Araling Panlipunan 6

Unang Markahan

I. Layunin
Nasasagot ang mga tanong sa Panimulang Pagtataya

II. Paksang Aralin

PANIMULANG PAGATATAYA

III. Pamaraan
A. Pagganyak
B. Pagpapaliwanag ng mga panuto at panuntunan sa pagsusulit
C. Pagbibigay ng pagsusulit
D. Pagsagot ng mga bata sa pagsusulit
E. Pagsubaybay at pagmamasid ng guro sa mga bata habang
nagsusulit
F. Pagwawasto ng pagsusulit
G. Pagtatala ng resulta
H. Pagkuha ng Mean, SD at MPS
 Araling Panlipunan 6
Unang Markahan
Unang Linggo
Aralin 1

I. LAYUNIN:
1.1. Natutukoy ang relatibong lokasyon ng Pilipinas sa mundo
gamit ang mapa at globo batay sa “absolute location” nito
1.2. Naituturo ang kinalalagyan ng Pilipinas sa mundo gamit ang
mapa at globo batay sa ‘absolute location” nito
1.3. Napahahalagahan ang katangi-tanging kinalalagyan ng
Pilipinas sa mundo.

II. NILALAMAN:
Kinalalagyan ng Pilipinas at Paglaganap ng Malayang Kaisipan
sa Mundo
Batayang Heograpiya
1. Absolute na lokasyon gamit ang mapa at globo

III. KAGAMITAN PANTURO:

A. Sanggunian : AP6PMK-1a-1, Sanlahi 6, p.73, sipi
mula sa modyul 2, Kayamanan 5 p. 4
-8
B. Iba pang kagamitan : globo, mapa, diyaryo, laptop, mga
larawan, powerpoint presentation,
activity sheets, marker, compass rose

IV. PAMAMARAAN:
A. Panimulang Gawain:
1. Balitaan tungkol sa napapanahong isyu.
2. Balik Aral (Pahulaan)
 a. Anong G ang maliit na modelo ng daigdig?
b. Anong M ang patag na representasyon ng daigdig?
c. Anong PM ang ang nasa sero digri longhitud?
d. Anong E ang nasa sero digri latitud?
e. Anong M ang guhit mula hilagang polo patungong
hanggang timog polo?

3. Panimulang Pagtataya
Basahin at unawaing mabuti ang bawat sitwasyon, sagutin at
piliin ang titik ng wastong sagot.
1. May iba‟t ibang imahinaryang guhit sa globo. Saang
imahinaryang guhit sa globo matatagpuan ang bansang
Pilipinas?
A. nasa ibabang bahagi ng ekwador
B. sa itaas na bahagi ng ekwador
C. sa tagiliran ng ekwador
D. sa timog ng ekwador
2. Kung ang tiyak na kinalalagyan ng Pilipinas ay sa pagitan ng
4 digri at 21digri H latitud, saang espesyal na guhit ito
matatagpuan?
A. Tropiko ng Kanser C. Kabilugang Antarktiko
B. Kabilugang Artiko D. Tropiko ng Kaprikornyo
3. Si G. Garcia ay nasa Pilipinas. Hinahanap niya sa mapa kung
anong bansa ang nasa Kanluran ng Pilipinas. Alin ito?
A. Tsina B. Brunei C. Vietnam D. Hongkong
4. Kung pagbabatayan ang pangalawang direksyon,
matutukoy ang kinalalagyan ng Pilipinas na napapaligiran
ng ______________ sa hilagang-silangan.
A. Dagat ng Pilipinas C. Dagat Tsina
B. Dagat Celebes D. Dagat Sulu
5. Maaaring matukoy ang kinalalagyan ng Pilipinas batay sa
mga karatig bansa nito. Ano ang tawag sa lokasyon ng
 isang lugar ayon sa kinalalagyan ng mga katabi o kalapit
nitong lugar?
A. Lokasyong Bisinal C. Rehiyong Lokasyon
B. Lokasyong Insular D. Relatibong Lokasyon

Sagot: 1. B. 2. A 3. C 4. A 5. D
B. Paghahabi sa layunin ng aralin o Pagganyak
Ipakita ang larawan at magtatanong ang guro sa mga mag-
aaral.

http://www.digilearn.com.ph/epub/books/gs4_ap01/Text/08_aralin2.html

C. Pag-uugnay ng mga halimbawa sa bagong aralin o Paglalahad

ng Aralin
Pagpapakita ng mga sumusunod na larawan sa pamamagitan
ng powerpoint presentation at pagtatanong ng guro batay sa
mga larawan.

http://www-istp.gsfc.nasa.gov/stargaze/Slatlong.htm
http://www.slideshare.net/ApHUB2013/bahagi-ng-globo-reports-quarter-1-3rd-year

http://www.slideshare.net/chikath26/unang-markahan

http://www.myschoolhouse.com/courses/O/1/74.asp

Isang Bansa, Isang Lahi 5 pahina 10

 http://www.studyzone.org/testprep/ss5/d/mapl.cfm

D. Pagtalakay ng bagong konsepto at paglalahad ng bagong

kasanayan
Itanong: Gaano kahalaga ang mapa at globo sa pagtukoy ng
kinalalagyan o lokasyon ng mga lugar?
Mahalaga kaya ang mapa at globo sa pagtukoy sa
relatibong lokasyon ng Pilipinas sa mundo? Sa anong
paraan?
E. Paglinang sa Kabihasaan
Pangkatang Gawain
Pangkat I
Kagamitan: activity sheet, globo, marker, Kayamanan 5 p. 4 - 8
Panuto: Sundin at gawin ang mga panutong nakasaad sa
activity card.
a. Punan ng mga wastong sagot ang bawat kahon.
 http://www.myschoolhouse.com/courses/O/1/74.asp

b. Sagutan ang mga sumusunod na tanong gamit ang globo.

1. Saang Hatingglobo matatagpuan ang Pilipinas?
2. Saan saang guhit latitude matatagpuan ang Pilipinas?
3. Ano ang tiyak na sukat ng kinaroroonan ng Pilipinas sa
mga guhit na latitude at longhitud?
c. Magtakda ng kasaping mag-uulat ng ginawa ng pangkat.

