KOMPILASYON NG MGA

AKADEMIKONG SULATIN

John Ryan R. Jumawan

Zamboanguita Science High School
 Epekto ng Paggamit ng Celfon sa mga Kabataang may
Edad 15-20 sa Sitio Dalakit Poblacion Zamboanguita Negros
Oriental

Ang pag-aaral na ito ay tungkol sa epekto ng paggamit ng celfon sa mga

kabataan. Pinili ng mga mananaliksik ang pag-aaral na ito sapagkat sa patuloy
na pag-usbong ng makabagong teknolohiya mas nagiging patok sa mga tao
lalong-lao na sa mga kabataan ang tinatawag na celfon. Halos ginagamit ito ng
lahat sa pangaraw-araw na buhay.
May limampung respondenteng may edad 15-20 na nanggaling sa Sitio
Dalakit Poblacion Zamboanguita Negros Oriental ang inilahok sa pag-aaral na
ito. Tinanong ang bawat isa sa mga respondente sa mga mahahalagang
impormasyon na kinakailangan ng mga mananaliksik sa pamamagitan ng
talatanungan o questionnaire. Pagkatapos, tinally ng mga mananaliksik ang
mga sagot ng mga respondente upang makakuha ng datos na kinakailangan
upang makagawa ng kongklusyon ang mga mananaliksik at maging
matagumpay ang kanilang pag-aaral. Sa masusing pag-aaral ng mga
mananaliksik, natuklasan nila na lahat ng mga respondenteng mgay edad 15-
20 sa Sitio Dalakit Poblacion Zamboanguita Negros Oriental ay may celfon.
Natuklasan din nila na gumagastos ng 10-15 pesos ang mga respondente sa
paggamit ng kanilang celfonupang makapagsaliksik sa internet o di kaya’y sa
komunikasyon. Sa kabuuan, natuklasan ng mga mananaliksik na lubos na
binabago ng makabagong teknolohiya ang takbo ng mundo na nagdudulot ng
positibo at kahit na negatibong epekto sa buhay ng mga tao.
 BIONOTE 1

Nagtapos si Carlito Reyes ng BS Geodetic

Engineering at MA Sociology at kasalukuyang
kumukuha ng PhD sa Filipino: Pagsasalin sa UP-
Diliman. Disertasyon na lamang ang kulang niya.
Nagtuturo siya ng panitikan sa Unibersidad ng Santo
Tomas at resident fellow din ng UST Center for Creative
Writing and Literary Studies. Nailathala ng NCCA ang
unang koleksiyon niya ng tula noong 2013 na
hinangaan ng mga kritiko. Nailathala naman noong
2014 ang ikalawang koleksiyon ng kanyang tula.
 BIONOTE 2

Si Gelly Elegio Alkuino ay nakapagtapos sa Surallah

National Agricultural School sa Surallah South Cotabato bilang
Valedictorian noong 1979. Nakamit niya ang Academic
Excellence Award sa Mindanao State University sa taong 1982,
1983, 1985 kung saan kumuha siya ng Bachelor of Science in
Education-History noong 1986. Naging Cum Laude siya sa
nasabing Unibersidad. Nakapagtapos din siya ng degree na
Master of Arts in Education- Educational Management sa
Notre Dame of Marbel University sa Koronadal City noong
1997. Pinarangalan din siya bilang Outstanding School Paper
Adviser of the Philippines sa National Schools Press
Conference noong 2004. Siya ang may-akda ng pamahayagang
aklat sa ingles, Campus Journalism in the New Generation.
Siya rin ay naging tagapagsanay at tagapanayam sa
pamahayagan at teatrong sining. Siya rin ang may-akda ng
mga Sanayang Aklat sa Filipino I, II, III, at IV (Edisyong BEC).
 BIONOTE 3

