ANG MGA KALALAKIHAN AT KABABAIHAN SA LIPUNANG IFUGAO

“…sila ang gumawa ng pa-yo…Patunay

ito ng kanilang tibay ng loob…”

Malaki ang ginagampanan ng mga kalalakihan at kababaihan sa lipunang Ifugao.

Inaayos ng mga kalalakihang Ifugao ang mga nasirang pa-yo at pala ang kanilang gamit sa pag-
aayos nito. Inaayos din nila nag mga kanal ng pa-yo. Naghahanap sila ng batong akmang-akma
sa butas o puwang ng kanal. Sila rin ang naghahanda ng lupa para pagtamnan ng mga punla.

Minsan, naghahanap sila ng pagkakakitaan habang hinihintay ang panahon ng pag-aani.

Lumuluwas sila sa bayan at doo’y pansamanatalng naghahanap-buhay upang matustusan ang
pangangailangan ng kanilang pamilya.
Ang paglilinis ng pa-yo at ang pag-aani ay tungkulin naman ng mga kababaihang Ifugao. Sila rin
ang nagtatanim ng punla at nag-aalaga sa mga pa-yo. Dapat ay mapanatili nila ang kasaganaan
ng tubig sa mga pa-yo upang hindi magbitak-bitak ang lupa.
Ang karamihan sa mga babaeng Ifugao ay naghahanap-buhay din upang matulungan ang
kanilang mga asawa sa pagtatrabaho. Dinadala nila ang kanilang mga trabaho sa bahay upang
maalagaan din ang kanilang mga anak. Kilala ang mga babaeng Ifugao sa galing nila sa
paghahabi at paglalala.

Ilongot

Lalake: naglalakbay upang magngahoy, mangaso, at maghanap ng pagkain sa malalayong lugar; sa

kanilang pagbalik nagbabahagi sila ng mga karanasan sa kanilang pangkat

Babae: nananatili sa bahay; nakatatanggap ng malaking respeto at magandang trato mula sa kalalakihan

Mangyan

Lalake: Ang pangunahing gampanin ay ang maghanapbuhay para sa pamilya

Babae: Ang pangunahing gampanin ay ang pag-aalaga sa bahay; tumutulong din sa paghahanapbuhay
tulad ng pagsasaka, pagtatanim, at iba pang gawain.

Kalinga

Sila’y nagtatanim at umaani ng palay makalawa sa isang taon dahil mataba ang kanilang lupa.

Babae ang nagtatrabaho sa bukid at ang lalaki ang naiiwan sa bahay.

Sa panahon ng pag-aani ay sama-sama sila sabukid.

Ipinagbibili nila ang kanilang alagang Kalabaw at gumagawa din sila ng palayok at basket.

Gumagawa din sila ng mga kasangkapang gawa sa metal, tulad ng palakol, gulok at sibat. Nagkakaroon
sila ng bakal kapag sila’y nakipagpalitan ng paninda sa mga Ilocano.

Sila’y mahusay mangaso. Ang kanilang hinuhuli ay ang mga usa, baboy-ramo at maiilap na kalabaw.