Ang mga Manggagawang Pilipino sa Sektor ng Paglilingkod

Ang mga manggagawang Pilipino na kabilang sa sektor ng paglilingkod ay hindi pahuhuli sa iba’t
ibang larangan. Taglay nila ang mataas na antas na katangian ng isang mahusay na tagapaglingkod. Sila
ay masipag, malikhain, matiyaga, at nakatutulong nang malaki upang umangat sa larangang ito. Sa
katunayan, ayon sa pinakahuling datos ng National Statistical Coordination Board (NSCB), mahigit 2.04
milyong Overseas Filipino Workers (OFWs) o tinatayang 2% ng kabuuang populasyon ng Pilipinas ang
umalis ng bansa noong taong 2010 para magtrabaho. Marami nang parangal ang inani ng maraming
Pilipino sa iba’t ibang panig ng daigdig na kumilala sa kanilang kahusayan. Ang mataas na antas ng
kasanayan at kasipagan ng mga nila ang nagbibigay-daan sa de kalidad na paggawa na siya namang
gustung-gusto ng mga mamumuhunan.