi pagtalima o paghinto sa “Thru Stop Rule” upang magmasid bago tumawid sa “Crossing” (failure to observe caution before transversing an
intersection or mainthoroughfare).
22. Hindi pagbibigay ng “emergency yield” particular sa pagdaan ng “ambulance”, “police” at “fire truck”.
23. Hindi pagtalima sa “Right of Way Rule”
24. Cutting of right of lane of an overtaking vehicle.
25. Pag-overtake sa daang paliko (overtaking upon a curve road)
26. Pag-overtake habang bumabagtas sa “Railway Xing”.
27. Hindi paglalagay ng basurahan sa loob ng sasakyan.
28. Paglabag sa IRR ng RA 4136 o “Land Transportation and Traffic Code of the Philippines”.
MGA KAPARUSAHAN SA PAGLABAG SA ALITUNTUNIN NG OPERASYON, HINDI PINAHIHINTULUTANG GAWAIN AT PAGLABAG SA
BATAS TRAPIKO

1. Unang Paglabag—Pagbibigay ng Tagubilin o “Warning”

2. Pangalawang Paglabag—Multang Dalawang Daang Piso (Php 200.00) pagkumpiska ng lisensya sa pagmamaneho
3. Pangatlong Paglabag—Multang Limang Daang Piso (Php500.00) at pagkumpiska ng lisensya sa pagmamaneho
4. Pang-apat na Paglabag—Multang Isang Libong Piso (Php1,000.00) o pagkumpiska ng lisensya sa pagmamaneho o pagkakulong ng sampung (10) araw o sabay
na kaparusahan sang-ayon sa diskresyon ng hukuman.

PAGLABAG SA ITINAKDANG RUTA O DAANG BYAHE, PAGLABAG SA ITINAKDANG ORAS NG PAGPASOK NG MGA PUJ AT PUB SA
KABAYANAN NG MALOLOS AT PAGLABAG SA PAGGAMIT NG PANGUNAHING DAAN

1. Unang Paglabag—Tagubilin o “Warning”

2. Pangalawang Paglabag—Pagkumpiska ng “Driver’s License” at pag-iisyu ng TCT/TVR at multang Limampung Piso (Php50.00).
3. Pangatlong Paglabag— Pagkumpiska ng “Driver’s License” at pag-iisyu ng TCT/TVR at multang Isang Daang Piso (Php100.00) at “Community Service” sang-
ayon sa itatakda ng TMTRO.

PAGLABAG SA PAGLALAGAY NG TERMINAL NG WALANG PAHINTULOT NG SANGUNIANG PANLUNGSOD

1. Unang Paglabag—Multang Limang Daang Piso (Php500.00) at kusang pagbaklas ng terminal ng asosasyon
2. Pangalawang Paglabag—Multang Dalawang Libong Piso (Php2,000.00) at kusang pagbaklas o pag-alis ng terminal o pagkabilanggo ng pamunuan ng asosasyon
ng sampung (10) araw o sabay na parusa batay sa diskresyon ng Hukuman.

PAGLABAG SA ITINATAKDA NG ALITUNTUNIN SA MGA HADLANG O SAGABAL SA TAWIRAN, BANGKETA AT DAANAN

1. Unang Paglabag—Warning at pag-aalis ng “obstruction”

2. Pangalawang Paglabag—multang Limampung Piso (Php50.00) at pag-aalis ng “obstruction”
3. Pangatlong Paglabag—Multang Isang Libong Piso (Php1,000.00) at pag-alis ng “obstruction” o pagkabilanggo ng 10 araw o sabay na parusa.
PAGLABAG HINGGIL SA PAGSINGIL NG HIGIT SA TAKDANG “MEMBERSHIP FEES” SA MGA KASAPI NG SAMAHAN NG MGA
SASAKYANG PAMPUBLIKO.

1. Unang Paglabag—Pagbabayad ng multang Dalawang Libong Piso (Php2,000.00) ng lahat ng opisyal ng samahan.
2. Pangalawang Paglabag—Pagkabilanggo ng Pangulo at Ingat-Yaman ng samahan ng hindi hihigit sa anim (6) na buwan o pagbabayad ng multa sa halagang
Dalawang Libong Piso (Php2,000.00) o parehong parusa sang-ayon sa itatakda ng hukuman.