MIOP SIMPLIFIED MANUAL

CEBUANO VERSION
CBRP-WOW
BY: Jhunjuriel P. Aton, RN

SESSION 2
ERS- A. STOP THE CYCLE
TUMONG:
1. Tabangan ang PWUD na masabtan unsa ang trigger ug craving (tinguha sa
paggamit).
2. Tabangan ang PWUD na mahibal-an ang mga butang na makadani nila sa
paggamit ug druga.
3. Ipasabot sa PWUD sa unsa nga paagi ang trigger o tinguha makaingon nga
sila makagamit ug druga ug mahibal-an nila ang paagi aron mapugngan ang
ilang huna-huna aron sila dili madayon sa paggamit.
4. Tabangan ang PWUD sa pagsabot sa importansya sa pag-eskedyul sa ilang
oras.

GAMITONG HANDOUTSP
■ ERS 1A—Triggers
■ ERS 1B—Trigger–Thought–Craving–Use
■ ERS 1C—Thought-Stopping Techniques
■ SCH 1—The Importance of Scheduling
■ SCH 2—Daily/Hourly Schedule
TOPIC NA PAGAHISGUTAN
1. Konsepto sa Trigger
- Adunay mga panahon diin may tawo, butang, lugar o emosyon maoy magkonekta nila
sa paggamit ug droga.
- Ihatag ang ERS 1A sa PWUDs. Ipangutana unsa ang nag-aghat nila sa paggamit
- Hisguti ang mga butang na nagsilbing rason nila sa paggamit.
- Ipangutana sa PWUDs ug unsa ang posible na mga trigger, tawo, butang, okasyon ang
ilang mahimamat sa panahon na mahuman na sila sa programa.
- Ipasabot sa PWUDs ang importansya sa paggama ug eskedyul aron malikayan ang
trigger. Gamita ang nahabiling 15 minutos usa mahuman ang ERS session aron
magamit sa PWUDs sa pag eskedyul sa ilang oras gikan sa paghuman sa session
hangtod sa sunod ninyong session.
2. Tinguha o craving
- Ang craving mao ang impulso nga magdani sa usa ka tawo sa pagbuhat sa paggamit
ug druga. Dili kini mapugngan sa simpleng desisyon lamang nga dili mugamit sa druga.
Gikinahanglan ang pag-usab sa binuhatan ug kinaiya aron malikayan ang trigger o tinguha sa
paggamit ug druga. Mas dako ang mabuhat na kausaban ang pagplano aron mausob ang
kinaiya kaysa intensiyon lamang.
a. Hisguti ang paagi aron mausab sa PWUD ang ilang batasan aron malikayan ang
paggamit.
b. Hisguti ang importansya sa pagwagtang sa mga butang na naay koneksyon sa
paggamit ug druga (lighter, tin foil,etc.)
c. Pangutan-a ang PWUDs kon aduna ba silay kausaban nga gibuhat aron ma minusan
ang ilang paghunahuna nga mugamit ug druga.
d. Tagai ug higayon ang Co-Leaders sa paghisgot kabahin sa kamatuoran nga ang
pagtinguha nga makagamit ug druga magka anam ug kawagtang sa magkadugay ang
panahon.
3. Prinsipyo bahin sa Thought Stopping Technique
 - Adunay paagi aron maundang ang prosesso sa paghunahuna aron dili ka
magmalampuson sa paggamit ug druga.
a. Ihatag sa PWUDs ang ERS1B
b. Tabangi ang PWUD na masabtan nila nga dili sila angay magpadaog sa ilang
hunahuna nga mugamit ug droga kay kini mahimo nilang mapugngan.
c. Ipasulti sa PWUDs ug unsa nga imahe ang makapaundang nila sa paghunahuna sa
paggamit ug droga.
4. Diskusyon ug pagbansay sa Thought-Stopping Technique
a. Ihatag ang ERS 1C ug ipasabot ang 4 ka technique (visualization, snapping, relaxation,
calling someone)
b. Tabangi ang PWUDs na makapili ug paagi o technique na ilang magamit aron sila ma
relax aron di sila makagamit ug kinsa usab ang tawo nga ilang masampit.
c. Ipasabot kanila nga ang maong mga technique o paagi, maghatag kanila ug dugang oras
aron ilang mabuhat ang laing buluhaton gawas sa paggamit ug droga (pag adto sa meeting,
pagbuhat sa buluhaton sa puloy-anan).
d. Ipangutana sa PWUDs unsa nga laing paagi ang ilang nasulayan aron mapugngan ang
paghunahuna nila sa paggamit ug droga (tan-aw salida, lakaw-lakaw, pagligo ug uban pa).
e. Ipahisgot sa Co-leader ang paagi nga iyang gigamit aron siya nakalahutay sa dili paggamit
ug droga sa taas nga panahon.

