December 23, 2018

Misa de Gallo 8
Readings: Daniel 9:24-26, Ephesians 6:10-20, John 14:8-11
Tema: Si Hesus ang katagbawan kag kahingpitan sa kinabuhi.
Fr. Ely Cayao

Introduksyon: Sa aton ebanghelyo subong, sa ikawalo na kaagahon sa aton misa de

Gallo naghulagway sa kabalaka sa mga Apostoles sa panahon nga si Jesus magabiya
na kanila. Amo ini ang balatyagon ni Felipe, gani nagsiling siya “Ginoo ipakita sa amon
ang Amay kag tuman na ina sa amon.” Apang sa piyak na bahin, alang kay Felipe, si
Hesus ang kahingpitan sa tanan. Kay Hesus lamang niya makita ang matoud nga kalipay
kag kabug-usan o katagbawan sa kinabuhi. Gani may pipila ka punto na angay naton
pamalandungan subong.

Una, diha sa kay Hesus ara ang katagbawan (satisfaction)sa kinabuhi. Sa atong panahon
karon, madamo ta sang ginaisip, ilabi na gid kay malapit na lang ang adlaw para
maghanda sa aton noche buena. Ano ayhan ang aton preparasyon?ang iban naka
booking na ang skedyul sa bakasyon,ang iban ginaplano na kung paano usaron ang
mabaton na Christmas bonus. Kag madamo pa nga mga bagay na gusto naton mabaton
kag mabuhat, apang nabatyagan pa naton ang kakulangon, hindi ta kontento,
nagapangita pa kita sang dugang o sobra sa aton gikinahanglan. Kini nagapasabot
lamang na diha sa mga material na mga butang nga aton mabaton, aton makita o aton
ginapreparahan, wala ang katabawan sa kinabuhi. Ang katagbawan sa kinabuhi diay
makita lamang diha kay Jesus. Amo ini ang nabatyagan ni Felipe, para kaniya sai Hesus
ang kahingpitan sa tanan.

Ikaduha,diha kay Hesus ang kahingpitan (fulfillment) sa gimbuhaton. Sa panahon sa

pasko, madamo nga tao, organization, institusyon,foundation, simbahan, eskwelahan
kag iban individual nga nagapatigayon sang mga outreach program para makabulig sa
nagakinahanglan. Aton na makita sa television, mabatian sa radio, makita nag poster sa
mga politico nga nagapanamyaw sang pasko kag nagahiwat sang mga gift-giving. Indi
man ina malain kay amo man ina ang kinaandan, tradisyon kag kultura na sa panahon
sa pasko, magpaambit kag magshare sa mga blessing na aton mabaton. Apang ang
pamangkot sa aton, ngaa gikinahanglan pa gid na ibalita kag ipabalo sa mga tao nga ara
kita ginhiwat na paghatag sang mga regalo. Indi ayhan may personal ta nga interes agud
pag-abot sa panahon may ginalantaw kita na utang na loob kag kita ang may dako na
benipisyo. Sa aton ebanghelyo si Jesus nagsiling “Ang nagatoo sa akon magabuhat sa
mga buhat nga ginhimo ko kag pagabuhaton pa niya ang labaw pa niini.” Bout
singganon,dapat tanan naton ginahimo nakabase diha sa kay Hesus. Kung si Hesus
ginhalad niya ang iyang kinabuhi nga wala sang kondisyon, dapat amo kita sina, nga
kung mohatag kita sang labing kubus naton nga mga kauturan, nga wala kita nagapaabot
sang balus o kabayaran,kag ini maghatag sang kalipay kag kahingpitan sa aton ginahimo.

Panapos: Subong sa ikawalo na kaagahon sa aton Misa de Gallo, kita gipahinumduman

nga katagbawan sa kinabuhi mao ang pagpuyo nga kauban si Hesus ug ang kahingpitan
sa tanan, amo ang pagbuhat sa gimbuhaton ni Hesus nga iya ginhatag sa aton.