Pangkat II
Kagamitan: activity sheet, marker, Kayamanan 5 p. 4 - 8
Panuto: Sundin at gawin ang mga panutong nakasaad sa
activity card.
a. Punan ang bawat kahon ng mga espesyal na guhit latitude.
b. Magtakda ng kasaping mag-uulat ng ginawa ng pangkat.
 https://quizlet.com/50143191/continents-oceans-regions-latitude-longitude-flash-
cards/

Inaasahang Sagot:

Pangkat III
Kagamitan: activity sheet, compass rose, marker, Kayamanan
5 p. 4 - 8
Panuto: Sundin at gawin ang mga panutong nakasaad sa
activity card.
a. Gumamit ng compass rose.
b. Sagutan ang mga sumusunod na tanong. Sumangguni sa
larawang nasa ibaba.
 http://www.worldatlas.com/webimage/countrys/asia/seasiatm.htm

1. Ano ano ang mga bansang nasa Timog na bahagi ng

Pilipinas?
2. Ano ano ang mga bansang nasa Hilagang bahagi ng
Pilipinas?
3. Ano ano ang mga bansang nasa Silangang bahagi ng
Pilipinas?
4. Ano ano ang mga bansang nasa Kanluran ng Pilipinas?

c. Sagutan ang mga sumusunod na tanong gamit ang

compass rose at larawan sa ibaba.
1. Saang pangalawang direksiyon matatagpuan ang
Bansang Borneo?
2. Saang pangalawang direksiyon matatagpuan ang Isla
ng Palau?
3. Saang panglawang direksiyon matatagpuan ang Isla
ng Paracel?
 http://www.orchidsasia.com/subscrib.htm

Inaasahang Sagot:

Pagtatalakayan
Iuulat ng mga bata ang kanilang ginawang awtput
Sagutin ang mga tanong:
1. Saang hatingglobo matatagpuan ang Pilipinas?
2. Saan saang guhit latitude matatagpuan ang Pilipinas?
3. Ano ang tiyak na sukat ng kinaroroonan ng Pilipinas sa mga
guhit na latitude at longhitud?
4. Gamit ang pangunahing direksiyon, ano ano ang mga
bansang nakapaligid sa Pilipinas sa Timog? Hilaga? Silangan?
Kanluran?
5. Gamit ang pangalawang direksiyon, anong bansa ang nasa
Timog-Kanluran ng Pilipinas?
6. Gamit ang pangalawang direksiyon, anong Isla ang nasa
Timog-Silangan ng Pilipinas?
 7. Gamit ang pangalawang direksiyon, anong bansa ang nasa
Timog-Kanluran ng Pilipinas?
(Maaaring magbigay pa ang guro ng mga karagdagang gawain
para sa pagpapalawig ng talakayan at kaalaman ng mga
mag-aaral).
8. Batay sa inyong pangkatang-gawaing isinagawa, ano ang
kahalagahan ng mga guhit latitud at longhitud at mga espesyal
na guhit sa kinaroroonan ng isang bansa? Bakit?

F. Paglalapat
 Gamit ang globo, ipatuturo sa mga mag-aaral ang
kinalalagyan ng Pilipinas batay sa absolute na lokasyon nito.
 Gamit ang compass rose, ipatuturo sa mapa ang mga
bansang nakapaligid sa Pilipinas gamit ang pangunahin at
pangalawang direksiyon.
 Ang Pilipinas ay nagtataglay ng magagandang katangian.
Bilang kabataang Pilipino, paano mo maipagmamalaki ang
ating bansa?

G. Paglalahat ng Aralin
 Ang Pilipinas ay may tiyak na kinalalagyan sa mapa ng
mundo. Ito ay matatagpuan sa Hilagang Hatingglobo at nasa
pagitan ng ekwador at ng Tropiko ng Cancer. Ito ay may tiyak
na sukat na matatagpuan sa pagitan ng 4 ͦ at 21 ͦ hilagang
latitud at ng 116 ͦ at 127 ͦ silangang longhitud.
 Sa pamamagitan ng mga pangunahing direksiyon, ang
Pilipinas ay napaliligiran ng mga bansang China, Taiwan,
Japan sa Hilaga, Marianas, Guam, Micronesia sa Silangan,
mga bansang Malaysia, Brunei, at Indonesia sa Timog na
bahagi, at mga bansang Laos, Thailand, Vietnam at
Cambodia sa Kanluran.
  Ang ilan naman sa mga bansa at islang nakapaligid sa
Pilipinas gamit ang pangalawang direksiyon ay ang mga
sumusunod: Isla ng Paracel, Macau, Myanmar, at Hongkong
sa Hilagang-Kanluran, mga bansang Brunei, Singapore, at
Malaysia sa Timog-Kanluran, Papua New Guinea at Isla ng
Palau sa Timog-Silangan, at Japan sa Hilagang-Silangan.

H. Pagtataya ng Aralin
Panuto: Basahin ang bawat sitwasyon at piliin ang titik ng tamang
sagot.
1. Ang ekwador ay imahinaryang guhit na matatagpuan sa gitna
ng globo. Saang hatingglobo matatagpuan ang bansang
Pilipinas?
A. sa timog hatingglobo
B. sa silangang hatingglobo
C. nasa hilagang hatingglobo
D. sa kanlurang bahagi ng ekwador
2. Upang malaman ang tiyak na kiaroroonan ng PIlipinas ay
mahalagang malaman ang tiyak na sukat nito. Ano ang tiyak
na sukat o absolute na location ng Pilipinas?
A. 6 ͦ at 26 ͦ timog latitud at 106 ͦ at 130 ͦ kanlurang longhitud
B. 4 ͦ at 21 ͦ hilagang latitud at 116 ͦ at 127 ͦ silangang longhitud
C. 6 ͦ at 26 ͦ hilagang latitud at 116 ͦ at 130 ͦ kanlurang longhitud
D. 6 ͦ at 36 ͦ silangang latitud at 126 ͦ at 130 ͦ kanlurang longhitud
3. Mahalagang malaman ang tiyak na kinaroroonan ng Pilipinas
sa pamamagitan ng mga bansang nakapaligid dito. Alin sa
mga sumusunod na bansa ang matatagpuan sa hilagang
bahagi ng Pilipinas gamit ang pangunahing direksiyon?
A. Indonesia B. Thailand C. Taiwan D. Guam
4. Ang Pilipinas ay tinaguriang isang bansang tropical dahil ito ay
matatagpuan sa Tropiko ng Kanser na kung saan ito ang
 bahagi ng mundo na tuwirang nasisinagan ng araw. Ano ang
wastong dahilan nito?
A. Dahil marami na ang naninirahan sa Pilipinas kung kaya ang
Pilipinas ay tinaguriang Bansang Tropikal.
B. Dahil ang mga bansa sa Timog Silangang Asya ay kabilang din
sa mga bansang Tropikal.
C. Dahil laganap ang polusyon sa Pilipinas kaya tinawag na
bansang Tropikal.
D. Dahil malapit ang Pilipinas sa Ekwador na may mainit na klima.
5. Pangarap mong makarating at mamasyal sa bansang
Thailand. Kung ikaw ay manggagaling sa Pilipinas, saang
direksiyon patungo ang eroplanong iyong sasakyan?
A. Hilaga B. Timog C. Kanluran D. Silangan

