ADVENTIST THUPUAK
Zomi Seventh-day Adventist Church
Malaysia
Facebook: Zomi Adventist Malaysia (Estd-2009),E-mail: adventistthupuak@gmail.com 22 Sept 2018
Volume 3, Issues 9
En un, sanggam bangin mite pumkhat suakiin, a tut khop uh ciangin, bang zahin etlawm a nuam a hi hiam! Late 133:1
NUNGZUIPITE PEN KAAL KHAT SUNGAH A
NIKHATNI IN KIMUKHAWM UH HILO HIAM?
(Acts 20:7)
Hih kimuhkhopna a hang kan lehang, Paul a zingciang
khual a zin ding ahihi. Na lamdang lianpi bawl a Eutychus pen
sihna pan thosak kik hi. Tua kimuhkhop hun pen zankim laitak
ahihi. Genesis 1: 5 sung sim lehang Pasian in khuavak pen sun
ci a, khuamial pen zan ci hi. Nitak hong beiin zingsang hong
tung a, nikhat ni a hihi. Acts 20: 8 sung sim leuleu lehang “Ka
kikhopna uh inndawl tungnung sungah meivaak tampi kivaak
hi” ci hi. Sabbath pen Friday nitum hun akipan Saturday nitum
dong kitang hi (Leviticus 23:32, Mark 1:32). Tua kikhopna
pen kaal khat sunga ni masapen khuamial hun ahileh Saturday
zan cihna hi. Tua hi a, Paul leh thu-ummite kikhop hun pen
Sabbath ni hilai cihna hi. A zingciangin Paul pen a zin kik ding
cih thu kigelh hi, tua ni pen Sunday hi ta hi. A zingciangin Paul
pen Assos ah khe tawh paiin, tua panin Mitylene ah tembaw
tawh pai hi. The New English Bible sunga Acts 20:7 na in Paul
leh thu-ummite kikhop hun pen Saturday zan ahina kipsak a,
Paul din khiat ni pen Sunday ni ahihna kipsak hi. Paul in Sunday
pen Jesu thawhkik ni, ni siangtho khat in ngaihsun hileh bang
hangin khualzin khia ding ahi hiam? Thu-ummite tawh banghangin
biakpiakna bawl lo ding a hiam? Acts 13:42-44, 16:12, 13:17,
18:4 Hih laisiangtho mun tengin Paul pen Sabbath tang mi khat
ahihna kilanghsak hi.
Tua leh Sabbath ih cih pen bang ni lian a hiam? A
kitelzaw deuh in ih gen thei diam, Saturday pen nisagih ni a
hihna nam 4 tawh kigen thei hi. 1)Laisiangtho siksan ni: Luke
23:54 sung sim lehang “Tuani pen nipi zawh ni nga ni hi a,
Sabbath ni hong hi dek tak ta hi” ci hi. Tua ni pen Jesu singlamteh
tungah a kikhai ni ahihi. Jesu in a it mahmah a nungzuite pen
tuani in tawlnga uh hi. Sabbath ni ahihna hang ahihi (Luke 23:56,
Mark 16:1). Christian a tamzawte in Friday ni in Jesu si hi ci uh
hi. A zingciang tawlnga in, Sunday ni in sihna pan thokik hi ci uh
hi. Sabbath ih cih pen Friday leh Sunday kikal hiin, tuani pen
Saturday hi a, a ni sagihni ahihi. 2)Kampau siksan ni: Leitungbup
kampau nam 140 valin Saturday pen ni sagihni hi ci’n ciamteh
a, tua pen Sabbath ni ahihi. 3) Aksi lam pilna siksan ni: Aksi lam
siam mipil tungtuangte in kaal khat ni kiheizia pen kikheel ngei
lo hi ci uh hi. U.S a Royal Naval Observatory Center leh England
a The Royal Greenwich Observatory Cnter inzong kaal khat a
ni kiheidan pen kikheel ngei lo hi ciin gen hi. 4)Khang tangthu
siksan ni: Judah minamte in Sabbath ni pen a hibang lian in na
ciamteh uh hi. Kum 4000 val sung amaute in Saturday ni pen
Sabbath ni in na ciamteh uh a, na tang uh hi.Sunday ni pen Jesu
sihna pan hong thawhkik ni ahihna hangin siangtho sak in ka
tang hi. Ka khialhna bang om ahiam? Jesu pen Sunday ni in
sihna panin thokik lo maw leh?
