Professional Documents
Culture Documents
Tatimi Dhe TR Dok Perf
Tatimi Dhe TR Dok Perf
Të ardhurat e tatueshme
I.Të ardhurat gjithsej, nga veprimtaria e biznesit të vogël nënkuptojnë çdo lloj të ardhure, të
realizuar gjatë periudhës tatimore dhe përfshijnë, pa u kufizuar vetëm në to:
a.të ardhurat e realizuara nga furnizimi i mallrave dhe shërbimeve,
b.të ardhurat nga pjesëmarrjet,
c.të ardhurat nga interesat,
d.të ardhurat nga shfrytëzimi i pasurisë së luajtshme e të paluajtshme,etj.
II.Të ardhurat e tatueshme apo fitimi i tatueshëm rezulton si diferencë midis:
a.të ardhurave gjithsej të realizuar gjatë periudhës tatimore me,
b.shpenzimet e njohura.
Shpenzimet e njohura janë ato që kryhen për qëllime fitimi, sigurimi dhe ruajtje të fitimit, në masën që
këto shpenzime provohen dhe dokumentohen nga tatimpaguesi, si dhe kur janë objekt i kufizimeve të
specifikuara nga ky ligj.
Shkalla tatimore
1.Shkalla tatimore e aplikueshme mbi fitimin e tatueshëm, për tatimpaguesit që i
nënshtrohen tatimit të thjeshtuar mbi fitimin e biznesit të vogël, me qarkullim
vjetor nga 5 (pesë) deri në 8 (tetë) milionë lekë, është 5%.
2.Tatimi i thjeshtuar mbi fitimin, për tatimpaguesit me qarkullim vjetor nga 0
(zero) deri në 5 (pesë) milionë lekë, është 0 (zero) lekë në vit.
Deklarimi
a.Çdo tatimpagues, subjekt i tatimit të thjeshtuar mbi fitimin e biznesit të vogël, me
qarkullim nga 5 (pesë) deri në 8 (tetë) milionë lekë, është i detyruar që deri më 10
Shkurt të vitit që pason periudhën tatimore të dorëzojë deklaratën vjetore tatimore, ku
të jepen hollësisht të ardhurat gjithsej, shpenzimet e zbritshme, fitimi i tatueshëm,
tatimi për t’u paguar, si dhe çdo hollësi tjetër e përcaktuar me udhëzim të Ministrit të
Financave për plotësimin dhe dorëzimin e deklaratës tatimore vjetore.
b.Detyrimin për paraqitjen e deklaratës vjetore në afatin e mësipërm e kanë edhe të
gjithë tatimpaguesit e tatimit të thjeshtuar mbi fitimin me qarkullim vjetor nga 0 (zero)
deri në 5 (pesë) milionë lekë. Këta tatimpagues e plotësojnë këtë deklaratë sipas
mënyrës së përcaktuar në udhëzimin e Ministrit të Financave.
Mbajtja e dokumentacionit
1.Për çdo shitje të kryer janë të detyruar:
a.të lëshojnë faturë të thjeshtë tatimore, për çdo blerës të tatueshëm që merr furnizimin.
b.Për çdo blerës individ konsumator final, është i detyruar të lëshojë kupon tatimor nga
pajisja fiskale.
c.Dokumente të tjera të miratuar në akte të tjera ligjore apo nënligjore, (p.sh. biletat e
transportit të udhëtarëve, dëftesë tatimore).
2.Çdo blerje të tyre janë të detyruar ta justifikojnë me:
a.faturë tatimore me TVSH, kur blerja është kryer te personat e regjistruar si tatimpagues të
TVSH-së.
b.faturë të thjeshtë tatimore, kur blerja është kryer te personat e regjistruar si tatimpagues të
tatimit të thjeshtuar mbi fitimin dhe nuk janë tatimpagues të TVSH-së.
3.Tatimpaguesit janë të detyruar të mbajnë:
a.librin e shitjeve, ku regjistrojnë në mënyrë kronologjike çdo shitje të kryer me faturë të
thjeshtë tatimore si dhe totalin e shitjeve ditore të kryer me kuponë tatimorë;
b.librin e blerjeve, ku regjistrojnë në mënyra kronologjike çdo blerje të kryer me faturë
tatimore, me TVSH, me faturë të thjeshtë tatimore;
c.libri i shpenzimeve dhe të ardhurave;
d.librin e aktiveve të biznesit.
Parapagimi i tatimit
Këstet e parapagimit të tatimit të thjeshtuar mbi fitimin, për vitin vijues, për tatimpaguesit me
qarkullim vjetor nga 5 (pesë) deri në 8 (tetë) milionë lekë, llogariten në bazë të të dhënave të
deklaratës tatimore të një viti më parë.
