Professional Documents
Culture Documents
Qeverisje Q.r.lokale
Qeverisje Q.r.lokale
Qeverisje Q.r.lokale
Forma
Kreu I shtetit
Ekzekutivi
Legjislativi
Autonomia
Franca
Franca është shembulli tipik i një shteti të unifikuar, por me një traditë të hershme si në centralizimin e shtetit ashtu edhe
në dhënien e njëfarë autonomie administrative pushtetit lokal e në njohjen e të drejtave të njeriut. Kushtetuta aktuale
është ajo e vitit 1958 e cila përkon me Republikën V franceze
Kushtetuta e 1958 ripohon parimet themelore tradicionale dhe në veçanti atë, që sovraniteti kombëtar i përket popullit.
Në nenin 3 të saj, sovraniteti kombëtar i atribuohet popullit dhe gjithashtu pohohet se populli e ushtron atë jo vetëm
nëpërmjet përfaqësuesëve të tij, por edhe me referendum popullor. E drejta për të shpallur referendum mund të ushtrohej
vetëm nga Presidenti i Republikës, me propozimin e qeverisë ose me propozimin e përbashkët të të dyja dhomave të
parlamentit. Për më tepër referendumi mundësohej vetëm mbi ligje të caktuara. Pra, ai nuk lidhej me një inicativë të
ardhur nga populli. Nga ana tjeter, neni 4 i Kushtetutës paraqiste diçka të panjohur më parë për popullin francez dhe për
parimin e sovranitetit popullor, sepse përmban një njohje të shprehur të partive dhe grupeve politike. Është e nevojshme
të theksohet se Kushtetuta e 1958 nuk njeh një tjetër institut klasik të demokracisë së drejpërdrejtë, ndoshta më të
nevojshme se referendumi siç është iniciativa legjislative popullore.
Edhe në vitet e fundit, në Francë vazhdojnë të ekzistojnë pjesët themelore të pushtetit publik, sikurse janë parashikuar në
Kushtetutën e vitit 1958: Parlamenti, Kryetari i Shtetit, Qeveria dhe Kryetari i Këshillit të Ministrave. Përsa i përket
demokracisë pluraliste duhet theksuar gjithmonë neni 1 i Kushtetutës, në të cilin Franca përshkruhet si një Republikë, që
përveçse e pandashme eshte edhe laike, demokratike dhe sociale si edhe neni 3 i cili thekson se sovraniteti kombëtar i
takon popullit, i cili e ushtron atë nëpërmjet të zgjedhurve të tij dhe referendumit. Kushtetute e qendrueshme.
Ndryshimet me nisme te presidentit me propozim te kryeministrit, apo anetareve te parlamentit. Kerkon shumice te
cilesuar nga te dyja dhomat (apo asamble e perbashket) si dhe mund ti nenshtrohet referendumit. Kushtetuta franceze në
nenin 89 të saj parashikon një kufizim absolut për rishikimin e saj që është “forma republikane e qeverisjes nuk mund të
jetë objekt rishikimi”.
Shtet unitar. Forma e qeverisjes Gjysem-presidenciale. Pushteti politik ndahet mes legjislativit,
nje presidenti te zgjedhur drejt-perdrejt dhe nje kryeministri qe pergjigjet para presidentit
Ekzekutiv dual.
Presidenti kreu i shtetit dhe kryeministri kreu i qeverisw
Ne kushtetute presidenti ka pak pushtet formal, por ka fituar pushtet gjate Rep V nga precedenti i De Gaull.
Zgjidhet drejt-perdrejt me mandat 5 vjecar pa kufizim rizgjedhjeje. Zgjedhje me dy raunde, nqs nuk merr 50% ne
raundin e pare zhvillohet balotazh mes dy kandidateve qe kane marre shumicen. Qeveris nepermjet zgjedhjes se nje
kryeministri qe duhet te miratohet nga dhoma e ulet e parlamentit. Presidenti francez është edhe Kryetari i Shtetit. Deri
në vitin 2000 ai gëzonte një mandat 7 vjeçar, më pas 5 vjeçar. Ai zgjidhet në mënyrë të drejtpërdrejtë me 2 turne. Në
turnin e dytë marrin pjesë 2 kandidatët më të votuar në turnin e parë.
