SIGNUM CRUCIS

Sa ngalan sa Amahan, + ug sa Anak + ug sa Espiritu Santo. Amen.

ANG CREDO SA MGA APOSTOLES

Mituo ako sa Dios, nga Amahan makagagahom sa tanan, magbubuhat sa Langit ug sa yuta.
Mituo ako kang Hesukristo iyang bugtong anak nga atong Ginoo, gipanamkon siya sa lalang sa
Espiritu Santo, ug natawo gikan ni Santa Maria nga ulay, gisakit siya sa sugo ni Poncio Pilato,
gilansang sa krus, namatay ug gilubong, niadto siya sa mga nangamatay. sa ikatulo ka adlaw
nabanhaw siya, misaka sa Langit, ug nagalingkod sa too sa Dios Amahan makagagahum sa tanan.
Gikan Didto mobalik siya aron paghukom sa mga buhi ug sa mga minatay. Nagatoo ako sa
Espiritu Santo, sa Santa Iglesya Katolika, sa panag-ambit sa mga santos, sa kapasayloan sa mga
sala, ug sa pagkabanhaw sa lawas ug sa kinabuhing walay katapusan. Amen

ANG PATER NOSTER

Amahan Namo, nga anaa sa mga langit, pagdaygon ang imong ngalan; umabut kanamo ang
Imong Gingharian; matuman ang imong pagbuot dinhi sa yuta maingon sa langit.

Ang kalan-on namo sa matag adlaw ihatag kanamo karong adlawa, ug pasayloa kami sa among
mga sala ingon nga nagapasaylo kami sa mga nakasala kanamo ug dili mo kami itugyan sa
panulay. hinunoa luwasa kami sa tanang dautan. Amen.

ANG AVE MARIA

Maghimaya ka Maria, puno ka sa grasya, Ang GINOONG Diyos maanaa kanimo; Bulahan ikaw sa
mga babayeng tanan, Ug bulahan man usab ang bunga sa tiyan mo nga si Hesus.

Santa Maria inahan ka sa Diyos, Ig-ampo mo kaming mga makasasala, Karon ug sa oras sa
among kamatayon. Amen.

ANG GLORIA PATRI

Himaya sa Amahan, ug sa Anak, ug sa Espiritu Santo. Maingon sa sinugdan, karon sa gihapon ug

sa mga katuigang walay katapusan. Amen.

ANG PAG-AMPO SA FATIMA

Oh! Hesus ko pasaylo-a kami sa among mga sala, luwasa kami sa kalayo sa impyerno og dad-a
ang tanang mga kalag ngadto sa langit labi na kadtong mga nanginahanglan sa imong Diosnong
kalo-oy ug panabang.

O SANTO SACRAMENTO (opsyonal)

O Santo Sacramento, Jesus diha sa Altar; Daygon, Saulogon; Ikaw higugmaon.

PAG-AMPO SA BIRHEN SA MEDALYA MILAGROSA (opsyonal)

O Maria nga Gipanamkon nga walay sala, ig-ampo mo kami nga midangop kanimo.

ANG SALVE REGINA

Maghimaya Ka Rayna, Inahan sa Kalooy, kinabuhi, ug kinatam-is, ikaw ang gilauman namo,
maghimaya Ka. Nagapanawag kami kanimo, ang mga gihinginlang nga anak ni Eva.
Nagapanghupaw kami, nag-aagulo ug nagapanghilak dinhi niining walog sa mga luha. Busa
among mag-alampo, ilingi mo kanamo ang imong mga matang maloloy-on, ug kon ubos na
kining paghingilin, ipakita mo kanamo ang bunga sa tiyan mo nga si Hesus. ¡Ay maaghup, Ay
maloloy-on, Ay matam-is nga Birheng Maria!

V: Ig-ampo mo kami, Santos nga Inahan sa Dios;

R: Aron mahimo kaming angayan sa mga gisaad kanamo ni Hesukristo.