SCHEDULING:
- Ang tinguha niini nga pinaagi sa pag eskedyul sa mga buluhaton sa matag oras kada
adlaw, ang rasyonal na parte sa utok sa tawo mao ang magdikta ibabaw sa parte sa utok na
nag control sa emosyon og kinaiya na magdani sa paggamit ug droga.
- Ipasabot na gikinahanglan ang disiplina sa pagsunod sa eskedyul ug kinahanglan na
magbinantayon ang PWUDs sa mga oras, adlaw sama sa Sabado ug Domingo diin sila posible
risgo na makagamit.
a. Ihatag ang SCH1 na hand-out
b. Ipasabot sa PWUDs na ang paggama nila ug eskedyul parte sa ilang pag-recover gikan sa
ginadili nga droga.
c. Kinahanglan na kumpleto ang pagkasulat sa PWUDs sa eskedyul ug walay laktaw sa oras
sa adlaw. Suwatan nila ang SCH2 na hand-out.

HOMEWORK:
- Ipadala nila ang kopya sa page 6 ug 7 sa ilang Client’s Treatment Companion aron
ilang malista ang mga trigger na ilang mahimamat. Ipalista usab nila ang mga technique na
ilang nasulayan nga epektibo aron mapugngan nila ang paghunahuna sa paggamit.

NOTE: Ang paggama ug eskedyul sa mga PWUDs pagabuhaton kada 15 MINUTOS usa
mahuman ang kada ERS Session. Sa sunod nga session usa pa magsugod,
pagahisgutan ug unsa ang ilang kauswagan na naabot.
 SESSION 3
RELAPSE PREVENTION GROUP – ALCOHOL
TUMONG:
1. Tabangan ang PWUD na masabtan na ang alcohol usa ka butang na
makaguba sa ilang recovery gikan sa addiction.
2. Tabangan ang PWUD na mahibal-an ang mga sitwasyon diin sila
posible maka inom ug alcohol.
3. Tabangan ang PWUD sa pagplano alang adtong mga sitwasyona aron
sila mahalikay sa pag inom.

GAMITONG HANDOUTSP
■ RP 1-Alcohol

TOPIC NA PAGAHISGUTAN
1. Masabtan ang epekto sa alcohol sa utok sa tawo
Tungod kay ang alcohol makaapekto sa rasyonal ug mo rason nga bahin sa
atong utok, ang tawo na tig inoman adunay huyang nga estado na masabot ang bati nga
epekto sa pag inom ug ang benepisyo sa pag biya sa pag inom. Hinoon ang uban nag
inom tungod kay sila mas nahimong mas sekswal ug maka atubang sa daghang tawo sa
mga okasyon o kalihokan. Kinahanglan na masabtan na sa kadugayan, dili na mahimo
ang tawo na muagi aning mga sitwasyona nga dili makainom.

2. Pagbinantayon sa eksternal ug internal na trigger sa pag inom

Ang mga tawo na mosuway ug pag undang sa paggamit ug alcohol adunay lisod
nga maagian. Ang komunidad nagtoo nga normal ang pag inom ilabi na sa mga okasyon
o selebrasyon. Ang media o TV pinaagi sa advertisements nagpakita nga ang pag inom
naglangkob sa pagkamalipayon, sikat ug arangan sa kinabuhi. Ang nabati usab nga
depresyon, kagool ug pag inusa mao ang maagian sa tawo nga nagrecover sa pagbiya
sa alcohol. Kani nga mga balatian mao hinooy rason sa uban ngano moinom isip
pagwala sa maong gibati. Lisod sa maong tawo ang pagkahibaw na ang alcohol mao
hinooy mas nakapasamot sa maong mga pagbati.