Artikulli 5 i Kushtetutës i jep atij një karakter super partes pasi sipas këtij artikulli Presidenti:
- siguron respektimin e Kushtetutës
- siguron vazhdimësinë e shtetit
- siguron pavarësinë kombëtare
- siguron respektimin e territorit
- siguron respektimin e marrëveshjeve ndërkombëtare.
Të gjitha këto janë funksione të përforcuara nga papërgjegjësia e tij ndaj akteve të kryera gjatë mandatit, perveç atyre
akteve që mund të konsiderohen si tradhëti kombëtare (art. 68 i Kushtetutës). Duke i shtuar edhe një sërë aktesh
presidenciale të cilat nuk kanë nevojë për kundërfirmë ministrore, mund të thuhet që Presidenti francez është protagonist
i jetës politike në vend.
Formalisht ka kompetenca per : Drejton FA; nuk mund te vere veto mbi legjislacion por mund ti kerkoje dhomes se ulet
ta rishikoje; mund te shpalle referendumet ne popull; te shperndaje parlamentin e te therrase zgjedhje etj.... Ne rast
perputhje me shumicen parlamentare, kryeministri eshte ndihmes i presidentit. Nese ka bashkejetese forcash politike
(pra shumica parlamentare e ndryshme nga partia e presidentit) merr rol dominues kryeministri ne drejtim politikash
qeveritare.
Ne leter kushtetuta duket qe e ben kryeministrin politikanin me te pushtetshem, por I sherben presidentit kur ky I fundit
gezon shumicen. Marredhenie besimi me dhomen e ulet. Kryeministri cakton kabinetin (ose presidenti kur ka shumicen).
Qeveria mund te legjiferoje mes dekretesh. Qeveria mund te propozoje mocion besimi per ligje, te cilat kalojne vecse
kur ngrihet nje mocion mosbesimi. Mocion mosbesimi qe kerkon shumicen absolute.
Kushtetuta dobeson legj ndaj ekzekutivit. 80% e ligjeve jane nisme e qeverise. Qeveria mund te kontrolloje axhendet e
parlamentit dhe aktivitetin e tij. Instrument i rendesisshem vota e bllokuar e cila kufizon aftesine e legjislativit per te
amenduar ligje. Nuk mund te amendoje ligje qe prekin financat, te cilat mund te propozohen vetem nga qeveria.
Franca mund të klasifikohet si një shtet me një formë qeverisje të centralizuar. Në përputhje me traditën jakobine dhe
bonapartiste të shtetit të centralizuar, Franca e vitit 1958, duket se nuk i jep në mënyrë të qartë në Kushtetuten e 4 Tetorit
të po atij viti një vend të veçantë autonomive territoriale të vendit.
Në fakt, ashtu si edhe do e vëmë re ne vijim, Kushtetuta e 4 Tetorit 1958, edhe ajo e 27.11.1946 nuk ka referime preçize
për Komunat dhe për decentralizimin, por flitet për bashkësi territoriale, të cilat njihen nëpërmjet 3 dispozitave
kushtetuese: neni 24, kap. III, që flet për Senatin si përfaqësues i bashkësisë territoriale, neni 34, kap IV, që përfshin një
projekt për parimet bazë të administrimit të lirë të bashkësive territoriale, kompetencave dhe burimeve dhe së fundmi në
nenin 72 e Titulli XII, i cili i dedikohet tërësisht enteve territoriale duke numëruar bashkësitë territoriale që ekzistojnë
(komuna, departamente dhe territore përtej detit) e njëkohësisht duke i lënë ligjëvënësit mundësinë për të krijuar çdo lloj
enti territorial.
Kjo mundësi ka bërë të mundur themelimin në vitin 1982 të Rajoneve që kanë Këshillet e tyre zgjedhëse. Këto principe
të vendosura nga Kushtetuta duhen lidhur me ato që i përkasin mbrojtjes së Republikës me karakter të pandashëm (neni
1) dhe të sovranitetit kombëtar, që siç do shohim, vendosin një sërë limitesh në funksion të këtij uniteti.