Hi lua. Jesu pen Sunday ni in sihna panin thokik mah hi.
Ahizongin Jesu in keima thawhkik ni pen zahtaak in biakpiakna
na bawl un ciin hong vaikhak lo hi. 1 Corithians 11:24, 26 sung
na sim lecin Jesu sih phawkna hi lel hi ciin tuiphumna/tuisawpna
pen Jesu sihna pan a thawhkik phawkna ahihi (Romans 6:1-6).
Sunday ni a biakpiakna bawl pen Christiante in Pasian a thei lo
Ni biate ngeina pan a laksawn uh ahihi. Ahizongin Khasiangtho
tungtawnin nuntakna thak ih ngahna ahi Baptism leuleu pen a
etlawm mahmah ahihi. Baptism sungah ih milui hihna teng si in
kiphum a, nuntakna thak tawh Jesu sungah a nungta ih hihi.Ni
sagih sungah nikhat tawlngak hun a ih bawl ziau pen pha zo lel
lo hiam? Bang hangin Sabbath thu lim gen diakse na hi hiam?A
nite sangin a thu pen thupi zaw hi. Daniel 7:25 sung sim lehang
Satan in pilvang takin hong khem dinga Pasian thukham nadongin
hong kheel sak ding hi cih thu na gen khol khin hi. Isaiah
58:12,13 sungah Satan in thuman pen lei lakah paai suk
in,Pasian’ thumaan zuihna pan khawl uh hi cih thu gen hi. Acts
5:29 sungah mihing thu sangin Pasian thu ih man ding hizaw hi ci
hi. Ni sagihni a biakpiakna bawl pen ei hong bawl Pasian thu
pomna hiin, amahin ni sagihni tang dingin thu hong pia khin hi
(Exodus 20:8-11). Biakpiakna ni dinga phuah tawm ni ih zat
pen Pasian deihna bangin a gamtalo mihingte thu ngaihzawkna
ahihi. Eite pen Pasian’ sawltakte maw mihing’ sawltakte cih
dotna pen dotna thupi ahihi (Romans 6:16).
Ka suahni pen nikhat bek hi a, a ni dangte ah pawi ka
bawl hangin ka suahni hi thei tuan lo hi. Leitung’ suahni pen
Laisiangtho sunga Sabbath a kici pen hi a, ni sagihni ahihi. Tua
ni pen hong bawlpa Pasian ih phawk ni ahihi. A ni kikheel thei
ngiat lo hi.Peter pen pope khatna ahi diam? Jesu in “Hih suang
tungah ka pawlpi ka lam ding hi” a cih ciang bang a deihna hi
ding hiam? (Mathew 16:18, KJV) Cesarea Philippi khua pen
Greek philosophy, Roam logic leh Judahte ngeina biakna adingin
munpi khat ahihi. Tua teng khempeuh kawmkal panin Jesu in,
“Kei pen mite in bang hong ci uh hiam?” ciin dong hi. Pawl khat
in Tuiphumpa John, ci uh a, pawl khat in Elijah, Jeremiah aci
zong om hi. Tua teng khit ciangin Jesu in, Peter kiangah a mimal
takin dong a, “Nang eleh, bang hong ci na hiam?” ciin dong hi.
Tua a deihna pen Jesu in mite upna a thuuk sak semsem nuam
ahihi. Mesiah a hihna a kilatsak nop man zong ahihi. Peter in
dawng pah a, “Nang pen a nungta Pasian’ tapa Christ na hihi”
ci hi. Hibang ngaihsutna pen Khasiangtho theihsakna lo buang
tawh a kinei thei ding hi lo hi. Tua panin Jesu in a kitel takin
“nangin Petros (A kikhiin thei suang) na hi, hih suang (A kikhiin
thei lo bulkip – Jesu cihna) tungah ka pawlpi ka lam ding hi,
Hell gam kongpi inzong zo lo ding hi” ci hi. Pawlpi pen Jesu
tungah akilam ahihi. Amah pen innlamte nawlkhin suangtum ahihi
(1 Peter 2:4-8). Jesu in Suang a cih pen amah leh amah a kigenna
ahihlam Peter in tel mahmah hi.