Sagot: 1.C 2. B 3. C 4. D 5. D

I. Karagdagan Gawain para takdang aralin at remedyasyon.

 Gamit ang mapa ng mundo at compass rose, pumili ng
karatig-bansa ng Pilipinas na nais mong pasyalan.
 Sumulat ng talata na nagsasaad ng tiyak na kinaroroonan ng
bansang nakapaligid sa Pilipinas na nais mong mapasyalan.
Isulat sa kwaderno sa pamamagitan ng talata ang tiyak na
kinalalagyan ng bansang napili sa pamamagitan ng
pangunahin o pangalawang direksiyong kinaroroonan nito.
Ilahad ang dahilan kung bakit napili ang nasabing bansa.
 Araling Panlipunan 6
Unang Markahan
Unang Linggo
Aralin 2

I. LAYUNIN:
2.1.1. Natutukoy ang hangganan at lawak ng teritoryo ng sakop
ng Pilipinas ayon sa kasaysayan
2.1.2. Naituturo ang hangganan at lawak ng teritoryong sakop ng
Pilipinas sa globo at mapang politikal
2.1.3. Napahahalagahan ang teritoryong sakop ng Pilipinas.

II. NILALAMAN:
Teritoryo ng Pilipinas Batay sa Kasaysayan tulad ng Treaty of Paris of
1898, Cession Treaty of 1900/Kasunduan sa Washington At
Kasunduan sa Estados Unidos at Gran Britanya

III. KAGAMITAN PANTURO:

A. Sanggunian
B. Iba pang kagamitan :
: AP6PMK-Ia-2; –Pilipinas Bansang
Papaunlad p.64: Yaman ng Pilipinas6
p.4, Lahing Dakila pp.7-9
Powerpoint presentation, metacard,
charts, visual aids

IV. PAMAMARAAN:
A. Panimulang Gawain:
1. Balitaan tungkol sa napapanahong isyu
2. Balik aral (Pass It to Win it)
Magpapatugtog ng awitin habang ipinapasa ang
kahon na may lamang mga tanong. Kung kanino huminto ang
kahon sa pagtigil ng tugtog, siya ay kukuha ng rolled paper na
nasa loob ng kahon upang basahin at sagutin ang tanong.
 1. Ilang kilometro kuwadrado ang kabuuang sukat ng
kapuluang Pilipinas?
2. Ano ang ginagamit sa paghahanap ng tiyak na
lokasyon ng isang lugar tulad ng layong pahilaga o
patimog ng isang lugar mula sa ekwador?
3. Anong guhit ang nagtatagpo mula sa polong hilaga
patungong polong timog?
4. Paano ipinagmamalaki an gang katangi –tanging
kinalalagyan ng Pilipinas sa mundo?
5. Ano ang eksaktong lokasyon ng Pilipinas gamit ang
longhitud at latitude?
3. Panimulang Pagtataya
1. Ano ang naging batayan ng pagkatukoy ng mga
hangganan at teritoryo ng ating bansa?
A. Mapa at globo
B. sa paggamit ng kasulatan o kasunduan
C. sa paggamit ng mapang politikal at grid sa
globo
D. sa tulong ng mga taong may kaalaman sa
pagtukoy ng hangganan.

2. Si Vernon ay batang mag-aaral sa baitang anim.

Tinalakay nila ang tungkol sa mga kasunduang
nilagdaan nagpapahayag ng hanganan ng
teritoryo ng ating bansa ayon sa kasaysayan. Alin sa
ibaba ang nagpapahayag ng kahalagahan ng mga
kasunduan?
A. Ito ay pawang mga kasulatan lamang at maaring
baguhin.
B. Pinagtibay ng Saligang Batas ng Bansa at
walang maaring bumago.
 C. Ang layunin dito ay upang pakinabangan
lamang ng iilang tao sa bansa
D. Maaring angkinin ng karatig bansa ang ilang
teritoryo ng ating bansa alinsunod sa
kagustuhann g mga pinuno.

3. Anong nilalaman ng kasunduan sa Washington?

A. Hinangad ng kasunduan na alisin ang anumang
dahilan ng hindi pagkakaunawa ng Artikulo III ng
Kasunduan sa Paris ng 1898 sa pamamagitan ng
paglilinaw pagtutukoy ng mga teritoryo isinuko
sa Estados ng Espanya.
B. Nasasaad sa kasunduan ang pagpapalaya sa
bansang Cuba ang paglilipat ng pamumuno
sa Estados Unidos sa mga bansang Portoriko at
Guam.
C. Ang kasunduang ito ang nagdagdag ng mga
pulo ng Mangsee at mga Pulong Turtle sa
teritoryo ng bansa.
D. Pagtatalaga ng limitadong teritoryo ng bansa.

4. Anong Kasunduan ang tinutukoy na noon lamang

1947 nagsimula ang pangangasiwa ng
pamahalaan ng Pilipinas sa Pulo ng Mangsee at
Turtle?
A. Kasunduan sa Paris
B. Kasunduang Washington
C. Kasunduang United States at Great Britain
D. Doktrinang Pangkapuluan
5. Bakit mahalagang malaman ang hangganan at
lawak ng teritoryo ng bansang Pipilinas?
 A. Dahil ito ang tumutukoy sa teritoryong pag-
aari ng Pilipinas.
B. Dahil ito ang sukatan ng yaman ng Pilipinas.
C. Dahil ito ang sukatan na maaring nating
ipasakop sa karatig bansa ang teritoryo ng
Pilipinas.
D. Dahil ito ang magiging batayan ng kaunlaran
ng Pilipinas.

