Araling Panlipunan 6

Unang Markahan
Ikaanim na Linggo
Aralin 21

I. LAYUNIN:
9.1.1. Natatalakay ang pagkakatatag ng deklarasyon ng kasarinlan ng
mga Pilipino
9.1.2. Naipakikita ang ilang kaganapan sa deklarasyon ng kasarinlan
ng mga Pilipino
9.1.3. Napahahalagahan ang pagkakadeklara ng kasarinlan ng mga
Pilipino

II. NILALAMAN:
Deklarasyon ng Kasarinlan ng mga Pilipino

III. KAGAMITAN PANTURO:

A. Sanggunian : AP6PMK-If-9 p.57, Ang Pilipino sa Pagbuo
ng Bansa, p. 215-216, Pilipinas: Bansang
Papaunlad p. 186-187 Pilipinong
Makabayan 6 p. 185-186, Ang Pilipinas p.
163-164
B. Iba pang kagamitan : Laptop, TV, powerpoint, larawan, video
clip

IV. PAMAMARAAN:
A. Panimulang Gawain:
1. Balitaan tungkol sa napapanahong isyu.
2. Balik Aral
 Sino–sino ang mga babaeng may mahalagang ginampanan
sa samahan ng Katipunan? (Trinidad Tecson at Gregoria de
Jesus)
  Sino ang tinaguriang Lakambini ng Katipunan? (Gregoria de
Jesus)
 Sinong katipunera ang naging tagapagtago ng
mahahalagang papel ng katipunan? (Gregoria de Jesus)
 Sino naman ang nars ng digmaan at kasama nina del Pilar?
(Trinidad Tecson)

3. PanimulangPagtataya
Piliin ang titik ng tamang sagot.
1. Pansamantalang itinatag ni Aguinaldo ang isang
pamahalaang Diktaturyal noong Mayo 24, 1898 at
pagkaraan ng ilang linggo, ipinahayag naman ang
kasarinlan ng Pilipinas na ginanap sa ____________.
A. Kawit, Cavite C. San Miguel, Bulacan
B. Malolos, Bulacan D. San Juan, Del Monte
2. Sa pagpapahayag ng kasarinlan ng Pilipinas, iwinagayway
rin ang pambansang watawat sa kauna–unahang
pagkakataon sa saliw ng tugtog ng ating pambansang awit,
sino ang lumikha nito?
A. Ambrocio Rianzares Bautista
B. Emilio Aguinaldo
C. Julian Felipe
D. Jose Palma
3. Sino ang naatasan ni Emilio Aguinaldo na sulatin at basahin
ang pagpapahayag ng kasarinlan ng bansa at nilagdaan
ng 98 mga katao?
A. Jose Palma
B. Julian Felipe
C. Emilio Aguinaldo
D. Ambrocio Rianzares Bautista
 4. Sino ang naglapat ng titik ng awit ng Pambansang Awit ng
Pilipinas?
A. Ambrocio Rianzares Bautista
B. Emilio Aguinaldo
C. Julian Felipe
D. Jose Palma
5. Bakit ipinahayag ni Emilio Aguinaldo ang kalayaan ng
Pilipinas noong Hunyo 12, 1898?
A. Dahil naniniwala siya na higit na pag-iibayuhin ang
pagkakabuklod ng mga Pilipino.
B. Dahil nais niyang ipakilala ang gumawa ng
Pambansang Awit
C. Dahil nais niyang ipaalam na siya ang pinuno ng
Pilipinas.
D. Dahil nais niyang marinig ang Pambansang Awit

Sagot: 1. A 2. C 3. D 4. D 5. A

B. Paghahabi sa layunin ng aralin o Pagganyak

 Ipapakita at ipaparinig ang Pambansang Awit (video Clip)
(https://www.youtube.com/watch?v=SldKoT72Gbo)

 Magbigay ng ilang mahahalagang bagay na nakita niyo sa

video.
 Kailan ninyo inaawit an gating Pambansang awit?

C. Pag-uugnay ng mga halimbawa sa bagong aralin o Paglalahad ng

Aralin
 Paglalahad ng aralin sa pamamamgitan ng Powerpoint
 Pagsasarili ng Bansa

Ang unang balak ni Aguinaldo ay itatag ang pamahalaang

pederal subalit tumutol si Ambrosio Rianzares Bautista sa
paniniwalang hindi pa handa ang bansa sa ganitong sistema. Sa
halip ay pamahalaang diktatoryal ang nararapat. Pansamantalang
itinatag ni Aguinaldo ito noong Mayo 24,1898.

Pagkaraan ng ilang linggo, ipinahayag ni Aguinaldo ang

kasarinlan ng Pilipinas sa Kawit, Cavite noong Hunyo 12,1898.
Iniladlad ang pambansang watawat at tinugtog ang pambansang
awit na katha ni Julian Felipe. Ang titik at awit ay sinulat ni Jose
Palma. Ang watawat ng Pilipinas ay tinahi ni Marcella Agoncillo at
ginawa sa Hongkong. Si Ambrosio Rianzares Bautista, tagapayo ni
Aguinaldo, ang sumulat at bumasa ng pagpapahayag ng
kalayaan na nilagdaan ng 98 mga katao.