3. Pag andam sa mga sitwasyon na adunay kalambigit sa alcohol

Ang pag inom kadungan usab sa mga selebrasyon, isports, gikan sa trabaho. Ug
gani para sa uban dili na gryud mabulag ang pag inom sa maong mga kalihokan. Ang
pag dili pag inom moresulta na ang tawo makabati na sila wala nahiapil sa kalipay sa
uban o sila dili na kuyaw. Importante na masabtan sa nagrecover na ila gyud na
masinati ang maong sitwasyon. Ang cliyente dapat ma tagaan ug pagdani sa mga paagi
na mahimo mag selebrar na dili mag apil ug alcohol.Kon ang pag uban sa uban
maghimo kanila na makabati na sila wala nay apil sa grupo, gikinahanglan na likayan sa
PWUD ang maong sitwasyon hangtod ang ilang recovery nalampos na.

HANDOUT UG FOCUSED DISCUSSION (45MINUTES)

 Tagai ug oras na makumpleto sa PWUD ang handout usa mag discuss.
 Ayaw pugsa ang PWUD kon siya nag lisod ug kompleto sa maong handout.
 Ipasiguro na ang tanang PWUD matagaan sa higayon na makaapil.
a. Ihatag ang handout RP 1-Alcohol
b. Pangutan-a ang mga PWUD na irecall ang discussion na nahisgutan sa niaging session
kabahin sa Early Recovery Skill ug unsa ang ilang nakat-unan sa maong topic. Ang
recovering co-leader mahimo mo share sa ijang na agian kabahin sa trigger.
c. Pangutan-ang PWUD sa paghisgot ug kinsa nga mga tawo, unsa nga lugar, sitwasyon o
emosyon ang mag angin kanila sa pag inom.
d. Pangutan-a ang PWUD kon kanus-a sila nakakita ug tawo na tungod sa pag inom
naapektuhan ang batasan ug pamatasan. Unsa may gipasabot niadto kabahin sa ilan
abilidad na mobuhat sa sakto nga desisyon samtang sila nag recover sa programa?
e. Pila man sa PWUD ang nilahutay sa paglikay ug inom?Pila ang wala?
 f. Ipa discuss sa PWUD ug unsa nga paagi nahimo silang dependent sa alcohol sa mga
okasyon o kalihokan?
NOTE: AYAW IPA HISGOT SA PWUD ANG BAHIN DROGA NGA MAHIMONG
TRIGGER SA UBAN
g. Ipangutana sa mga PWUD sa unsa nga paagi sila maka andam sa mga sitwasyon na
sila ming inom ug alcohol sauna.
h. Hangyoa ang PWUD na maglikay sa sitwasyon na sila makainom aron sila makalahutay
sa programa.
i. Ipangutana sa PWUD unsa nga mga kausaban ang ilang mahimo sa mga okasyon sa
ilang panimalay aron sila mahalikay sa pag inom.

NOTE: IPASABOT SA TANANG PWUD NA NATURAL NA MAAGIAN SA PWUD ANG

MGA KALISDANAN SA HIGAYON NA SILA MOUNDANG PAG INOM. KON
MAGKADUGAY NA SILA MAKABIYA SA PAG INOM,MAS SAYON NA ALANG KANILA
ANG PAGDALA SA ILANG KAUGALINGON SA PANAHON NA ANAA SILA SA MAONG
SITWASYON.

