NARRATOR:

SA ISANG GUBAT NA MADILIM AT MAPANGLAW

HALAMANG MATINIK AT WALANG PAGITAN
HALOS NAGHIHIRAP ANG SINAG NG ARAW
DUMALAW SA LOOB NA LUBHANG MASUKAL

MALALAKING KAHOY ANG INIHAHANDOG

NABABALOT NG DALAMHATI, LUNGKOT AT TAKOT
KARAMIHA’Y SIPRES AT HIGERANG KUTAD
WALANG MGA BUNGA’T DAHO’Y MALALAPAD

IBA’T IBA PANG HAYOP, DITO’Y GUMAGALA

KARAMIHA’Y SYERPE’T BASILIKONG MADLA;
HYENA’T TIGRENG GANID NA NAGSISISILA
NG BUHAY NG TAO’T DAIGING KAPUWA

ISANG KAHABAG-HABAG ANG MASISILAYAN

SA MAPANGLAW NA GUBAT, SA KALAGITNAAN
BAGONG- TAONG BASAL, ANG ANYO AT TINDIG
MUKHA’Y SUMISILANG, SA GITNA NG SAKIT

MAKINIS NA BALAT AT MALAGINTONG BUHOK

PILIK MATA’T KILAY MISTULANG BALANTOK
NGUNIT PARA YATANG PUNO NG PASAKIT
ANG ADONIS NA PINAGKAITAN NG LANGIT
FLORANTE:
MAHABAGING LANGIT, ANONG AKING NAGAWA
UPANG PAG-ALAYAN, NG IYONG KABANGISAN
NGAYON AKO’Y NASA PAGKAKAGULAYGAY
HABANG BANDILA NG KASAMAAN,
SA ALBANYA’Y IWINAWAGAYWAY.

KABUKTUTAN SA REYNONG BAYAN KONG SAWI,

SA LOOB AT LABAS NG ALBANYA’Y NAGHAHARI
ITO’Y KAPANGAHASAN NG KONDE ADOLFO
NA NANLINLANG SA AMA KO AT HARING LINCEO

O TAKSIL NA PITA SA YAMA’T MATAAS

O HANGAD SA PURING HANGING LUMILIPAS
IKAW ANG DAHILAN NG KASAMAANG NASAPIT
MGA TAGA- ALBANYA, NGAYO’Y NAGHIHINAKIT

BAKIT BATHALA’Y NABINGI SA AKIN

AT ANG MGA LUHOG KO AY ‘DI MO DINGGIN
SAAN AKO NGAYON MANGANGAPIT
KUNG AYAW AKONG PAGBIGYAN NG LANGIT

FLORANTE:
KUNG NAIS AT IBIG NA AKO’Y MAGDUSA
ISANG PAKIUSAP, AKING MASASALITA
ISAGI MAN LAMANG SA ISIPAN NI LAURA
AKO, SA PUSO NIYA, AY MA- ALAALA

NGUNIT SA ABA KO! SAWING KAPALARAN!

ANO PANG HALAGA NG MGA SUYUAN
KUNG ANG SINISINTA KONG MUTYA,
AY NAKAHILIG NA SA KANDUNGAN NG IBA

SA PILING NG SUKAB NA KONDENG ADOLFO

AKING NATATANAW SI LAURANG IROG KO
O KAMATAYAN NA LAMANG ANG NAIS SAPITIN
KAYSA HIRAP AT PANINIGBUHO ANG DAMHIN

O LAURANG MAHAL KO’Y BAKIT ISINUKO

SA IBA ANG SINTANG SAKIN PINANGAKO
KAY SAKIT NAMAN NG IYONG KATAKSILAN
BAKIT AKO’Y IYONG PINAHIHIRAPAN

NARRATOR:
MAGBABALIKTANAW ANG KAWAWANG BINATA
SA MASASAYANG ARAW NIYA SA INIIBIG NA DALAGA
MGA SANDALING SILA’Y MAGKASAMA
AT NAMUMUTAWI ANG PAGMAMAHALAN SA ISA’T-ISA

**** FLASHBACK
LAURA:
NAIS KONG ISUOT MO ANG BALUTING ITO, BILANG TANDA NG AKING PAGMAMAHAL SA IYO AT UPANG
MAGING LIGTAS KA SA PAKIKIMAHOK SA MGA KALABAN MO.
LAGI MONG TATANDAAN MAHAL KO NA AKO’Y UMAASA SA IYONG PAGBABALIK. NANGANGANIB MAN AKO
NA IKAW AY MASUGATAN, AKIN NA LAMANG IPAPANALANGIN ANG IYONG KALIGTASAN.
FLORANTE:
TAHAN NA MAHAL KO AT HUWAG KA NG MANGAMBA. HUMANAP KA NA LAMANG NG IKA-AALIW NG LOOB
UPANG HINDI NA MAG-ALALA.

END OF FLASHBACK
FLORANTE:
NASAAN KA NA NGAYON MAHAL KO UPANG MASIYASAT ANG AKING MGA SUGAT?
NASAAN NA NGAYON ANG IYONG PAG-ALALA NA MAGASGASAN MAN LAMANG ANG AKING MGA BALAT?
LAURA, NGAYON AY TINGNAN MO ANG MGA DAMIT KO NA NABAHIRAN NA NG MGA DUMI.
O LAURA, LAURA, BAKIT AKO’Y HINDI MO MADAMAYAN SA AKING PAGHIHINAGPIS.

NARRATOR:
NAGKATAONG SIYANG PAGDATING SA GUBAT
NG ISANG GERERONG BAYANI ANG TIKAS
PUTONG NA TURBANTE AY KALINGAS-LINGAS
PANANAMIT NG MORO SA PERSYANG SIYUDAD

PINIGIL ANG LAKAD AT NAMAHINGANG SAGLIT

PUMUNTA SA PAHINGAHANG PINAKAMALAPIT
DI KAGINSA-GINSA’Y IPINAGTAPUNAN
ANG PIKA’T ADARGA’T NAGDAOP NG KAMAY

ALADIN:

FLERIDA’Y TAPOS NA ANG TUWA MAGMULA NG UMALIS AKO SA KAHARIAN NG PERSYA. MABABATID MO
KAYA ANG AKING PANGUNGULILA NG IWANAN KITA SA IGINAGALANG KONG AMA.

ANG AKING AMA NA UMAGAW SA IYO NGUNIT HINDI KO MAGAWANG KAMUHIAN, SAPAGKAT MALAKI ANG
AKING PAGGALANG, KAYA’T MASAKIT MAN AY KINAILANGAN KITANG IWAN SA KAHARIAN AT MAGPARAYA
NA LAMANG

NGUNIT SINTA KO’Y IYONG TATANDAAN, NA KUNG MAY MAGBALAK MAN NA IKAW AY AGAWIN,
MATITIKMAN NILA ANG GANTI NG AKING PIKA’T PANANGGA.
 NARRATOR:
SA MAWIKA ITO LUHA’Y PINAAGOS,
PIKA’Y ISINAKSAK SAKA NAGHIMUTOK;
NAGKATAON NAMANG PARANG ISINAGOT
ANG BUNTONG-HININGA NIYONG NAGAGAPOS
BIGLANG NAPATIGIL NANG SIYA’Y MAY MARINIG
MGA PANAGHOY NA NAGPABALING SA KANYANG TITIG
HINANAP AT PINAKINGGAN ANG PINAGMULAN NG TINIG
NGUNIT NAPAHINTO SA MGA SUNOD NA PANGYAYARI

FLORANTE:
AKING AMANG INIIBIG, SADYANG KAHABAG-HABAG ANG IYONG NASAPIT, SA PAGKAMATAY MO SA KAMAY
NG TAKSIL AT SUKAB NA ADOLFONG MALUPIT.

****FLASHBACK
SIMONE: MAGBIGAY PUGAY SA KONDE ADOLFO.
ADOLFO: (KASAMA ANG IBA PANG MGA KAWAL NA DADATING) [EUNICED, SIMONE AT WILBERT] {KASAMA
SA TAGPO ANG IBA PANG TAO SA KAHARIAN} [GRACE AT CAPANAY]
MGA KAWAL, DAKPIN ANG TAKSIL NA DUKENG ITO.

GRACE: KONDE ADOLFO, ANONG IYONG GINAGAWA?

JOBELLE: SINONG NAGBIGAY SA IYO NG KARAPATAN UPANG GAWIN ITO SA TAGAPAGPAYO NG HARI. ISA
ITONG PAGTATAKSIL.

DUKE BRISEO:
TAMA SILA ADOLFO, ANONG IYONG GINAGAWA. ISA ITONG KALAPASTANGANAN.

ADOLFO:
AKO NGA BA ANG NAGTATAKSIL O IKAW MAHAL NA DUKE? KAWAL IPALIWANAG SA LAHAT ANG PAGTATAKSIL
NA GINAWA NG DUKE NA ITO.
EUNICED:
DUKE BRISEO, BATAY SA GINAWANG PAG-IIMBESTIGA NG PAMUNUAN NG MGA KAWAL KASAMA NA SI
KONDE ADOLFO AY NAPATUNAYANG GINAMIT MO ANG IYONG KAPANGYARIHAN PARA SA IYONG
KAGALINGAN.

WILBERT:
HINDI LAMANG IYAN, PINAHINTULUTAN MO PA ANG KATAKSILAN NG IYONG SUPLING AT ANG PAGTULONG
SA LAHAT NG MGA NAGTAKSIL AY KILALA RIN BILANG KATAKSILAN LALO NA DITO SA ALBANYANG BAYAN.

DUKE BRISEO:
ISANG KAHIBANGAN ANG PAGPARATANG NIYO SA AKIN SA KASALANANG HINDI KO NAMAN GINAWA. KONDE
ADOLFO, PALAYAIN MO AKO NGAYUNDIN.