Sagot: 1. A 2. B 3. A 4.C 5.A

B. Paghahabi sa layunin ng aralin o Pagganyak

(Ref: www.gop.com.ph)

(Maaring pahawakan sa mga bata)

4. Ano ang tawag dito sa mga bagay na ito?

5. Ano ang naitutulong ng mga ito sa pagtukoy ng ating
teritoryo ng bansa?
6. Ano ang kahalagahan ng mapa? Globo?

C. Pag-uugnay ng mga halimbawa sa bagong aralin o Paglalahad

ng Aralin
(Gamit ang PowerPoint presentation) (Think-Pair Share Strategy)
 Balikan natin ang mapa at globo.

Paggamit ng grid sa globo at mapang political sa pagtukoy ng

lawak at teritoryo ng Pilipinas.

1. Matatagpuan ang tiyak na lokasyon ng Pilipinas sa pagitan ng

4 digri 23’at 21 digri’25’Hilagang latitude sa pagitan ng 11 digri at
127 digri Silangan latitude.

2. Ang teritoryong pangkaragatan ng Pilipinas ay umaabot sa

labindalawang milyang nautical (22 kilometro) mula sa
bayabayin.

May 3 kasunduan ang napagtibay na tumutukoy ng hangganan

at lawak ng teritoryo ng sakop ng Pilipinas ayon sa kasaysayan.

Ang Kasunduan sa Paris, na

Kasunduan sa Paris
nilagdaan noong 10
Disyembre 1898, ay ang
nagpatapos ng Digmaang
Espanyol - Amerikano.
Nasasaad sa kasunduan ang
pagpapalaya sa bansang
Cuba, ang paglilipat ng
pamumuno sa Estados Unidos
sa mga bansang Portoriko at
Guam, at ang pagbili sa
Pilipinas mula sa Espanya sa
halagang $20,000,000 ng
Estados Unidos.

Kasunduan sa Washington

Ang Kasunduan sa Washington ng 1900 ay nilagdaan noong

Nobyembre 7, 1900, at nagkaroon ng bisa noong Marso 23,
1901, nang ang pagpapatibay ay nagpalitan. Hinangad ng
kasunduan na alisin ang anumang dahilan ng hindi
pagkakaunawa ng Artikulo III ng Kasunduan sa Paris ng 1898 sa
pamamagitan ng paglilinaw pagtutukoy ng mga teritoryo
isinuko sa Estados Unidos ng Espanya. Tahasang sinasabi dito
na:Sinusuko ng Espanya sa Estados Unidos ang lahat ng titulo
at mga pag-angkin sa titulo; na maaaring mayroon siya noong
oras ng pagtatapos ng Kasunduan ng Kapayapaan sa Paris, sa
alinman at sa lahat ng mga pulo isla na kabilang sa Arkipelago
ng Pilipinas, na namamalagi sa labas ng linya na inilarawan sa
Artikulo III ng Kasunduan at lalo na sa mga pulo ng Cagayan
Sulu at Sibutu at ang kanilang mga dependensiya, at
sumasang-ayon na ang lahat na ang tulad na mga pulo ay
kailangang intindihin sasa kompromiso ng Arkipelago bilang
ganap na para bagang sila ay nakasama sa loob ng mga
linya..Sa konsiderasiyon para sa ganoong tahasang pahayag
ng pagsuko, sumang-ayon ang Estados Unidos na bayaran
ang Espanya ng isang daang libong dolyar ($100,000) sa loob
ng anim na buwan pagkatapos ng pagpapalitan ng
pagpapatibay.

Kasunduan ng Estados Unidos at Great

Sa ilalim ng ng kasunduan ng Estados Unidos at Great Britain

noong Enero 2,1930, nilinaw ang mga hangganang sakop ng
Pilipinas kaugnay ng hangganan ng Hilagang Borneo.Ang
kasunduang ito ang nagdagdag ng mga pulo ng Mangsee at
mga Pulong Turtle sa teritoryo ng bansa. Gayunman noong
lamang 1947 nagsimula ang pangangasiwa ng pamahalaan ng
Pilipinas sa mga pulong ito.
D. Pagtalakay ng bagong konsepto at paglalahad ng bagong
kasanayan
Constructivism Approach (Thinking Skills Strategy)
1. Ano ang naging batayan sa pagtukoy ng tiyak na lawak ng
teritoryo at hangganan na sakop ng Pilipinas?

2. Ano-ano ang ibat-ibang kasunduang nilagdaan upang matukoy

ang hangganan at lawak ng teritoryo ng Pilipinas ayon sa
kasaysayan?

3. Paano nakatutulong ang mapa a sa pagtukoy ng hangganan

at teritoryo ng bansa?

4. Paano nakatutulong ang globo a sa pagtukoy ng hangganan

at teritoryo ng bansa?

5. Saan umaabot ang teritoryong pangkaragatan ng Pilipinas?

E. Paglinang sa Kabihasaan
(TGA Activity-Tell, Guide, Act)
Gawain 1Pangkatang Gawain

Pangkat 1- Sa tulong ng globo tukuyin ang hangganan at lawak

ng teritoryong sakop ng Pilipinas. Lagyan ito ng markang pula.
MARKAHAN MO

Gawain 2- Sa tulong ng mapa tukuyin ang hangganan at lawak

ng teritoryong sakop ng Pilipinas. Lagyang ng markang asul.

SULATIN NATIN

Gawain 3- Panuto: Gamit ang petal isulat ang mga kasunduang

tumutukoy sa teritoryong ng Pilipinas batay sa kasaysayan.
F. Paglalapat ng aralin sa pang-araw-araw na buhay. (Reflective)
Paano mo maipagmamalaki ang mga teritoryong sakop ng
Pilipinas? Isulat ang kasagutan sa organizer.

G. Paglalahat ng Aralin

Ano-ano ang hangganan at lawak ng teritoryo ng sakop ng

Pilipinas ayon sa kasaysayan?