RELAPSE PREVENTION GROUP-TOTAL ABSTINENCE

TUMONG:
1. Tabangan ang PWUD na masabtan gikinahanglan nilang likayan ang alcohol
o droga na makapausob sa modo sa tawo.
2. Tabangan ang PWUD na masabtan na ang dili paglikay sa paggamit ug
alcohol ug ginadili na droga makaapekto sa ilang abilidad pagbuhat ug
desisyon ug makapa risgo sa ilang kalampusan sa paglikay sa alcohol ug
droga.
HANDOUT
■ RP 9—Total Abstinence
Presentation of Topic (15 minutes)
1. Masabtan ang koneksyon tali sa alcohol ug paggamit ug droga sa pagbalik ug gamit
niini.
Ang paggamit ug ginadili nga droga makaapekto sa abilidad sa tawo nga mohukam ug
makaguba sa kinabuhi sa tawo. Sa kadugayan, ang mga tawo, amigo,trabaho na maoy
prayoridad sa tawo usa pa siya nagasalig sa droga dili na matagaan ug pagtagad tungod kay
ang droga namay mohulip niini. Aron na mahibalik ang kahimtang sa ilang kinabuhi ug ilang
mga prayoridad, gikinahanglan na ang usa ka PWUD makahimo paghunahuna ug pagbuhat sa
tin-aw. Ang pag-undang ug gamit sa droga usa ka mahinungdanon na parte sa maong
prosesso. Apan, ang pagpadayon ug gamit sa maong droga makabungkag sa kalambuan na
maabot unta sa PWUD gikan sa paglikay sa droga.
Ang usa ka PWUD posible na wala mag isip na problema kining mga droga ug ang uban
gani morason na ang USAHAY nga paggamit nila sa maong droga ug pag inom ug alcohol
nakatabang hinoon nila aron sila makasugakod sa kalisod na ilang nasinati sa pagsulay sa pag-
undang ug gamit. Gikinahanglan ipasabot sa PWUD na bisan unsa nga ginadiling droga
makapanghilabot sa abilidad sa ilang utok na magpaayo ug abilidad na makarason ug tin-aw.
Apan, ipasabot na kon ang usa ka PWUD adunay gipa inom na tambal gikan sa doktor kabahin
sa problemang mental o pisikal, mahimo niya ipadayon ang pagtumar sa maong tambal.
2. Masabtan na dili posible na ang usa ka PWUD makakat-on sa paglikay sa droga kon
siya magpadayon gihapon sa pag inom ug alcohol o paggamit ug droga.
Gikinahanglang ipasabot sa PWUD na sila mipirma ug kasabutan sa dili nila paggamit
ug bisan unsa nga droga o bisan pag inom ug alcohol sa pagsulod nila sa programa. Bisan
paman ug wala na sila nigamit ug droga, ang pag inom ug alcohol ug pag gamit ug ubang
substansya na maka apekto sa modo usa ka paagi sa ilang paglikay sa ilang tinud-anay na
pagsunod sa programa. Sa pagpadayon paggamit ug droga, ang usa ka PWUD mahimo nilang
magamit isip usa ka lutsanan ang pag inom ug alcohol o paggamit ug ubang droga sama sa
marijuana sa panahon na ilang mabati na lisod kaayo ang paglikay sa paggamit ug droga.
Ipasabot na adunay pagtuon na ang pag inom ug alcohol o paggamit ug marijuan samtang ang
usa ka PWUD naglikay sa paggamit ug droga nakapataas ug maayo sa tsansa na sila
makabalik ug gamit ug droga.

Handout and Focused Discussion (45 minutes)

Tagaan ug saktong oras ang PWUD sa pagbasa sa handout usa ang diskusyon
pagasugdan. Gamiton ang handout sa diskusyon. Dasigon ang PWUD sa pagsulti sa matag
higayon adunay topic o issue na ilang mahimamat nga anaa sa handout. Tagaan sa
interventionist ug kasiguroan nga tanang PWUD adunay higayon sa pagapil sa diskusyon.
■ Tan-awa ang handout RP 9—Total Abstinence.
■ Pangutan-a ang mga PWUD sa pag share sa ilang tubag kabahin sa kasabotan na
“Ginadili ang paggamit ug droga” na ilang gipirmahan sa ilang pagsulod sa programa.
■ Pangutan-a ang PWUD kon sila ba nag gama ug rason sa ilang pag inom ug alcohol
o paggamit ug droga. Unsa man nga mga rason?
■ Pangutan-a ang PWUD kon ila bang nakita ang kaayohan kabahin sa paglikay sa
droga, unsa may nakapausob sa ilang panglantaw?
■ Pangutan-a ang recovering co-leader na hisgotan ang iyang naagian kabahin sa
polisiya na gidili ang paggamit ug droga?
■ Pangutan-a ang PWUD sa paghunahuna ug unsa nga mga kausaban ang ilang
nabuhat o ilang pagabuhaton aron malikayan ang alcohol ug marijuana?
■ Pangutan-a ang PWUD na nagkamulo ug likay sa alcohol o droga ug ngano ang
pagpuasa sa paggamit ug droga maayo kaayo nga ideya.