Si Mc Bruce Sabroso ay ipinanganak noong Pebrero 24,

2000. Siya ay taga Legaspi Street Poblacion Zamboanguita
Negros Oriental. Siya ang bunsong anak nina Gng. Leonora B.
Sabroso at G. Micheal Sabroso. Nakapagtapos siya ng kanyang
elementary sa Zamboanguita Central Elementary School. Siya
rin ay grumaduate sa Zamboanguita Science High School sa
kanyang Junior High School level. Siya ay kasalukuyang
kumukuha ng STEM sa Senior High School ng Zamboanguita
Science High School. Kasali rin siya sa Zascian Thunder, isang
basketball team, bilang manlalaro.
 BUOD O SINTESIS

Ang “video clip” ay nakasentro sa isang mag-amang hindi

pangkaraniwang kung ilarawan. Ang ama ay may kapansanan, siya ay
isang pipi kung kaya’t iba ang tingin ng iba sa kanila. Palaging kinukutya
ang kanyang anak sa paaralan dahil sa kapansanan ng kanyang ama.
Subalit mahal na mahal ng ama ang kanyang anak kahit na ikinakahiya
siya nito. Palaging binibigyan ng payo at pinapangaralan ng ama ang
kanyang anak ngunit binabalewala lang ng kanyang anak ang lahat.
Hanggang sa dumating ang isang trahedya, habang naghihintay ang
kanyang ama sa mesa ay narinig niya ang kalabog na nanggaling sa
banyo. Nagtangkang magpakamatay ang kaniyang anak. Dali-dali niya
itong dinala sa hospital. Naaalala ng kanyang ama ang lahat at halos na
mawalan na siya ng pag-asa. Nagmakaawa siya sa doktor na gawin
lahat para sa kanyang anak. Sa awa ng Diyos nagising na ang kanyang
anak na may pagsisisi. Napagtanto ng kanyang anak na walang
perpektong ama kundi ang pagmamahal nito ang nagbibigay kahulugan
sa kanya.
 TALUMPATI
Bago ko simulan ang aking talumpati, nais kong ibahagi ang kwento ng isang babaeng kahit mahirap ang
kanyang trabaho ay kinaya ang lahat para sa kanyang pamilyang malayo sa kanya:
Gabi iyon, malamig ang hangin at medyo umuulan. Nasa kalagitnaan ako ng aking pagsusulat ay dinalaw ako
ng pagod at antok kaya nagpahinga muna ako dahil tila hindi na kaya ng aking sistema. Humiga ako sa sala at
kinuha ang remote sa lalagyan. Nanood muna ako ng TV at sa aking pamimili ng channel ay humantong ako
sa programang ngayon, bukas, at Magpakailanman. Sa episode ng programang ito itinampok ang isang
Filipina performer na piniling magtrabaho sa Hong Kong Disneyland. Kinaya nya lahat ng pagod, hirap, at
lungkot lalo na’t malayo sya sa kanyang pamilya. Nakuha niyang pasayahin ang ibang tao kaysa sa kanyang
pamilya. Maraming dagok ang hinarap nya lalo na ang pagkamatay ng kanyang pinakamamahal na asawa sa
Pilipinas. Hindi madali ang kanyang pakikipagsapalaran sa ibang bansa para sa kanyang pamilyang naiwan sa
bansang sinilangan.
Matapos kong panoorin ang palabas napagtanto ko ang iba’t ibang bagay at iba’t ibang katanungan. Sino nga
ba sila? Ano nga baa ng OFW?
OFW. Tatlong titik na may malalim na kahulugan, nag-uumapaw na emosyon at mabigat na rason.
Sino nga ba sila? Malimit nating naririnig ang salitang OFW o Overseas Filipino Workers sa mga balita o
programa sa telebisyon patungkol sa mga Pilipinong piniling makipagsapalaran sa ibang bansa. Kahit hindi
tukoy kung ano ang naghihintay sa kanilaa doon ay nagpursige pa rin sila. Sila yung mga Pilipinong kinaya ang
lahay. Ang kondisyon ng klima na iba sa atin. Ang ibang tao na may mga kulturang taliwas sa ating kinagisnan.
At ang paghihirap na naranasan ng ibang OFW sa ngayon. Kinaya nila lahat mapapositibo man yan o
negatibo. Sila ay hindi lamang isang OFW kundi mga bayani. Dako naman tayo sa ibang perspektibo.
Sa paglipas ng panahon man dumarami pa ang nangingibang bansang mga Pilipino. Mahigit
kumulang 97.1 porsyento sa buwang Abril ang nangingibang bansa, ito ay ayon sa psa.gov.ph. Bakit nga ba
nangyayari ito? Hindi ko basta-bastang masasagot ang sarili kong katanungan sapagkat maraming mga
aspekto ang nakakaapekto nito. Pero isang bagay lanbg ang tiyak, ito ay ang kahirapan.
Hindi ko napapatagalin pa ang aking talumpati kay sa kabuuan, ang mga OFW ay ang mga bayani
ng kinaya lahat ng hirap sa ibang bansa na iba sa bansang sinilangan at kinagisnan sapagkat sila ang bayani ng