Ipinahayag ni Aguinaldo ang kasarinlan ng Pilipinas upang

higit na mabuklod ang mga Pilipino. Nais din niyang makilala ang
Pilipinas bilang isang bansang malaya.

https://www.youtube.com/watch?v=NGMgpbYRGM4

D. Pagtalakay ng bagong konsepto at paglalahad ng bagong

kasanayan
1. Gawain 1
 Ano ang uri ng pamahalaan ang balak itatag ni Aguinaldo
na tinutulan ni Ambrosio Rianzares Bautista?
 Bakit ipinahayag ni Emilio Agunaldo ang Kalayaan ng
Bansang Pilipinas? Ipaliwanag.

2. Gawain 2 Pangkatang Gawain

Pangkat 1
 Tukuyin ang mga Pilipinong naging bahagi ng
pagdedeklara ng Kasarinlan ng Pilipinas.
Kailan at saan ginanap ang pagdedeklara ng kasarinlan
ng Pilipinas.
Iulat ito sa klase

Pangkat 2

Punan ang sumusunod na detalye sa Concept Map.

Pangkat 3 (Pagsasadula)

 Ipapakita ng grupo ang damdamin ng mga Pilipino

habang ipinahahayag ang kasarinlan ng mga Pilipino.

Puntos PAMANTAYAN
Naisagawa o naipamalas ng lahat ng kasapi ng
10 pangkat ang gawain /presentasyon nang higit
sa inaasahan.
Naisagawa o naipamalas nang maayos
8
alinsunod sa tuntunin ng lahat ng kasapi ng
 gawain o presentasyon.

Kaayusan ang pagsasagawa o pagpapamalas

6
ng gawain o presentasyon ng lahat ng kasapi.
Kinakikitaan ng di pagkakaisa at walang
4 koordinasyon sa pagsasagawa o
pagpapamalas ng gawain o presentasyon.
Walang kaayusan ang isinagawa o naipamalas
2
na gawain o presentasyon .
Walang naisagawa o naipamalas na gawain o
0
presentasyon.

E. Paglinang sa Kabihasaan
1. Kailan at saan ipinahayag ang kasarinlan ng Pilipinas?
2. Sino ang nagwagayway ng Watawat ng Pilipinas?
3. Sino ang unang tumahi ng Watawat ng Pilipinas
4. Ano ang tinugtog habang inaawit ang Pamabansang Awit?
5. Sino ang Kumatha nito?

F. Paglalapat ng aralin sa pang-araw-araw na buhay.

 Tayo ay naging malaya na simula noong ika-12 ng Hunyo, 1898.
Nagbigay ito sa atin ng iba’t ibang karapatan. Ang watawat
ang naging sagisag ng pagiging malaya na ang ating bansa.
Bilang paggalang dito, ano ang gagawin mo kapag ito ay
nasira na sa di-inaasahang pagkakataon?
 Bilang isang mag-aaral, paano mo maipakikita ang iyong
pagmamahal kapag naririnig mo ang ating Pambansang Awit
at itinataas ang pambansang watawat?
 Ipakita ninyo ang dapat isagawa habang inaawit ito.

G. Paglalahat ng Aralin
 Anong uri ng pamahalaan ang umiiral sa bansa nang ipahayag
ang kasarinlan ng Pilipinas?
 Bakit ipinahayag ang kalayaan ng Pilipinas sa Kawit, Cavite?
Ipaliwanag.
H. Pagtataya ng Aralin
Piliin ang titik ng tamang sagot.
1. Mahalagang bahagi ang ginampanan ni Emilio Aguinaldo sa
pagdedeklara ng kasarinlan ng mga Pilipino. Saan at kalian ito
isinagawa?
A. Hunyo 12, 1898 sa Kawit, Cavite.
B. Hunyo 28,1898 sa Kawit, Cavite
C. Hulyo 12, 1898 sa Kawit, Cavite
D. Hulyo 4, 1898 sa Kawit, Cavite
2. Sa pagpapahayag ng kasarinlan ng mga Pilipino, iwinagayway
ang Watawat ng Pilipinas, sino ang tumahi nito?
A. Juliana Felipe C. Herbosa Natividad
B. Marcela Agoncillo D. Ambrosio Rianzares Bautista
3. Saang bansa ginawa ang watawat ng Pilipinas?
A. Japan C. Singapore
B. Pilipinas D. Hongkong
4. Sa pagpapahayag ng kasarinlan ng Pilipinas iwinagayway ang
Watawat ng Pilipinas kasabay ang pagtugtog ng pambansang
awit. Sino naman ang sumulat at bumasa ng pagpahayag ng
kasarinlan ng Pilipinas?
A. Jose Palma C. Apolinario Mabini
B. Emilio Aguinaldo D. Ambrosio Rianzares Bautista

5. Bakit ipinahayag ni Emilio Aguinaldo ang kalayaan ng Pilipinas

noong Hunyo 12, 1898?

