Professional Documents
Culture Documents
HIV/AIDS Bihchianna (Awareness Presentation)
HIV/AIDS Bihchianna (Awareness Presentation)
HIV/AIDS Bihchianna (Awareness Presentation)
- KENNY LALMUANKIMA
He natna hrik kai te leh he natna veite ni lovin, he hrik leh he natna zawk hi i do ang u!
A mawlmang thei ang ber leh Mizo \awng hmang tam thei ang berin kan sawi dawn a, Awareness dang
nen a in ang dawn lo!
Mahse loh theih loha damdawi lam \awngkam, saptawng hman loh theih loh chin erawh a awm dawn tih
hrethiam ila.
Kan tan chuan a darh nasat dan leh a darh chak dan aiin kan him theih dan tur, kan inhriat theih dan tur
leh kan inenkawl dan tur a pawimawh zawk avangin statistics lam kan hrut tel lo ang.
Milem lam lo beisei vak su, thutak kan sawi dawn!
He natna leh he natna hrik chungchang hi chu hriat tam tawk a awm thei lova, a hrechiang apiang atan he
natna laka him a awl ang bawkin lo kai palh tawh te tan pawh inenkawl a sam tih i hre thar ang u.
HIV hi natna hrik (virus) a ni a, a lampum chu Human Immunodeficiency Virus a ni a. Mizo \awng
chuan ‘taksa ralvengtu eichhetu hrik’ tihna a ni mai awm e.
HIV hrik kai apiang hi AIDS vei an ni lova, mahse treatment an la lo a nih chuan AIDS vei hmabak an
ni!
AIDS hi HIV hrik kaite’n treatment (ART) an lak \hat loh avanga natna lo awm \hin a ni a, a lampum
chu Acquired Immunodeficiency Syndrome a ni. Mizo \awng chuan ‘Mihring pianpui ni lo, taksa
ralvengtu tlakchham natna’ ti ila a tawifel mai awm e.
Tichuan HIV chu natna hrik a ni a, AIDS chu HIV pai inenkawl lo/\ha lo te natna tiin kan kaikhawm thei
ang.
HIV chuan taksa-ah a rang thei ang ber leh a tam thei ang ber inthlahpun a tum char char \hin.
HIV lo piangchhuak apiang chuan taksaa natna hrik ralvengtu tihchhiat leh ei ral chu a thupui ber nghal
chat zel.
Natna hrik lerh tak a ni a, natna dang – TB, Pneumonia, Hepatitis leh natna dang dang pawh
ngaihzawn a tum tlat \hin!
Thisen (blood)
Mipa baw tuihnang hmasa (semen)
Hmeichhe serh tuihnang (vaginal fluids)
Hnute tui (breast milk)
Taksa atanga tuiril chhuak (thisen lam tel chi)
ah te hian HIV hrik a awm thei ngei tih fiah a ni tawh a, syringe needle in hman\awm leh sex hi a darhna
bulpui a ni!
Heng point hnih pawh hi kan zawm thei ngang lova, kan hur thlu ngang a nih pawhin CONDOM hman
ngei tur a ni.
A ngawl kan vei avanga dawmdawi hmansual hmanga kan inchiu lo thei lo a nih pawhin
hriau thianghlim chiah, inhmantawm lovin hman tur a ni!
HIV kai theihna kawng hrang hrang kan sawi tak ang chi atanga kai thei dinhmuna kan ding palh a nih
chuan mahni inchik ngei ngei tur a ni.
HIV kai a\anga kar rei lo te hnuah hian tlang hri leng anga lang – khawsik, hrawk thip/pan/vung leh
chauh hluah hluah te a awm \hin.
Chutianga kan awm a nih chuan thisen test tir vat tur a ni.
Kan awm ta lo a nih pawhin kan dinhmun chian tura test tir tho hi a him!
Ruihhlo leh HIV vanga buai te tan TI (Targeted Intervention) leh OST Centre a awm a, HIV Test nei duh
pawh a thlawnin ICTC ah an buaipui thei reng a ni tih hriat reng tur a ni.
Kan thisenah HIV an hmu ta sa sa a nih chuan, hmuhchhuah ran leh enkawl \an hma hian AIDS vei lo
tura mi a puih \hat avangin ART lak dan ngaihtuah vat tur a ni.
Mi min hriat dan vang mai mai ni lova, kan inenkawl loh vang zawka AIDS vei thei kan nihzia hriain, mi
sawisep leh ngaihdan aiin ART lak \hat loh mawlh kha hlauh zawk tur a ni!
Kan ram leh hnam himna leh zahawmna kan kutah a awm tih hriatreng tur a ni a, eng ang pawhin kan
rilru chu lo na mahse, keimahniah HIV hi tawp tir hmak kan tum ngei tur a ni!
Thiamna hmanga uluk taka enkawl chuan HIV+ te pawhin an fateah HIV kai lo thei mahse kan sawi vek
hman dawn si lova, chutiang kan lo ni emaw, kan chhungte leh hmelhriatte an lo awm a nih chuan a hnuaia
mahni awmna District Field Officer (FO) te hi kan contact mai dawn nia:
He natna hrik kai te leh he natna veite ni lovin, he hrik leh he natna zawk hi i do ang u!