kasalukuyan.
 REPLEKTIBONG SANAYSAY
“Para sa iyo, sino ang pinakamagandang babae sa buong mundo?”
Ang tanong na pilit kong bigyan ng kasagutan. Sino nga ba ang
pinakamagandang babae? Alam kong hindi si Liza, lalong hindi si Miss Universe Pia,
ngunit sino nga ba? Simple lang, siya yung nasa aking tabi simula’t sapul. Siya yung
walang sawang nag-aalaga sa ‘kin simula pa no’ng bata ako, Siya yung hinahanap-hanap
ko. Siya ang aking ina.
Ang ating ina ay maihahalintulad natin sa isang bayani. Kahit anong dagok ang
dumating sa pamilya ay walang sawa pa rin ang kanyang pagmamahal sa bawat isa.
Katulad lamang sa aking napanood na “video clip” na pinamagatang “My Most Beautiful
Woman” kahit galing sa paaralan kitang-kita sa mukha ng ina ang pagod, ngunit hindi pa
rin niya binigo ang kanyang anak na daluhan ang isang “program” sa paaralan. Kitang-
kita sa kanyang mukha ang galak at proud siya na umakyat sa stage para sa kanyang
anak. Kahit hindi galing sa kanyang sariling sinapupunan at dugo ang bata ay itinuring pa
rin niya itong tunay na anak. Ito ay nagpapatunay na ang puso ng isang ina ay walang
katulad.
Sino nga ba ng pinakamagandang babae sa buong mundo? Ito ang aking ina.
Siya ang Miss Universe ng buhay ko, suot suot ang korona ng responsibilidad at may
busilak na puso. Siya ang Darna ko na inilalayo ako sa kapahamakan gamit ang kanyang
prinsipyo at payo. Siya ang aking ina, ang nag-iisa at mag-iisang ina.
 DEATH PENALTY SA PILIPINAS: DAPAT
BANG IPATUPAD?
Ang Death Penalty ay isa sa mga maiinit na isyu na kinakaharap ng ating bansa sa kasalukuyan. Ayon sa Republic
Act No. 7659, ang death penalty ay ang parusang ipinapataw sa mga gumawa ng mga kagimbal-gimbal na krimeng
nakakahapis, nakakarimarim, kakilakilabot, at nakakapoot. Ayon naman sa Death Penalty Law, ang uri ng bribery na
ang opisyal, mismo ang namili ng kanyang gustong kapalit para “magserbisyo” sa isang tao ay karapat-dapat sa
parusang kamatayan. Kung kaya’t patuloy pa ring pinagdedebatihan kung ipapatupad ba ito o hindi. Ngunit ayon kay
Pangulong Rodrigo Duterte, ang muling pagpapatupad ng parusang kamatayan ay hindi pananakot sa mga kriminal
kundi pambayad sa kanilang kasalanan. Pero sa likod ng mga bentaheng dulot ng muling pagpapatupad ng dealth
penalty ay makatarungan ba ito? Nakakasigurado ba tayo na magiging matiwasay o mapayapa ang buhay ng mga
mamamayan laong lalo na ang pamilya ng pinapatawan ng parusang kamatayan?
Para sa akin, hindi ako sang-ayon sa death penalty o parusang kamatayan. Unang-una, ang death penalty
ay labag sa paniniwala ng simbahang katoliko. Ito ay dahil nilabag nito ang isa sa mga utos ng Panginoon na bawal
pumatay. Ang Panginoon lang ang may karapatang hatulan ng karapat-dapat na parusa ang taong nagkasala. An ating
Panginoon ang siyang nagbigay sa atin ng buhay kung kaya’t siya rin ang may dominyong bumawi nito sa atin. Ayon
nga kay Novaliches Bishop Emeritus Teodoro Bacani, sa halip na buhayin ang death penalty ay hulihin ang mga
kriminal at mabilis na ipataw ang hustisya sa mga krimen upang masugpo ang anumang kriminalidad.
Pangalawa, kung may death penalty hindi natin nabibigyan ng pagkakataon ang sinumang nagkasala na
magbago at matuto sa kanilang nagawang paglabag sa batas. Ayon nga sa paniniwala ni Chito Gascon pinuno ng CHR
na kung ipapatupad ang parusang kamatayan ay wala na silang pangalawang pagkakataon upang magsimula ulit.
Alam naman natin na kung tayo ay nakagawa ng kasalanan ay may mga bagay tayong nahihinuha at natututunan
galing sa ating kamalian at responsibilidad natin na huwag ng ulitin ang pagkakamaling nagawa.
Ang panghuli, kung may death penalty malaki ang posibilidad na may malaking epekto ito sa naiwang
pamilya lalong-lao na sa parte ng anak. Kahit may malaking magawang kasalanan ay parte pa rin siya ng pamilya ay
masakit para sa lahat sa atin ang mawalan ng mahal sa buhay.
Sa kabuuan, hinding-hindi ako sang-ayon sa pagpapatupad ng death penalty.
 KAHIRAPAN: KAILAN BA
MASOSOLUSYONAN?