A. Dahil naniniwala siya na higit na pag-iibayuhin ang

pagkakabuklod ng mga Pilipino.
B. Dahil nais niyang ipakilala ang gumawa ng Pambansang
Awit
C. Dahil nais niyang ipaalam na siya ang pinuno ng Pilipinas.
D. Dahil nais niyang marinig ang Pambansang Awit
 Sagot: 1. A 2. B 3. D 4. D 5. A

I. Karagdagan Gawain para takdang aralin at remedyasyon

 Bakit mahalaga ang naganap na deklarasyon ng kasarinlan
noong Hunyo 12, 1898 sa buhay ng mga Pilipinong nabuhay
noong panahong iyon? Sumulat ng sanaysay hinggil dito.
 Araling Panlipunan VI
Unang Markahan
Ikaanim na Linggo
Aralin 22

I. LAYUNIN:
9.2.1. Natatalakay ang kahalagahan ng pagdedeklara ng kasarinlan
ng Pilipinas
9.2.2. Nakabubuo ng pagbubuod tungkol sa kahalagahan ng
pagdedeklara ng kasarinlan ng Pilipinas
9.2.3. Naipahahayag ang kahalagahan ng pagdedeklara ng
kasarinlan ng Pilipinas.
.
II. NILALAMAN:
Kahalagahan ng Pagdedeklara ng kasarinlan ng Pilipinas

III. KAGAMITAN PANTURO:

A. Sanggunian : AP6PMK-If-9
https://www.youtube.com/watch?v=UMiyDYyHE-c-

Pilipinas Bansang Papaunlad, pp. 186 -

189
B. Iba pang kagamitan : larawan, activity sheet, cartolina strips
(dilaw), laptop, LED TV, video clip
IV. PAMAMARAAN:
A. Panimulang Gawain:
1. Balitaan tungkol sa napapanahong isyu.
2. Balik Aral
2.1. Kalian natamo ng mga Pilipino ang kasarinlan mula sa
mga Kastila?
2.2. Sino ang nagpahayag nito?
2.3. Saang makasaysayang lugar ginanap ang
pagdedeklara ng ating kasarinlan?
3. Panimulang Pagtataya
Isulat ang titik ng tamang sagot.
1. Ang bansang Pilipinas ay isang malayang bansa. Kailan
masasabi na ang isang bansa ay malaya?
A. Kapag pinamamahalaan ito ng mga dayuhan.
B. Kapag may kalayaang kinikilala ng ibang bansa
C. Kapag walang karapatang mamahala sa
nasasakupan.
D. Kapag nakikialam ang ibang bansa sa mga desisyon
nito.
2. Bakit mahalagang magtamasa ng mga kalayaan at
karapatan ang isang tao?
A. Upang umunlad ang buhay ng lahat.
B. Upang makamit ang lahat na pangarap sa buhay.
C. Upang magtamasa siya ng katiwasayan sa
pamumuhay.
D. Upang makamtan niya ang lahat ng mga
pangangailangan.
3. Marami sa ating mga dakilang bayani ang nagbuwis ng
kanilang buhay para sa ating bansa? Sa anong dahilan?
A. upang balang araw ay makilala sila ng mga
kabataan.
B. upang mailathala ang kanilang pangalan sa mga
aklat.
C. sapagkat tungkulin talaga nilang ipagtanggol ang
ating bansa.
D. upang matamo ng ating bansa ang kalayaan laban
sa mga dayuhang mapang-api.

4. Maraming karapatan at kalayaang tinatamasa ang

mamamayang Pilipino sa pagkakamit ng ating bansa ng
kasarinlan. Tayo ay may karapatang tanggapin ang
 respeto o paggalang na nauukol sa isang tao. Ano ang
dapat mong gawin upang matamasa mo ito?
A. Mag-aaral akong mabuti.
B. Iiwasan kong makipag-away.
C. Susunod ako sa batas ng ating bansa.
D. Igagalang ko ang aking kapwa, matanda man o
bata
5. Paano pinahahalagahan nating mga Pilipino ang Araw
ng Kasarinlan o Kalayaan?
A. sa pamamagitan ng pagtataas ng watawat ng
Pilipinas kapag flag ceremony.
B. sa pamamagitan ng pagdiriwang ng Araw ng
Kalayaan tuwing ika-12 ng Hunyo taon-taon.
C. nagtutungo ang mga mag-aaral tuwing ika-12 ng
Hunyo sa bahay ni Emilio Aguinaldo sa Kawit,
Cavite.
D. Hindi na ito pinagtutuunan pa ng pansin sapagkat
napakatagal na panahon na nang maganap ang
ating kasarinlan.

Sagot: 1. B 2. C 3. D 4. D 5. B

B. Paghahabi sa layunin ng aralin o Pagganyak

 Ipapanood sa mga bata ang isang video ng awiting “Dakilang
Lahi” mula sa https://www.youtube.com/watch?v=UMiyDYyHE-c-
 Magkaroon ng talakayan ukol dito.
a. Ano ang mensaheng nais iparating sa atin ng awiting
“Dakilang Lahi”
b. Bakit dapat nating pahalagahan ang kalayaan ng ating
bansa?
c. Sa papaanong paraan natin ito mapapahalagahan?
C. Pag-uugnay ng mga halimbawa sa bagong aralin o Paglalahad
Pagmasdang mabuti ang sumusunod na larawan.

 Anong mahalagang pangyayari ang nasa larawan?

 Ano ang kahalagahan ng pangyayaring ito?

D. Pagtalakay ng bagong konsepto at paglalahad ng bagong

kasanayan
1. Gawain 1- Paggamit ng human figure
Bilang isang Pilipinong nakamit ang kalayaan, ibigay na muli ang
mahahalagang detalyeng naganap sa pagpapahayag ng
ating Kasarinlan partikular ang pangunahing layunin nito. Ilagay
ito sa loob ng human figure. Sumagguni sa nilalaman ng teksto.
 Pagsasarili ng Bansa

Ipinahayag ni Hen. Emilio Aguinaldo ang kasarinlan ng

Pilipinas sa Kawit, Cavite noong Hunyo 12, 1898. Iniladlad ang
Pambansang Watawat at tinugtog ang Pambansang awit na
katha ni Julian Felipe at nilapatan ng titik ni Jose Palma.

