POEMAS EN QUECHUA DE CUSCO COLLAO

Chakra llank'aq
hallp'a pachata t'ikraspa kawsaq
makillaykimanmi hap'ichimuyki
llapan kusiqa kawsayniytapas
qanllapunin ñoqawanqa

llapan wawamasiykunapas
kusisqa sonqollantin purin
mana pitapas mancharichispa
qhaliy qhaliy uyallantin

pacha illarimuytan rikich'anki

k'anka waqaytapas llalispayki
thuqayllaykita millp'uykuspa
inti tutayanan kama llank'aspa

sukhayaykuyta samariykuspata
chiriwan wayrawan tupaspa
ichhuq chhullampi tiyaspa
chakrallaykita qhawashanki

Uywa Mirachiq Runa

ichhu ch'ukllaykipi tiyaspan
poqoy paraq chawpinpi
charaway wayraq muyuykusqan
q'aytu ponchollan aysarisqa

llapallan wawamasiykunawan
chay hinallata kawsayku
yuraq rit'iq chawpinpi
warak'llan aysaykusqa

yarqayta ch'akiyta muchuspa

pilli-pillita chikuruta mikhuspa
pukyu unuta ukyaspa
p'uncha-p'unchay ch'isiyanki

sapa p'unchay uywallaykiwan

kusiqa sonqollantin
tutataq llaki llaki sonqollantin
mana puñuyta atispa.

Escrito por Juan de la Cruz Huanta Página 1

 Layo Llaqta
¡Layo! Tukuy sonqoywan munakuyki
qanta munaspaymi khuyaspaymi
qanllawanpuni kawsakusaq
lloq'enpipas pañanpipas kusisqallapuni

hinantin suypin ch'eqerisqa wawaykikunaqa

sutillaykitan hanaqman oqarispa
kuska wakilla yuyarimuykiku
kawsachun Layo llaqta wiñaypaq

huk wata hunt'akusqayki p'unchawpin

tukuy sonqoywan napaykuyki
hina erqe, wayna, sipas, hina machu, paya
ch'ilay-chila qaqa hina man kuyuriq

ripuspaypas yuyarishallasqaykipunin
sonqollaypin yuyayllaypin apsqayki
chaypipas maypipas
wiñypaqmi kawsachun ¡Layo!

P'uchayniykipi
ancha munakusqay mamallay
kusi kawsaytan mañakuni
apu kamaqllanchisman
askha wata kawsanaykipaq

qayllaykamullayki qanman
uywawasqaykita yuyarispa
chiri wayrapi uywawarqanki
yarqayta ch'akiyta muchuspayki

kay weqe kawsay pachapi

khuyayta kawsallarqanki
mana pipas aluw nirqasunkichu
llaki soqoyuq rikukuqtiyki

Layo Llaqtallay
Layo llaqtay teqsimuyuntinpaq huch'uychallas kanki
hanaq pachaq kay pachaq chawpinpi
aylluntin runaq qhawapayanan
huch'uypa hatunpa napaykunan

Soqtatin ayllun huk anexontin

chaymusunkiku sumaqta takispa
ch'ayñakuna hinaraq chhullulluspa
q'achu kunkaykuwan takiykuspa

tukuy ayllupin ch'eqerisqa wawaykikunaqa

Escrito por Juan de la Cruz Huanta Página 2

 sutillaykita hanaqman oqarispa
kuska ch'ulla kunkalla qaparinku
“kawsachun Layo llaqta wiñaypaq”
K'ana Llaqta
yana phuyuq rit'i phuyuq
llanthuykusqallanmi tarikunki
sumaq intiq k'anchaykusqa
tukuy kaykuna tayta mamallayuq

allin hatun kallpayuq Tupac Amaru

sapallan churillayki phutuchiq
kallpa qosqaykiwanmi maqanakurqan
allin yuyayninwan qaparirqan

llapan wawakikunan kayku

Tupac Amaruq chhallchaq yawarniyuq
paypa kallpan kallpayuq
paypa kunkan kunkayuq

Pampamarca, Langui, Layo

Tungasuka Surimana
Ch'eqa qhewe kunturkanki
paykunan hatunchasunki

Layo
munay tayta intiq k'anchaykusqan
apu t'aqlluq hayt'anan pampapi
ch'ya qochaq kantunpi
chaypa chawpinpi sumaqta wiñarishanki

may munaymi hatun munakuyniykuna

phayaqchuma y q'erumayu
hinallataq munay orqokikuna
pawqa, t'aqllu, k'unuruma, qotaqwasi

wakin llaqtakunaq munapayanan

sumaq ch'uya wayraq wayrarimusqanwan
munayta urpikunapas phalaykachan
orqopi ichhupas iru, q'esi q'oya sumaqtan sullurin

tukuy kayta qhawarispanymi

ñoqallaypas napaykamuyki
kay sumaq harawikunawan
khuyakuq sonqollayta mast'arispay

Escrito por Juan de la Cruz Huanta Página 3

Buy Now to Create PDF without Trial Watermark!!

Mamallay
Ancha munakuq mamallay
Sumaq khuyakuq uywaqllay
kawsasqaykita qhawarispa
p'unchayniykita yuyarispa
tukuy sonqoywan napaykamuyki

yachaymanta aswan munana

qorimanta aswan waylluna
sonqo ruruypin yuyasqayki
paña rikraypin uywasqayki
chay sumaq uywakuwasqaykimantan

apu Diosmi waqaychasunki

payllapunin qespichisunki
askha p'unchaykuna kawsakunaykipaq
kusisqalla purikunaykipaq
mañapuykin Diosninchismanta

Munakuq mamallay
kay hatun p'unchayniykipi
llapan wawaykikuna yuyariyku
tukuy sonqowan uywakuwasqaykita
chaymi napaykamuykiku

p'unchay p'unchay purispaymi

manapuni tariykiñachu
waqayniypas manañan kanchu
khuyakuq mamallay

qoripas qolqepas manañan

chay munakuyniyki hina kanchu
waqay llakipi purispan
mamallay yuyarimuyki

chaymi uyaykita mana rikunichu

kaykawsasqay p'unchaykunapi
wawqe panallantinmi tarikuyku
sinchi llaki sonqollantin.

Escrito por Juan de la Cruz Huanta Página 4

Created by eDocPrinter PDF Pro!!
Buy Now to Create PDF without Trial Watermark!!

Escrito por Juan de la Cruz Huanta Página 5

Created by eDocPrinter PDF Pro!!