Open Discussion (30 minutes)

Pagatiwason sa interventionist ug hisgot ang bisan unsa nga issue o katin-awan na wala
nahisgotan sa niaging session. Gikinahanglan na sigurohon sa interventionist na kinatibuk-an
sa topic napasabot gyud sa PWUD. 5 minutos usa mahuman ang discussion, pangutan-on ang
PWUD na ilang ipaambit sa uban ang ilang naagian o nasinati sa ilang pagbuhat sa ilang
homework gikan sa niaging session.
NOTE: ANG TUMONG SA PAGHISGOT SA ILANG NAAGIAN SA PAGBUHAT SA
HOMEWORK DILI ANG PAGKAHIBALO UNSA ANG WALA NILA NABUHAT KON DILI
ANG PAGDASIG SA PWUD SA PAGPADAYON SA ILANG RECOVERY UG ILANG
IPAAMBIT SA UBAN ANG ILANG NASINATI.

Homework
Ipalista sa PWUD ang mga lakang na ilang pagabuhaton aron ilang masugdan ang
prosesso sa ilang recovery kabahin sa paglikay sa ginadili nga droga. Ipalista usab alang sa
mga PWUD na nagasunod sa ilang gipirmahang kasabotan kabahin sa “Pagdumili paggamit ug
droga” ang mga paagi na ilang ipadayon aron sila magpadayon paglikay sa paggamit ug droga.
Gamiton ang page 8 ug 9 sa ilang Client’s Treatment Companion.
 SESSION 4
EARLY RECOVERY SKILLS (IDENTIFYING INTERNAL UG
EXTERNAL TRIGGERS)

A. IDENTIFYING INTERNAL TRIGGERS

TUMONG
■.Tabangan ang PWUD masabtan unsa ang mga internal nga trigger.
■ Tabangan ang PWUD na ilang mailhan ug unsa ang ilang naagian na internal trigger.
■ Tabangan ang PWUD na ilang masabtan sa unsang paagi ang internal na trigger
moresulta sa ilang paggamit ug balik ug droga.
■Tabangan ang PWUD na ilang masabtan na ang ilang mga paghunahuna ug mga
pagbati mahimo na trigger para nila.
■ Tabangan ang PWUD na ilang masabtan ang importansya sa pag eskedyul ug
paglista sa ilang pag uswag sa paglikay sa droga.
Handouts
■ CAL 2—Calendar
■ ERS 3A—Internal Trigger Questionnaire
■ ERS 3B—Internal Trigger Chart
■ SCH 2—Daily/Hourly Schedule

Marking Progress (5 minutes)