Konsiderohet prototip i shtetit unitar. 3 nivele qeverisje, qendror, rajonal dhe lokal. 26 rajone, ku 4 pertej detit. Rajonet
kane pergjegjesi per planifikimin rajonal dhe zhvillimin ekonomik. Mbi 100 departamente, si dhe niveli I bashkive qe
menazhon detyrat e komunitetit. Franca konsiderohet si prototip i shtetit unitar, por nga reformat e 1982 qeverisjes
lokale i eshte dhene nje fare kontrolli mbi taksat e te ardhurat ndaj autonomia e tyre eshte rritur.
Gjermania
Pas 1945 Gjermania ndahet në 4 zona influence mes Sh.B.A, Britanisë së Madhe, Francës dhe Bashkimit
Sovietik. Fuqitë perëndimore pas 1948 formojnë komuna, distrikte e lander. Këtu lindi Ligji Themelor në vitin
1949, i cili quhet i tillë pikërisht për faktin se nuk ishte i aprovuar nga i gjithë territori gjerman. Ky ligj do të
kthehej në Kushtetutë në vitin 1990, pas bashkimit të 5 Lander-ve Lindorë me pjesën tjetër të Gjermanisë. Ky
ligj do të mbetet i paprekur në pjesën më të madhe të tij.
Gjermania ka një kushtetutë të qëndrueshme e cila quhet edhe Ligj Themelor dhe ka forcë superiore ndaj çdo
ligji tjetër. Ligji themeltar i qendrueshem x ndryshimin e tij duhen shumice e cilesuar e te dy dhomave. Disa
tipare si sistemi federal dhe te drejtat e njeriut nuk mund te ndryshojne.
Më pas vijnë statutet e Lander-ve, pra kushtetutat e tyre e pas tyre Ligjet e zakonshme të cilat burojnë nga
Federata (pusheti qëndror) ose nga Lander-at (autonomitë lokale) sipas shpërndarjes së vendosur me ligj.
Duhet shtuar fakti se Lander-at gjermanë kanë një kompetencë “të mbetur” që do të thotë se ata mund të
miratojnë ligje për çdo disiplinë të cilën Kushtetuta nuk ja atribuon Federatës. Ne rast konflikti mbizoteron
qeveria kombetare.
1. Legjislacioni “ekskluziv” – sipas të cilit Lander-at kanë kompetenca vetëm në rast se ligji ua jep ato.
2. Legjislacioni “konkurrent” – sipas të cilit Lander-at kanë kompetenca vetëm në rastet kur federata nuk e
konsideron të rëndësishëm të legjitimojë për disiplina uniformë në të gjithë territorin.
3. Legjislacioni “kornizë” – sipas të cilit Lander-at duhet të hartojnë detajet e një ligji.
Duhet ritheksuar fakti se këto ligje varen nga Ligji Themelor i cili ka vendosur parimin e përgjithshëm sipas të
cilit e drejta federale mbizotëron mbi atë të Landerit. Sipas Ligjit Themelor, një ligj federal mund të
zëvendësohet nga një ligj i Lander-it sapo të pushojnë së ekzistuari kushtet që e bënin të domosdoshme
disiplinën uniforme.
Ndërmjet ligjeve federale duhet të dallohen ato ligje për aprovimin e të cilave kërkohet Konsensusi si i
Bundestag (Dhoma Kombëtare) dhe ai Bundestrat (Dhoma e Lartë).
Shtet federal.
Sistem parlamentar, por shpesh quhet demokraci kancelare pasi kancelari figura me e pushtetshme
Presidenti (Bundesprasiden) është kreu i shtetit dhe zgjidhet nga Asambleja Federale një organ i përbërë prej
anëtarëve të Bundestagut (dhoma e ulet) dhe nga një numër i barabartë përfaqësuesish të zgjedhur me votim të
fshehtë nga parlamenti i çdo landi. Presidenti federal zgjidhet me një mandat 5 vjeçar dhe me një mundësi të
rizgjedhjes për një mandat tjetër.