Ang pamilya ay ang pangunahin at pinakamaliit nay unit ng lipunan. Kung

kaya’t nagsisimula ang lahat dito kabilang na ang mga aral tungkol sa buhay at
pagpapahalaga nito. Kumakatawan sa isang pamilya ang reyalidad na hinding-hindi
maiiwasan kanino man. Kalakip nito ang mga problema na tila rito unang
umuusbong. Halimbawa nito ay ang kahirapan.
 Ang kahirapan o “poverty” ay isa sa mga problemang kinkaharap ng mga tao
hindi lamang sa Pilipinas kundi pati na rin sa ibang bansa. Ito ay isa sa mga
problemang anaki’y walang gamut at solusyon. Ika nga nila ito’y isang “cycle”
sapagkat patuloy pa rin itong lumalala sa paglipas ng panahon.
 Ang mga bata ang lubos na naapektuhan sa suliraning ito. Ang edukasyon,
maayos na tahanan, malulusog na pagkain at matiwasay na pamilya na sana para
sa kanila ay hindi nila maabot-abot. Hindi natin maikakaila na ito’y nagiging
hadlang para sa kanilang ninanais sa buhay.
 Ang mga nakakaranas nito ay malilimit na nalululong sa mga masasamang
bisyo at Gawain. Sila ay dapat bigyan ng pansin lalong-lalo na’t sila ang pag-asa
ng bayan. Ito ang reyalidad na kinakaharap ng mundo ngayon.
 Ngunit sa kabila ng lahat ng ito ay nananatili pa rin ang pagkakaisa ng pamilya
kahit anong hirap man ang kanilang nararanasan. Nandiyan pa rin ang ngiti sa
kanilang mga mukha. Ito ay nagpapatunay na sa pamamagitan ng pagkakaisa
nating lahat malaki ang posibilidad na mabibigyan nating solusyon ang problemang
kinkaharap ng ating mundo sapagkat kalakip ng pagkakaisa ang pagtutulungan,
pagmamahalan at pagkakaintindihan na hinding-hindi mabubuwag ng kahit anong
pwersa ng kasamaan.
 KATITIKAN NG PULONG