H. Pagtataya ng Aralin
Panuto: Piliin ang titik ng tamang sagot.
1. Ang baitang anim ay naglakbay aral tungkol sa teretoryo ng
bansa. Alin sa ibaba ang angkop na gamitin upang matukoy
ang hangganan at lawak nito?
A. Mapa at globo
B. Mapang pang-Klima
C. Mapang Pangkabuhayan
D. Mapa ng Rehiyon sa Bansa

2. Anong kasunduan ang nagpapahayag nang ilang bahagi

ng Pulo ng Sulu ay hindi kasali sa teritoryo ng Pilipinas?
A. Kasunduan sa Paris
B. Kasunduan sa Washington
C. Ayon sa Doktrinang Pangkapuluan
D. Kasuduang United States at Great Britain

3. Kailan naganap at pinagtibay ang Kasunduan sa Paris?

A. Nobyembre 17, 1900
B. Nobyembre 7, 1900
C. Nobyembre 27, 1900
D. Setyembre 7, 1900
 4. Bakit naging mahalaga ang paggamit ng mapa at globo sa
pagtukoy ng hangganan at lawak ng teritoryong sakop ng
bansa?
A. Dahil ito ang matibay na batayan upang tiyak na
matukoy ang hangganan ng teritoryo ng Pilipinas.
B. Dahil ito ang nagsasabing kaunti lamang ang sakop ng
ating teritoryo.
C. Dahil ito ay paraan upang maibahagi natin sa karatig
bansa ang ating teritoryo.
D. Dahil ito ay madaling gamitin
5. Bilang isang bata, paano mo maipagmamalaki ang
teritoryong sakop ng Pilipinas.
A. Hayaang angkinin ng karatig bansa ang bahagi ng
teritoryo ng bansa.
B. Ipagmalaki ito sa mga kapwa bata, ganundin sa mga
turista.
C. Ipagwalang bahala ang mga bagay na may kinalaman
sa teritoryo ng bansa.
D. Wag makialam dahil ikaw naman ay isang bata lamang.
Sagot: 1.A 2.A 3.B 4.A 5.B

I. Karagdagan Gawain para takdang aralin at remedyasyon

Sino-sino ang mga opisyales ng pamahalaan na nakiisa o
nakasaksi sa naganap na mga Pangkasaysayang Pagmamay-
aring teritoryal ng Pilipinas?
 Araling Panlipunan 6
Unang Markahan
Unang Linggo
Aralin 3

I. LAYUNIN:
2.2.1. Natutukoy ang teritoryo ng Pilipinas ayon sa Saligang Batas
ng 1987
2.2.2. Napahahalagahan ang mga teritoryo ng Pilipinas na
nasasaad sa Saligang Batas ng 1987
2.2.3. Naitatala ang ilang mga teritoryong saklaw ng ating bansa
ayon sa Saligang Batas ng 1987

II. NILALAMAN:
Teritoryo ng Pilipinas Batay sa Saligang Batas

III. KAGAMITAN PANTURO:

A. Sanggunian : AP6PMK-Ia-2 Lakbay ng Lahing
Pilipino, ph.103-104 Pilipinas Bansang
Papaunlad, ph.64- 66
B. Iba pang kagamitan : activity sheet, laptop, projector,
powerpoint presentation

IV. PAMAMARAAN:
A. Panimulang Gawain:
1. Balitaan tungkol sa napapanahong isyu.
2. Balik Aral
1. Anu-anong kasulatan ang nagsasaad ng laki, lawak at
hangganan ng Pilipinas?
2. Anong pulo ang napadagdag sa teritoryo ng Pilipinas sa
bisa ng Kasunduan ng Estados Unidos at Gran Britanya?
 3. Ano ang isinasaad ng Treaty of Paris of 1898 tungkol sa
teritoryo ng Pilipinas?
3. Panimulang Pagtataya
Basahin at unawaing mabuti ang tanong at isulat ang titik ng
tamang sagot.
1. Anong Artikulo ng Saligang Batas 1987 ang nagtatadhana
ng pambansang teritoryo ng Pilipinas?
A. Artikulo I C. Artikulo III
B. Artikulo II D. Artikulo IV
2. Ilang milyang palabas papuntang dagat ang hangganan
ng teritoryo ng Pilipinas ayon sa Saligang Batas 1987?
A. 2 C. 4
B. 3 D. 5
3. Ang kapuluan ng Pilipinas, kasama ang lahat ng mga pulo
at karagatang nakapalibot dito ay teritoryo ng Pilipinas.
Saan nakapaloob ang katotohanang ito?
A. Kasaysayan C. Atas ng Pangulo
B. Saligang Batas D. Doktrinang Kapuluan
4. Ang mga sumusunod ay bumubuo sa pambansang
teritoryo ng Pilipinas maliban sa isa. Alin ito?
A. dagat teritoryal
B. kalawakang panghimpapawid
C. ilalim ng dagat at kailaliman ng lupa
D. iba pang teritoryo na wala sa hurisdiksyon ng Pilipinas
5. Ang Sulu Sea at Celebes Sea ay mga dagat na
matatagpuan sa Pilipinas. Ito ba ay kasama sa teritoryo na
ari ng Pilipinas? Bakit?
A. Oo, nasasaad sa Doktrinang Pangkapuluan ng Pilipinas
B. Oo, ang mga ito ay pag-aari ng Pilipinas batay sa
Kasaysayan
C. Oo, kabilang ang mga ito sa teritoryong nasasaad sa
Atas ng Pangulo Blg. 1596
 D. Oo, itinatadhana ng Saligang Batas na lahat ng ilalim
ng lupa at dagat na sakop ng Pilipinas ay kasama sa
teritoryo nito.
Sagot:
1. A 2. B 3. B 4. D 5. D

B. Pagganyak

ASLGNGAI ATASB

 Anong salita ang mabubuo ninyo mula sa jumbled letters?

 Sa palagay ninyo, ano ang kaugnayan ng Saligang Batas
sa lawak at hangganan ng teritoryong sakop ng Pilipinas?

C. Paglalahad ng Aralin
Sa pamamagitan ng slides ilahad ito sa mga bata. Ipabasa at
ipaunawain ang isinasaad nito.

Saligang Batas 1987

Artilulo I, Seksyon 1 (Pambansang Teritoryo)

Ang pambansang teritoryo ay binubuo ng kapuluang

Pilipinas kasama ang lahat ng pulo at karagatang
nakapaloob dito at lahat ng iba pang teritoryo na
nasa ganap na kapangyarihan ng Pilipinas kasama
ang dagat teritoryal ang bahagi ng dagat na
umaabot ng tatlong milya ang sukat mula sa
pinakamababang bahagi ng baybayin ng pulo, ang
kalawakan, ang kailaliman ng lupa,ang ilalim ng
dagat at mga kalapagang insular at nag-uugnay sa
mga pulo ng kapuluan maging anuman ang lawak at
sukat ay bumubuo sa panloob na karagatan ng
Pilipinas
D. Pagtatalakay ng bagong konsepto at paglalahad ng bagong
kasanayan
 Batay sa inyong pagkaunawa sa inyong binasa, ano ang
isinasaand sa Artikulo I Seksyon 1 ng Saligang Batas ng Pilipinas
1987?
 Anu-ano ang bumubuo sa teritoryo ng Pilipinas batay sa
Saligang Batas?