Kompetencat e Presidentit Federal janë kryesisht ceremoniale: përfaqësimi ndërkombëtar, emërimi i ministrave, i
funksionarëve dhe i gjykatësve federale si dhe shpallja e ligjeve. Veto pezulluese. Këto kompetenca janë
kryesisht formale pasi kanë gjithnjë nevojë për kundërfirmën e Kancelarit. Gjithashtu, Presidenti Federal i
parashtron Gjykatës Kushtetuese çështje të ndryshme, ratifikon traktatet ndërkombëtare, emëron disa funksionarë
të lartë, por ndryshe nga sistemet e tjera parlamentare nuk komandon forcat e armatosura. Presidenti gjithashtu
emëron Kancelarin ose Kreun e qeverisë pasi ai të jetë zgjedhur nga Bundestagu. Kompetencat thelbësore që i
përkasin vetëm atij janë: emërimi i Kancelarit, zëvendësimi i tij, shpërndarja e parakohshme e Bundestag-ut,
kërkesa ndaj Kancelarit që jep dorëheqjen që të qëndrojë në detyrë deri në emërimin e të riut.
Kancelari gjerman, për nga funksionet dhe kompetencat e tij ngjason me Premierin britanik, me ndryshimin
kryesor, që këtij të parit i duhet të qeverisë një qeveri koalicioni e jo një ngjyrësh.
Ligji Themelor përcakton se Qeveria federale përbëhet nga Kancelari dhe nga Ministrat, të cilët janë rreth 20 (me
mundësinë e pranisë dhe të Ministrave pa portofol). Caktohet formalisht nga presidenti pasi eshte zakonisht lideri
i shumices ne dhomen e ulet. Vetëm Kancelari dhe jo Ministrat marrin mandatin e votëbesimit nga ana e
Bundestagut (dhoma e ulet). Në këtë mënyrë, Kancelari mban një pozicion më të lartë në lidhje me Ministrat, të
cilët mund të emërohen dhe shkarkohen nga Presidenti federal me propozim të Kancelari. Kancelari mund të
lagohet nga një “mocion i mungesës së besimit” konstruktiv nga Bundestagu, ku konstruktiv do të thotë që
Bundestagu më pas zgjedh një pasues me shumice absolute. Kancelarit të drejtën për të vendosur linjat drejtuese
të politikës federale për të cilat është i përgjegjshëm, drejton çështjet qeveritare sipas një rregulli të ndërmarrë
nga Qeveria dhe të aprovuar nga Presidenti Federal:
Nga të gjitha këto mund të thuhet se çështjet ekskluzive të Lander-ve janë të pakta dhe modeste; ato të interesit
lokal, rregullit publik, fesë etj. Megjithëse, me ndërhyrjen ose vlerësimin e Gjykatës Federale, shumë Landera
mund të marrin pjesë edhe tek çështjet me bashkëpunim.
GB
Tradita e fortë demokratike në Britaninë e Madhe,
i ka legjitimuar kaq shumë institucionet e saj saqë Britania mbetet i vetmi vend në historinë e demokracive
moderne, pa një Kushtetutë të shkruar formalisht. Nuk ka ligj të shkruar formalisht në Britaninë e Madhe, që të
jetë ligjërisht superior ndaj një Akti të Parlamentit. Koncepti i një Kushtetute në këtë kuptim i referohet atyre
parimeve të sistemit që janë themelore, d.m.th këto parime janë natyra e vertetë e sistemit.
Kushtetute jo nje dokument i vetem i shkruar, disa burime. Këto rrethana themelore në Britani mishërohen në
katër lloje burimesh: Së pari, dhe më e rendësishmja janë tradita dhe zakoni i fortë, që i jep formë sistemit. Së
dyti, janë disa dokumente, qe shënojnë epokë, me kuptimin simbolik, që shtrihet përtej përmbajtjes së tyre fjalë
për fjalë, siç mund të jetë Magna Carta. Së treti, janë disa akte të Parlamentit. Së katërti, janë disa parime të së
drejtës angleze. Duhet vënë re se dy lloje parimesh kushtetuese janë të ligjshme: parimi se monarku eshte i
detyruar të ‘miratojë’ akte, që janë kaluar rregullisht në Parlament dhe kjo është zakonore.
Rëndësia e traditës dhe qasja e qëndrueshme evolucionare ndaj bërjes së politikës në Britani, e cila ka qënë
objekt admirimi për studiuesit e qeverive demokratike për kaq kohë, vitet e fundit është analizuar në mënyrë
kritike si pjesë e rishqyrtimit të domethënies së përvojës britanike si demokraci e qëndrueshme dhe e efektshme.