KONDE ADOLFO:
WAG KA NANG MAGMAANG-MAANGAN DUKE. ALAM NATING DALAWA NA IKAW AY NAGKASALA. ANO PANG
HINIHINTAY NIYO MGA KAWAL, DAKPIN ANG DUKE. DAHIL SA KASALANANG IYONG NAGAWA, IKAW NGAYON,
DUKE BRISEO AY HINAHATULAN KO NA PUGUTAN NG ULO.

DUKE BRISEO:
KUNG ANG SUKLI NG KATAPATAN KO SA ALBANYANG REYNO AY ANG KAMATAYAN KO, TATANGGAPIN KO ITO
NG BUONG PUSO.
NGUNIT ITO ANG TATANDAAN MO ADOLFO, BABALIK ANG AKING ANAK, AT KANIYANG SISIGURADUHIN NA
SIYA’Y MAKAKABAWI SA LAHAT NG PAGTATAKSIL MO SA ALBANYA.

ADOLFO:
ALALAHANIN MO RIN LAMANG DUKE NA AKO’Y PALAGI LAMANG NAKAHANDA.
PINAPAALALAHANAN KO ANG LAHAT NA SA ORAS NA MAPUGUTAN NA NG ULO ANG TAKSIL NA DUKENG ITO
AY WALA NINUMAN ANG MAAARING MAGBIGAY SA KANIYA NG MAAYOS NA LIBING SAPAGKAT KATUMBAS
NITO ANG ISANG MABIGAT NA KAPARUSAHAN. NAGKAKAINTINDIHAN BA TAYO, LALO NA KAYONG DALAWA,
O BAKA NAMAN AY NAIS NIYO NA RING WAKASAN ANG INYONG BUHAY.

GRACE/ JOBELLE: MASUSUNOD KONDE.

JOBELLE: ASAHAN NINYO NA ANG INYONG KAHILINGAN AY MASUSUNOD, MAHAL NA KONDE.

KONDE ADOLFO: KUNG GAYON AY MAGPATULOY NA KAYO SA INYONG GINAGAWA. MGA KAWAL DAKPIN NA
ANG DUKE.
DUKE BRISEO: MGA TAKSIL NA KAIBIGAN!

END OF FLASHBACK

FLORANTE:
KAY SAKIT ISIPIN NA WALA MAN LAMANG AKONG NAGAWA UPANG IKAW AY MASAGIP MULA KAY
ADOLFONG SUKAB AT MALUPIT. AKO’Y IYONG PINALAKI AT INARUGA. MINAHAL MO AKO NG HIGIT PA SA
IYONG SARILING BUHAY. KAY SAMA NG KAPALARAN SA ATIN NA SA KABILA NANG LAHAT NG PAGLILINGKOD
NA NAIBIGAY NG ATING PAMILYA SA REYNONG ALBANYA AY KAMATAYAN MO ANG MAGIGING KASUKLIAN
NITO.

NARRATOR:
NAPAHINTO SA PAG-IISIP AT MAY NARINIG MULI
ISA NA NAMANG PANANAGHOY MULA SA LALAKI
NGUNIT SA NGAYON, SIYA NAMA’Y NAMAMAALAM
SA BABAENG PINAGALAYAN NIYA NG PAGMAMAHAL

FLORANTE:
LAURANG ALIW NIRING AKING BUDHI, PAALAM NA SAIYO, AKING MASASABI. NAWA’Y LAGI KA SANANG
MAGING MALIGAYA KASAMA ANG LALAKING IYONG MAPAPANGASAWA. SANA’Y HINDI MANGYARI SA IYO
ARING NASAPIT, AT NANG MAKAPAMUHAY KA PA NG MATIWASAY AT TAHIMIK.

PAALAM NA SA IYO, REYNONG ALBANYANG TINUBUAN. NGAYO’Y PINAMUMUNUAN NG LUPIT AT KASAKIMAN

BUHAT NG SUKAB NA SI KONDE ADOLFONG MAPAGPANGGAP.

NARRATOR:
HINDI PA NATATAPOS ANG SUNOD NA SALITA
NG DALAWANG LEON, ANG SA KANIYA AY NAGPAKITA
SIYA’Y TINUTUNGO’T PAGSIL-IN ANG HANGAD
TUMIGIL PA ITO SA KANIYA MISMONG HARAP
 (SAYAW NG MGA LEON PAPALAPIT KAY FLORANTE AT PAGDATING NI ALADIN UPANG TULUNGAN ITO.)
(NANG MATALO NI ALADIN ANG MGA LEON AY PUPUNTAHAN NIYA ANG LALAKING NAHIMATAY NA SA
KAWALAN NG LAKAS AT DADAMAYAN. UUPO ITO AT KAKALUNGIN SI FLORANTE.)

ALADIN:

NAPAKASAMA NIRING IYONG NASAPIT AT AKO’ NAGSISISI NG NAGDALAWANG- ISIP PA AKO SA PAGSAGIP SA
IYO. NGUNIT ANONG AKING MAGAGAWA KUNDI MANGAMBA, SAPAGKAT IKA’Y KALABAN NG LAHING MORO
SA PERSYANG BAYANG AKING PINAGMULAN.

NARRATOR:
MAKALIPAS ANG ILANG SANDALI, NAGISING NA RIN MULA SA PAGKAKAHIMBING SI FLORANTE AT AGAD NA
NASAMBIT ANG PANGALAN NI LAURA AT HUMIHILING NA KALAGIN NG DALAGA ANG GAPOS SA MGA KAMAY
NIYA. NAPAPIKIT PANG MULI ANG LALAKI NA NOO’Y MAHINANG MAHINA PA AT SA KANIYANG MULING
PAGDILA’T AY MUKHA NG MORO ANG SUMALUBONG SA KANIYA.

FLORANTE:

ANO’T AKO’Y NASA MORONG KANDUNGAN. MGA MORONG ITINUTURING NA KAAWAY NG AKING BAYAN.

ALADIN:

HUMINAHON KA AT HUWAG NANG MANGANIB SAPAGKAT NASA LIGTAS KANG MGA KAMAY NGAYON. OO
NGA’T MAGKAAWAY ANG ATING MGA LAHI, NGUNIT HINDI MAATIM NG AKING KONSIYENSYANG IWANAN KA
AT HINDI SAKLOLOHAN SA BINGITNG KAMATAYAN.

NAPAKINIG KO ANG PAGTATAGHOY MO KAYA’T AKIN KITANG HINANAP AT DOON KO NAKITA ANG
DALAWANG LEON NA PAPALAPIT NA SA IYO HABANG IKAW AY NAKAGAPOS PA RIN SA ISANG PUNONG
KAHOY.

FLORANTE:

KUNG HINDI MO AKO KINALAG SA PUNONG AKING KINALALAGYAN AY MARAHIL NAKAHIMLAY NA AKO SA
TIYAN NG MGA GANID NA LEON. MAHIRAP TANGGAPIN ANG TULONG NG ISANG KAAWAY SUBALIT WALA NA
AKONG MAGAGAWA.
ALADIN:

SALAMAT SA PAGTITIWALA. HALIKA NA’T MAG-GAGABI NA, TUMUNGO TAYO SA MAS LIGTAS NA LUGAR
UPANG HINDI MANGANIB MULA SA MABABANGIS NA HAYOP DITO SA KAGUBATAN.

(BUBUHATIN NI ALADIN SI FLORANTE AT TUTUNGO NGA SILA SA MAS LIGTAS NA LUGAR)

NARRATOR:
NANG SILA NGA AY MAKARATING SA MAS MAAYOS NA LUGAR AY NAHIMBING MULI SI FLORANTE UPANG
MABAWI NITO ANG KANIYANG LAKAS SAMANTALANG MAGDAMAG NAMANG HINDI NATULOG SI ALADIN
UPANG MASIGURO NITO NA MAGIGING LIGTAS SILA MULA SA MABABANGIS NA HAYOP SA KAGUBATAN.

KINABUKASAN…

(IIBO SI FLORANTE AT ITO AY MAGIGISING NA AT MABILIS NAMAN ITONG DADAMAYAN NI ALADIN)

ALADIN:
IPAGPAUMANHIN MO KUNG IKAW AY MAGAGAMBALA, NGUNIT AKIN LAMANG NAIS SIGURUHIN NA
KALAGAYAN MO’Y HINDI LUMALA. KAYA NAIS KONG ITANONG SA IYO KUNG BUMUTI NA BA ANG IYONG
SITWASYON AT MULI NANG NANUMBALIK ANG IYONG LAKAS.

FLORANTE:
SALAMAT SA PAG-AALALA NGUNIT KALAGAYAN KO’Y BUMUTI NA. HINDI MAGSISIMULANG MANUMBALIK
ANG DATI KONG KALAGAYAN KUNG HINDI MO AKO INALAGAAN AT TINULUNGAN. MARAMING SALAMAT
TALAGA.

(MATUTUWA NG HUSTO SI ALADIN AT YAYAKAPIN SI FLORANTE)

ALADIN:
HINDI AKO MAGSISISI NA IKAW AY TINULUNGAN NGUNIT PAUMANHIN KUNG ITO’Y AKIN PANG
MATATANONG, HINDI KO MAPIGILANG MAGTAKA AT MAG-ALALA KUNG SINO ANG NAGDULOT NANG LAHAT
NG PAGHIHINAGPIS NA IYONG NAPAGDAANAN.

FLORANTE:
KUNG NAIS MO TALAGANG MALAMAN AY HINDI LAMANG DAHILAN NG AKING PAGDUDUSA ANG SASAMBITIN
KUNDI BUHAY KO SAPUL PAGKABATA NANG MAGANAPAN KO ANG HINGI MO’T NASA.
. BUGTONG NA ANAK AKO NG MAG-ASAWANG DUKE BRISEO AT PRINSESA FLORESCA. SI AMA AY
TAGAPAGPAYO NG MAHAL NA HARING LINCEO SA ALBANYA SAMANTALANG SI INA AY PRINSESA NAMAN NG
CROTONA.
SANGGOL PA LAMANG AY NALAGAY NA AKO SA BINGIT NG KAMATAYAN AT PAGDATING NG KAMUSMUSAN
AY MARAMI NANG PAGSUBOK ANG DUMATING SA AKING BUHAY.