Gawain I
Punan ang concept map

Gawain 2

Pangkat I
Panuto: Isa-isahin ang bumubuo sa teritoryo ng Pilipinas ayon sa
Saligang Batas

Pangkat 2
Punan ng impormasyon ang talahanayan. Sundan ang
halimbawa
 Ang pambansang teritoryo ng Pilipinas ay binubuo ng
Kailaliman ng lupa Tumutukoy sa lupang nasa ilalim ng
kalupaan

Pangkat 3
Buuin ang sumusunod na talata

Nakasaad sa Artikulo I ng Saligang Batas 1987 ang pambansang

teritoryo ng Pilipinas. Batay dito ang pambansang teritoryo ng
kapuluang Pilipinas ay binubuo ng ______________________________
_______________________________________________________________
_______________________________________________________________
_______________________________________________________________

E. Paglinang sa Kabihasaan
Pag-uulat ng bawat pangkat ng kanilang awput.
 Anong kasulatan ang nagtatadhanan ng pambansang
teritoryo ng Pilipinas?
 Ano ang isinasaad sa Saligang Batas 1987 tungkol sa teritoryo
ng ating bansa?

F. Paglalapat ng aralin sa pang-araw-araw na buhay.

Bilang isang mamamayang Pilipino, paano maipakikita ang
pagpapahalaga sa teritoryong sakop ng ating bansa?
Ipaliwanag

G. Paglalahat ng Aralin
Anu-ano ang mga bumubuo sa teritoryo ng Pilipinas ayon sa
Saligang Batas ng 1987?

H. Pagtataya ng Aralin
Basahin at unawaing mabuti ang tanong at isulat ang titik ng
tamang sagot.

1. Anong kasulatan ang nagtatadhana ng pambansang

teritoryo ng Pilipinas?
A. Saligang Batas C. Kasunduan sa Paris
B. Atas ng P angulo D. Doktrinang Pankapuluan
 2. Ayon sa Saligang Batas 1987 ilang milya palabas papuntang
dagat ang sumasaklaw sa hangganang ng bansa?
A. 2 C. 4
B. 3 D. 5
3. Ang dagat teritoryal, karagatang insular at kalawakang
panghimpapawid ay bumubuo sa teritoryo ng Pilipinas ayon
sa
A. Kasaysayan C. Atas ng Pangulo
B. Saligang Batas D. Doktrinang Kapuluan
4. Tinanong ka ng iyong guro kung anu-ano ang bumubuo sa
teritoryo ng Pilipinas ayon sa Saligang Batas. Alin sa mga
sumusunod ang isasagot mo?
1. dagat teritoryal
2. kalapagang insular
3. kalawakang panghimpapawid
4. ilalim ng dagat at kailaliman ng lupa
5. iba pang teritoryo na wala sa hurisdiksyon ng Pilipinas
A. 1, 2, 3 at 5 C. 1, 2, 3 at 4
B. 2, 3, 4 at 5 D. 1, 3, 4 at 5
5. Paano mo mapatutunayan na ang Sulu Sea at Celebes Sea
kasama sa teritoryo na ari ng Pilipinas?
A. Nasasaad ito sa Doktrinang Pangkapuluan ng Pilipinas
B. Ang mga ito ay pag-aari ng Pilipinas batay sa Kasaysayan
C. Kabilang ang mga ito sa teritoryong nasasaad sa Atas ng
Pangulo Blg. 1596
D. Itinatadhana ng Saligang Batas na lahat ng ilalim ng lupa
at dagat na sakop ng Pilipinas ay kasama sa teritoryo nito.

Sagot:
1. A 2. B C. B 4. C 5. D

I. Karagdagan Gawain para takdang aralin at remedyasyon

1. Gumawa ng concept map tungkol sa teritoryo ng Pilipinas
ayon sa Saligang Batas.
2. Ano ang kahalagahan ng lokasyon ng Pilipnas sa ekonomiya
at politika ng Asya at mundo?
 Araling Panlipunan VI
Unang Markahan
Unang Linggo
Aralin 4

I. LAYUNIN:
3.1. Natatalakay ang kahalagahan ng lokasyon ng Pilipinas sa
ekonomiya at politika ng Asya at ng mundo.

II. NILALAMAN:
Kahalagahan ng Lokasyon ng Pilipinas sa Ekonomiya at Politika ng
Asya at Mundo

III. KAGAMITAN PANTURO:

A. Sanggunian : AP6PMK-Ia-3, MISOSA Lesson #13-14
(Grade VI) Lakbay ng Lahing Pilipino
nina Ailene G. Baisno- Julian at Nestor
S. Lontok, pp. 106-107, Yaman ng
Pilipinas VI, p. 50,
https://www.youtube.com/watch?v=By
dlMqJLFRI,
(https://www.google.com.ph/search)
B. Iba pang kagamitan : globo, mapa, activity sheet,
metacards, laptop, LED TV, video clip

IV. PAMAMARAAN:
A. Panimulang Gawain:
1. Balitaan tungkol sa napapanahong isyu
2. Balik Aral
 Ano ang isinasaad ng ating Saligang Batas ukol sa ating
pambansang teritoryo?
3. Panimulang Pagtataya
1. Dahil sa estratehiyang lokasyon ng Pilipinas, ditto ninais
ng Estados Unidos na magtayo ng kanilang base-militar.
Ano ang hangarin ng Estados Unidos sa pagtayo nila ng
Base Militar sa Pilipinas?
A. pampulitikal C. pangkaligtasan
B. pangkabuhayan D. pakikipagkaibigan
2. Ang Pilipinas ay malapit sa Ekwador. Ito ay kabilang sa
mga bansang matatagpuan sa “Low Latitude”. Dahil sa
lokasyon nito, naging mahalaga ito sa Asya. Naging ruta
ito ng mga nandayuhan sa bansa dahil na rin sa anyong
tubig na nakapalibot dito. Ano ang naging pakay ng
mga nandarayuhan sa Pilipinas?
A. Pakikisama C. Pakikipagkilala
B. Pakikidigma D. Pakikipagkalakalan
3. Isa sa nakapgpapaunlad ng ekonomiya ng ating bansa
ang pakikipagkalakalan nito. Ang lokasyon ng Pilipinas ay
napakahalaga sa rutang pangkalakalan sapagkat ito ay
nagiging daungan ng mga barkong nagdadala ng ____.
A. iskolar C. pasahero
B. kalakal D. mandirigma
4. Ang Pilipinas ay isang bansang may mahabang
baybayin. Ano ang mabuting epekto nito sa
kabuhayan ng mga mamamayan nito?
A. Madali itong napapasok ng mga kalaban.
B. Maraming lugar na pwedeng pagtapunan ng
basura.
C. Dito kumukuha ng ikabubuhay ang ating mga
kababayan
D. Maraming lupaing maipagbibili ang ating bansa sa
mga dayuhan.
5. Malaki ang naitulong ng lokasyon ng Pilipinas sa
pagpapaunlad hindi lang ng ekonomiya nito kundi
maging sa ibang karatig bansa nito sa Asya at maging
sa buong mundo. Sa papaanong paraan?
A. Ito ang nagsilbing taguan ng mga rebelde mula sa
ibang bansa.
C. Maraming dayuhan ang ninais na magtrabaho dito.
 D. Ito ay nagsilbing daungan ng mga bansang
nakikipagkalakalan na ang ruta ay dumaraan sa
Karagatang Pasipiko.
E. Ito ang nagsisilbing puntahan ng mga dayuhang nais
magtayo ng malalaking base-militar nila sa Pilipinas.

