Santabi sapulu. Sapulu noli au marsantabi tu hajajuguk ni mora na
marangka maranggi songoni kahanggi sumurung lobi mada hajajuguk ni mora nami. Harana ami sian anak boru na giot manungkoli hata ni mora ampot adong hata na urang tama harap do iba ipatama tu maksut tujuanna marsareto ilehen ka maafan. Songon dia surdu ni burangir nami dohot morangku ngada selain domu – domu ni daganak nadua simanjujung.madung do da jojor dot raot ipabanjar mora tinggal dia do ma baya pangidoan ni mora dama da. Napertama ima na mandokon ulang agoan sapanjang undang, songoni na mangido mohop kon kasalahan ni pinomparan ni mora ima ni alak tulang naposo. Mudah – mudahan martoruk ni abara majolo mora ni mora na sian bagason. Ulang manian ilanglang pangunsayang. Anggo hatada sian anak boru tarsongoni majolo hum na manggogoon hobar ni mora niba do sian bagason. Ompe sahat ma hata tukahanggi ni mora boti ma hatana.