Ipinahayag ni Aguinaldo ang kasarinlan ng Pilipinas

upang higit na mabuklod ang mga Pilipino. Nais din niyang
makilala ang Pilipinas bilang isang bansang malaya.

Sanggunian: Pilipinas Bansang Papaunlad, pp. 186-187.

2. Gawain 2- Pagbuo sa mga bahagi
Ang araw sa ating watawat ay sumisimbolo ng katapangan ng
ilang bayang lumaban upang makamit natin ang ating
kalayaan. Isulat sa walong sinag ng araw (maghanda ng 8
cartolina strips na kulay dilaw katulad ng nasa larawan) ang
kahalagahan ng pagdedeklara ng kasarinlan ng Pilipinas
(Sumangguni sa teksto) pagkatapos ikabit ito sa paligid ng bilog
upang mabuo ang larawan ng araw.

Pagpapahayag ng Kasarinlan ng Bansa

Ipinahayag ni Hen. Emilio Aguinaldo ang kasarinlan ng

Pilipinas sa Kawit, Cavite noong Hunyo 12, 1898. Iniladlad ang
Pambansang Watawat at tinugtog ang Pambansang awit na
katha ni Julian Felipe at nilapatan ng titik ni Jose Palma.

Ipinahayag ni Aguinaldo ang kasarinlan ng Pilipinas

upang higit na mabuklod ang mga Pilipino. Nais din niyang
makilala ang Pilipinas bilang isang bansang malaya.

Napakahalaga ng araw na ito sapagkat dito natin

naranasan ang pagiging makabayan nating mga Pilipino sa
kabila ng pinagdaanan natin sa kamay ng mga dayuhan.

Naging maligaya at payapa ang ating bansa noong

naging malaya tayo. Ginigunita din natin dito ang paghihirap,
pag-ibig at pagbuwis ng buhay ng mga bayaning Pilipino na
lumaban para sa kalayaan ng Pilipinas. Dahil sa ating
kasarinlan, mas napag-alab natin ang nasyonalismo o
pagkamakabansa. Nagtamasa rin ng maraming karapatan
at kalayaan ang mga Pilipino sa pagkakamit natin ng
kasarinlan. Dahil sa pagdedeklara ng ating kasarinlan,
nakawala tayo sa paniniil ng mapang-aping mga Kastila.
 KAHALAGAHAN NG
PAGDEDEKLARA NG
KASARINLAN

E. Paglinang sa Kabihasnan
a. Pag-uulat ng bawat pangkat
b. Pagtatalakayan
 Ano ang layunin ng pagdedeklara ni Hen. Emilio Aguinaldo
ng Kasarinlan ng Pilipinas?
 Anu-ano ang kahalagahaan ng pagdedeklara ng
Kasarinlan ng Pilipinas?
 Sa papaanong paraan natin maipapakita ang
pagpapahalaga sa ating kasarinlan o kalayaan?

F. Paglalapat ng aralin sa pang-araw-araw na buhay.

Isa sa kahalagahan ng pagkakaroon ng Kasarinlan ng ating bansa
ay ang pagkakaroon natin ng mga karapatan at kalayaan. Bilang
 isang mag-aaral, paano mo pahahalagahan ang mga karapatan
at kalayaang ito?

G. Paglalahat ng Aralin
 Ano-ano ang kahalagahan ng pagdedeklara ng kasarinlan ng
Pilipinas?
 Sa paanong paraan ipinapakita nating mga Pilipino ang
kahalagahan ng pagdedeklara ng ating kasarinlan?

H. Pagtataya ng Aralin
Basahing mabuti ang bawat katanungan at piliin ang titik ng
wastong sagot.
1. Paano nakamit ng mga Pilipino ang kasarinlan ng ating bansa?
A. Kusa itong ipinagkaloob ng mga dayuhan sa Pilipinas.
B. Hindi tumigil sa pakikipaglaban ang ating mga ninunong
Pilipino
C. Nagmakaawa ang ating mga ninuno sa mga dayuhan na
palayain ang ating bansa.
D. Nagbayad ng malaking halaga ang Pilipinas sa mga
dayuhan para sa ating kalayaan.
2. Hunyo 12, 1898 nang ideklara ni Hen. Emilio Aguinaldo ang ating
kasarinlan sa Kawit, Cavite. Ano ang pangunahing layunin ng
pagdedeklara ng ating kasarinlan?
A. upang mapagbuklod pa ang diwa at puso ng mga Pilipino
B. upang mapadali ang pakikipaglaban natin sa mga
mananakop.
C. upang maipakita na handa ang Pilipinas na
makipagkaibigan sa mga dayuhan.
D. upang muling magdeklara ang bansa ng pakikipagdigma sa
mga bansang sumakop dito.
3. Sa pagdedeklara ng kasarinlan ng Pilipinas, iwinagayway ang
ating watawat at tinugtog ang ating Pambansang Awit. Anong
damdamin ang ipinakita ng mga Pilipino sa mga sandaling iyon?
A. pagkamalikhain at pagkamasipag
B. pagkamatapat at pagkamagiting
C. pagkamakabansa at pagkamakabayan
D. pagkamatapang at pagkamaalalahanin
4. Malaki ang naitutulong ng pagkakadeklara ng ating kasarinlan
sa ating mga Pilipino. Ano ang pangunahing naibigay nito sa
atin?
A. Nagkaroon tayo ng pagkakataong lumaban sa himagsikan.
B. Napagkalooban ang mga Pilipino ng maraming karapatan
at kalayaan.
C. Nabigyan ang mga Pilipino ng karagdagang armas na
magagamit sa pakikipaglaban.
D. nagkaroon ng malaking halaga ang mga Pilipino dahil sa
ibinayad na pera ng mga dayuhan.
5. Napakapalad ng Pilipinas sa pagkakaroon nito ng kasarinlan
kaya nararapat lang na ito’y ating pahalagahan. Bakit
kailangan nating pangalagaan at ipagtanggol ang nakamit
nating kasarinlan?
A. dahil ito ang iniutos sa atin ng ating mga ninuno.
B. upang maging handa tayo sa giyera laban sa ibang
bansa.
C. dahil isang malaking kasalanan kung hindi natin ito
ipagtatanggol at maari tayong makulong.
D. dahil maraming Pilipinong nagbuwis ng buhay makamit
lang nating muli ang ating kalayaan