Sagot: 1. C 2.D 3. B 4.C 5.C

B. Paghahabi sa layunin ng aralin o Pagganyak

Ipapanood sa mga bata ang music video ng awiting “Piliin mo
ang Pilipinas” ni Angeline Quinto.
(https://www.youtube.com/watch?v=BydlMqJLFRI)
 Ano ang mensahe ng inyong napanood na video?
 Anu-ano ang mga bagay na maipagmamalaki natin tungkol
sa bansang Pilipinas?

C. Pag-uugnay ng mga halimbawa sa bagong aralin o Paglalahad

Ipakita sa mga bata ang globo. Ipaturo sa kanila kung nasaan
ang Pilipinas sa globo. (https://www.google.com.ph/search)

 Nasaang bahagi ng globo ang ating bansa?

 Ano-ano ang mga bansang nakapalibot dito?
 Bukod sa mga bansang nakapalibot dito, ano-ano pa ang
makikita ninyong nakapalibot sa ating bansa?
 May kahalagahan kayang dulot ang lokasyong ito ng ating
bansa sa politika at ekonomiya ng Asya at ng mundo?

 Basahin ang sumusunod na teksto.

KAHALAGAHAN NG LOKASYON NG PILIPINAS

Ang lokasyon ng isang bansa ay may malaking

epekto sa kaunlarang pangkabuhayaan, panlipunan at
pampolitika nito. Sinasabing ang Pilipinas ay nasa
estratehiyang lokasyon sapagkat itinuturing itong isa sa
pinakamahalagang rutang pangkalakalan. Naging
daungan ang bansa ng mga gawaing pangkalakalan ng
mga bansang na ang ruta ay dumaraan sa Karagatang
Pasipiko. Ito rin ay nagsisilbing terminal, partikular ang mga
pandaigdigang paliparan nito ng mga sasakyang
panghimpapawid na nagmumula pa sa Estados Unidos,
Hapon, Australia o mga bansa sa Europa at iba pa.
Gayundin, ang Pilipinas ay isang mainam na lugar na
pagtayuan ng mga kampo-militar na panghimpapawid at
pandagat ng malalaking bansa. Ito ang dahilan kung bakit
hanggang ngayon, ay patuloy pa ring nagnanasa ang
Estados Unidos na manatili ang kanilang base-militar sa
Pilipinas. Dahil din sa magandang lokasyon ng Pilipinas,
maraming bansa ang namuhunan upang magtayo ng
kanilang negosyo dito partikular na ang mga karatig-bansa
nito sa Asya at sa ilan pang panig ng mundo.
D. Pagtalakay ng bagong konsepto at paglalahad ng bagong
kasanayan
 Ano ano ang naitutulong ng lokasyon ng Pilipinas sa
ekonomiya at pulitika ng Asya at mundo?

 Gawain 1- Paggamit ng Sematic Web

Gamit ang semantic web, isa-isahin ang kahalagahan ng
lokasyon ng Pilipinas sa ekonomiya at politika ng Asya at
Mundo. Pagkatapos, sagutin ang mga gabay na tanong.
Gawing sanggunian ang tekstong binasa.

1. Paano nakatulong ang lokasyon ng Pilipinas sa kalagayang

pang-ekonomiya at politika ng Asya at mundo?
2. Bakit itinuturing na estratehiko ang lokasyon ng Pilipinas?
Gawain 2- Paggamit ng metacards

 Gamit ang mga metakards na naglalaman ng kahalagahan

ng lokasyon ng bansa sa ekonomiya at politika ng Asya at
mundo, paghiwalayin ang kaisipan kung ito ay kahalagahang
pang-ekonomiya o pampolitika. Ilagay ito sa loob ng kahon.

EKONOMIYA POLITIKA

Daungan ng mga barkong pangkalakalan

Nakapagtatayo ng negosyo ang ibang bansa sa mundo dito

sa Pilipinas

Mainam na lugar na pagtayuan ng mga kampo-militar na

panghimpapawid at pandagat ng malalaking bansa

Terminal ng mga sasakyang pang-himpapawid mula sa iba’t-

ibang panig ng Asya at mundo.

Maraming turista ang nais makarating dito upang mamasyal

at manirahan.

Ang Pilipinas ay sentro at ruta ng mga sasakyang

panghimpapawid at pandagat na pang-internasyunal.

Gawain 3- Paggamit ng Concentric Circle

Dahil sa estratehikong lokasyon ng Pilipinas ay hindi
nakapagtatakang maraming estado ang nagkaroon ng
pansariling hangarin sa ating bansa na maaaring may kaugnayan
sa pangkaligtasan, pangekonomiya at pampolitika ng bansa.
 Gamit ang Concentric Circle, isulat ang mga simpleng bagay na
magagawa upang mapangalagaan at mapahalagahan ang
magandang lokasyon ng Pilipinas.

3 2 1

E. Paglinang sa Kabihasnan
 Paano ninyo ilalarawan ang lokasyon ng ating bansa?
 Bakit sinasabing estratehiko ang lokasyon ng ating bansa?
 Sa anong larangan nakatutulong ang lokasyon ng Pilipinas sa
bansa sa Asya at sa mundo?
 Anu-ano ang mga kahalagahan sa ekonomiya at politika ng
Asya at mundo ng lokasyon ng Pilipinas?