KATITIKAN NG PULONG SA PAGPILI NG PRODUKTO AT NG ADVERTISING COMPANY

Senior High School Building
Martes, Setyembre 5, 2017, 10:15 AM—10:37 AM

• Mga Dumalo:
1. Presidente ng Kompanya— Marie Raphelle T. Deloria
2. Kinatawan ng ABS-CBN— Rose Ann M. Adapon
3. Kinatawan ng GMA— Sharmine I. Alarcio
4. Mga Kasapi ng Kompanya
• Mga Di-nakadalo:
1. Byron E. Deloria (Kasapi ng Kompanya)
2.Gypsy Mae Elnar (Kasapi ng Kompanya)
3. Janine Bautista (Kasapi ng Kompanya)
Sinimulan ang pulong sa ganap na ika-10:32 ng umaga at sumunod ang panalangin na
pinangunahan ni Rose Ann M. Adapon
Katitikan ng Pulong

ADYENDA/ PINAGUSAPAN MGA

I. Pagpili ng Produktong
iendorsohin
1. Inihayag ng Presidente ng
kompanya na si Marie Raphelle T.
Deloria ang mga produktong
iendorsohin.
PINAGKASUNDUAN/PINAGPASIYA
HAN
1. Napagkasunduan ng kasapi ng
kompanya na Head and Shoulders
ang pipiliin na produktong
iendorsohin.
2. Naglahad siya ng produktong 2. Resulta ng Botohan:
pagbobotohan ng mga kasapi at ito Brand X- Sunsilk=6
ang Sunsilk bilang brand X and Head Brand Y- Head and Shoulders= 14
and Shoulders biñang brand Y.
3. May mga nailahad na mungkahi
ang mga kasapi ng kompanya:
• Jhon Mar Trinidad- Mas pipiliin nya
ang Sunsilk
• Christine Lazaga- Mas pipiliin nya
ang Sunsilk sapagkat matagal na
siyang gumagamit nito.
• Khrizzle Jean Maquiling- mas
pipiliin nya ang Head and Shoulders
dahil para sa kanya "it makes your
scalp cool and it can prevent
dandruff"
II. Pagpili ng paraan kung paano
gawing mabenta ang produkto
1. Ipinakilala ng Presidente ng
kompanya ang mga kinatawan ng
ABS-CBN at kinatawan ng GMA.
2. Iminungkahi ng kinatawan ng
ABS-CBN na si Rose Ann
M.Adapon na mas maigi na
popular at mabentang artista ang
gagamitin sa pag-iendorso habang
ayon kay Sharmine I. Alarcio,
kinatawan ng GMA, na mas maigi
na piliin ang mismong gumagamit
ng produkto para mas makita ang
resulta at para hindi peke.
3. Nagtanong ang isang kasapi ng
kompanya na si Jairus Canchela
kung magkano ang gagastuhin
Mga Pinagkasunduan/
Pinagpasiyahan
1. Napagkasunduan ng kasapi ng
kompanya na proud user ang
gagamitin na mag-iendorso sa
produktong Head and Shoulders
2. Napagkasunduan ng kasapi ng
kompanya na ang budget na Php
100,000 na iminungkahi ng kasapi
ng GMA na si Sharmine I. Alarcio
ang pipiliin.
3. Ngunit hindi pa
napagkasunduan kung saang lugar
gaganapin ang pag-iendorso.
ng kompanya hinggil sa mga
naitalakay na suhestiyon.
4. Sinagot naman ito ng mga
kinatawan ng ABS-CBN at GMA.
Ayon sa kinatawan ng ABS-CBN,
ang gastos ay aabot sa Php
500,000 habang ayon sa
kinatawan ng GMA, ang gastos ay
aabot ng Php 100,000 lamang.
5. Pagkatapos tinalakay naman
kung saan gaganapin ang 'actual
shooting' ng pag-iendorso ng
produkto. Ayon kay Rose Ann M.
Adapon mas mainam na gagawin
ito sa bahay at ayon naman kay
Sharmine Alarcio mas mabuti na
gagawin ito sa mall kasi maraming
tao.
6. May mga nailahad na mungkahi
ang mga kasapi ng Kompanya:
• Marielle Asanuddin- 'Toursit spots'
sa Pilipinas
• Sheena Louise Nodado- Sa 'Beach'
• Jhon Mar G. Trinidad- Sa bahay
• John Ryan R. Jumawan- sa
'workplace'
• Khrizzle Jean Maquiling- sa 'open
field'
• RosemelitaCatalonia- sa loob ng
sasakyan (jeep) habang umaandar
III. Iba pang Bagay
1. Pagsasagawa ng isa pang
pagpupulong tungkol sa pagdinig ng
proposal ng nanalong 'advertising
company'
Itinindig ang pulong sa ganap na 10:37 ng umaga sumunod ang pangwakas na panalangin ni
Rose ann M. Adapon.