Sagot: 1. B 2. A 3. C 4. B 5. D
I. Karagdagan Gawain para takdang aralin at remedyasyon
Gumawa ng isang islogan na nagpapakita ng pagpapahalaga sa
ating kalayaan.
 Araling Panlipunan 6
Unang Markahan
Ikaanim na Linggo
Aralin 23

I. LAYUNIN:
9.3.1. Natatalakay ang pagkakatatag ng Kongreso ng Malolos at ang
deklarasyon ng kasarinlan ng mga Pilipino
9.3.2. Naipakikita ang kaganapan sa pagkakatatag ng Kongreso ng
Malolos
9.3.3. Napahahalagahan ang mga Pilipinong naging daan at ang
kanilang naging ambag upang makamit ng bansa ang
kasarinlan.

II. NILALAMAN:
Kongreso ng Malolos

III. KAGAMITANG PANTURO

A. Sanggunian : AP6PMK-If-9, Ang Pilipinas I p.164,
Pilipinas Isang Sulyap at Pagyakap
p.173-175, Kayamanan I p.183-184
B. Iba pang kagamitan : aklat, larawan, laptop, power point
presentation, pentel pen, manila paper

IV. PAMAMARAAN:
A. Panimulang Gawain:
1. Balitaan tungkol sa napapanahong isyu.
2. Balik Aral
a. Kailan nakamit ng mga Pilipino ang kasarinlan sa kamay ng
Espanya?

b. Ano ang ginawa ng mga bayaning Pilipino upang makamit

ang minimithing kasarinlan?
 c. Paano natin maipakikita ang ating pagpapahalaga sa mga
bayaning nakipaglaban para sa ating kasarinlan?

3. PanimulangPagtataya
Panuto: Basahin ang bawat pangungusap. Piliin at isulat ang titik
nang tamang sagot.

1. Naging makasaysayan ang simbahan ng Barasaoin sa

Malolos, Bulacan dahil dito pinasinayaan ang Kongreso ng
Malolos noong ___________.

A. Setyembre 12,1898 C. Setyembre 14,1898

B. Setyembre 13,1898 D. Setyembre 15,1898

2. Sa pagnanais ng mga Pilipinong maging malaya, minarapat

nilang tumawag ng kongresong bubuuin ng mga
kinatawang halal ng mga lalawigan. Anong kongreso ang
nabuo?
A. Kongreso ng Batangas C. Kongreso ng Laguna
B. Kongreso ng Cavite D. Kongreso ng Malolos
3. Sino sa mga sumusunod ang kabilang sa may mataas na
pinag-aralan at may kaya sa buhay na kinatawan ng
Kongreso ng Malolos?
A. abogado C. karpentero
B. basurero D. magsasaka
4. Nagkaroon ng halalan ang kongreso upang piliin ang
magiging pinuno. Sino ang nahalal na pangulo?
A. Gregorio Araneta C. Pablo Ocampo
B. Benito Legarda D. Pedro S. Paterno
5. Pinagtibay ng Kongreso ang kasarinlang ipinahayag sa
Kawit, Cavite noong Hunyo 12,1898. Kailan ito naganap?
A. Marso 21,1892 C. Setyembre 29,1898
B. Enero 5, 1894 D. Oktubre 30,1899
 Sagot: 1. D 2. D 3. A 4. D 5. C

B. Paghahabi sa layunin ng aralin o Pagganyak

Magpapakita ng larawan. Kikilalanin sila.

https://google.com.ph/search?q=Mga Pambang Bayani

C. Paglalahad ng Aralin
Sa pamamagitan ng slides ilalahad ito sa mga bata. Ipababasa at
uunawain ang isinasaad dito.

Sa pagnanais ng mga Pilipino na maging Malaya,

minarapat nilang tumawag ng kongresong bubuuin ng mga
kinatawang halal ng mga lalawigan. Noong Setyembre 15,1898,
pinasinayaan ang Kongreso ng Malolos. Ang mga kinatawan ay
85 na mga mamamayang nabibilang sa mataas na pinag-aralan
at maykaya sa buhay. Sila ay nagpulong sa Barasaoin Church sa
Malolos, Bulacan. Ang mga kinatawan ay mga abogado,
manunulat, inhenyero, mangangalakal, mangagamot at
parmasyutiko. Nahalal na pangulo ng kongreso si Dr. Pedro
Paterno; si Benito Legarda ang pangalawang pangulo; at ang
kalihim ay sina Gregorio Araneta at Pablo Ocampo. Noong
Setyembre 29, 1898 pinagtibay ng kongreso ang kasarinlang
 ipinahayag sa Kawit, Cavite noong Hunyo 12, 1898. Malaki ang
nagawa ng Kongreso ng Malolos.

