KABANATA II

MGA KAUGNAY NA PANITIKAN AT PAG-AARAL

Ang kabanatang ito ay naglalaman ng mga teorya, mga panitikan at mga pag-aaral na
may kauganayan sa kasalukuyang pag-aaral. Ang mga impormasyon dito ay naging basehan ng
mga baryabol na pinili sa pag-aaral. Ang mga nakapaloob dito ay ginamit din ng mga
mananaliksik sa paggawa ng pag-aaral na ito.

Panitikan

Akademikong Matematika

Ang matematika o sipnayan ay karaniwang nangangahulugan na pag-aaral ng mga

modelo ng kayarian, pagbabago, at espasyo. Maaari ring sabihin na pag-aaral ng mga pigura at
bilang ang matematika sa impormal na salita. Sa pananaw ng formalist, ito ang paggamit
ng symbolic logic at mathematical notation sa pag-imbestiga ng mga abstract structure na di
nangangailangan ng patunay o dahilan. Isinasalaysay sa Pilosopiya ng matematika ang ibang
pananaw. Ang matematika ay maaring makita bilang payak na ekstensyon ng wika na binigbikas
at sinusulat, kasama ang pinakatumpak na kahulugan ng talasalitaan at balarila, para sa layunin
ng pagsasalarawan at pagtuklas ng mga relasyong pisikal at pangkaisipan.

Sa pagpapatupad ng bagong kurikulum na K to 12 sa sekondarya, ay nagkaroon ng mga

pagbabago sa mga asignatura at isa na dito ang asignaturang matematika. Dahil sa mga mag-
babago na bunga ng k to 12, ipinatupad ng DepEd ang pag-gamit ng mother tongue sa ibang
mga asignatura na tulad ng matematika.

Ayon kay DepEd Secretary Armin Luistro, “mas madaling matutunan ‘yong konsepto ng
mga aralin ‘pag ginagamit ay ‘yong kanilang nakagisnang wika.” Kaya naman mula sa paggamit
ng bilingual education sa lumang curriculum, sinimulang ipatupad ang paggamit ng mother
tongue-based multilingual education noong 2012 bilang bahagi ng pagsusulong ng K to 12
curriculum.Ang mother tongue ay tumutukoy sa wikang nakamulatan ng bata. Sa kinder level,
sisimulang gamitin ang mother tongue bilang medium of instruction. Halimbawa na lang kung sa
halip na subtract or less ang gagamitin ay ibawas o bawasin ang sasabihin ng guro, hindi kasi
lahat ng mag-aaral ay bihasa sa kahulugan ng salitang Ingles, kaya mas madaling maunawaan ito
ng mga mag-aaral at madali para sa kanilang intindihin ang aralin.

Sa kasalukuyan, 19 na wika ang aprubado ng DepEd para gamitin ng mga guro bilang
medium of instruction sa paaralan. Malaking tulong ang paggamit ng katutubong wika o mother
tounge sa ikadadali ng pagkatuto ng mga magaaral. Bahagi ito ng bagong kurikulum ng K-12.
Maaaring magkaroon ng kalituhan sa una ngunit magiging madali kapag nakasanayan na. Tiwala
ang ahensya na sa pamamagitan ng mother tongue-based multilingual education mas malayang
maipapahayag ng mga batang mag-aaral ang kanilang mga sarili at kaalaman sa klase. Sa
pamamaraan na ito maari ng magustuhan at maintindihan ng mas mabuti ng mga estudyante ang
asignaturang matematika.
 7

Nakapaloob sa mga kaugnay na panitikan ang kahulugan ng asignaturang Matematika.

Ang sumunod naman ay tungkol sa paggamit ng mother tongue sa pagtuturo ng ibang mga
asignatura at isa na dito ang asignaturang Matematika. Makakaapekto ito sa dahilan ng mga
mag-aaral kung bakit sila mahihirapan na pag-aralan ang asignaturang Matematika. Sinasabi dito
na ang mga mag-aaral na nasa elementarya ay gagamit na ng mother tongue pagtuturo ng
asignaturang matematika, Ngunit hindi ba mas mahihirapang intindihin ng mga mag-aaral kung
hindi ingles ang gagamitin sa pagpapaliwanag ng asignaturang ito.

Kaugnay na Pag-aaral

Si Hiebert at Carpenter (1992) ay nagpanukala ng isang balangkas upang maunawaan ang

pag-aaral tungkol sa pananaw na maaring magbigay linaw sa hanay ng mga isyu na may
kaugnayan sa pag-unawa sa matematika. Gumawa sila ng isang representasyon tungkol sa
pagkakaiba ng panloob at panlabas na pagtuturo at pag-iisip tungkol sa mga ideya sa matematika
na kailangang kumatawan sa mga paraang kailangan ngmga tao. Ang pakikipag-usap ay
nangangailangan ng mga representasyon sa panlabas at ang pasalitang wika , nakasulat na mga
simbolo, mga guhit o kongkretong mga bagay. ang mga ideya tungkol sa matematika ay tunay
kapag naipapahayag ng isang tao.Sa pamamagitan ng mga pag-aaral ay naipapahayag nila ang
kanilang mga ideya sa isa't isa.

Sa pag aaral nila Good at Grouws (1977), kung pagkukumparahin ang ilang pag-aaral na
kasama ang mga panukala na sumasaklaw sa mga guro ay makikita kung paano nila
naiimpluwensyahan ang kanilang mga estudyante.Ang pagiging epektibo ng mga guro (ayon sa
kanilang pag-aaral) ay lumilitaw sa matinding pagkakaugnay ng mga sumusunod na mga
kumpol: ang pagtanggap ng mga mag-aaral sa pag-uugali, pagtuturo sa buong klase,
pangkalahatang kaliwanagan ng turo, ang pangangailangan ng impormasyon kung
kinakailangan.

Inisa-isa ni Wichael (n.d.) sa artikulo niyang “Why some teens dislike math and science”
ang mga dahilan kung bakit kinapopootan ang hilig ng mga walang malay na matematisyan. Ang
ilan sa kanyang mga punto ay bibigyang linaw sa mga sumusunod na talata ay ang kawalan ng
pag-unawa,iba’t ibang sistema ng pagtuturo at learning style, at kawalan ng pag-papahalaga.

Ayon kay Hedrick (1932), ang tunay na kagalingan ng Matematika at ang tunay na
kahulugan at kahalagahan nito sa mundo ay mananatili magpakailanman.

Ito ay sinudan ni Snader (1949) na nagbigay-diin sa katotohanang lubhang mahirap sa

panahong ito dahil sa laganap na ang kaunlarang dala ng Matematika, Agham, at Teknolohiya;
gayundin ang kahandaan ng mga kabataan upang harapin ang kabutihan at kasama ang dulot ng
kaunlaran. Ang Matematika ay isang mahalagang bahagi ng ating kultura at hindi maikakaila ang
naging papel nito sa pag-papaunlad ng ating bansa.