Itinala ni:
JOHN RYAN R. JUMAWAN
Pansamantalang Kalihim ng Kalupunan

Nabatid ni:
MARIE RAPHELLE T. DELORIA
Presidente ng Kompanya
 PANUKALANG PAPEL
Educational Movie Marathon

Zamboanguita Science High School

Del Pilar Street Poblacion Zamboanguita, Negros Oriental

Mula kina:

• John Ryan R. Jumawan

• Christine M. Lazaga

• Rosemelita A. Catalonia

• Hilmar C. Davad

Kategorya: Session

Petsa: September 11, 2017

Haba ng Panahon: Isang oras tuwing Biyernes 11:00-12:00 ng umaga

I. Rationale:

Sa pagsasagawa ng proyektong ito, ang mga tagapanukala ay maghahanda ng mga educational movies na ipapakita sa mga estudyante. Ang
movie na ipapakita ay isang oras lamang. Ang pangunahing target ng panukalang ito ay ang mga Grade 11- Deloria students ng ZSHS.
Pagkatapos mapanood ang movie ay magkakaroon ng maikling assessment upang malaman kung ang mga Grade 11 students ay mayroong
natutunan. Aabot hanggang isang buwang o higit pa ang panukalang ito. Gagawin ito tuwing Biyernes sa 11:00-12:00 ng umaga.
II. Deskripsyon:
Ang aming panukalang proyekto ay patungkol sa pagsasagawa ng Educational Movie
Marathon tuwing Biyernes ng umaga sa takdang 11:00-12:00 (ito'y isang vacant time)
na gaganapin sa loob ng silid-aralan ng Grade 11-Deloria. Ang panukalang ito ay
nakakatulong sa mga estudyante upang magkaroon ng higit na kaalaman tungkol sa
agham at siyensya, kasaysayan, kaalaman tungkol sa reyalidad ng buhay, isyu sa
lipunan, at maging ang mga mahahalagang aral na dapat mayroon ang isang tao. Hindi
lamang ordinaryong palabas ang mapapanood nila kundi ang mga palabas dito ay
nakakadagdag kaalaman, at ang mapapanood dito ay magagamit sa pang araw-araw na
suliranin. Naglalayon din itong magbigay ng aliw sa mga estudyante bilang isang stress
reliever sa likod ng mga nakakapagod na gawain sa paaralan.