D. Pagtalakay ng bagong konsepto at paglalahad ng bagong

kasanayan
1. Gawain 1
 Batay sa inyong pagkaunawa sa binasang talata, paano
naitatag ang Kongreso ng Malolos?
 Sino-sino ang bumubuo dito?
 Ano ang mahalagang naidulot nito sa mga Pilipino?
 Isa-isahin ang mga Pilipinong may kaugnayan sa
pagkakatatag ng Kongreso ng Malolos at ang kanilang
naging panunungkulan.

2. Gawain 2 Pangkatang Gawain

2.1. Pangkat 1 Panuto: Gamit ang pentel pen at manila paper.
Sagutin ang tanong na ito.

Ano ang kahalagahan ng pagkakatatag ng Kongreso ng

Malolos at ang deklarasyon ng kasarinlan ng mga
Pilipino?

2.2. Pangkat 2 Panuto: Punuan ang kahon sa ibaba

Mga Pilipinong nanguna Naging Ambag sa
upang makamit ng bansa pagkakamit ng kasarinlan
ang kasarinlan
 2.3. Pangkat 3 Panuto: Sa pamamagitan ng pangkatang
presentasyon, ipapakita nila ang kaganapan sa
pagkakatatag ng Kongreso ng Malolos. Inaasahang
makikiisa ang bawat kasapi ng pangkat.
Ipakikita nila dito ang mga sumusunod na pangyayari

- Ang pagnanais ng mga Pilipinong maging malaya

- Ang mga bumubuo ng Kongreso ng Malolos
- Ang naganap na halalan ng mga naging pinuno

RUBRICS FOR PERFORMANCE TASK (GROUP WORK/PRESENTATION)

Puntos Mga Pamantayan
Naisagawa o naipamalas ng lahat ng kasapi ng pangkat
10 ang gawain/presentasyon nang higit sa inaasahan.
Naisagawa o naipamalas nang maayos alinsunod sa
8 tuntunin ng lahat ng kasapi ng gawain o presentasyon.
Kaayusan ang pagsasagawa o pagpapamalas ng
6 gawain o presentasyon ng lahat ng kasapi.
Kinakikitaan ng di pagkakakisa at walang koordinanasyon
4 sa pagsasagawa o pagpapamalas ng gawain o
presentasyon.
Walang kaayusan ang isinagawa o naipamalas na
2 gawain o presentasyon.
Walang naisagawa o naipamalas na gawain o
0
presentasyon.

E. Paglinang sa Kabihasaan
Pag-uulat ng mga bata ng kanilang ginawang awtput.
a. Anu-ano ang mga pangyayaring naganap sa pagkakatatag ng
Kongreso ng Malolos?

b. Ano ang inyong mga naging pananaw sa mga pangyayaring

ito?

c. Nakamit ba nila ang minimithing kalayaan sa pagkakatatag ng

Kongreso ng Malolos? Bakit? Bakit hindi? Patunayan.
F. Paglalapat ng aralin sa pang-araw-araw na buhay.

 Kung ikaw ay isa sa mga bayaning Pilipino, nanaisin mo rin ba na

makamit ang kasarinlan o kalayaan ng ating bansang sinilangan?
Sa paanong paraan at bakit?

 Ipaliwanag.

G. Paglalahat ng Aralin

 Ano-ano ang mga pangyayaring naganap sa pagkakatatag sa

Kongreso ng Malolos?
 Sino-sino ang mga bayaning Pilipino na naging daan upang
makamit ng bansa ang kasarinlan? Ano-ano ang naging ambag
nila dito?

H. Pagtataya ng Aralin
Panuto: Basahing mabuti ang bawat tanong. Piliin at isulat ang titik
ng tamang sagot.

1. Ang mga kinatawan na bumubuo sa Kongreso ng Malolos ay

nagpulong –pulong para sa ikapagtatagumpay ng kongreso,
saang simbahan naganap ang nasabing pagpupulong?
A. Simbahan ng Aglipay C. Simbahan ng Carmel
B. Simbahan ng Barasaoin D. Simbahan ng Paoy
2. Nagkaroon ng halalan ang kongreso upang piliin ang
magiging pinuno at sino ang nahalal na pangalawang
pangulo?
A. Gregorio Araneta C. Pablo Ocampo
B. Benito Legarda D. Pedro Paterno
3. Ipinalabas ng Kongreso ng Malolos ang sinulat na Saligang
Batas ni Felipe Calderon noong _____________.
A. Pebrero 21,1898 C. Oktubre 21,1898
B. Marso21,1898 D. Nobyembre 21,1898
 4. Ang naging mga kinatawan ng Kongreso ng Malolos ay
binubuo ng mamamayang nabibilang sa may mataas na
pinag-aralan at maykaya sa buhay. Ilan ang naging kasapi
nito?
A. 75 B. 80 C. 85 D. 90
5. Ang pinakamahalagang nagawa ng Kongreso ng Malolos ay
ang paghahanda ng Saligang Batas. Sino ang namuno sa
paghahanda ng Saligang Batas na ito?
A. Felipe Calderon C. Wesley Merit
B. Julian Felipe D. Pedro Paterno

Sagot: 1. B 2. B 3. D 4. C 5. A

I. Karagdagan Gawain
1. Sino ang namuno sa mga kinatawan ng kongreso ng
paghahanda ng Saligang Batas?

2. Ano ano ang mga pinagbatayan sa pagbalangkas ng Saligang

Batas ng Malolos?
3. Ano ang kahalagahan ng ginawang pagpupulong sa Malolos?