****FLASHBACK

PRINSESA FLORESCA:
MENALIPO, ANO’T NAPADALAW KA. NAPAKA BIGLAAN NAMAN ATA NG PAGPUNTA MO DITO BUHAT SA
EPIRO.

MENALIPO:
PRINSESA FLORESCA, PINADALA AKO NG AKING INA UPANG IBIGAY SA INYO ANG MUNTING HANDOG NAMIN
SA INYONG PAMILYA NA SUMISIMBOLO NG AMING KASIYAHAN PARA SA IYONG PAGBUBUNTIS. SANA’Y
PAGBIGYAN MO AKO NA MAKITA ANG AKING PINSANG SI FLORANTE.

PRINSESA FLORESCA:
IKAW AY AKING PINAHIHINTULUTAN MENALIPO LALO PA’T SIYA’Y IYONG PINSAN. NARARAPAT LAMANG NA
SIYA’Y IYONG MAKITA NGUNIT IPAGPAUMANHIN MO NA HINDI MO SIYA MAKIKITANG MAY MALAY SAPAGKAT
SIYA NGAYON AY NATUTULOG GAYUNPAMAN AY BINIBIGYAN PA RIN KITA NG PAHINTULOT NA MASILIP ANG
AKING SUPLING.
SAMAHAN MO SIYA SA SILID PAHINGAHAN NI FLORANTE, ALIPIN.

LOUIEQUEL:
MASUSUNOD MAHAL NA PRINSESA. NANDITO ANG DAAN PATUNGO SA KUWARTO NG ANAK NG PRINSESA AT
DUKE. SUMUNOD KA SA AKIN.

(AALIS SI MENALIPO AT TUTUNGO SA KINALALAGYAN NI FLORANTE NANG MAKITA NIYA ANG ISANG
BUWITRENG MAGTATANGKA NANG DAKMALIN ANG SANGGOL)

LOUIEQUEL:
ISANG BUWITRE!

MENALIPO:
ANU’T MAY ISANG BUWITRE!
(KUKUHANIN ANG PANA AT PAPANAIN ANG BUWITRE AT ITO’Y KANIYANG MAAASINTA)

YAN ANG NARARAPAT PARA SA MGA SADYANG SAKIM NA BUWITRENG IBONG KATULAD MO NA BINALAK
TANGKAIN ANG BUHAY NG AKING PINSAN.

PRINSESA FLORESCA:
(DADATING KASAMA ANG MGA ALALAY NITO) [RIZA AT SHERRIS]

MENALIPO, ANONG NANGYARI AT NAPAKINIG KO ANG IYONG PAGSIGAW?

ANO’T MAY PATAY NA BUWITRE SA SILID NG AKING ANAK. MENALIPO, ANONG NAGANAP DITO?

MENALIPO:
IPAGPAUMANHIN MO MAHAL NA PRINSESA, NGUNIT PAGDATING KO RITO AY NAKITA KO ANG BUWITENG
DARAGITIN ANG IYONG ANAK NA SI FLORANTE, KAYA’T AKIN SIYANG PINANA UPANG MAIWASAN ANG BAGAY
NA IYON.

PRINSESA FLORESCA:
KUNG GAYON AY MARAMING SALAMAT MENALIPO, SA PAGLILIGTAS MO SA AKING ANAK. HALIKA AT
SAMAHAN MO AKONG DALHIN SIYA SA KANIYANG AMA. AT MGA ALIPIN, TUMAWAG KAYO NG MAGLILINIS
AT MAG-AALIS SA PATAY NA BUWITRE. NAIS KONG MAALIS AGAD ITO SA SILID NG AKING ANAK.

RIZA, LOUIEQUEL AT SHERRIS:

MASUSUNOD PO, MAHAL NA PRINSESANG FLORESCA.

NARRATOR:

PAGTUNTONG NG BATA SA SIYAM NA TAON, NAKAHILIGAN NI FLORANTE ANG MAMASYAL SA BUROL.

TANGAN- TANGAN ANG KANIYANG PALASO, MAMANA NG IBON ANG NAIS NIYA’T GUSTO.
HINDI LANG PANGANGASO ANG KANIYANG NAHILIGAN, KUNDI PATI PAGMAMASID SA BUONG KAGUBATAN.
UMAGA PA LAMANG AT BAGONG NAGLALATAG, ANG TUNGO NIYA AY KAGUBTAN AT DOON NA
MAGLAGALAG.

(MAGLALAKAD SI FLORANTE KASAMA ANG ISA NITONG TAGAPAG-LINGKOD SA KAGUBATAN.)

[ABBY]
FLORANTE:
HINDI BA’T KAY GANDANG PAGMASDAN NG GANITONG TANAWIN. TAHIMIK ANG LAHAT AT MGA HAYOP AY
PAYAPA RIN.

ABBY:
HINDI KITA SASALUNGATIN SA IYONG SINABI FLORANTE, TUNAY NGANG NAPAKASARAP SA PAKIRAMDAM NA
PAGMASADAN ANG GANITONG TANAWIN, NGUNIT KANINA PA TAYO NARIRITO SA KAGUBATAN. NAGAWA
MO NA ANG IYONG NAIS, ANG MAKAHULI NG HAYOP, KUNG KAYA’T TAYO NANG BUMALIK SA INYONG
TAHANAN AT SIGURADO AKONG NAG-AALALA NA ANG IYONG MGA MAGULANG SA IYO.

FLORANTE:
TAMA KA RIYAN, SIGURO NGA AY NAG-AALALA NA SILA. TAYO NANG BUMALIK BAGO PA MAG-DAPIT HAPON.

NARRATOR:
MATAPOS NGA ANG PAMAMASYAL SA KAGUBATAN AY BUMALIK NA SA TAHANAN SI FLORANTE AT ANG
ALAGAD NITO.

ABBY:
MAHAL NA PRINSESA FLORESCA AT MAHAL NA DUKENG BRISEO, NAKABALIK NA ANG INYONG ANAK BUHAT
SA KAGUBATAN.

FLORANTE:
INA, AMA, AKO’Y NARIRITO NA.

PRINSESA FLORESCA:
NAKABALIK KA NA ANAK, HALIKA AT PUNTAHAN NA NATIN ANG IYONG AMA, KANINA KA PA NIYA HINIHINTAY
AT MAY NAIS DAW SIYANG SABIHIN SA IYO.

FLORANTE:
MAHALAGANG SASABIHIN? ANO NAMAN ANG BAGAY NA ITO INA.
PRINSESA FLORESCA:
MAGING AKO MAN ANAK AY HINDI ALAM KUNG ANONG MAHALAGANG BAGAY ANG SASABIHIN NG IYONG
AMA, BINALAK KO ITONG ITANONG SA KANIYA NGUNIT ISA RAW ITONG SIKRETO. KAYA HALIKA NA AT ATIN
NA SIYANG PUNTAHAN UPANG MAWALA NA ANG KATANUNGAN SA ATING ISIPAN.

FLORANTE:
MASUSUNOD INA, NGUNIT NASAAN NGA BA SIYA?

PRINSESA FLORESCA:
NASA HARDIN ANG IYONG AMA. HALIKA NA.

NARRATOR:
NOON NGA AY NAGTUNGO SI FLORANTE AT ANG INA NITO SA HARDIN UPANG MAKADAUPANG PALAD NA SI
DUKE BRISEO AT MASAGOT NA ANG KATANUNGAN SA KANILANG ISIPAN.

PRINSESA FLORESCA:
MAHAL NA DUKE, NARITO NA ANG ATING ANAK.

DUKE BRISEO:
NAKABALIK KA NA PALA FLORANTE, KAMUSTA ANG IYONG PANGANGASO?

FLORANTE:
AYOS LAMANG NAMAN ITO NGUNIT MAIBA AKO AMA, MAY MAHALAGA KA RAW NA NAIS SABIHIN SA AKIN?

DUKE BRISEO:
TAMA IYON ANAK, MAY NAIS AKONG SABIHIN SA IYO. MATAGAL KO NA ITONG PINAGIISIPAN, NASA ISIP KO
NA KAILANGAN MO NANG TUMUKLAS NG PANIBAGONG KARUNUNGAN. NGAYONG NAKATUNTONG KA NA SA
WASTONG GULANG AY IPAPADALA KITA SA ATENAS, ANG LUNGSOD NG KARUNUNGAN UPANG DOON KA
MAG-ARAL. ANG ATENAS AY BANTOG SA MAHUHUSAY NA GURO, ISA NA RITO AY SI ANTENOR NA SIYA MONG
MAGIGING GURO.

FLORANTE:
NGUNIT AMA, NABIBIGLA KA ATA SA IYONG DESISYON. NARITO SA ALBANYA ANG AKING BUHAY AT WALA SA
ATENAS AT ISA PA AY KUNTENTO NA AKO SA MGA KARUNUNGANG NALALAMAN KO.
PRINSESA FLORESCA:
TAMA MAHAL NA DUKE, AT ISA PANG BAGAY, BAKIT NAGPASYA KA NA AGAD NG WALA ANG AKING
PAHINTULOT?

DUKE BRISEO:
IPAGPAUMANHIN MO MAHAL NA PRINSESA, NGUNIT AYAW KO LAMANG LUMAKI SA LAYAW ANG ATING
ANAK.

PRINSESA FLORESCA:
NGUNIT HINDI SA GANITONG PARAAN, MAHAL NA DUKE. LABIS KONG IKALULUNGKOT ANG MAWALAY SA
AKING KAISA-ISANG SUPLING. HINDI KO ATA MAKAKAYANAN ANG BAGAY NA ITO.