LITANIA SA LORETO

Ginoo, Kaloy-i Kami

Kristo Kaloy-i Kami

Ginoo, Kaloy-i Kami

Kristo, Dungga Kami

Kristo, Patalinghugi Kami

ANG TUBAG MAO: KALOY-I KAMI

Dios, Amahan sa Langit, Kaloy-i Kami

Dios Anak Manunubos sa Kalibutan, Kaloy-i Kami

Dios Espiritu Santo, Kaloy-i Kami

Santa Trinidad, Dios nga usa, Kaloy-i Kami

ANG TUBAG MAO: IG-AMPO MO KAMI

Santa Maria,

Santa Inahan sa Dios,

Santa Birhen sa mga Birhenes,

Inahan Ni Kristo,

Inahan sa Diosnong Gracia,

Inahan nga Labing Ulay,

Inahan nga Maligdong,

Inahan nga Wala Hilabti,

Inahan nga Labing putli,

Inahan nga Maloloy-on

Inahan nga Labing Dalaygon,

Inahan sa Kanunayng Panabang,

Inahan nga Magtatambag,

Inahan sa Magbubuhat,

Inahan sa Manluluwas(Manunubos),

Inahan sa Stª. Iglesya,

Inahan sa Kalooy,

Birhen nga Labing Maalam,

Birhen nga Labing Talamdan,

Birhen nga Labing Bantugan,

Birhen nga Labing Gamhanan,

Bitrhen nga Maloloy-on,

Birhen nga Matoohon,

Salamin sa Katarungan,

Lingkuranan sa Kinaadman,

Hinungdan sa Among Kalipay,

Baso nga Espirituhanon,

Baso nga Dungganan,

Talagsaong Baso sa Debosyon,

Rosa nga Dili Matukib,

Tore ni David,

Tore nga Garing,

Balay nga Bulawan,

Arka sa Kasabotan,

Pultahan sa Langit,

Bitoon sa Kabuntagon,

Bitoon sa Ebanghelisasyon,

Kaayohan sa mga Masakiton,

Dalangpanan sa mga Makasasala,

Maghuhupay sa mga Masulob-on,

Mananabang sa mga Kristiyanos,

Rayna sa mga Angheles,

Rayna sa mga Patriyarkas,

Rayna sa mga Propetas,

Rayna sa mga Apostoles,

Rayna sa mga Martires,

Rayna sa mga Kompesores,

Rayna sa Mga Birhenes,

Rayna sa mga Santos,

Rayna nga Gipanamkon nga Walay Salang Panulondon,

Rayna nga Gipasaka sa langit,

Rayna sa Santos nga Rosaryo,

Rayna sa Pamilya,

Rayna sa Kalinaw,

P: Kordero sa Dios Nga nagawagtang sa Sala sa kalibutan;

R: Pasayloa kami Ginoo.

P: Kordero sa Dios Nga nagawagtang sa Sala sa kalibutan;

R: Dungga kami Ginoo.

P: Kordero sa Dios Nga nagawagtang sa Sala sa kalibutan;

R: Kaloy-i Kami.

P: Ig-ampo mo kami Santa nga Inahan sa Dios

R: Aron mahimo kaming angayan sa mga gisaad kanamo ni Hesukristo.

MAG-AMPO KITA.

O Dios, Kang kansang Bugtong nga Anak pinaagi sa Iyang kinabuhi, kamatayon ug pagkabanhaw,
gilukat mo kami ngadto sa kinabuhing walay katapusan. Itugot, nangamuyo kami kanimo, uban
sa pagpamalandong sa mga Misteryo sa Santo Rosaryo sa Mahal nga Birhen Maria, amo untang
maangkon ug mahuptan sa mga gisaad niini. Pinaagi ni Kristo, among Ginoo. Amen.

ANG MEMORARE

Hinumdoman mo, O mahimayaon uyamut nga Birhen Maria, nga wala pa gayud dungga nga
may usa nga midangop sa imong panalipod, nangayo sa imong panabang, nangaliya sa
pagpangama nga imong gibiya-an. Dinasig niining pagsalig, nagadangop ako kanimo, O ulay sa
mga ulay, akong Inahan. Kanimo miduol ako sa imong atubangan. Ani-a ako puno sa kasal-anan
ug sa kasubo. O Inahan sa Diyos, ayaw tamaya ang akong pagampo hinunu-a sa imong kalooy,
pamati-a ug ihatag ang akong gipangayo. Amen.

PAG-AMPO ALANG KANG SAN MIGUEL

San Miguel Arkanghel, tabangi Kami sa pang-gubatan. Panalipidi kami batok sa mga panlimbong
ug pagsulay sa yawa. Mapa-ubsanon kaming nagahangyo kanimo, O Principe sa mga
kasundaluhan sa Langit, nga pina-agi sa gahom sa Dios, imong ibanlod sa impierno si satanas
uban sa iyang dautang mga espiritu nga libot-libot sa kalibutan aron pagpukan sa among mga
kalag. Amen

Alang sa mga intensyon sa atong Santo Papa, mag-ampo ug 1 ka Pater Noster, 1 ka Ave Maria
ug 1 ka Gloria Patri.