Sanggunian: Pilipinong Makabayan p.187-188.

 Araling Panlipunan 6
Unang Markahan
Ikatlong Araw
Aralin 24

I. LAYUNIN:
9.4.1. Nasusuri ang kahalagahan ng pagkakatatag ng Kongreso ng
Malolos at ang deklarasyon ng kasarinlan ng mga Pilipino
9.4.2. Naitatala ng mga kahalagahan ng Kongreso ng Malolos
9.4.3. Napahahalagahan ang mga Pilipinong naging daan upang
makamit ng bansa ang kasarinlan.

II. NILALAMAN:
Kahalagahan ng Kongreso ng Malolos

III. KAGAMITAN PANTURO:

A. Sanggunian : AP6PMK - If-9, Pilipinas: Bansang

Malaya 5 p.116, Ang Pilipinas I p. 164
B. Iba pang kagamitan : larawan, laptop, powerpoint
presentation

IV. PAMAMARAAN:
A. Panimulang Gawain:
1. Balitaan tungkol sa napapanahong isyu.
2. Balik Aral (Laro – Open the Basket Ang batang magiging taya
ang siyang sasagot sa tanong na inihanda ng guro)
2.1. Saan binalangkas ang Saligang batas ng Unang
Republika ng Pilipinas?
2.2. Sino ang pangulo ng Unang Republika ng Pilipinas?

3. Panimulang Pagtataya
1. Tumawag ng pagpupulong si Emilio Aguinaldo sa iba’t-ibang
pinuno ng lalawigan upang sumulat ng isang Saligang Batas
 para sa bagong republika. Sino ang nagpayo kay Emilio
Aguinaldo na bumuo ng Saligang Batas?
A. Apolinario Mabini C. Pedro A. Paterno
B. Gregorio Araneta D. Pablo Ocampo

2. Ang pagbabalangkas ng Saligang Batas na ipinatawag ni

Emilio Aguinaldo ay naganap noong Setyembre 15, 1898.
Saan ito ginanap?

A. Simbahan ng Taal sa Batangas

B. Simbahan ng Santo Niño sa Cebu
C. Simbahan ng San Sebanstian sa Manila
D. Simbahan ng Barasoain sa Malolos Bulacan

3. Nagkaroon ng halalan ang mga kinatawan ng iba’t-ibang

lalawigan sa kongreso ng Malolos. Sino ang nahalal na
pangulo ng kongreso?

A. Pablo Ocampo C. Pedro Paterno

B. Benito Legarda D. Gregorio Araneta

4. Pinasinayaan ang Unang Republika ng Pilipinas noong

Enero 23,1899. Sino ang nahalal na pangulo ng Unang
Republika?

A. Emilio Aguinaldo C. Andres Bonifacio

B. Apolinario Mabini D. Felipe Calderon
5. Ang mga kinatawan ng kongreso ay nabibilang sa mga
may mataas na pinag-aralan at maykaya sa buhay. Ilang
kinatawan ang dumalo sa kongreso?
A. 65 C. 85
B. B. 75 D. 95

Sagot: 1. A 2. D 3. C 4. A 5. C
B. Paghahabi sa layunin ng aralin o Pagganyak/May kinalaman sa
paksang tatalakayin.

https://www.google.com.ph/search?q=kongreso+ng+Malolos
  Ano ang ipinapakita sa larawan?
 Magbigay ng posibleng ginagawa ng mga tao sa larawan?

C. Pag-uugnay ng mga halimbawa sa bagong aralin o Paglalahad ng

Aralin
1. Gawain 1. Basahin at unawain

Ang Kongreso ng Malolos

Sa payo pa rin ni Mabini, tumawag si Pangulong Aguinaldo ng

isang kongreso o pulong ng mga pinuno mula sa ba’t-ibang panig
ng bansa. Layunin nito na sumulat ng isang Saligang Batas para sa
bagong republika. Ginanap ito sa simbahan ng Barasoain sa
Malolos, Bulacan noong ika 15 ng Setyembre 1898. Ang mga
kinatawan ay 85 na mga mamamayang nabibilang sa may mataas
na pinag-aralan at maykaya sa buhay. Nahalal na pinuno ng
kongreso sina Pedro Paterno bilang pangulo, Benito Legarda,
pangalawang pangulo, Gregorio Araneta unang kalihim at Pablo
Ocampo, pangalawang kalihim.

Tatlong mungkahing Saligang Batas ang pinag-aralan ng

Kongreso: ang sinulat ni Mabini; ang mungkahi ni Pedro A. Paterno
na sinulat ni Ricardo Regidor na batay sa Saligang Batas ng Espanya
ng 1869; at ang mungkahi ni Felipe Buencamino na sinulat nina
Felipe Calderon at Cayetano Arellano na batay sa Saligang Batas
ng Costa Rica, Guatamela, Mehiko, Belgium, Pransya at Brazil. Ang
huli ang pinili ng Kongreso. Masusi itong sinuri ng Kongreso
hanggang sa pagtibayin ito noong ika -23 ng Nobyembre 1898.
Noong ika -21 ng Enero 1899 ito ay nilagdaan bilang Saligang Batas
ng Unang Republika.