Gjatë periudhës vijuese tatimore, tatimpaguesi paguan, te bankat e nivelit të dytë dhe
Postës Shqiptare, për llogari të administratës tatimore, çdo vit, sipas afateve:
1.brenda datës 20 Prill pagesa e këstit I;
2.brenda datës 20 Korrik pagesa e këstit II;
3.brenda datës 20 Tetor pagesa e këstit III;
4.brenda datës 20 Dhjetor pagesa e këstit IV.
Me kryerjen e pagesës dhe marrjen e konfirmimit bankar të kryerjes së pagesës,
tatimpaguesi shkon te zyrat rajonale të shërbimit tatimpaguesve dhe, kundrejt paraqitjes
së dokumentit bankar të pagesës, merr “Pullën e tatimit” të këstit, të cilën e vendos lart
çertifikatës së regjistrimit (NIPT).
Dokumenta ndihmëse
a. Deklarate vjetore e tatimit mbi te ardhurat personale te biznesit te vogel
b. Dëftesë Tatimore
c. Faturë e thjeshtë tatimore
d. Libri i blerjeve
e. Libri i shitjeve
f. Urdhër pagesë
1.
2.
3.
4. 5.
6.
Tatimi mbi fitimin (Biznese te Medha)
Biznes i madh klasifikohet çdo person fizik apo juridik, i cili kryen një veprimtari ekonomike
(biznes), me anën e të cilit realizohet një e ardhur bruto vjetore (qarkullim) më e madhe se
8,000,000 (tetë milionë) lekë, gjatë vitit fiskal.
Fitimi i tatueshëm
Fitimi i tatueshëm rezulton si diferencë e të ardhurave gjithsej të realizuar gjatë periudhës
tatimore (viti kalendarik), me shpenzimet e njohura.
Fitimi i tatueshëm për periudhën tatimore përcaktohet në bazë të bilancit dhe të anekseve
të tij, që duhet të jenë hartuar në përputhje me ligjin “Për kontabilitetin dhe pasqyrat
financiare”.
Shkalla tatimore
Shkalla tatimore e tatimit mbi fitimin është 15%.
Pagesa e tatimit
Parapagimi – këstet paraprake të tatimit mbi fitimin.
Tatimi mbi fitimin paguhet çdo tremujor ose çdo muaj në formë paradhënie gjatë vitit, bazuar
në këste mujore.
Të ardhura të tatueshme:
a.pagat dhe shpërblimet e tjera, në lidhje me marrëdhëniet aktuale të punës;
b.të ardhurat që rrjedhin nga fitimi i ortakut apo i aksionerit në shoqërinë tregtare;
c.të ardhurat nga interesat bankare apo ato të përfituara nga letrat me vlerë;
d.të ardhurat që rrjedhin nga e drejta e autorit dhe pronësia intelektuale;
e.të ardhurat nga enfiteoza, huaja dhe qiratë;
f.të ardhurat nga kalimi i së drejtës së pronësisë mbi pasuritë e paluajtshme;
g.të ardhurat e individëve nga lojërat e fati dhe kazinotë;
gj.të ardhurat e realizuara nga diferenca ndërmjet çmimit të shitjes dhe çmimit të blerjes së
h.kuotave ose aksioneve, që një ortak ose aksioner zotëron dhe ja shet një personi tjetër;
i.të ardhurat në formë monetare për shtimin e kapitalit me burime nga jashtë shoqërisë, që
nuk janë të tatuara më parë, ndërkohë që kanë qenë objekt tatimi dhe që nuk janë të
shoqëruara me dokumente zyrtare, që vërtetojnë origjinën e këtyre të ardhurave. Procedurat
përcaktohen me udhëzim të Ministrit të Financave;
j.të ardhura të tjera, që nuk identifikohen në format e paraqitura.
Çdo punëdhënës, që paguan për punëmarrësin një pagë a shpërblim, mban tatimin mbi të ardhurat
personale, dhe e derdh tatimin e mbajtur në favor të organeve tatimore, jo më vonë se data 20 e
muajit pasardhës të kryerjes së pagesës.
Dokumenta ndihmëse
1. Deklarata e Tatimit mbi të ardhurat nga punësimi
2. Deklarata in_dividuale vjetore e të ardhurave D1
Referencat:
1. https://www.tatime.gov.al/c/4/96/109/tatimi-i-thjeshtuar-mbi-
fitimin-e-biznesit-te-vogel
2. http://www.biznesi.al/biznesi-i-madh-tatimi-mbi-fitimin/
3. https://www.tatime.gov.al/c/4/96/108/tatimi-mbi-te-ardhurat-
personale