1. Republikanizmi
2. Federalizmi
3. Ndarja e pushteteve
4. Kontrolli dhe barazpeshimi
5. Bill of Rights-Deklarata e të drejtave
Në majë të hierarkisë së ligjeve qëndron Kushtetuta e cila
është tepër e qëndrueshme për faktin se disa pjesë të saj janë deklaruar të pamodifikueshme, proçedurat për ta ndryshuar atë
janë shumë të vështira si edhe i janë dhënë kompetenca pushtetit gjyqësor për të ndaluar që aktet e ekzekutivit të bien ndesh
me Kushtetutën.
Kësaj qëndrueshmërie i kundërvihet fleksibiliteti i formulimeve të veçanta të Kushtetutës, të cilat i lejojnë shumë hapësirë
interpretimi pushtetit gjyqësor (për këtë është kompetente Gjykata Supreme). Kjo ka lejuar përshtatshmërinë e kushtetutës me
ndryshueshmërinë e shoqërisë amerikane në këta dy shekuj. Ajo është amenduar vetëm 27 herë në këto dyqind vjetët e
ekzistencës së saj ndër këto mund të përmendim heqjen e skllavërisë më 1868 dhe dhënien e së drejtës së votës për gratë më
1920.
1. Neni IV : Impenjimi i Federatës për t’i garantuar çdo shteti të bashkimit formën e qeverisjes republikane ( e
pamodifikueshme).
2. Prezenca në senat e një numri të barabartë përfaqësuesish shtetesh, dy për çdo shtet që do të thotë gjithsej 100 përfaqsues.
3. Ndarja e pushteteve, karakteri federalist, forma e shtetit.
4. Të drejtat e siguruara nga Bill of Rights. Ato përfaqësojnë ruajtjen e “dhuratës së lirisë“ të shpallur në hyrje të kushtetutës
si qëllim për lindjen e bashkimit të shteteve. Bill of Rights përmban lirinë për ushtrimin e fesë, fjalës, shtypit, organizimit, të
pasurit të pronës, etj.
Vete termi Constitution (kushtetutë) në ShBA, nënkupton people's consent, pra qeverisjen me bazë në vullnetin e popullit,
garant për të cilën është vetë kushtetuta. Kushtetuta konsiderohet një kontratë (një renie dakord e shkruar) ndërmjet qeverisë
federale dhe popullit amerikan.
Fill pas Kushtetutës për nga rëndësia vijnë burimet federale (ligjet federale të aprovuara nga Kongresi, “statues“, plus aktet me
vlerë ligjore të qeverisë “bill” ose “joint resolution” ) dhe burimet shtetërore ( kushtetutat e shteteve të veçanta)
Për sa i përket secondary legislation bëjnë pjesë aktet pa forcë ligji të miratuara nga qeveria. Ato kanë fuqi rregulluese nga ana
e presidentit ose e ministrave të veçantë.
Më pas vijnë Common law (rregulla të formuluara nga organet gjyqësore antike të Mbretërisë së Britanisë së Madhe) që janë
përmbledhje të rasteve të veçanta gjyqësore. Mbizotëron rregulla e “stare decicis” , pra e precedentit gjyqësor. Common law
dhe equity përmenden në Kushtetutë pasi vijnë nga tradita koloniale dhe bazohen në precedentët gjyqësor.
Kongresi është dy dhomësh asimetrik, senati supremaci. Janë 435 deputetë në dhomën e ulët pra në Dhomën e Përfaqësuesve
(House of Representatives) dhe 100 në Senat.
Dhoma e ulët: zgjidhet drejtpërdrejt nga populli. Dhoma e ulët rinovohet çdo 2 vjet, pra në fillim të mandatit presidencial dhe
në mes të tij.
Senati: votojnë shtetet, ku pavarsisht numrit të popullsisë, nxirren vetëm dy senatorë për çdo shtet. Dhe kjo është hartuar në
mënyrë të tillë, që të përfaqësohen shtetet anëtare në emër të parimit federal. Senatorët kanë mandat 6 vjeçar dhe 1/3 e tyre
është e rinovueshme për çdo 2 vjet. Duket sikur SHBA është në fushatë elektorale të përhershme.
