Kasaysayan ng Wikang Filipino

Ang kahalagahan ng isang wikang pambansa ay binibigyan ng pagpapahalaga ng

yumaong Pang. Manuel L. Quezon. Sa mga taon ng kanyang panunungkulan ay hindi
siya nag-aksaya ng panahon upang matupad ang kaniyang layunin. Bilang panimula ay
lumabas ang mga sumusunod na tagubilin, mga kautusan at batas.
1935 - Sa saligang batas ng Pilipinas 1935, nagtatadhana ng tungkol sa wikang pambansa. “…ang Kongreso ay
gagawa ng mga hakbang tungo sa pagpapaunlad at pagpapatibay ng isang wikang pambansa na buhat sa isa sa
mga umiiral na katutubong wika.” (Seksyon 3, Artikulo XIV)
1936 - (Okt. 27) – Itinagubilin ng Pangulong Manuel L. Quezon sa kanyang mensahe sa Amblea Nasyonal ang
paglikha ng isang Surian ng Wikang Pambansa na gagawa ng isang pag-aaral ng mga wikang katutubo sa
Pilipinas, sa layuning makapagpa-unlad at mpapatibay ng isang wikang panlahat na batay sa isang umiiral na
wika.
1936 - (Nob. 13) – Pinagtibay ng Batasang Pambansa ang Batas Komonwelt Blg. 184 na lumikha ng isang
Surian ng Wikang Pambansa at itinakda ang mga kapangyarihan at tungkulin nito.
1937 – ( Enero 12) – Hinihirang ng Pangulong Manuel L. Quezon ang kagawad ng bubuo ng Surian ng Wikang
Pambansa, alinsunod sa tadhana ng Seksyon 1, Batas Komonwelt Blg. 184, sa pagkakasusog ng Batas
Komonwelt Blg. 333, at si Jayme C. de Veyra ang unang nagging pangulo ng SWP.
1937 – (Nob. 9) - Bungan g ginawang pag-aaral, at alinsunod sa tadhana ng Batas Komonwelt Blg. 184 ang
Surian ng Wika ay nagpatibay ng isang resolusyon na ditto ipinapahayag na ang Tagalog ang “ siyang halos
lubos na nakatutugon sa mga hinihingi ng Batas ng Pangulo ng Pilipinas na iyon ay pagtibayin bilang saligan ng
wikang pambansa.
1937 – (Dis. 30) – Bilang pag-alinsunod sa tidhana ng Batas ng Komonwelt Blg. 184 sa pamamagitan ng
Kautusang Tagapagpaganap Blg. 134 ay ipinahayag ng Pangulong Quezon ang wikang Pambansa ng Pilipinas
na batay sa Tagalog.
1940 – (Abril 1) – Sa pamamagitan ng Kautusan Tagapagpaganap Blg. 263 ay binigyang pahintulot ang
pagpapalimbag ng isang diksyunaryo at isang Gramatika ng Wikang Pambansa, at itinakdang mula sa Hulyo 19,
1940 ay pasisimulan nang ituro ang Wikang Pambansa ng Pilipinas sa lahat ng paaralang bayan at pribado sa
buong bansa. Inatasan din ang Kalihim ng Pagtuturong Pambayan na maglagda, kalakip ang pagpapatibay ng
Pangulo ng Pangulo ng Pilipinas, ng mga kinakailangan tuntunin at patakaransa pagpapatupad ng kautusang ito.
1940 – (Abril 12) – Pinalabas ng Kalihim Jorge Bocobo ng Pagtuturong Pambayan ang isang kautusang
pangkagawaran: ito’y sinundan ng isang sirkular (Blg. 26, serye 1940) ng Patunugot ng Edukasyon Celedonio
Salvador. Ang pagtuturo ng wikan pambansa ay sinimulan muna sa mataas na paaralan at mga paaralang
normal.
1940 – (Hulyo) – Pinagtibay ang Batas ng Komonwelt Blg. 570 na nagtatakda, bukod sa iba pa na ang
Pambansang Wikang Pilipino ay magiging isa na sa mga Wikang opisyal ng Pilipinas simula sa Hulyo 4, 1946.
1954 – (Marso 26) - Nilagdaan ng Pnagulong Ramon Magsaysay ang Proklamasyon Blg. 12 na nagpapahayag
ng pagdiriwang ng Linggo ng Wikang Pambansa simula Marso 29 hanggang Abril 4 taun-taon, sang-ayon sa
tagubilin ng Surian ng Wikang Pambansa. Nakapaloob sa panahong saklaw ng pagdiriwang ang Araw ni
Balagtas (Abril 2).