MGA MISTERYO SA KALIPAY (Lunes ug Sabado)

1. Ang Pagpahibalo sa Anghel Gabriel kang Stª. Maria (Lucas 1:28)

2. Ang Pagduaw ni Stª. Maria sa iyang ig-agaw nga si Stª. Isabel (Lucas 1:41-42)

3. Ang Pagkatawo sa atong Ginoong Hesukristo (Lucas 1:7)

4. Ang Paghalad sa Diosnong Bata didto sa Templo (Lucas 2:22-23)

5. Ang Pagkawala ug Paghikaplag kang Hesus sa Templo (Lucas 2:46)

MGA MISTERYO SA KAHAYAG (Huwebes)

1. Ang Pagbunyag kay Hesus sa Suba sa Jordan (Marcos 1:10)

2. Ang Kumbira sa Kasal sa Cana (Juan 2:11)

3. Ang Pagsangyaw sa Umaabot nga Gingharian sa Dios (Marcos 1:15)

4. Ang Pag-usab sa Panagway ni Jesus (Mateo 17:2)

5. Ang Pagtukod sa Santos nga Yukaristiya (Lucas 22:19)

MGA MISTERYO SA KASAKIT (Martes ug Biyernes)

1. Ang Pag-ampo sa Hesus didto sa Tanaman sa Getsemani (Lucas 22:44-45)

2. Ang Paglatus kang Hesus nga Gigaid sa Usa ka Haliging Bato (Juan 19:1)

3. Ang Pagpurongpurong ni Hesus sa Maidlot nga mga Tunok (Mateo 27:28-29)

4. Ang Pagpas-an ni Hesus sa Krus Ngadto sa Bukid sa Kalbaryo (Juan 19:17)

5. Ang Paglansang ug Pagkamatay ni Jesus sa Krus (Lucas 23:46)

MISTERYO SA HIMAYA (Miyerkoles ug Domingo)

1. Ang Pagkabanhaw ni Jesus (Marcos 16:6)

2. Ang Pagkayab sa Langit ni Jesus (Marcos 16:19)

3. Ang Pagkunsad sa Espiritu Santo diha sa mga Apostoles ug Mahal na Birhen Maria (Buhat 2:4)

4. Ang Pagpasaka sa Langit sa Mahal nga Birhen Maria (Gipadayag 12:1)

5. Ang Pagkorona sa Mahal nga Birhen Maria, Rayna sa Langit at Yuta (Judit 15:9-11)

ANG ANGELUS

V: Ang Anghel sa Ginoo mipahibalo kang Maria.

R: Ug nanamkon siya sa lalang sa Espiritu Santo.

(Mag-ampo ug 1 ka Ave Maria)

V: Ania ang ulipon sa Ginoo. Mahimo unta

R: dinhi kanako sumala sa imong pulong.

(Mag-ampo ug 1 ka Ave Maria)

V: Ug ang Pulong nahimong Tawo.

R: Ug mipuyo Siya uban kanato.

(Mag-ampo ug 1 ka Ave Maria)

V: I-ampo mo kami, Santos nga Inahan sa Dios.

R: Aron mahimo kaming angayan sa mga gisaad kanato ni Jesucristo.

Mag-ampo kita:

Ang grasya mo, nangamuyo kami, Ginoo, ibûbô sa among mga kalag, aron kami nga pinaagi
sapagpahibalo sa Anghel nasayod sa Pagkatawo ni Cristo imong Anak, tungod sa iyang kasakit
ug kamatayon sa krus, madala ngadto sa mahimayaong pagkabanhaw. Kini among gipangayo
pinaagi ni Cristo among Ginoo.

Amen.

(Mangamuyo ug 1 ka Gloria Patri pagkahuman)

ANG REGINA CÆLI

V: Rayna sa langit, paglipay, Aleluya.

R: Kay siya nga naghimo ka nga angayan sa pagdala, Aleluya.

V: Nabanhaw, sumala sa iyang giingon, Aleluya.

R: Iampo mo kami sa Dios, Aleluya.

V: Pagsadya ug paglipay, Birhen Maria, Aleluya.

R: Kay tinuod nga nabanhaw ang Ginoo, Aleluya.

Mag-ampo kita:

O Dios, nga tungod sa pagkabanhaw sa imong Anak, nga si Jesu Cristo among Ginoo, naglipay ka
sa kalibutan. Itugot, nangamuyo kami, nga tungod sa iyang Inahan, ang Birhen Maria,
makaangkon kami sa kalipay sa kinabuhing dayon. Amen.

(Mag-ampo ug 1 ka Gloria Patri pagkahuman)