II.

KONTEKSTO

Sa kasalukuyang panahon, ang isang tao ay maaring makaranas ng iba’t-ibang uri ng sakit o karamdaman. Isa na
rito ang pinangangambahang neurodegenerative na sakit na Alzheimer’s o mas kilalang Senile Dementia.

Ang pangalang Alzheimer’s ay nagmula sa pangalan ng isang Aleman na doktor at mananaliksik na si Alois
Alzheimer. Una niyang nilalarawan ang mga sintomas ng sakit na ito noong 1906 nang napansin niya ang mga
pagbabago sa tisyu ng utak ng isang babae na namatay ng isang hindi pangkaraniwang sakit sa pag-iisip. Sa
kanyang pagsusuri, nadiskubre niya ang mga abnormal clumps at bundle ng mga fibers. Ang mga clumps ay
tinatawag na ngayong ‘amyloid plaques’ at ang mga tangles ay tinatawag na ‘neurofibrillary tangles’. Ngayon, ang
mga plaques at tangles sa utak ay isinasaalang-alang na palatandaan ng sakit na Alzheimer’s. Hippius H. (2003)
The Discovery of Alzheimer's Disease.

Inilathala ng Azheimer’s Association ang sampung senyales na makakatulong sa pagtukoy kung ang isang tao ay
nagtataglay nito. Ang pagkawala ng memorya; kahirapan sa paggawa ng mga pamilyar na gawain; problema sa
pagbuo ng pangungusap; pagkaturete sa oras at lugar; kahinaan sa pagdedesisyon; kahirapan sa abstraktong pag-
iisip; pagkalimot sa pagkakaayos ng mga bagay; pagbabago ng ugali; pagbabago ng personalidad; at pagkawala
ng inisyatibo. Madalas nagkakaroon nito ang mga matatanda na may edad 65 taong gulang pataas. Hanon O. et
al (2004) Alzheimer's & Dementia: The Journal of the Alzheimer's Association.

Ayon kay Mony De Leon, direktor ng Center for Brain Health sa NYU Langone Medical Center, malawak na
tinatanggap ang teorya tungkol sa pinagbabatayan ng sanhi ng mga sintomas ng Alzheimer's Disease ay amyloid
beta protein. Ang Amyloid ay isang malagkit na sangkap na karaniwang matatagpuan sa mga utak ng mga taong
may edad na. Iniisip na ang mga plak na ito ay nakagambala sa normal na paghahatid ng cell ng nerve na
humahantong sa kamatayan ng mga neuron (mga selula ng utak). Ang isa pang abnormal na protina sa utak, na
nauugnay sa Alzheimer's Deisease ay tinatawag na tau tangles. Ang Amyloid plaques at tau tangles ang
pangunahing teorya kung saan ang pinaka-modernong pananaliksik ay batay.

Ang Alzheimer’s disease ay maaaring nakakahawa o namamana. Ito ay isang progresibong sakit sa utak na
nakamamatay. Ito’y sumisira sa mga selula sa utak na siyang dahilan ng pagkawala ng memorya; panlalabo ng
pag-iisip; pagkakaroon ng problema sa pagsasalita ng malinaw; hirap sa pagtanda o pagalala ng mga
kamakailang kaganapan; hirap sa pag-aaral ng mga bagong bagay; at pag-iiba-iba ng pag-uugali na
nakakaapekto sa mga pang-araw-araw na gawain at paghahanapbuhay. Treitz FH. (2002) Memory Aging, p. 10-
20
Sa kasamaang palad, wala pang natutuklasang gamot para sa itinatayang humigit-kumulang na 26 milyong tao sa
buong mundo na may sakit nito. Subalit maraming maaaring gawin upang mapabuti ang kalidad ng buhay ng mga
taong may kalagayan nito. Ang paglinang ng kaalaman sa Gene Therapy na kung pagtutuunan ng pansin ay isang
epektibo at magandang solusyon para sa Alzheimer's Disease.