Paul in 1 Corinthians 10:4 sungah a kicianzaw in hibangin gen
hi, “Tua suang pen Jesu ahihi” ci hi. David in hibangin gen hi,
“Dai dide in Pasian bek ka ngak a, ama hong hotkhiat ding ka
muang hi. Kei a hong hupa leh a hong honpa amah bek hi a, kei
ka guallel ngei kei ding hi” ci hi (Psalm 62:1,2KJV). Jesu lo
buang a bulpi dang om lo hi (1 Cortinthians 10:4). Peter in Jesu’
nasepna telkhial kha hi. Jesu in, “Satan aw ka khiang panin taai
khia in” (Mathew 16:23, KJV) a cihna ahang pen Satan in Peter’
lungsim ngaihsutna zawh sawm hi. Pawlpi pen Peter’ thanemna
tungah a kilam hi lo a, Jesu’ thakhauhna tungah a kilam hi zaw
hi. Tua thumaan manpha pen Peter tel hi. Jesu pen Peter adingin
a thakhauhna hi a, anuntakna bulpi ahih banah ama dinna bulkip
ahihi. Jesu in Peter leh nungzuipite tungah vangtung tawhtang a
piak pen bang ahiam (Matthew 16:19) Tawhtang in kongkhak
pen hong thei in kalh thei hi. Jesu hibangin gen hi, “Kei pen
lampi ka hihi. kei tungtawn lobuangin Pa khiang kua mah tung
thei lo hi (John 14:6, KJV)” ci hi. Leitung vantungah Jesu min
lobuang hotkhiatna ngah theihna min dang omlo hi (Acts 4:12,
KJV). Laisianghto sung khempeuh in hih thu kipsak hi (John
5:39). Scribes leh Pharisees te’n Mesiah tel theihna tawhtang la
uh a, kuamah pia nuam lo-uh hi (Luke 11:52). Amaute in
vantunggam khakcip uh hi. Jesu in Peter tungah tawhtang a piak
pen ama kammal, numei, pasal in mawh maisakna tawh kisai a
thuhilhna, mawhsakna pan suahtakna, Calvary tungah a sihna
leh a sisan hanga kingah daihna te ahihi. Jesu theihtelna pen
vantung kongpi honna tawhtang ahihi (Isaiah 22:22).
Sabbath tanna: Jonathan pen a lungsim buai mahmah
hi. A laiphi ni ding pen Sabbath ni hi sese hi. Sabbath ni in laiphi
mawk leh a lungsim sunga thumaan a theihna pen a mawkna hi
ding hi. Siapipa hopih a, ama upna vai thei sak in, laiphi ni ding
pen a nidang khat ngen hi. Siapipa in nial pah in, hih thu-ah kua
mah hun dang a vaihawmsak loh ding thu tang takin gen pah hi.
Siapipa in Jonathan ngetna phal hi mawk leh midangte ading
inzong kong a honsak suak dinga, nidang ciang mi tampi in paulap
tuamtuam tawh laiphi ni sot toh ding ngetna bawl niloh ding cih
pen siapipa in thei khol hi. Tua ahihmanin Jonathan in teel ding
nam 2 bek nei hi. A khatna pen laiphi veve dingin lai ong ding,
anihna pen laiphi lo dingin lai kia ding cih thu nihte ahihi.Jonathan
in laiphi kei leh a sinsa semester khempeuh a mawkna suak
ding hi. Khaal sang a kah kik kul ding cih pen Jonathan in tel hi.
Himaleh Pasian khiangah Sabbath ni lo ah lai a phi theihna dingin
ngen ngeunagu hi. Laiphi ni hong tunga, tua ni zingsang pen
Jonathan biak inah lut in, Pasian a muanna mawk suak lo ding
cih lamen hi. Khatveivei Pasian in ama vangliatna leh nalamdang
a sep theihna a kidawkna dingin na sem hi. Laiphi man khit
ciangin siapipa pen sang naupangte laiphina teng thungkuah (bag)
neu sungah pua in ciah a, lamkaalah migilote tawh kituak hi.
Migilote in laiphina laidal a koihna thungkuah(bag) neu pen
laksak sese uh hi. Siapipa ahileh bangmah cih lo uh hi. Ahihangin
laiphina laidal teng a mangcip suak hi.