DUKE BRISEO:
MAHAL NA PRINSESA, INAALALA KO LAMANG NAMAN ANG KINABUKASAN NG ATING ANAK. KUNG
MANANATILI NA LAMANG SIYA DITO SA ATING TABI AY HINDI NIYA MATATAGPUAN ANG TAGUMPAY. DAPAT
NATING PAGTIISAN ANG MAWALAY SA KANIYA. ANG KAPANGYARIHAN NG LUHA AY DAPAT NATING
KABUHULAN.

PRINSESA FLORESCA:
MAHAL NA DUKENG BRISEO, ALAM KONG TAMA LAHAT ANG MGA NAIISIP MO AT PUMAPAYAG NA AKO KUNG
ITO ANG IKAGAGALING NG ATING ANAK, NGUNIT DAPAT RIN NATING ISAALANG- ALANG ANG KANIYANG
KAGUSTUHAN.

DUKE BRISEO:
HINDI SA LAHAT NG BAGAY AT NARARAPAT MASUNOD ANG MGA KAGUSTUHAN NG ISANG SUPLING MAHAL
KONG PRINSESA. AYAW KONG LUMAKI SA LAYAW ANG ATING ANAK KAYA’T SA AYAW AT SA GUSTO AY
PUPUNTA SIYA SA ATENAS UPANG DOON MAG-ARAL.
NAIINTINDIHAN MO BA ANG AKING SINASABI FLORANTE?

FLORANTE:
OPO AMA, SUMASANG AYON NA PO AKO SA INYO. KUNG ITO ANG INYONG NAIS AY TATANGGAPIN KO ITO AT
HINDI KO KAYO SASALUNGATIN DAHIL ALAM KO NA ITO AY PARA SA AKING IKABUBUTI, NGUNIT NAG-AALALA
LAMANG PO AKO SA ISANG BAGAY.

PRINSESA FLORESCA:
NAG-AALALA? ANO NAMANG IKINAPANGANGAMBA NG IYONG PALALO, FLORANTE.
FLORANTE:
NAG-AALALA PO AKONG HINDI AKONG HINDI MAGING MAAYOS ANG AKING KALAGAYAN DOON LALO NA’T
WALA KAYO SA AKING TABI UPANG AKO’Y MASUBAYBAYAN. AT ISA PA AY BAKA MALAGAY KO LAMANG SA
KAHIHIYAN ANG ATING ANGKAN.

DUKE BRISEO:
WALA KA DAPAT IPANGAMBA MAHAL KONG ANAK SAPAGKAT ALAM KONG MKAKAGAWA KA NG
MAGAGANDANG BAGAY SA IYONG PANANATILI SA ATENAS AT MAKAKAKILALA KA RIN NG BAGONG KAIBIGAN
NA TUTULONG SA IYO SA LAHAT NG PROBLEMA AT PAGSUBOK NA IYONG KAHAHARAPIN.

PRINSESA FLORESCA:
TAMA ANG SINABI NG IYONG AMA, ANAK. AT ISA PA AY DALA MO ANG BASBAS NAMING DALAWA NG IYONG
AMA SA PAKIKIBAKA MO SA ATENAS.

FLORANTE:
MARAMING SALAMAT INA, AMA. ASAHAN NINYONG GAGAWIN KO ANG LAHAT NG AKING MAKAKAYA UPANG
MAPAGBUTI KO ANG AKING PAG-AARAL.

NARRATOR:
ILANG ARAW MATAPOS ANG PAGPAPASYA NG DUKE, AY NAGHANDA NA SA KANIYANG PAG-ALIS SI
FLORANTE. AT NANG DUMATING NA NGA ANG ARAW NG PAG-ALIS, MALUNGKOT AT MASASAKIT NA
PAMAMAALAM ANG MASASAKSI.

[FLORANTE, DUKE BRISEO, PRINSESA FLORESCA]

PRINSESA FLORESCA:
MAHAL KONG ANAK, PAGBUTIHIN MO ANG IYONG PAG-AARAL SA ATENAS. HUWAG MONG PABABAYAAN
ANG IYONG SARILI DOON. MAGHIHINTAY AKO SA IYONG MATAGUMPAY MONG PAGBABALIK.

DUKE BRISEO:
MAG-IINGAT KA FLORANTE AT IYONG PANATILIHIN ANG MABUBUTING BAGAY NA ITINURO NAMIN SA IYO.
KATULAD NG IYONG INA AY INAASAHAN KO RIN NA MAKAKAMIT MO ANG TAGUMAPAY AT MAGIGING
MAAYOS ANG IYONG PAG-AARAL DOON SA ATENAS.
FLORANTE:
ITATATAK KO SA AKING ISIPAN ANG LAHAT NG INYONG MGA HABILIN INA AT AMA. ABANGAN NINYO ANG
AKING PAGBABALIK AT ANG TAGUMPAY NA AKING MAKAKAMIT. INAASAHAN KO NA HIHINTAYIN NINYO AKO.

PRINSESA FLORESCA:
OO ANAK.

DUKE BRISEO:
AYUSIN MO NA ANG IYONG SARILI SA PAGLALAKBAY SA ATENAS AT AALIS NA KAYO FLORANTE.

FLORANTE:
SIGE PO INA AT AMA. PAALAM NA PO SAINYO.

NARRATOR:
NOON NGA’Y NAGTUNGO SA ATENAS SI FLORANTE, DALA ANG MGA ARAL AT HABILIN SA KANIYA NG MGA
MAGULANG. DOON AY NAKILALA NIYA SI ANTENOR, MAESTRONG MATALINO’T KALAHI NI PITACO.

ANTENOR:
IKINAGAGALAK KO ANG IYONG PAGDATING SA ATENAS FLORANTE, ANG BUGTONG NA ANAK NG
MAG-ASAWANG PRINSESA FLORESCA AT DUKE BRISEO.

FLORANTE:
GAYUNDIN PO ANG SUMASAPUSO KO PARA SA IYO MAESTRO. SANA PO AY ALAGAAN NINYO AKO RITO NG
MAAYOS AT MABUTI.

ANTENOR:
MAKAKAASA KA FLORANTE NA MAGIGING MAAYOS ANG PAKIKITUNGO NAMIN SA IYO NG LAHAT NG
NATITIRA PANG MGA MAG-AARAL DITO SA ATENAS.

NARRATOR:
LUMIPAS ANG ISANG BUWAN NGUNIT KALUNGUTAN AY HINDI PA RIN NAALIS SA BINATA. PINAYUHAN SIYA
NG GURO NA MAKIPAGKILALA AT MAKIPAGKAIBIGAN SA IBA PA NIYANG KABABAYAN NA NOON DI’Y
NAGSISIPAG-ARAL SA ATENAS. HINDI INAKALA NI FLORANTE NA MAKAKATUKLAS SIYA NG PANIBAGONG
KAIBIGAN NA MAGIGING KAAGAPAY NIYA SA PANANATILI NIYA SA SYUDAD NG ATENAS AT MAGPAPAWALA
SA KALUNGKUTANG KANIYANG NADARAMA.
FLORANTE:
ISANG KAGALAKAN ANG MAKILALA KA MENANDRO. SANA’Y MAGING MABUTING MAGKAIBIGAN TAYO SA
HINAHARAP.

MENANDRO:
AASAHAN KO RIN ANG BAGAY NA IYAN.

ANTENOR:
SANDALI LAMANG MENANDRO AT HINDI MO ATA KASAMA SI ADOLFO? KASAMA SIYA SA IPINATAWAG KO
UPANG MAGPUNTA RITO.

FLORANTE:
MAESTRO, SINONG ADOLFO ANG IYONG SINASABI?

ANTENOR:
SI ADOLFO AY SIYA RING KABABAYAN MONG NAGMULA SA ALBANYA NA ANAK NG MARANGAL NA SI KONDE
SILENO. ANG KANIYANG TAON AY LABIS NG DALAWA SA EDAD MONG LABING- ISA. SIYA AY IGINAGALANG NG
BUONG ESKUWELA, SA TAGLAY NA LABIS NA KARUNUNGAN SA IBA PA NIYANG KAESKUWELA.

SA BAIT AY SIYANG HUWARAN NG LAHAT AT WALA NI ANUMANG BAGAY ANG MAKAKAPINTAS SA KABAITANG
KANIYANG IPINAMAMALAS.

FLORANTE:
KUNG GANIYANG KATANGIAN ANG TINATAGLAY NI ADOLFO AY SANA’Y MAGING ISA RIN SIYA SA MGA
KAIBIGAN KO.

NARRATOR:
DUMATING ANG PANAHONG NAKILALA NI FLORANTE SI ADOLFO, AT KANIYANG PINAGTAKHAN KUNG ANONG
BAKIT AT SA UNANG PAGKIKITA PA LAMANG AY NAKADAMA NA NG PAGKASUKLAM ANG KANIYANG PUSO SA
SINASABING HUWARANG BINATA NG KANILANG ESKUWELAHAN. AT SA HINDI MALAMANG DAHILAN AY
GAYUN DIN SI ADOLFO SA KANIYA NGUNIT SA PALIHIM NA PARAAN.

PANAHON AY NAGDAAN; ORAS AY TUMAKBO, NAGING BANTOG SI FLORANTE NA IKINAINGGIT NI ADOLFO.

ANG LAHAT NG PARANGAL AT PAPURING NOON AY SI ADOLFO LAMANG ANG NAKAKATANGGAP AY
NAPABALING NA KAY FLORANTE.
[FLORANTE, MENANDRO AT ALTHEA]

ALTHEA:
KAHANGA-HANGA ANG IYONG KATALINUHAN FLORANTE. NARATING MO NA ANG PINAKAMALALIM NA
BAHAGI NG PILOSOPIYA, NATUTUHAN MO RIN ANG ASTROLOHIYA NG WALANG KAHIRAP- HIRAP AT
MAYAMAN RIN ANG IYONG DUNONG PAGDATING SA MATEMATIKA.

