SALAMAT MAHAL KONG INA

Siyam na buwan akong nasa iyong sinapupunan na puno ng pagmamahal. Sa taong

dalawang-libo ika-labin dalawa ng Agosto, pinuno mo na ako ng gabay at aruga, dito
sa mundo na ikaw ang nagbibigay kulay. Salamat sa gabay ina dahil patuloy kong
tinatahak ang daan na pinatibay ng iyong pagmamahal.

Simula pa lamang ng taon ko sa ibabaw na ito ay hindi ka na magkumahog

kung paano ako aarugain. Bigla na lamang magigising sa iyong pagtulog dahil
narinig mo ang aking pag-iyak. Tatayo sa iyong higaan at magtutungo sa akin para
ihele sa iyong bisig dito ako'y makakatulog at ikaw naman ang hindi dadalawin ng
antok. Lubos ang pagod na ibinigay sayo ng batang ito, kaya naman gusto kong
ipahatid ang aking pasasalamat na nagmumula sa akin mumunting puso. Ngunit
ang hirap ay hindi nagtatapos sa unang taon dahil sumunod dito ang pangalawa,
pangatlo, pangapat at panglimang taon ko sa iyong tahanan na ikaw ang
nagbibigay liwanag. Tunay nga na ikaw ang ilaw ng tahanan dahil sa patuloy na
buhay ko sa mundong ito ay hindi mo binigyang dilim ang aking pamumuhay.
Ngayon na ako ay nasa labim-pitong gulang ay patuloy parin ang iyong
pagmamahal, gabay at aruga. Hirap man sa buhay ay ginapang mo ang aking pag-
aaral at binigay ang aking pangangailangan. Ina maraming salamat sa lahat. Ngunit
nais kong isa-isahin ang pasasalamat ko sa iyo. Maraming salamat ina sa pag-
mamahal na ipinagkaloob mo sa akin na siyang nagpapatatag sa anak mo na ito,
salamat ina sa iyong sakripisyo kahit ikaw na mismo ang nahihirapan upang
guminhawa lamang aking kinalalagyan, salamat ina sa gabay na iyong binibigay na
akin sandata sa mga pagsubok na dumarating, salamat ina sa iyong suporta na
siyang nagpapalakas ng loob ko at higit sa lahat Ina maraming salamat dahil ikaw
ang aking magulang.

Mahal kita aking ina, dumating man ang panahon na ika'y tumanda ikaw
naman ang aking pagsisilbihan. Babalik sa iyo ang mga sakripisyo, aruga at
pagmamahal na lagi mong pinaparamdam sa akin. Ina maraming salamat sayo
dahil nandito ako sa mundong ito. Bago ko yariin ang pasasalamat na ito ay gusto
kong ipahatid ang pasasalamat sa lahat ng Ina, Nanay, o Mommy sa mundo na ito
na siyang nagsisilang ng mga supling sa mundong at pagbibigay ng gabay, aruga at
pagmamahal.