III. Suliranin:
Sa pag-usbong ng bagong kurikulum na K-12 dito sa Pilipinas mas pinapaunlad ang
kaalaman ng mga kabataan sa iba't ibang larangan kung kaya't may mga bagong
asignatura ang dinagdag upang makamit ang pangangailangan ng mga kabataan lalong-
lalo na sa kanilang piniling Track. Kasabay rin nito ang pag-usbong ng research projects
na isa sa mga requirement sa kurikulum na ito. Ngunit kalakip nito ang pag-usbong ng
tinatawag na "stress" na nararanasan ng mga kabataan. Ayon sa Merriam Webster
Dictionary, ang stress ay ang mental na tensyon dahil sa problema at trabaho Ito ay
nagdudulot ng negatibong epekto na nakakaapekto sa mga kabataan. Kung kaya't nais
naming tugunan ang problemang ito sa pamamagitan ng aming panukalang papel na
Educational Movie Marathon na gaganapin namin tuwing Biyernes sa takdang 11:00-
12:00 ng tanghali sa silid-aralan ng Grade 11-Deloria. At ito ay aabot ng isang buwan.
III. Suliranin:
Sa pag-usbong ng bagong kurikulum na K-12 dito sa Pilipinas mas pinapaunlad ang
kaalaman ng mga kabataan sa iba't ibang larangan kung kaya't may mga bagong
asignatura ang dinagdag upang makamit ang pangangailangan ng mga kabataan
lalong-lalo na sa kanilang piniling Track. Kasabay rin nito ang pag-usbong ng
research projects na isa sa mga requirement sa kurikulum na ito. Ngunit kalakip
nito ang pag-usbong ng tinatawag na "stress" na nararanasan ng mga kabataan.
Ayon sa Merriam Webster Dictionary, ang stress ay ang mental na tensyon dahil sa
problema at trabaho Ito ay nagdudulot ng negatibong epekto na nakakaapekto sa
mga kabataan. Kung kaya't nais naming tugunan ang problemang ito sa
pamamagitan ng aming panukalang papel na Educational Movie Marathon na
gaganapin namin tuwing Biyernes sa takdang 11:00-12:00 ng tanghali sa silid-
aralan ng Grade 11-Deloria. At ito ay aabot ng isang buwan.
• Iskedyul
Gaganapin ang Educational Movie Marathon tuwing Biyernes ng umaga sa takdang
11:00 hanggang 12:00, na gagawin sa silid-aralan ng Grade 11- Deloria. Ito ay
aabot ng isang buwan.
V. Benipisyo
Ang proyektong ito ay nagbibigay aliw sa mga estudyante. Makakakuha rin sila ng kaalaman patungkol sa ipapalabas. Paraan din ito
para makapagpahinga at makapagtuklas ng ibang kaalaman at mamagamit nila ito sa kanilang pag-aaral.

Prepared by:

John Ryan R. Jumawan

Christine M. Lazaga

Rosemelita A. Catalonia

Hilmar C. Davad

Noted by:

Bb. Ana Melissa Venido

Filipino Adviser

Approved by:

Gng. Melissa A. Lero

Zamboanguita Science High School Officer-in-Charge
 COVER LETTER
Ika-14 ng Setyembre 2017

Bb. ANA MELISSA VENIDO

Division Superintendent
Department of Education Division of Negros Oriental
Capitol Area, Lungsod ng Dumaguete

Mahal na Bb. Venido:

Isang maaliwalas at mapagpalang umaga po sa inyo!
Nais ko pong mag-apply bilang isang guro sa asigmaturang Biology sa Santiago Delmo Memorial High School, isang mataas na paaralan
ng Zamboanguita. Matagal ko na pong ninanais na makaturo sa munisipalidad na aking pinanggalingan. Alam ko na naghahanap kayo
ng bagong guro magtuturo ng Biology, bilang isang pangunahing subject sa bagong kurikulum ng K-12
Makikita po ninyo sa kalakip na resume ang aking mga karanasan, parangal at mga kasanayan na tumutugon sa inyong kwalipikasyon.
Kinakatawan ko rin po ang mga katangian na nakasaad sa inyong Mission at Vision at handa po ako na harapin ang mga misyon na iyon.
Tinataglay ko rin po ang mga katangian ng isang mabuting guro na walang pinipili kahit sino na bigyan ng bagong kaalaman na lubos na
kinakailangan nila.
Naniniwala po ako na malaki ang aking maiaambag sa paaralan at munisipalidad ko. Makakaasa po kayo sa aking mga abilidad na
nakakatulong sa pag-unlad ng mga bata.
Maaari pi ako kontakinwa numerong 09750824375 at magmessage sa aking email na johnryan_jumawan@yahoo.com. Maraming
Salamat Po!

Sumasainyo,
JOHN RYAN R. JUMAWAN
 RESUME
John Ryan R. Jumawan
Arellano St. Poblacion Zamboanguita
Negros Oriental
09750824375
johnryan_jumawan@yahoo.com

• LAYUNIN
Posisyon sa pagtuturo ng asignaturang Biology sa Santiago Delmo Memorial High School

• EDUKASYON
Unibersidad ng Harvard. 2025—Kasalukuyan
Bachelor of Science major in Biology

Zamboanguita Science High School (Senior H/S) 2018—2019

STEM Track

Zamboanguita Science High School (Junior H/S) 2015-2018

Zamboanguita Central Elementary School 2009—2014

• MGA KARANASAN
Student Teacher 2022—2023
Ateneo de Manila University

On the Job Training (OJT) 2022

University of the Philippines
Nakadalo sa isang seminar tungkol sa pagtuturo ng Biology 2021