Address Worship Service Contacts
Zomi Adventist Church Sabbath School - 11:00 AM - 12:30 PM Senior Pastor : Sia Daniel Mung 011-3925 8269 Editor
44-1, Lorong 6 E/91 Divine Service - 12:30 PM - 02:30 PM Assist Pastor : Sia Htoo Mung 011-3738 7527 Reporter
Taman Shamelin Perkasa, Lunch Time - 02:30 PM - 03:00 PM Church Elder : Pa Khen Do
Cheras, 56100 A.y Programme - 03:30 PM - 05:30 PM
Kuala Lumpur, Malaysia Paidan Ding: Meileng LRT (Ampang Line)> Padan Jaya Station, Grab Car >Seventh-day Adventist Church (ZOMI)
Buaih kipiakni ding pen ni tawm bekin sam lai hi. Tuani in sang
siapipa in theihsakna thu lamdang mahmah khat sangnaupangte
tungah hong pulaak khia hi. Lai phina laidal pen mang miau
ahihmanin lai aphi sang naupang khempeuh lai ong in kikoih
ding hi cih thu hi. Tua thu in Jonathan pen lungdam sak mahmah
a, Pasian a muanna pen mawk suak lo ahihmanin Pasian min a
phat hi.
PASIAN IN CIHTAKNA THUPHA PIA HI
Pasian in amah citak takin a zuite tungah a kamciam
pen tuni dongin kibang lai hi. Ih Topa in hibangin gen hi, “Kei
hong pahtawite ka pahtawi ding hi” ci hi (1 Samuel 2:30). Kum
100 tampi khit ciangin zong Laisiangtho sunga Pasian kammal
pen kikheel nai lo a, tuni dongin tang tungtung lai hi. Pasian
kammal ahi “Pasian’Aw za in a thu mang na hihmanun thupha
khempeuh no tungah hong tung ding hi”(Deuteronomy 28:2).
Hih pen kum 1000 a val khit hangin tuni dongin tangtung lai hi.
Pasian in hauhna thupha pen ama thu amangte tungah kamciam
ngiat hi. Hih thu pen kaalsim a Sabbath a tangte tungah tangtung
pha deuh lai hi. Leitung akibawl ciil a kipanin Pasian in Nisagihni
pen thupha apiak tuam ngiat ahihi (Genesis 2:3). Pasian in thupha
a piakte pen a tawntungin thupha ngahte a hi uh hi.(1 Chronicles
17:27) Pasian in nisagih ni Sabbath pen thupha pia ahihmanin
ei Sabbath a tangte pen Pasian in nasia takin thupha hong pia hi
(Isaiah 56:2). Dotna pawl khat kidong dih ni. Sabbath bangci
danin tang ding ih hi hiam? Sabbath tawh akilehbulh sepkhiatna
leh gamtatna honkhat om hi lo hiam? Sabbath’ thupha hong
taan sak nate a om hiam? Pasian in Sabbath tungtawnin bang
ngimna nei hiam? Pasian in Sabbath ni a sep ding leh sep loh
ding bangmah piak hong neilo hi. Sabbath nibup zat dan ding a
bukim in Pasian in hong hilhcian lo hi. Siangtho tak a Sabbath
tan dan ding thukhun bel hong pia hi. Tua thukhunte in ei hong
makaih hi. Tua thukhun in ih Sabbath tan dan pen mulmal nei
sak hi. Pasian kiangah thungen in, ama sungah ih kipumpiak
ciangin Khasiangtho in ih Sabbath tanna a manpha suaksak hi.
Laisiangtho siiksan in Sabbath tan dan ding kikum dih ni.Sabbath
ni pen ei hong bawlpa Pasian biakna hun dingin ap ni. Sabbath
tanna ah a thupi pen in biakna piakna ahihi. Sabbath ni in vantung
a om teng khempeuh tawh, Aw khatin a nuai a thuteng ih pulaak
khawm hi.
Kote’ Topa Pasian aw
Nang mah in na khempeuh piangsak in
Nangma deihna bangin na khempeuh om in
Na khempeuh kipiangsak ahihmanin
Minthanna, pahtawina leh vangliatna
Na ngah tawntung dingin kilawm hi. (Revelation 4:11)
Itna Pasian in eite hong bawl hi. Sabbath simin ei hong bawlpa
Pasian bia in lungdamna ih pulaak hi. Leviticus 23:3, sungah
“Ni guk sung na nasem ding uh hi, ahizongin a nisagihni pen
Sabbath ni ahihmanin tawlnga in na tang ding uh a, siangtho
takin phatna hun na bawl ding uh hi” ci hi. Hih ni pen Pasian’
mite kikaikhawm in Pasian biakna leh phatna niA kikahihi.
teh a bang zom kik ni.
Editorial Board
: Tg. Mangpi
: Sia Daniel Mung
018-252 4417 Contributor : Sia Cin Ngaih
: Pa Khup 011-1110 3931