1
Inihanda ni: Bb. Ginalyn C. Iñigo
1955 – (Sept. 23) – Nilagdaan ng Pangulong Ramon Magsaysay ang Proklamasyon Blg. 186 na nagsusog sa
Prok. Blg. 12 serye 1954, na sa pamamagitan nito’y inililipat ang panahon ng pinagdiriwang ng Linggo ng
Wikang Pambansa taun-taon simula sa ika-13 hanggang ika-19 ng Agosto.
1959 – (Agosto 13) – Pinalabas ng Kalihim Jose E. Romeo ng Kagawaran ng Edukasyon ang Kautusan
Pangkagawaran Blg. 7 nagsasaad na kailanma’t tutukuyin ang Wikang Pambansa, salitang PILIPINO ang
gagamitin.
1967 – (Okt. 24) – Naglagda ang Pangulong Marcos ng isang Kautusan Tagapangulo (Blg. 96), na nagtatakda
na ang lahat ng gusali, edipisyo at tanggapan ng pamahalaan ay pangangalanan sa Pilipino.
1974 – (Hunyo 19) – Nilagdaan ni kalihim Juan Manuel ang pagpapatupad sa patakarang Edukasyong
Bilinggwal sa mga paaralan na magsisimula sa tong 1974-1975.
1975 – (Nob. 14) – Lumabas ang Kautusan Pangkagawaran Blg. 50 na nagpapatupad ng Edukasyong
Bilinggwal sa kolehiyo at pamantasan.
1987 – (Peb.) – Pinagtibay ang Bagong Konstitusyon ng Pilipinas. Sa Artikulo XIV, Seksyon 6-9 nasaad ang
“Ang wikang pambansa ng Pilipinas ay Filipino. Samantalang kailangang itong linangin, payabungin at
pagyamanin pa salig sa umiiral na wika sa Pilipinas at iba pang wika.”
1987 – (Agosto 6) – Ipinalabas ng Kagawaran ng Edukasyon, Kultura at Isportsang Kautusan Blg. 81 na
nagsasaad ng reporma at alpabeto ng Filipino ng Filipino ay binubuo ng ng 28 letra na ang ayos ay A B C D E F
G H I J K L M N Ñ NG O P Q R S T U V W X Y Z. Ang ganitong pagbabago ay hinggil sa pambansa at
pampamahalaang wika at pag-ayon pa rin sa Patakarang Edukasyon Bilinggwal ng 1987.
1997 – Nilagdaan at ipinalabas ang Proklama Blg. 1041 ni Pangulong Fidel Ramos ang pagdiriwang ng Buwan
ng Wikang Filipino taun-taon sa iba’t ibang sangay at tanggapan ng pamahalaan at sa mga paaralan.
2001 – Inilabas ng Komisyon ng Wikang Filipino (KWF) ang Revisyon sa mga Tuntunin ng Ortograpiyang
Filipino tungo sa istandardisasyon at intelektwalisasyon ng wikang pambansa.
2006 - Nagkaroon ng Kautusang Pangkagawaran Blg. 42 ng pansamantalang nagpapatigil sa implementasyon
ng 2001 Revisyon sa Alfabeto at Patnubay sa Ispeling ng Wikang Filipino dahil sa naganap na kalituhan hinggil
ditto. Nagtakda ng pansamantalang paggamit at pagsangguni sa 1987 Alpabeto at Patnubay sa Ispeling habang
ang KWF ay nagsasagawa ng mga konsultasyon at pag-aaral hinggil dito.
2008 – (Mayo) – Ipinalabas ang pinal na burador ng Gabay sa Ortograpiya ng Wikang Pambansa na ang
pinagbatayan ay 1987 Patnubay Alpabeto at Patnubay sa Ispeling upang matapos na ang pagkalito sa maluwag
na paggamit ng walong (8) dagdag na letra sa 2001 Revisyon sa Alfredo at Patnubay sa Ispeling ng Wikang
Filipino.
2009 – Naglabas ang Kagawaran ng Edukasyon ng Ordinansa Blg. 74 na isinasainstitusyon ang gamit ng Inang
Wika (Mother Tongue) sa Elementarya o Multilingual Language Education (MLE). (Nauna rito, may inilahad
nang bersyon ang ikalabing-apat na Kongreso ng Mababang Kapulungan na House Bill No. 3719- An “Act
Establishing a Multi-Lingual Education and Literacy Program and for other Purposes” sa pamamagitan ni Hon.
Magtanggol T. Gunigundo.)
2013 – Ang Kagawaran ng Edukasyon ay nagpapalabas ng Kautusang Pangkagawaran Blg. 34. s.2013 ng
dagliang pagpapalaganap at pagpapatupad ng Ortograpiyang Pambansa na binubuo ng Komisyon sa Wikang
Filipino.

2
Inihanda ni: Bb. Ginalyn C. Iñigo