Naging parte sa Students Organization in Biology 2019—2020

• MGA PARANGAL
Outstanding Student of Harvard University 2025 2025

Cum Laude sa Harvard University Batch 2024—2025 2025

Valedictorian sa Zamboanguita Science High School 2019

Valedictorian sa Zamboanguita Central Elementary School 2014

• MGA KASANAYAN
Nakagawa ng sariling instruksiyonal na materyal sa asignaturang Biology
 MEMORANDUM
Republika ng Pilipinas
Kagawaran ng Edukasyon
Zamboanguita Science High School
Del Pilar St., Polacion Zamboanguita
Paksa: Pagpupulong para sa 2017 Christmas Party
Para sa: Miyembro ng Student Council

1. Tila mabilis ang takbo ng panahon at paparating na ang pinakahihintay ng lahat— ang araw ng
Pasko. Nararamdaman na ang malamig na ihip ng hangin na hudyat sa selebrasyong ito. "Ber"
months na at nagsisimula ng magkaroon ng makabuluhang Pasko ang mga tao lalong-lalo na't sa
Pilipinas ay may pinakamahabang selebrasyon ng Pasko. Kaya napagkasunduan ng bawat miyembro
ng Student Council na magsagawa ng pagpapulong para sa paparating na 2017 Christmas Party na
may temang "Pasko ng Pagkakaisa"
2. Nilalayon ng pagpupulong ang mga sumusunod:
• Upang mapagkasunduang mabuti ang mga gaganaping mga activities na isasali sa program.
• Upang pagplanuhan ang mga kakailalanganin sa pagsasagawa nito kagaya ng badyet para
sa pagkain, premyo sa mga parlor games, sound system at stage decorations.
• Upang pagplanuhan at makagawa ng iskedyul sa mga activities, parlor games at iba pang
patimpalak na dadaluhan ng mga estudyante.
3. Ang pagpupulong ng 2017 Christmas Party ay gaganapin ngayong November 10,2017 sa
ganap na 8:30 AM. Gagamitin ang silid-aralan ng Grade 12-Generoso, SHS building, ZSHS sa
pagpupulong na ito.
4. Para sa karagdagang impormasyon:
• Ang travel expenses ay kulunin mula sa SHS building
5. Para sa malawakang diseminasyon.

JOHN RYAN R. JUMAWAN

Pangulo ng Student Council
 AGENDA
PETSA: Ika-4 ng Oktubre 2017
PARA SA: MGA MIYEMBRO NG EARTH CLUB
MULA KAY: MS. ALI SILVA ABEJERO
Presidente ng Club
Mangyayari ang ating pagpupulong sa Oktubre 10, 'ika-17 ng umaga sa ZamboanguitaScience High
School Conference room. Ang mga opisyal sa nasabing club ang magdadala ng ating kakailalanganing
kagamitan at pananghalian sapagkat medyo mahaba ang tatalakayin sa pagpupulong.
AGENDA:
1. Pagsisimula
a.Panalangin
b.Bating Pambungad
2. Pag-apruba ng Agenda
3. Pag-apruba bg katitikan ng nakaraang pulong
4. Mga isyu sa katitikan ng nakaraang pulong
5. Mga update sa mga planong proyekto at gawain kasama ang lugar:
 a. Coastal Clean-up (Mayabon Area)
b. Earth Walk (Zamboanguita)
c. Recycling Contest (ZSHS)
d. Snorkeling (Lutoban Marine Sanctuary)
e. Tree Planting Activity (Salngan, Zamboanguita)
f. SIP (ZSHS)
6. Iba pang gawaing wala pang iskedyul:
a. Symposium
b. Poster Making and Essay Writing Contest
c. Garbage Bin Distribution Program
d. Miss Earth Zamboanguita 2017
7. Mga paalala para sa mga miyembro ng Earth Club.
8. Iba pang bagay.
9. Petsa ng susunod na buwanang pulong, ika-20 ng Nobyembre 2017.
10. Pangwakas
a. Panalangin