Për të dyja dhomat sistemi elektoral është maxhoritar me një turn të vetëm (maxhoritar i pastër). Në senat çdo shtet ka nga dy
përfaqësues. Në dhomën e ulët numri i përfaqësuesve varet nga numri i popullsisë.
Senatit i njihen disa kompetenca ekskluzive, pra të rezervuara vetëm për të si: - Konfirmimi i
emërimeve të bëra nga Presidenti i zyrtarëve të lartë brenda dhe jashtë vendit.
- Ratifikimi i të gjitha traktateve me 2/3 e votave. Refuzimi që bën Senati ka fuqi ‘anuluese’.
Në tërësi, kompetencat e Senatit realizohen sipas përcaktimit të Madison si “instrument për fragmentarizimin e pushtetit
legjislativ dhe si një roje kundër mbizotërimit të ekzekutivit”. Senati ka edhe kompetenca të tjera ekskluzive, si e drejta për
shqyrtimin e ‘impeachment’ (padisë) të paraqitur nga Dhoma e Përfaqësuesve për zyrtarët e lartë.
Dhoma e Përfaqësuesve ka të drejtë të kontrollojë Presidentin, Zëvendëspresidentin dhe zyrtarët e tjerë të lartë, si dhe të ngrejë
padi ndaj tyre kur konstaton shkelje të kushtetutës dhe për vepra penale të tradhëtisë kombëtare, marrjes së rryshfetit apo
krime e kundravajtje të tjera, çka d.t.th se Dhoma e Përfaqësuesve, merr “kompetencat e prokurorit”. Por është Senati ai që
vihet në rolin e “trupit gjykues” dhe senatorët që bëjnë betimin solemn për përkushtim ndaj drejtësisë dhe paanësi dhe
vendosin me 2/3 e votave. Për drejtimin e seancës senatorët zgjedhin një person nga rradhët e tyre.Vetëm në rastin e padisë
ndaj Presidentit gjykimin e drejton kryetari i Gjykatës së Lartë.
Kujt i takon nisma për përgatitjen dhe paraqitjen për shqyrtim të projektligjit? Sipas
Kushtetutës Amerikane, të drejtën e nismës ligjore e ka Presidenti, kongresmenë të veçantë, dhomat e Kongresit dhe zgjedhësit
e tjerë.
Kushtetuta ua njeh të drejtën anëtarëve të Kongresit që të paraqesin zyrtarisht një projektligj. Paramendohet që kjo është në
përgjigje të vullnetit të zgjedhësve apo grupeve të interesit. Dhomat e Kongresit kanë të drejtë të hartojnë rezoluta, nëpërmjet
të cilave paraqitet një projektligj që duhet miratuar.
.
Demokracia e drejtpërdrejtë
Shpërndarja e kompetencave ligjore bazohet pikërisht në këto dy nivele sipas Kushtetutës ( neni 3). Kushtetuta vetë është
shumë e qëndrueshme, jo fleksibël dhe mund të modifikohet vetëm me anë të proçedurave shumë të komplikuara (neni 193-
195).
Në majë të sistemit të burimeve të ligjit është Kushtetuta. Normat ndërkombëtare kanë pozicion të veçantë, karshi normave
bazë. Pas saj vijnë ligjet për revizionin e Kushtetutës. Më pas vijnë ligjet federale e pas tyre Kushtetuta e kantoneve të cilat
nuk duhet të jenë kontradiktore më Kushtetutën federale dhe duhet të ruajnë sipas Kushtetutës së përgjithshme, garancinë për
federalizmin.
Neni 5 i Kushtetutës i imponon Konfederatës të respektojë të drejtën ndërkombëtare, ndërsa nenet 139, 193, dhe 194
stabilizojnë, që të njëjtat iniciativa të revizionit të Kushtetutës nuk mund të prekin rregullat “jus cogens” të së drejtës
ndërkombëtare (pra ato të cilat ndalojnë agresionin, gjenocidin dhe torturën).
