Nikiya Crisostomo

Advanced Tagalog
11/15/2011

Ang Mga Paborito Kong Awitin

Karamihan ng awiting Pilipino ay tungkol sa pag-ibig ng mga magkasintahan, dahil
kalidad ng mga Pilipino ang pagiging romantiko. Pero sa aking pananaw ang mga pinaka
mahalagang mensahe na makukuha natin sa ating mga awitin ay hindi galing sa mga awiting
romantiko na pang magkasintahan, kungdi sa pag-ibig ng pamilya, sa pag-ibig para sa Diyos, sa
pag-ibig para sa bansa, at sa pag-ibig para sa kababayan.
Ang mga paborito kong awitin na tungkol sa pamilya ay “Ugoy ng Duyan” at higit pa
dito ay ang “Anak” na kinanta ni Freddie Aguilar at sumikat sa buong mundo. Dito sa awiting
“Anak”, mararamdaman talaga ang personalidad ng mga Pilipino lalo at higit sa pagmamahal ng
magulang sa pamilya at namumukod-tanging pagmamahal sa anak. Ang dahan-dahan na pag-
awit ng mga salita at ang detalyado na mga titik ay pinapakita ang kahalagahan ng pamilya sa
kulturang Pilipino, mas lalo na ang paggalang para sa mga magulang. Marami sa mga awiting
tungkol sa pamilya ay tungkol mismo sa mga magulang at sa mga pagsasakripisiyo na kanilang
dinadaanan para sa kanilang mga anak. Isa ito sa mga kakaibang kultura ng Pilipino—
pinahahalagahan natin at hindi natin nakakalimutan ang mga ginawa ng ating mga magulang sa
pagpapalaki sa atin. Sa pagtanda ng ating nanay at tatay, imbes na iwanan at ibali-wala sila sa
“Old People’s Home,” katulad ng kaugalian dito sa Amerika, tayo mismo ang nag-aasikaso sa
kanila, katulad ng kanilang ginawa para sa atin noong bata pa tayo. Ito ang isang kalidad ng mga
Pilipino na sana hindi mawala kahit na dahan-dahan tayong naiimpluwensiya ng mga
Amerikano.
Marami akong gustong awit ni Freddie Aguilar, pero ang isa ko pang paborito ay
“Habang May Buhay.” Sa awit niyang ito, matututunan at talagang mararamdaman ang
paghihirap sa Pilipinas. Binibigyan niya ng pag-asa ang kanyang kababayan, at pinaaalala na
lahat tayo ay sama-sama sa kahirapan, at bilang isang bansa na karamihan ay Katoliko, hindi
tayo pababayaan ng Diyos. Itong pag-iisip na kaya nating lagpasan ang kahit ano mang pagtutol
sa buhay dahil andyan and Diyos at ang kapwang Pilipino ay ang kalidad na nagpapalakas sa atin
bilang Pilipino, at tumutulong sa ating maging masaya at magpasalamat sa pinaka maliliit na
biyaya sa buhay.
 Sa wakas, ang “Isang Dugo, Isang Lahi, Isang Musika” ng Philippine Madrigal Singers
ay ang modernong awit na tungkol sa mga problema ng Pilipinas ngayon. Nakikita ko ang
kantang ito bilang isang akto ng mapayapang aktibismo, na sumasamo ng pagkakaisa sa mga
Pilipino, na matagal ng nasa gera sa isa’t isa. Ang bansang mahirap na dahil sa mahinang
ekonomiya at gubyerno ay mas naghihirap pa dahil sa pag-aaway ng mga Muslim sa timog at ng
mga Kristyano sa norte. Sa awitin ng Philippine Madrigal Singers, pinapaalala nila na Muslim
man o Kristyano, lahat tayo ay may dugong Pilipino. Bago pa dumating ang ibang kultura at
relihiyon para impluwensiyahin ang ating katauhan, lahat tayo ay Pilipino na. Sa kanilang estilo
ng pagkakanta ng maraming mang-aawit ang isang awitin, pinapakita and pagkakaisa na gusto
nilang makita sa kanilang kababayan.