F. Paglalapat ng aralin sa pang-araw-araw na buhay.

 Bilang isang mag-aaral, paano mo pahahalagahan ang
kabutihang naidudulot ng lokasyon ng ating bansa sa
pagpapabuti ng ekonomiya at politika ng Asya at ng mundo?
G. Paglalahat ng Aralin
 Ano-ano ang mga kahalagahan ng lokasyon ng Pilipinas sa
ekonomiya at politika ng Asya at mundo?
 (Ipaawit sa mga mag-aaral sa tono ng bahay kubo ang
sumusunod na konseptong natutunan mula sa aralin.)

KAHALAGAHAN NG LOKASYON NG PILIPINAS

(sa tono ng Bahay Kubo)

Lokasyon ng Pilipinas
Ay mahalaga
Sa ekonomiya

Maging sa politika
Ng Asya at mundo
Dulot nito’y pag-unlad

Dito ay madaming
Mga daungan
At saka meron pang
Mga paliparan

Base-militar
Dito’y mainam
Ang paligid nito
Isang kayamanan

H. Pagtataya ng Aralin
Basahing mabuti ang bawat katanungan at piliin ang titik ng
wastong sagot.
1. Ang Pilipinas ay sentro at ruta ng mga sasakyang pandagat at
panghimpapawid na pang-internasyunal. Bakit kaya?
A. Dahil dito may ibat-ibang anyong lupa at anyong tubig
B. Dahil sa kapuluan, maraming daungan at paliparan dito.
C. Dahil ito ay isang kapuluan kaya maraming pulong
matitirahan.
D. Dahil ito ang paboritong daanan ng mga namumuhunan
2. Ipinagmamalaki ng ating bansa ang mga daungan at
paliparan nito. Bakit mahalaga ang mga daungan at paliparan
sa bansa?
 A. Napapadali ng mga ito ang paglalayag
B Dahil dito lumalabas at pumapasok ang mga nais
mangibang bansa.
C. Dahil ito ang mahalagang ruta ng kalakalan patungo sa
ibat-ibang panig ng mundo
D. Dahil ang mga ito ang nagbibigay ng magandang
lokasyong nakaaakit sa mga dayuhang namumuhunan
3. Ang Pilipinas ang Sentro ng Bansang Asyano kaya’t madaling
marating ito ng mga bansang nakapaligid dito. Hindi gaanong
naging hadlang sa paglalakbay ang klima dito dahil sa
kinalalagyang latitud nito. Anong klima mayroon sa bansa?
A. Maulap C. Malamig
B. Tropikal D. Mahangin
4. Malaki ang naitutulong ng lokasyon ng Pilipinas sa ekonomiya
ng Asya at ng mundo. Bakit?
A. sapagkat ito ang nagsisilbing pook-pasyalan ng mga
turista sa lahat ng panig ng mundo.
B. sapagkat nagsilbi itong ruta ng mga bansang dumaraan
sa Karagatang Pasipiko upang makipagkalakalan sa iba
pang panig ng mundo.
C. dahil sa lokasyon ng Pilipinas, maraming dayuhan ang
nagnais sakupin ang ating bansa at pamahalaan ang
mga likas na yaman dito.
D. dahil sa lokasyon ng bansa, nagpumilit ang ilang mga
bansa sa Asya at sa buong mundo na dalahin dito sa
Pilipinas ang lahat ng kanilang negosyo.
5. Dahil sa estratehikong lokasyon ng Pilipinas, hindi
nakakapagtakang maraming estado ang nagkaroon ng
pansariling hangarin sa ating bansa. Ano ang nararapat
nating gawin ukol dito?
A. Hayaan sila sa kanilang hangarin sapagkat nakatutulong
din naman sila sa ating kalagayang pang-ekonomiya.
 B. Isumbong sa mga awtoridad kapag may nakitang
dayuhang may masamang hanagarin sa ating bansa.
C. Hikayatin ang mga kababayang Pilipino na magtungo
din sa ibang bansa upang gawin sa kanila ang anumang
nais nilang gawin sa ating bansa.
D. Tungkulin ng bawat mamamayang Pilipinong
pahalagahan, ipagtanggol at proteksiyunan ang ating
bansa at ang bawat bahagi ng nasasakupan nito sa
anumang panganib.

Sagot: 1. B 2. C 3. B 4. B 5. D

I. Karagdagan Gawain para takdang aralin at remedyasyon

Sumulat ng isang tula na may 2 o 3 taludtod hinggil sa
kahalagahan ng lokasyon ng ating bansa sa ekonomiya at
politika ng Asya at Mundo.
(Gamitin ang Rubriks sa ibaba para sa pagwawasto ng
ginawang tula ng mga bata.)

Rubriks sa Pagmamarka ng Tula

KRAYTIRYA NAPAKAHUSAY MAHUSAY KATAMTAMAN NALILINANG NAGSISIMULA
(5) (4) (3) (2) (1)
Nilalaman Kumpleto at Kumpleto ang May ilang Maraming kulang Kulang at
kumprehensibo ang nilalaman ng kakulangan sa at may mali sa maraming mali
nilalaman ng tula tula batay sa nilalaman ng mga ang mga
batay sa paksa. paksa. tula batay sa impormasyon ang impormasyon sa
paksa. nabuong tula nabuong tiula
batay sa paksa. batay sa paksa.
Organisasyon Organisado, Malinaw at Maayos ang Hindi gaanong Hindi maayos at
malinaw, simple at maayos ang presentasyon maayos at malinaw ang
may tamang presentasyon subalit may malinaw ang presentasyon at
pagkakasunod- ng mga ideya ilang bahagi presentasyon at walang
sunodang sa tula. ang hindi hindi gaanong pagkakasunod-
presentasyon ng organisado ang sunod-sunod ang sunod sa mga
mga ideya sa tula. ideya sa tula. mga ideya. ideya ng awit.
Presentasyon Napakamalikhain Maayos at May Hindi gaanong Hindi maayos
at napakaaayos ng malikhain ang katamtamang maayos ang ang
pagkakalahad ng pagkakalahad ayos at simple pagkakalahad ng pagkakalahad
kaisipan ng tula ng kaisipan ng ang kaisipan ng tula. ng ideya ng
tula. pagkakalahad tula.
ng kaisipan ng
tula