MENANDRO:
TAMA ANG SINABI NG ATING KAMAG-AARAL FLORANTE, SA LOOB NA ANIM NA TAONG LUMAKAD AY
TATLONG DUNONG AGAD ANG IYONG NAARAL NG WALANG KAHIRAP- HIRAP. ANG MGA PANTAS SAMPU NA
ANG ATING MAESTRO AY HINDI MAKAPANIWALA SA ANGKING TALINONG IYONG IPINAMAMALAS.

ALTHEA:
ISA PANG BAGAY MENANDRO AY ANG PANGALANG FLORANTE AY NAGING MAINGAY NA AT NAGING KILALA
SA BUONG BAYAN. MAPABATA MAN O MATANDA AY NAKAKABATID NG IYONG PANGALAN, FLORANTE. ANG
PANGALANG FLORANTE AY NAGING BULAKLAK NG DILA NG MGA TAO. ANG DATING BANTOG NA SI ADOLFO
AY NAPALITAN NA NGAYON NI FLORANTE.

FLORANTE:
ANG LAHAT NG ITO AY DULOT LAMANG NG AKING PAGSISIKAP. MAGING KAYO AY KAYA RING MARATING
KUNG ANONG MAYROON AKO NGAYON KUNG PAIIRALIN NIYO LAMANG SA INYONG MGA SARILI ANG TIYAGA
AT PAGSISIKAP.

NARRATOR:
SA DI KALAYUAN AY MATATANAW SI ADOLFO AT ANG KAIBIGAN NITONG NAKIKINIG SA USAPAN NINA
FLORANTE AT MENANDRO. LABIS NA PAGSESELOS ANG NADARAMA NG BINATA KAY FLORANTE NA KUMUHA
NG KATANYAGANG MAYROON SIYA DATI.

[ADOLFO AT NIKOLE]

NIKOLE:
ANO NANG GAGAWIN MO NGAYON ADOLFO NA NAKUHA NA NI FLORANTE ANG LAHAT NG PARANGAL AT
PAPURI NA DAPAT AY SA IYO. MANANATILI KA NA LANG BA SA ISANG TABI HABANG LALONG NAGIGING
BANTOG ANG PANGALAN NG BINATANG NANGGALING DIN SA IYONG TINUBUANG BAYANG ALBANYA?
ADOLFO:
HINDI KO PAHIHINTULUTAN NA MAAGAW NA LANG NIYA BASTA ANG TITULONG PINAGHIRAPAN KONG
MAKAMTAN. TANDAAN MO ITO KAIBIGAN, ANG SA AKIN AY SA AKIN LAMANG. WALANG PUWEDENG
UMAGAW NG MGA BAGAY NA NAANGKIN KO NA. GAGAWIN KO NG LAHAT NG PARAANG MAAARI KONG
GAWIN UPANG MAPABALIK SA AKIN LAHAT NG MGA KATANYAGAN NA NAPABALING KAY FLORANTE. KAHIT
ANONG PARAAN.

NARRATOR:
MAKALIPAS ANG ILANG BUWAN, ANG PAARALAN AY NAGTANGI NG ISANG ARAW NG KASIYAHAN.

ANTENOR:
MAKINIG ANG LAHAT. ANG ATING ESKUWELAHAN AY MAGSASAGAWA NG ISANG PAGSASADULA NA
HINANGO SA BUHAY NI REYNA YOCASTA. ANG PANGUNAHING TAUHANG LALAKI SA DULA-DULAAN NA SI
ETEOCLES AY ISASABUHAY MO FLORANTE, SI POLINICE AY KAY ADOLFO, AT ANG GAGANAP NA YOCASTA AY SI
MENANDRO.

ANG INYONG PAKIKIISA AY AMING INAASAHAN, UPANG MAGKAROON TAYO NG ISANG KAPANA-PANABIK NA
KASIYAHAN. TAYO BA AY NAGKAKAINTINDIHAN?

MGA ESTUDYANTE: [FLORANTE, ADOLFO, MENANDRO, NIKOLE, ALTHEA, AT DALAWA PA]

MASUSUNOD PO, MAESTRO.

NARRATOR:
ILANG ARAW ANG GINUGOL SA KANILANG PAGHAHANDA, PARA SA DULA-DULAANG KANILANG ISASAGAWA.
NANG DUMATING NA ANG ARAW NG KASIYAHAN AT MASASAKSIHAN NA ANG DULANG PINAGHANDAAN,
ISANG PANGYAYARI SA KALAGITNAAN NG PAGTATANGHAL ANG MASASAKSIHAN.

ANG ORIHINAL NA DIYALOGO AY HINDI NASAMBIT, NG IBA ANG MAGING BUKANG BIBIG NI ADOLFONG
SUKAB AT MALUPIT.

FLORANTE:
POLINICE, ANONG BAGAY ANG IYONG NAIS IPARATING SA AKIN?
ADOLFO: (BUBUNUTIN ANG ESPADA SA KANIYANG TAGILIRAN AT SUSUGUDIN SI FLORANTE)
IKAW NA UMAGAW NG KAPURIHAN KO’Y DAPAT KANG MAMATAY! MAMATAY KA NA FLORANTE.

(SASANGGUNI NG MABILIS SI MENANDRO UPANG ILIGTAS SI FLORANTE)

MENANDRO:
BITAWAN MO NGAYUNDIN ANG SANDATANG TANGAN MO, TAKSIL!

ANTENOR:
ANONG GINAGAWA MO ADOLFO, WALA ITO SA DULA-DULAANG ATING PINAGHANDAAN, AT ANONG
DAHILAN AT IYONG PINAGTANGKAAN ANG BUHAY NI FLORANTE.

MENANDRO:
HINDI KA LANG ISANG SUKAB ADOLFO, ISA KA RING BALIW.

ADOLFO:
KAILANGANG MAWALA SA LANDAS KO ANG FLORANTE NA IYAN NA UMAGAW NG KAPURIHAN KO AT MGA
PARANGAL.

ALTHEA:
NAHIHIBANG KA NA ADOLFO, MASYADO KA NANG NADALA NG MATINDI MONG KASAKIMAN AT PAGSESELOS
KAY FLORANTE.

ANTENOR:
ITIGIL NO NA IYAN ADOLFO, INUUTUSAN KITANG MAGHANDA NG IYONG MGA GAMIT AT AALIS KA NA
NGAYON DIN DITO SA ATENAS AT BABALIK KA NA SA ALBANYANG IYONG BAYAN. HINDI NABABAGAY RITO
ANG MGA TAONG NAPUNO NA NG KASAKIMAN AT PAGIGING GANID SA KATANYAGAN.

ADOLFO:
SIGURO NGA AY AALIS AKO, NGUNIT ITO ANG TATANDAAN NIYO LALONG- LALO KA NA FLORANTE, SA MULI
NATING PAGTATAGPO AY TITIYAKIN KO NA ANG AKING TAGUMPAY.
NARRATOR:
ANG BUONG ATENAS AY NAGITLAHANAN SA TOTOONG UGALING MAYROON SI ADOLFO AT ANG
KATAMPALASANG IPINAKITA NIYA SA DULA- DULAAN DAHIL SA MATINDING SELOS NA NARAMDAMAN NITO
PARA KAY FLORANTE.

MATAPOS ANG MGA PANGYAYARI SA DULA-DULAAN AY NAGKAROON NG MUNTING KASIYAHAN ANG MGA
MIYEMBRO NG DULA. SA KASIYAHAN NAKAPAG-ABOT NG PASASALAMAT SI FLORANTE PARA KAY
MENANDRONG NAGLIGTAS SA KANIYANG BUHAY.

FLORANTE:
MENANDRO, PAANO KO MAGAGANTIHAN ANG KABAYANIHANG IYONG IPINAMALAS UPANG MALIGTAS AKO
KAY ADOLFO. KUNG HINDI KA NAGING MAAGAP AY ISA NA AKONG MALAMIG NA BANGKAY NGAYON, NA
INYONG PINAGLALAMAYAN.

MENANDRO:
IWAKSI MO ANG IYONG ISIP FLORANTE PARA SA BAGAY NA ITO. TANDAAN MO NA ANG UNA DAPAT NATING
PAGPASALAMATAN AY ANG DAKILANG BATHALA. ANG LAHAT AY UTANG LAMANG NATIN SA KANIYA AT ANG
PANGYAYARI KANINA AY PARAAN DIN NIYA UPANG MAILIGTAS KA. AKO’Y NAGING KASANGKAPAN LAMANG
UPANG MAWALA KA SA BINGIT NG KAMATAYAN.

FLORANTE:
TAMA KA RIYAN MENANDRO, NGUNIT NAGPAPASALAMAT PA RIN AKO SA IYO.
MENANDRO:
KUNG GANOON AY WALANG ANUMAN.

NARRATOR:
NAMALAGI SA ATENAS NG ISA PANG TAON SI FLORANTE, HINHINTAY ANG DESISYON NG AMA NIYANG DUKE.
NOON DIN AY NAKATANGGAP SIYA NG ISANG SULAT, NA KAGIMBAL-GIMBAL ANG BAWAT DETALYENG
INIUULAT.
[MENSAHERO- JOYSYL]

ANTENOR:
FLORANTE, NARITO ANG ISANG MENSAHERONG IKAW ANG HINAHANAP. MAY DALA ITONG LIHAM NA SA
AKING WARI AY GALING SA ALBANYANG IYONG BAYAN.
FLORANTE:
NASAAN SIYA MAESTRO? NOON PA AKO NAGHIHINTAY NG LIHAM GALING SA ALBANYA.

ANTENOR:
NARIRITO SIYA. HALIKA MENSAHERO AT IKAW AY TUMULOY.

MENSAHERO:
IPAGPATAWAD NINYO KUNG KAYO MAN AY NAABALA, MAY SULAT LANG SI DUKE BRISEO NA SA AKIN
IPINADALA. ANG LIHAM NA ITO AY PARA KAY FLORANTE NA NAIS NANG DUKENG MAIPAABOT SA IYO AGAD –
AGAD.