Usa pa hisgutan ang topic sa session, tagaan ug time ang mga PWUD sa pagsulat sa ilang
progreso sa CAL2- Calendar na handout ug dasigon sila sa pagpa ambit sa uban mahitungod
sa maayo nilang nasinati sukad sa niaging session.
Topics for Group Discussion (35 minutes)
1. Konsepto bahin sa Internal Trigger
Sa naunang session, nahisgutan ug unsa ang trigger. Karon mas pagahisgotan
sa detalyado nga paagi ang mga panghunahuna o emosyon na masumpay sa paggamit
ug droga. Sa sayong bahin sa ilang recovery, mahimo na gubot ug lisod ilabi na sa
emosyonal na aspeto sa PWUD. Bisan ug ang PWUD ilang mabati ang depresyon,
kaulaw, kahadlik ug kalibog aning dapita sa programa diin para nila wala sa ilang
control, ipasabot sa PWUD na ang ilang desisyon ug unsa ang ilang buhaton isip tubag
sa maong pagbati o trigger magdepende sa ilang desisyon nga sila adunay control sa
pagpili.
■ Ngadto sa handout ERS 3A—Internal Trigger Questionnaire.
■ Paga tsekan sa PWUD sa tanang internal trigger na ilang naagian o nabati ug
pagasuwatan ug zero sa mga nakabutang sa handout na wala nila naagi. Ipa apil
ang mga panghunahuna o emosyon na nahimong internal trigger nila sa sauna
bisan ug sa karon wala na.
■ Ipahuman sa PWUD ang pagsulat sa handout ilabi na sa panghunahuna ug
emosyon na nakaangin kanila paggamit ug droga.
■ Idiscuss ug unsa ang mga internal trigger sa mga PWUDs ug susihon kon ang
ilang gisulti tukma ba gayod.
■ Pagabalikon ug hisgot ang mga paagi na nahisgotan sa ERS 1C Thought
Stopping Technique (snapping, visualization ug uban pa).
■ Hisgotan ang uban pang paagi aron makalikay ang PWUD sa trigger ug alang
sa mga PWUD na nakalikay sa mga trigger, ila kining ipaambit sa uban.
 2. Charting Internal Triggers
Pinaagi sa paghuman ug hisgot kabahin sa internal triggers, nahibal-an sa
PWUDs ug unsa ang mga luwas ug dili luwas nga mga emosyon na ilang pagalikayan.
Pinaagi sa pagkumpleto sa Internal Trigger Chart (ERS 3B), masabtan sa PWUD ang
resulta sa matag desisyon na ilang pagabuhaton. Ang Internal ug External Trigger Chart
mahimo gamiton sa panahon na mag individual counselling session kauban ang
PWUDs.
■ Ngadto sa handout ERS 3B—Internal Trigger Chart.
■ Ipalista sa mga PWUDs ang mga emosyon o panghunahuna nga anaa sa
chart na para kanila usa kini ka trigger.
■ Dasiga ang mga PWUDs sa paghisgot sa mga anaa sa chart na para nila
luwas alang kanila ug nagasamok kanila.
■ Tagai ug higayon ang recovering co-leader sa pag discuss sa unsang paagi
ang chart nakatabang kaniya sa pagsabot ug pag control sa mga trigger na iyang
naagian.

Scheduling (5 minutes)
Ipasabot sa PWUDs ang ka importante sa pagbuhat ug pagsunod sa ilang gibuhat na
eskedyul sanglit kini magtabang kanila aron ang rasyonal na bahin sa ilang pagkatawo ang
naay control kanila.
■ Pangutan-a ang PWUD sa unsang paagi sila natabangan sa ilang nagama na
eskedyul aron sila mahalikay sa droga.
■ Unsa man ang ilang nahibal-an kabahin sa eskedyuling ug unsa ang epekto ani sa
ilang pagabuhatt na eskedyul o plano sa umaabot nga panahon?
■ Ipa kumpleto ang handout SCH 2—Daily/Hourly Schedule
 B. IDENTIFYING EXTERNAL TRIGGERS
TUMONG
■.Tabangan ang PWUD masabtan unsa ang mga external nga trigger.
■ Tabangan ang PWUD na ilang mailhan ug unsa ang ilang naagian na external trigger.
■ Tabangan ang PWUD na ilang masabtan sa unsang paagi ang external na trigger
moresulta sa ilang paggamit ug balik ug droga.
■Tabangan ang PWUD na ilang masabtan na ang ilang mga paghunahuna ug mga
pagbati mahimo na trigger para nila.
■ Tabangan ang PWUD na ilang masabtan ang importansya sa pag eskedyul ug
paglista sa ilang pag uswag sa paglikay sa droga.
Handouts
■ CAL 1—Marking Progress
■ CAL 2—Calendar
■ ERS 2A—External Trigger Questionnaire
■ ERS 2B—External Trigger Chart
■ SCH 2—Daily/Hourly Schedule

Marking Progress (5 minutes)

