Kabataan mula sa K-12, Tagapagdala ng

kaunlaran sa bansang Pilipinas

Para sa ating panauhing pandangal na si ______________, sa kagalang-galang na

Presidente, Mr. Arcangel Marquez, sa minamahal nating School Consultant, Dr. Eulalia I.

Marquez at sa mga kasapi ng Board of Trustees, Dr. Jhonnie Jeff I. Marquez, Atty. Jade Lee

I. Marquez, Engr. Vincent Marquez at Mr. Jones Harvey Marquez. Sa lahat ng

naggwagwapuhan at naggagandahang mga magulang, guro, kaibigan at kapwa ko

magsisipagtapos, ISANG MAPAGPALANG ARAW SA INYONG LAHAT!

Nakakaasar, nakakainis, nakakabwisit. Ilan lamang sa naramdaman ko at malamang

ganyan nalang din ang nasabi ng ilan sa inyo noong nabalitang madadagdagan ng dalawang

taon ang high school.Nasa ika-anim na baitang ako noong magsimulang baguhin ang tawag

sa 1st year high school ng Grade 7. Sa madaling salita, kami ang 2nd Batch ng K-12

curriculum. Kami ang pangalawang magtatapos sa ika- labingdalawang grado. Marami ang

nagalit at hindi sumang-ayon lalo na nga ang mga pamilyang nagtitipid ng kanilang

pinansiyal dahil para sa kanila, ang dalawang dagdag na taon ay dagdag rin ng kanilang

gastusin. Ngunit alam natin na ang pagbabagong ito ay hindi ipapatupad ng walang sapat

na dahilan. Dahil ayon nga kay Kate Bowler, “Everything Happens for a Reason”. At sinong

mag-aakala at makapagsasabi na tayong mga kabataang mula K-12 ang siya nang

magdadala ng tagumpay sa ating bansa. Inaasahan na tayo ng sambayanan na maging susi

ng kaunlaran ng bansang Pilipinas. Tayo na nga siguro ang tinutukoy ni Dr. Jose Rizal na

“Ang Kabataan an Pag-asa ng Bayan”.

Ilang taon na ang nakakalipas simula ng tayo ay tumapak sa paaralang ito. Ang Great

Mercy Academy na naging pangalawang tirahan natin at humubog sa kung sino tayo ngayon.

Apat na taon na ang nakalilipas simula ng tumapak ako sa paaralang ito. Apat na taon na
Simula ng makilala ko ang bawat isa sa paaralang ito at apat na taon na kaming

magkakasama sa hirap o ginhawa. Mayroon din naman sa amin na lagpas apat na taon nang

nandirito. Mayroong dalawang taon palang, mayroong anim na taon at yung iba pa nga e

Simula pa ng grade 1. Ngunit hindi ito nasusukat sa tagal ng pamamalagi kundi sa mga

kaalamang binahagi natin at kaalamang ibinahagi sa atin ng ating kapwa mag-aaral at ng

ating mga guro.

Bago pa man ako dumating sa ika-labingdalawang grado, nais ko na talagang kunin

ang Academic Track na ABM sa pagdating ko ng Senior High school. Mahirap, nakakalito,

nakakapagod at nakakainis. Yan nalang ang masasabi mo dahil sa hirap na nararanasan

namin sa kada asignatura. Pag nadapa ka, tumayo ka. Kung napagod ka, magpahinga ka

lang wag kaagad susuko. Kung may mali ka, ayos lang yan walang taong perpekto.

Sa bawat problema o suliraning kinaharap namin, nanatili kaming matatag at positibo

dahil kung hindi, malamang wala kami, wala ako sa kinatatayuan ko ngayon. Ngunit ang

lahat ng paghihirap ay nababalewala at mabilis na nakakalimutan dahil sa nararanasang

saya. Kasama ang mga kaibigan,biruan at kulitan kasama ang mga guro at kung iisipin

mong malapit na kayong magtapos, tiyak na mapapawi lahat ng paghihirap pati narin pagod

niyo.

Bitbit ang lahat ng kagalingan, kasipagan at katalinuhan, kakayahang gumawa ng

mga bagay na imposible sa mata ng iba at lahat ng napaunlad nating talento at kahusayan,

atin ngayong kakaharapin ang panibagong hamon sa ating buhay. Panibagong hamon na

alam kong kayang-kaya nating lahat, panibagong hamon na magpapatibay lalo sa ating mga

sarili, panibagong hamon na magpapabago ng ating pagtingin sa mundong ating

ginagalawan at panibagong hamon na kinakailangan ng matinding pagsisikap at

pagpupursigi.
 Ang lahat ng ating nakamit ay hindi natin mapagtatagumpayan at hindi rin natin

magagampanan o malalagpasan ang mga susunod pang hamon kung walang gumagabay,

dumadamay at kung walang tumutulong sa atin. Kaya naman, nais kong gamitin at sulitin

ang oportunidad na ito upang pormal na mapasalamatan ang lahat ng nasa likod ng aking

tagumpay at ng kapawa ko magsisispagtapos.

Maraming salamat po sa lahat ng mga guro na sumuporta at nagtiis ng ilang taon sa

aming pag-uugali at sa walang sawang pagtuturo sa amin. Buong husay nilang ibinigay ang

kanilang makakaya para lamang kami ay matulungan sa aming mga gawain. Gayundin sa

mga staff ng paaralang ito. Nais ko ring pasalamatan ang aking pamilya na nagsilbing

inspirasyon ko sa anumang hamon ko sa buhay. Sila ang nagmamahal at nagtuturo sa akinh

mapunta sa tamang daan para sa pag-abot ng aking mga pangarap. Sa aking mga kaibigan

at kapwa mag-aaral, salamat sa pagdamay at pagpapasaya sa akin sa araw-araw na tayo ay

nagkakasama sa kabila ng hindi pagkakaintindihan. At higit sa lahat, nais kong

magpasalamat sa Panginoon na nagbigay ng kakayahan at talento sa ating lahat. Andiyan

Siya sa bawat oras at panahon, patuloy na gumagabay sa atin.

Sadyang makasaysayan ang araw na ito. Ang araw ng ating pagtatapos. Tunay ngang

kaybilis ng panahon. Ang sarap sanang balikan ng mga magagandang karanasang

napagdaanan. Ngunit kailangan nating magmove forward at pangarapin ang magagandang

bagay sa ating hinaharap. Mga kapwa ko mag-aaral, gawin nating inspirasyon ang lahat ng

ating naranasan upang tayo’y huwag makalimot sa mga hamon at sa mga taong naging parte

ng ating pananatili dito. Sa ating pamamaalam sa ating mga naging guro at mga naging

kamag-aral at sa paaralang ito, ihanda pa natin ang ating mga sarili. Para sa mas

masalimuot at makatotohanang mundo. Handa na ba kayo?

Muli, isang magandang araw sa inyo at Maligayang Pagtatapos sa ating lahat!