FLORANTE:
BAKIT KO NAMAN KAILANGANG MABASA AGAD ANG SULAT?
(KUKUHANIN ANG SULAT, BABASAHIN ITO AT MAGUGULAT)

ANTENOR:
FLORANTE, ANONG NANGYAYARI? ANONG SINASABI NG SULAT NA IPINADALA NG IYONG AMA?

FLORANTE:
MAESTRO, ANG AKING INA AY YUMAO NA. PUMANAW NA ANG PINAKAMAMAHAL KONG INA. HINDI NA AKO
NITO NAHINTAY NA HANDUGAN SIYA NG AKING TAGUMPAY.

ANTENOR:
HUMINAHON KA FLORANTE AT TATAGAN MO ANG IYONG KALOOBAN. MAKAKASAMA SA IYONG KALUSUGAN
KUNG MASYADO KANG MAGIGING MALUMBAY.

NARRATOR:
MAKALIPAS ANG IKALAWANG BUWAN AY MULI NA NAMANG NAKATANGGAP NG LIHAM SI FLORANTE

MENSAHERO: [JOYSYL]
NARITO AKO UPANG IPAABOT ANG IKALAWANG LIHAM NI DUKE BRISEO PARA SA ANAK NITONG SI FLORANTE.
ANTENOR:
ISA NA NAMANG LIHAM, ANO NAMAN KAYA ANG NILALAMAN NITO.

MENANDRO:
MAESTRO, HINDI PA NAKAKABAWI SI FLORANTE SA PAGKAMATAY NG KANIYANG INA, PAANO KUNG ISA NA
NAMAN ITONG LIHAM NA MAKAKAPAGPALUNGKOT SA KANIYA?

ANTENOR:
WALA TAYONG MAGAGAWA MENANDRO, KARAPATANG MAKITA NI FLORANTE ANG SULAT NA NAGMULA SA
KANIYANG AMA. HALIKA AT SAMAHAN MO NA LAMANG AKO NA IHATID ITO SA KANIYA.

MENANDRO:
MASUSUNOD PO MAESTRO.
(MAGTUTUNGO ANG DALAWA SA KINAROROONAN NI FLORANTE)

MENANDRO:
FLORANTE, ISA NA NAMANG SULAT ANG DUMATING GALING SA IYONG AMANG SI DUKE BRISEO.
FLORANTE:
AKIN NA ITO MENANDRO AT BAKA MAY MAHALAGANG SASABIHIN ANG AKING AMA.
(KUKUHANIN NITO ANG SULAT AT MALULUNGKOT)

ANTENOR:
ANONG SINASABI NG LIHAM, FLORANTE?

FLORANTE:
MAESTRO, PINAPAUWI NA AKO NG AKING AMA SA ALBANYA. HUMIHINA NA ANG PANGANGATAWAN NITO
AT KAILANGAN NA NIYA AKONG MAKASAMA. NASA DAUNGAN NA ANG SASAKYANG AKING GAGAMITIN

ANTENOR:
KUNG GANOON AY SA PAGBALIK MO FLORANTE, TANDAAN MONG MAYROON KANG ISANG KALABAN, ANG
GANTI NI ADOLFO AY PAKAINGATAN MO. KUNG IKAW MAN AY SALUBUNGIN NIYA NG NGITI, MAG-INGAT KA
NGUNIT HUWAG MO ITO MASYADONG IPAHALATA. LAGI MONG IHANDA ANG IYONG SANDATA KUNG SAKALI
MANG MAULIT ANG NANGYARI SA NAKARAAN.
FLORANTE:
MARAMING SALAMAT MAESTRO. MENANDRO, HINDI KO NAIS NA DITO NA TAYO MAGKAHIWALAY. KUNG
IYONG NANAISIN AY GUSTO KO SANANG SUMAMA KA SA PAGBALIK KO SA ALBANYA. MAGIGING ISA KANG
MALAKING TULONG SA AKIN AT KAILANGAN KO RIN NG KAIBIGAN NA MAAARING DUMAMAY SA AKIN.

MENANDRO:
GUSTO KONG SUMAMA FLORANTE, NGUNIT ANG PASIYA LAMANG NG AKING AMAIN ANG DAPAT NATING
HINGIN.

ANTENOR:
HINDI NA KAILANGANG SA AKIN AY MAGPAALAM, NGAYON DIN AY KAYO AY LUMISAN DALA- DALA ANG
LAHAT NG ARAL NA INYONG NATUTUNAN AT GAMITIN LAMANG ITO PARA SA KABUTIHAN.

NARRATOR:
KAY TULIN NG BIYAHENG NAGANAP. PAG-APAK PA LAMANG SA DALAMPASIGAN NG ALBANYANG SIYUDAD AY
DALI- DALI NANG NAGTUNGO SI FLORANTE SA KINTA NA KINAROROONAN NG KANIYANG AMA.

FLORANTE:
AY AMA! (MABILIS ITONG PUPUNTA SA AMA AT HAHALIK SA PALAD NITO)
TILA HUMINA NA ANG IYONG KATAWAN AT LUMALA ANG IYONG KARAMDAMAN MAGBUHAT NG NAWALA SI
INA.

DUKE BRISEO:
AY BUNSO!
HINDI KO INAKALANG MAGIGING GANTO KAPAIT ANG ATING MULING PAGKIKITA. TUNAY NGA ANAK KO NA
TAYO’Y SINUBOK NG TADHANA.

FLORANTE:
MARAHIL NGA AMA AT NAPAKASAKIT BALIKAN NA WALA NA SI INA AT HINDI MAN LAMANG AKO NITO
NAHINTAY.
(MAGYAYAKAP ANG MGA ITO)

LOUIEQUEL:
IPAGPAUMANHIN NIYO PO MAHAL NA DUKE ANG AKING PAGSAGABAL SA MULI NINYONG PAGKIKITA NGUNIT
DUMATING ANG EMBAHADOR NA NAGBUHAT PA SA KROTONA NA TINUBUANG BAYAN NG YUMAONG
PRINSESA.
DUKE BRISEO:
PAPASUKIN ITO.

LOUIEQUEL:
MASUSUNOD PO MAHAL NA DUKE.
(AALIS AT SA PAGBALIK NITO AY KASAMA NA ANG EMBAHADOR NG KROTONA) [SHRANE]

EMBAHADOR:
MAGANDANG ARAW SA IYO, DUKE BRISEO AT?

DUKE BRISEO:
SIYA ANG AKING ANAK NA SI FLORANTE

EMBAHADOR:
MAGANDANG ARAW DIN SA IYO FLORANTE. NANGGALING NA AKO SA PALASYO NG HARING LINCEO NA
SIYANG NAGSABI NA NARITO KAYO. BILANG EMBAHADOR NG KROTONA AY IPINAAABOT KO SA INYO ANG
SULAT MULA SA REYNO NG KAHARIAN.

(DUKE BRISEO - BABASAHIN ANG SULAT NA INIABOT NG EMBAHADOR)

FLORANTE:
ANONG IPINARARATING NG SULAT AMA KO?

DUKE BRISEO:
ANAK, ITO AY GALING SA IYONG NINUNO, ANG AMA NG IYONG INA NA SIYANG MONARKO NGAYON SA
KROTONA, HUMIHINGI SILA NG TULONG KAY HARING LINCEO SAPAGKAT NAKUBKOB NA NG MGA KAAWAY
NATING MORO ANG KROTONA SA PAMUMUNO NI HENERAL OSMALIK.

FLORANTE:
HENERAL OSMALIK? AYON SA BALITA AY PUMAPANGALAWA ITO SA BANTOG NA PRINSIPE NG MGA MORONG
SI ALADIN NA KILABOT NG MGA GERERO.
EMBAHADOR:
TAMA KA DIYAN FLORANTE. DUKE, KAILANGAN NA NG KROTONA ANG TULONG MULA DITO SA ALBANYA,
MALAPIT NG MALUPIG NG KAAWAY NATING MORO ANG KAWAWANG BAYAN NAMIN. ANO ANG DAPAT
NAMING GAWIN BILANG TAGAPAGPAYO NG HARING LINCEO?

DUKE BRISEO:
HUWAG KA NANG MAG-ALALA AT NGAYON DIN AY TUTUNGO AKO SA KAHARIAN NG HARING LINCEO AT
MAAARI KA NANG UMUWI SA IYONG BAYAN AT MAG-ANTAY NG TULONG NA DADATING SA LALONG
MADALING PANAHON.

EMBAHADOR:
KUNG GAYON AY UMAASA AKO SA SINABI MO MAHAL NA DUKE. NGAYON DIN AY TUTUNGO AKO SA
KROTONA UPANG IULAT ANG MAGANDANG BALITANG ITO.
(AALIS NA)

FLORANTE:
ANONG ATING GAGAWIN AMA.

DUKE BRISEO:
GAYA NG AKING SINABI AY TUTUNGO TAYO SA KAHARIAN NI HARING LINCEO AT SASAMA KA SA AKIN.

FLORANTE:
MASUSUNOD AMA.

NARRATOR:
HINDI NA NAG-AKSIYA NA ORAS PA ANG MAG-AMA AT SILA AY NAGTUNGO SA PALASYO NI HARING LINCEO.

KAWAL: [EUNICED]
MAHAL NA HARING LINCEO, NARITO ANG MAHAL NA DUKENG BRISEO.

HARING LINCEO:
PAPASUKIN SILA SA AKING BULWAGAN.
DUKE BRISEO:
MAGANDANG ARAW, MAHAL NA HARI

HARING LINCEO:
MABUTI AT NAGSADYA KA AGAD SA AKIN, KANINA PA KITA HINIHINTAY NGUNIT MAHAL NA DUKE SINO ANG
BINATANG IYONG KASAMA AT SAAN SIYA NANGGALING NA SIYUDAD?