Ang inadlaw na paglista sa ilang paglikay sa droga nagatabang sa PWUD sa ilang
paghunahuna na usa ka adlaw adlaw na prosesso ang paglikay sa droga. Pinaagi sa ilang
paglista, mabati sa PWUD ang kalipay ug garbo sa kadugayon nga sila nakalikay sa droga. Sa
mao pay pagsugod ug likay, masinati sa uban nga daw hinay kaayo mudagan ang oras kaysa
sa sauna nga sila tigamitan pa. Pinaagi sa ginagmay na paglista ilang progreso, mas makita
nila nga mas dali makab-ot ang ilang tumong sa paglikay. Ang unang 5 minutos sa kada ERS
na topic pagahinan kabahin sa ingani nga buluhaton.
■ Ngadto sa handout CAL 1—Marking Progress.
■ Paga tsekan sa PWUD ang adlaw sa calendar (CAL 2) na sila wala nakagamit ug
droga.
substances.
Topics for Group Discussion (35 minutes)
1. Konsepto sa External Trigger
Sama sa internal trigger, ang external trigger moresulta gihapon sa paggamit ug
droga. Ang external trigger mao ang estilo sa panginabuhi o lifestyle sa PWUD diin siya
aduna puy control.
■ Ngadto sa handout ERS 2A—External Trigger Questionnaire.
■ Paga tsekan sa PWUD ang tanang external trigger na ilang nasinati ug
pagabutangan ug zero sa mga nakalista nga wala nila nasinati o naagian.
Dasiga ang PWUDs sa paglista sa mga external trigger na wala sa handout ug
ipalista ug lahi.
■ Ipalista kanila ang mga tawo o sitwasyon diin walay kalambigit kanila sa
paggamit ug droga.
■ Idiscuss ang external triggers sa PWUDs.
■ Pagahisgotan ug balik ang mga pamaagi sa pagresponde sa trigger (ERS 1-
Thought Stopping Technique)
 ■ Hisgotan ug balik ang ka importante sa paggama ug eskedyul aron malikayan
ang trigger.

2. Charting External Triggers

Pinaagi sa paghuman ug lista sa mga internal ug external triggers, nasabtan sa
PWUD na aduna silay kahibalo sa paglikay sa paggamit ug droga. Ilang nasabtan nga
ang ilang paggamit ug droga dili tungod sa kalit lamang na mga panghitabo ug pinaaig
sa pag usob sa ilang pamatasan, mas mugamay ang kahigayonan nga sila makagamit
ug droga. Dasiga ang PWUD sa paggamit sa Internal ug External Trigger Chart sa ilang
individual nga session ug kon adunay bag-o nga trigger, ila kining ilista.
■ Ngadto sa handout ERS 2B—External Trigger Chart.
■ Ipalista ang mga tawo, butang o sitwasyon nga anaa sa chart na mahimo nilan
malista nga trigger.
■ Ipaambit sa PWUD ang anaa sa handout na para nila dili trigger ug para nila
magdala kanila ug kasamok.
■ Tagai ug higayon ang recovering co-leader sa pag discuss sa unsang paagi
ang chart nakatabang kaniya sa pagsabot ug pag control sa mga trigger na iyang
naagian.

Scheduling (5 minutes)
Ipasabot sa PWUDs ang ka importante sa pagbuhat ug pagsunod sa ilang gibuhat na
eskedyul sanglit kini magtabang kanila aron ang rasyonal na bahin sa ilang pagkatawo ang
naay control kanila.
■ Pangutan-a ang PWUD sa unsang paagi sila natabangan sa ilang nagama na
eskedyul aron sila mahalikay sa droga.
■ Ask clients what they learned about scheduling that will affect how they make future
schedules Unsa man ang ilang nahibal-an kabahin sa eskedyuling ug unsa ang epekto
ani sa ilang pagabuhatt na eskedyul o plano sa umaabot nga panahon?
■ Ipa kumpleto ang handout SCH 2—Daily/Hourly Schedule

Homework (5 minutes)
Dasiga ang mga PWUD sa pag update sa lista nila sa mga internal ug external trigger sa
handouts ERS 2B ug ERS 3B samtang sila nagapadayon sa ilang recovery.