Nahirang bilang pangulo ng Unang Republika ng Pilipinas si

Emilio Aguinaldo noong ika -23 ng Enero 1899. Pinakamahalagang
nagawa ng Kongreso ng Malolos ay ang paghahanda ng isang
 Saligang Batas. Ito ay nagtatadhana ng isang pamahalaang
demokratiko. Ito ang itinuturing na kauna-unahang demokratikong
konstitusyong nagawa sa buong Asya.

2. Gawain 2 Pangkatang Gawain

2.1. Pangkat I Graphic Organizer
Ilahad ang mahahalagang naganap sa kongreso ng
Malolos sa pamamagitan ng data retrieval chart

Kongreso ng Malolos

2.2. Pangkat II (Think Pair Share)

Itala ang mga kahalagahan naganap sa Kongreso ng
Malolos

D. Pagtalakay ng bagong konsepto at paglalahad ng bagong

kasanayan

1. Sino ang nagpayo kay Emilio Aguinaldo na tumawag ng isang

kongreso o pagpupulong sa mga pinuno ng iba’t-ibang
lalawigan/bansa?
2. Ano ang layunin ng pagpupulong?
3. Saan at kalian naganap ang pagpupulong?
 4. Sino ang namuno sa mga kinatawan ng kongreso ng
paghahanda ng Saligang Batas?
5. Sino sino ang mga nahalal sa ginawang pagpupulong?
6. Ano ano ang mga pinagbatayan sa pagbalangkas ng
Saligang Batas ng Malolos?
7. Ano ang kahalagahan ng ginawang pagpupulong sa
Malolos?

E. Paglinang sa Kabihasaan
 Paano binalangkas ang Saligang Batas ng Malolos?

F. Paglalapat ng aralin sa pang-araw-araw na buhay.

 Bilang isang mamamayan ng ating bansa, paano mo
maipapakita ang pagmamalaki sa mga Pilipinong naging
daan upang makamit ng bansa ang kasarinlan nito?

G. Paglalahat ng Aralin
 Paano naitatag ang Kongreso ng Malolos?
 Sino-sino ang mga naging bahagi ng pagkatatag nito?
 Ano-ano ang mga mahahagang pangyayari ang naganap
noon?
Posibleng maging kasagutan ng mga bata.

 Mahalaga ang pagkakatatag ng Kongreso ng Malolos

dahil dito nabalangkas ang Saligang Batas ng Unang
Republika ng Pilipinas. Ito ay nagpapatunay na ang mga
Pilipino ay may kakayahang gumawa ng Saligang Batas
na magiging batayan ng mga mamamayan sa ating sa
bansa.

H. Pagtataya ng Aralin
Basahin at unawain. Piliin ang titik ng tamang sagot.
1. Ang Saligang Batas ng Unang Republika ng Pilipinas ay nabuo sa
pamamagitan ng Kongreso ng Malolos. Sino ang nahalal na
pinuno ng kongreso?

A. Gregorio Araneta C. Benito Legarda

B. Pedro A. Paterno D. Pablo Ocampo

2. Pinasinayaan ang Unang Republika ng Pilipinas noong ika- 23 ng

Enero 1899. Sino ang nahirang bilang pangulo nito?
A. Emilio Aguinaldo C. Apolinario Mabini
B. Andres Bonifacio D. Manuel L. Quezon

3. Ipinag-utos ni Emilio Aguinaldo na bumuo ng Saligang Batas

para sa bagong republika kaya tumawag siya ng pulong ng
mga pinuno mula sa iba’t-ibang lalawigan. Saan sa Malolos,
Bulacan ginanap ang pagpupulong?
A. plasa C. munisipyo
B. paaralan D. simbahan

4. Tatlong Saligang Batas ang pinagbatayan ng Kongreso ng

Malolos sa pagbabalangkas ng Saligang Batas ng unang
republika. Alin sa sumusunod ang pinili ng Kongreso?
A. sinulat ni Pedro Paterno
B. sinulat ni Ricardo Regidor
C. Sinulat ni Apolinario Mabini
D. Sinulat nina Felipe Calderon at Cayetano Arellano

5. Sa utos ni Emilio Aguinaldo nabuo ang Saligang Batas ng

Unang Republika ng Pilipinas. Siya ang nahirang na pangulo
ng Unang Republika. Sino ang nagsilbing tagapayo ni Emilio
Aguinaldo?
A. Apolinario Mabini C. Pablo Ocampo
B. Artemio Ricarte D. Pedro Paterno
 Sagot: 1. B 2. A 3. D 4. D 5. A

I. Karagdagan Gawain para takdang aralin at remedyasyon

Itala ang mga mahahalagang pangyayaring naganap na may
kaugnayan sa pagkatatag ng Unang Republika ng Pilipinas.

1. Setyembre 15, 1898

2. Nobyembre 29, 1898
3. Enero 23, 1899

Araling Panlipunan 6
Unang Markahan

I. Layunin
Nasasagot ang mga tanong sa Lingguhang Pagsusulit

II. Paksang Aralin

LINGGUHANG PAGSUSULIT

III. Pamaraan
A. Pagganyak
B. Pagpapaliwanag ng mga panuto at panuntunan sa pagsusulit
C. Pagbibigay ng pagsusulit
D. Pagsagot ng mga bata sa pagsusulit
E. Pagsubaybay at pagmamasid ng guro sa mga bata habang
nagsusulit
F. Pagwawasto ng pagsusulit
G. Pagtatala ng resulta