DUKE BRISEO:
SIYA AY BUGTONG KONG ANAK NA SI FLORANTE AT KADARATING LAMANG BUHAT SA ATENAS. AKIN SIYANG
INIHAHANDOG SA MAHAL MONG YAPAK, IBILANG MO NAWA SA ISANG BASALYO’T ALAGAD.

FLORANTE:
HARING POON, PAG-UTUSAN PO NINYO AKONG ISA SA MGA ALAGAD NINYO.

HARING LINCEO:
MABUTI ANG IYONG PAGDATING, KINAKAILANGAN KO NGAYON NG ISANG MAGITING KAYA MULA NGAYON
AY IKAW NA ANG BAGONG HALAL KONG HENERAL NG AKING HUKBO, FLORANTE.

IYONG BIGYAN NG DANGAL ANG BAYAN NG ALBANYA AT DALHIN MO ANG AKING BASBAS UPANG
MATULUNGAN ANG BAYAN NG KROTONA.

NARRATOR:
UMUPO SI FLORANTE AT ANG MAHAL NA HARING LINCEO, AT SAKA NAGPANAYAM NG MGA BABALAKI’T
MAHAHALAGANG BAGAY, SIYA NAMANG PAGDATING NG BABAENG SI LAURA, ANAK NI HARING LINCEO AT
PRINSESA NG ALBANYA.

LAURA: (DARATING KASAMA ANG MGA DAMA NITO, SI KLARISSA AT JANNAH)

MAHAL KONG AMA, NARITO PALA KAYO,

HARING LINCEO:
O, LAURANG ANAK KO, HALIKA’T MAKINIG SA AMING PINAG-UUSAPAN. ITO AY TUNGKOL SA KROTONANG
BAYAN. SILA AY HUMIHINGI NG TULONG SA ATIN KUNG KAYA’T NARITO SI FLORANTENG MAGITING, ANG
BAGONG HALAL NA HENERAL NG AKIN HUKBO UPANG MAG-ABOT NG PAGTULONG.
LAURA:
KAY GITING NGA AKING AMA NG MGA BINATANG HINDI NAGDADALAWANG- ISIP NA TUMULONG. HINDI BA
AKING MGA TAGAPAGLINGKOD?

KLARISSA:
TAMA PO ANG INYONG SINABI MAHAL NA PRINSESA, TUNAY NGA NA SILA AY KAHANGA-HANGA.
JANNAH:
TALAGA PONG KAY GITING NG MGA LALAKING MATATAPANG, MAHAL NA PRINSESA.

NARRATOR:
MATINDING PAG-IBIG NI FLORANTE ANG MAKIKITA, SAPUL NG MASILAYAN ANG PRINSESANG SI LAURA.
MASUSUKAT ANG LALIM NG PAGKABIGHANI, DAHIL SA IMAHENG INIHALINTULAD NIYA SA BINIBINI. SA
KABILA NG LAHAT, DAMDAMIN NI FLORANTE AY HINDI PA RIN NIYA MAIPAHAYAG.

MENANDRO:
FLORANTE, BAKIT HINDI MO PA MAIPAGTAPAT, ANG PAGMAMAHAL MO SA PRINSESA LAURA NG ALBANYA.
KINABUKASAN TAYO AY AALIS AT MAKIKIBAKA NA, MAWAWALAN KA NA NG PAGKAKATAON NA MASABI AT
MAIPAGTAPAT PA ANG IYONG NARARAMDAMAN SA KANIYA.

FLORANTE:
HINDI AKO MAKAHANAP NG TAMANG PAGKAKATAON KUNG SAAN KAMI LAMANG DALAWA ANG
NAROROON. NAIS KONG MAGING TAPAT AT TOTOO SA KANIYA, NANG MAKITA ANG PAGIGING DALISAY NG
PAG-IBIG NA AKING NARAMDAMAN UNANG BESES KO PA LANG SIYANG NAKITA.

MENANDRO:
HINDI KO ALAM SA IYO, FLORANTE. ANG MABUTI PA AY MAGLIWALIW KA MUNA DIYAN SA HARDIN NG
PALASYO BAGO TAYO MAKIDIGMA AT NANG MABAWASAN ANG PASAKIT NA IYONG DALA- DALA.

FLORANTE:
MAGANDA NGA ANG NAISIP MONG IYAN MENANDRO. SANDALI LAMANG AT AKO’Y TUTUNGO NA NG
HARDIN.

NARRATOR:
HINDI SINASADYANG NASA HARDIN DIN SI LAURA AT SILANG DALAWA AY NAGKITA.
LAURA:
FLORANTE, ANONG GINAGAWA MO RITO. HINDI BA DAPAT AY NAGHAHANDA KA PARA SA PAKIKIMAHOK MO
KINBUKASAN?

FLORANTE:
IPAGPAUMAHIN MO PRINSESA NGUNIT NINAIS KO LAMANG MAKALASAP NG SARIWANG HANGIN BAGO AKO
SUMABAK SA GIYERANG PAPASUKIN KO KINABUKASAN.

LAURA:
MAGANDA ANG IYONG NAISIP, MAS MAGANDA NGANG MAGING PAYAPA MUNA ANG INYONG KONDISYON
BAGO KAYA MAKIPAGLABAN.

FLORANTE:
IPAGPAUMANHIN MO PRINSESA LAURA, NGUNIT HINDI KO NA MATIIS NA HINDI IPAGTAPAT SA IYO ANG
AKING NARARAMDAMAN. MATAGAL KO NANG GUSTONG AMININ SA IYO NA AKO’Y IYO NANG NABIGHANI
UNANG BESES PA LANG TAYONG NAGKITA. IPAGPATAWAD MO KUNG NAGIGING LAPASTANGAN NA AKO
NGUNIT HINDI NA KAYA NG AKING DIBDIB NA ITAGO PA ANG MGA NARARAMDAMAN KO SA IYO NA NOON KO
PA DAPAT IPINGTAPAT. MAHAL NA PRINSESA LAURA, SA TINGIN KO’Y MAHAL NA KITA.

LAURA:
HINDI KO NAIS NA LUMISAN KA NG MALUNGKOT FLORANTE, NGUNIT ISANG BAGAY LAMANG ANG
MASISIGURADO KO SA IYO, NUNUKAL ANG MGA PERLAS SA AKING MGA MATA KUNG HINDI KA NA
MAKAKABALIK SA PILING KO MATAPOS MONG MAKIPAGDIGMA.

FLORANTE:
HINDI MO MAN NABITAWAN ANG SALITANG OO AY KAY LIGAYA KO NA. ANG MGA LUHANG SA MATA MO PA
LAMANG AY MAGBABADYA SA PAGKAKATAONG AKO’Y LUMISAN NA AY NAPAKALAKING BAGAY NA SA AKIN
MAHAL NA PRINSESA. IPINAPANGAKO KO NA BABALIK AKO, BABALIKAN KITA, MAHAL KO.

LAURA:
LUMAKAD KA NA FLORANTE AT MAGHANDA, UMASA KANG PATNUNUBAYAN KA NG AKING MGA DALANGIN.

FLORANTE:
ANG AKING PAG-IBIG SA IYO ANG MAGSISILBING PATNUBAY, SANDIGAN AT AKING KALAKASAN SA ORAS NA
MAKAMAHOK NA AKO SA KALABAN.

(AALIS SI FLORANTE AT MAIIWAN SI LAURA SA HARDIN)

LAURA:
DIYOS NA MAHABAGIN, HUWAG MO PONG IPAHINTULOT NA MAPAHAMAK SI FLORANTE, PAPATNUBAYAN
NIYO PO SIYA NG IYONG MAPAGPALANG KAMAY.

NARRATOR:
KINABUKASAN, ANG HUKBONG MAKIKIPAGDIGMA SA MGA MORO AY HANDANG- HANDA NA.
[SIMONE, WILBERT, EUNICED, FLORANTE, MENANDRO, ALTHEA AT NIKOLE]

FLORANTE:
MAGSISIMULA NA ANG ATING PAKIKIMAHOK MGA KASAMA. NAIS KONG IWANAN NIYO NA ANG LAHAT NG
INYONG TAKOT DITO SA ALBANYA AT ITIRA LAMANG ANG KATAPANGAN AT KATATAGAN NG LOOB.

MENANDRO:
TAMA ANG SINABI NI FLORANTE MGA KASAMA, KAILANGAN NATING MAGING MALAKAS LALO NA PAG TAYO’Y
MAKIKIDIGMA NA. NAIINTINDIHAN?

LAHAT NG KAWAL:
OO!

MENANDRO:
NAIINTINDIHAN?
LAHAT NG KAWAL:
OO!

FLORANTE:
TAYO NA SA KROTONANG BAYAN AT GAPIIN ANG MGA MORO.
NARRATOR:
WALA NANG SINAYANG NA PANAHON ANG HUKBO NI FLORANTE AT NAGMADALI SILANG TUMUNGO SA
BAYAN NG KROTONA.

FLORANTE:
IYAN ANG KROTONA MENANDRO, KAILANGANG MAGSIPAGHANDA NA TAYO.

WILBERT:
NGUNIT KAILANGAN MUNA NATING MAKAISIP NG PLANO BAGO TAYO SUMALAKAY.

SIMONE:
TAMA ANG SINABI NIYA HENERAL, KAILANGAN NATIN NG PLANO SAPAGKAT HINDI TAYO DAPAT
MAGPADALOS-DALOS SA ATING PAGKILOS.

MENANDRO:
NAKAGAWA NA KAMI NG PLANO MGA KASAMA. GAGAWIN NATING BIGLAAN ANG ATING PAGSALAKAY
UPANG MALITO ANG MGA KALABAN SAPAGKAT SA PUNTONG ITO, UNTI-UNTI NANG NATATALO ANG HUKBO
NG KROTONA.

FLORANTE:
TAMA ANG SINABI NI MENANDRO MGA KASAMA, AT TANDAAN NINYO NA PAPATNUBAYAN TAYO NG
BATHALA SA GAGAWIN NATING ITO.

ALTHEA:
TAMA. KAYA’T TAYO NANG SUMUGOD AT ILIGTAS ANG KROTONA.

NARRATOR:
AT GAYA NG KANILANG PLANONG NAPAGKASUNDUAN, TILA MGA LIMBAS NA NAGSIPAGSALAKAY ANG
HUKBO NINA FLORANTE AT MENANDRO.

FLORANTE:
SUGOD MGA KASAMA!
NARRATOR:
SA MARAHAS NA PAGDALUHONG NINA FLORANTE, ANG MGA MORO AY NAGULO AT HINDI NATUTUHAN
KUNG ANONG GAGAWIN. HANGGANG SA MAGKATAPAT SINA FLORANTE AT HENERAL OSMALIK.

HENERAL OSMLIK:
MASASABI KONG MAGANDA ANG PLANO NINYONG NILIKHA NG BINIGLA NIYO KAMI SA PAGSALAKAY SA
AMIN, NGUNIT ANG GANITONG PAMAMARAAN AY HINDI PA RIN ITO NAKASASAPAT UPANG ANG HUKBO
NAMIN AY MATALO, MAYABANG NA HENERAL.

FLORANTE:
IKAW PALA ANG SINASABI NILANG OSMALIK NA KAKILAKILABOT, NGUNIT PARA SA AKIN AY PURO KA LAMANG
NAMAN SATSAT. MADALDAL.

HENERAL OSMALIK:
SINONG TINAWAG MONG MADALDAL, AKO? TINGNAN NA LAMANG NATIN ANG GALING MO, MAYABANG.
(MAKIKIPAGLABAN SI FLORANTE KAY HENERAL OSMALIKA AT SA HULI AY MANANALO SI FLORANTE SA
KANILANG LABAN)

FLORANTE:
TAMA NGA AKO, PURO KA LANG SALITA, NGUNIT WALA KA NAMANG BINATBAT.

MENANDRO:
NANG MAKITA NG IBANG MORO NA NAPATAY MO SI HENERAL OSMALIK AY NAGSIPAGTAKASAN NA ANG
MGA ITO. NAGTAGUMPAY TAYO FLORANTE, NAGAPI NATIN ANG HUKBO NG MGA MORO. AT HINDI LAMANG
YAN, NAPATAY MO PA FLORANTE ANG BANTOG NA HENERAL NG MGA MORO. KAHANGA- HANGA KA TALAGA
FLORANTE.

FLORANTE:
IKAW RIN MENANDRO, KAHANGA- HANGA ANG IYONG TAPANG SA PAKIKIMAHOK SA MGA KALABAN, PATI
KAYO MGA KASAMA, PINATUNAYAN NIYO NA MAY ANGKIN KAYONG KAKAYAHAN AT MATATAPANG RIN
KAYO. IPAGPASALAMAT NATIN ANG ATING PAGKAPANALO KAY BATHALA.

EUNICED:
TAMA KAYO HENERAL, HINDI NATIN ITO MAGAGAWA KUNG WALA ANG BATHALA NA PUMATNUBAY SA ATIN.
EMBAHADOR [JOYSYL]:
DUMATING KAYO MGA MAMAMAYAN NG ALBANYA AT INILIGTAS ANG AMING BAYAN MULA SA MALULUPIT
NA MGA MORO. MARAMING SALAMAT PARA SA INYONG TULONG. IPINABABATID NG HARI NG AMING BAYAN
NA INAANYAYAHAN NAMIN KAYO SA ISANG KASIYAHAN.

FLORANTE:
HINDI NA, SAPAGKAT TUTUNGO NA RIN KAMI SA ALBANYA.

EMBAHADOR:
NGUNIT SINABI NG AMING HARI NA HINDI SIYA TATANGGAP NG HINDI BILANG KASAGUTAN, KUNG KAYA’T
PUMAYAG NA KAYONG SUMAMA SA AMING MUNTING KASIYAHAN UPANG IPAGDIWANG ANG ATING
PAGKAPANALO SA DIGMAAN.

MENANDRO:
HAYAAN MO NA FLORANTE, MINSAN LAMANG ITO AT ISA PA, MABUTING MAGSAYA MUNA ANG ATING MGA
KASAMA UPANG MAS LALO NILANG MADAMA ANG PAGKAPANALO SA ISANG DIGMAAN. HINDI BA MGA
KASAMA?

EUNICED:
TAMA ANG SINABI NI MENANDRO HENERAL KAYA’T PUMAYAG KA NA.

FLORANTE:
WALA NA AKONG MAGAGAWA KUNG IYAN ANG GUSTO NIYO KAYA PUMAPAYAG NA KAMI EMBAHADOR NG
KROTONA. MAKIKISALO KAMI SA INYONG KASIYAHAN.

NARRATOR:
MAINIT NA PATANGGAP ANG ISINAGAWA NG KROTONA, SA HUKBO NI FLORANTE NA NAGLIGTAS SA KANILA.
IPINAGBUNYI NILA NG HUSTO ANG PAGKAPANALO, SA DIGMAAN SA PAGITAN NILA NG KALABAN NA MORO.

HARI NG KROTONA:
IPINAGBUBUNYI NATIN NGAYON ANG ATING TAGUMPAY NA MAPABAGSAK ANG KALABAN NATING MGA
MORO AT ITO AY HINDI NATIN MAISASAKATUPARAN KUNG HINDI NATIN NAKUHA ANG TULONG MULA SA
ALBANYA AT PAGPAPADALA NITO NG MGA MAGIGITING NA HUKBO NA PINAMUNUAN NG ISANG BATA
NGUNIT MATAPANG NA HENERAL, SI FLORANTE KASAMA ANG KAIBIGAN NITO NA SI MENANDRO. ATIN
SILANG PALAKPAKAN.
FLORANTE:
SALAMAT, MARAMING SALAMAT.

HARI NG KROTONA:
SINO BA ANG MGA MAGULANG MO, SIGURADO AKONG IPINAGMAMALAKI KA NG MGA IYON FLORANTE.

FLORANTE:
BUGTONG NA ANAK PO AKO NG MAHAL NA DUKENG BRISEO NG ALBANYA AT MAHAL NA PRINSESANG
FLORESCA NG KROTONA. SA KATUNAYAN PO MAHAL NA HARI AY APO NIYO PO AKO. SAPAGKAT ANAK AKO
NG YUMAO NINYONG ANAK.

HARI NG KROTONA:
IKAW AY AKING APO? ABA’Y DAPAT NGANG MAGSIYA TAYO SAPAGKAT NAKITA KO NA ANG APO KO NA NOON
PA LAMANG AY DI KO NA NAKIKILALA. ALAM KONG IPAGMAMLAKI KA NG IYONG INA KUNG SIYA AY
NABUBUHAY PA RIN HANGGANG NGAYON.

FLORANTE:
SANA NGA PO MAHAL NA HARI, SAPAGKAT ANG TAGUMPAY KONG ITO AY SA KANIYA KO PO TALAGA
INIAALAY.

HARI NG KROTONA:
MAGING AKO MAN AY NATUTUWA SAPAGKAT NAGKAROON AKO NG APONG MAGITING KATULAD MO,
FLORANTE. ISA KANG BAYANI NG BAYAN NG ALBANYA AT MAGING DITO SA BAYAN NG KROTONA.
IPINAGMAMALAKI KITA APO.

FLORANTE:
MARAMING SALAMAT MAHAL NA HARI.

NARRATOR:
NAMALAGI SA KROTONA NG LIMANG BUWAN PA ANG HUKBO NI FLORANTE NGUNIT NAGPILIT LAMANG ITO
NA MAKABALIK NA SA KAHARIAN NG ALBANYA SA LABIS NA PANANABIK NA MAKITA NITO SI LAURA. KAYA
HALOS PALIPARIN NA NIYA ANG DAAN PABALIK SA KANIYANG BAYAN. SUBALIT MALAYO PA LAMANG AY MAY
NAPANSING KAKAIBA NA SI FLORANTE SA KAHARIAN NG ALBANYA.
FLORANTE:
MENANDRO, HINDI BA AKO NAMAMALIK MATA LAMANG? TINGNAN MO AT TILA ANG WATAWAT NG MORO
AY IWINAWAGAYWAY NGAYON SA PALASYO NG ATING BAYAN.

MENANDRO:
HINDI KA NAMAMALIKMATA FLORANTE KUNDI SADYANG ANG WATAWAT NG MORO ANG SIYANG NASA
PALASYO NG ALBANYA. MARAHIL AY HABANG TAYO’Y WALA AT NAKIKIDIGMA SA KROTONA AY PINASOK NILA
ANG ATING KAHARIAN.

FLORANTE:
MGA GANID TALAGA SA KAPANGYARIHAN ANG MGA MORO MENANDRO.

MENANDRO:
TAMA KA DIYA FLORANTE, HINDI SILA TITIGIL HANGGA’T HINDI LUMALAKAS AT LUMALAKI ANG KANILANG
IMPERYO.

NIKOLE:
NGUNIT HENERAL, PARANG MAY TANGANG BABAE ANG MGA SUNDALONG MORONG IYON.

NARRATOR:
HABANG NAKIKIMAHOK SINA FLORANTE NOON SA KROTONA UPANG MAGAPI ANG PUWERSA NI HENERAL
OSMALIK, SINALAKAY NG IBA PANG MORO SA PANGUNGUNA NI EMIR AT ALADIN ANG ALBANYA. DAHIL SA
KAKULANGAN SA MAGAGALING NA SUNDALO NOON ANG ALBANYA, MADALI SILANG NAGAPI NG MGA
MORO.

EMIR:
SUGUDIN NIYO ANG ALBANYA MGA KASAMA, HULIHIN NIYO RIN ANG HARING NAMUMUNO NA SI HARING
LINCEO PATI NA RIN ANG MGA TAPAT NA TAGAPAGLINGKOD NITO.

MGA SUNDALO: (