Ligjet nën ato kushtetuese dhe ndërkombëtare janë ligjet federale ose të kantoneve me prejardhje nga parlamenti ose qeveria.
Përsa i përket ligjeve të miratuara nga Parlamenti mund të thuhet se: Parlamenti (Asambleja Federale) mund të miratojë ligje,
norma juridike dhe urdhëresa. Rregulli është që normat juridike me rëndësi të madhe (si për shembull ato që kanë të bëjnë me
ushtrimin e të drejtave politike, me ngushtimin e të drejtave kushtetuese dhe me përcaktimin e detyrave të Konfederatës)
miratohen si ligje federale, ligje që duhet të kalohen në referendum popullor.
Ndërsa përsa i përket ligjeve, që prodhohen nga qeveria mund të thuhet se: Qeveria (Këshilli Federal) ka të drejtën të
ekzekutojë ligjet e Asamblesë por edhe të miratojë norma të së drejtës në formën e urdhëresave në qoftë se këtë e lejon
Kushtetuta ose një ligj. Në rastin e parë quhen “të pavarura”. Nën “heshtjen kushtetuese”, qeveria ka kompetenca të miratojë
në raste urgjente “urdhëresa të nevojave primare’.
Burimet ligjore të kantoneve : Kantonet mund të miratojnë ligje, dekrete, masa qeverie. Me ligjet federale nuk kanë raporte
hierarkie, por kompetencash (përveç faktit që duhet t’i nënshtrohen Kushtetutës federale).
- Dhoma e lartë (Këshilli i Shteteve) i formuar nga 46 përfaqësues të kantoneve, të cilët zgjidhen nga popullsia e kantoneve
me një sistem pergjithesisht mazhoritar me 2 turne, por cdo kanton mund ta caktoje vete sistemin. Shumica e kantoneve
mund të dërgojnë nga 2 anëtarë. Për arsye historike 6 kantone konsiderohen gjysmë kantone dhe dhe mund të dërgojnë vetëm
nga një përfaqësues.
E veçanta në këtë sistem është raporti qeveri-parlament, pasi nuk ekziston një raport besimi/ mosbesimi si në vendet e tjera
parlamentare. Parlamenti nuk mund të mosbesojë qeverinë dhe anasjelltas, qeveria nuk mund të shpërbëjë parlamentin dhe as
nuk mund të japë dorëheqjen.
Gjithçka ekuilibrohet me atë të “demokracisë së drejtpërdrejtë”, me anë të referendumeve dhe me anë të 3 partive kryesore në
vend të cilët zënë rreth 20 % të votave të përgjithshme. Një element tjetër i formulës magjike të ekuilibrit të jetës politike në
vend është edhe fakti që Direktorati drejtues i qeverisë është zakonisht i përbërë nga 2 përfaqësues të secilës prej 3 partive të
mëdha dhe 1 përfaqësues nga partitë e vogla më të rëndësishme. Në kompleks sistemi funksionon megjithëse kemi të bëjmë
me një numër shumë të lartë partish ekzistuese të mëdha si radikalët, demokristianët, socialistët, demokratët e qëndrës dhe
shumë parti të vogla si evangjelistët popullore, kristiano-socialët, komunistët, ekologjistët etj.
Parlamenti bën ligjet federale, mbikëqyr administratën federale dhe zgjedh të shtatë anëtarët e kabinetit – Qeverinë Zvicerane
- si dhe anëtarët e gjyqësorit federalë.Çdo vit Asambleja Federale zgjedh nga rradhët e shtatë këshilltarëve federalë (qeverisë)
Presidentin dhe zëvendës Presidentin e Këshillit Federal.
Zvicra është një shtet federal dhe demokratik – pluralist. Federalizmi bazohet në nenin 3 të Kushtetutës i cili u siguron
Sovranitetin Kantoneve, megjithëse këto të fundit edhe në fushat ku kanë shumë autonomi duhet të respektojnë të drejtën
federale. Sovraniteti i kantoneve ka edhe limite të tjera si për shembull ai i vendos të gjithë qytetarët si të barabartë para
Kushtetutës qëndrore, ndaj mund të flasim për pothuajse-sovranitet.
Federalizmi megjithatë mbetet i fortë dhe i karakterizuar nga bashkëpunimi qendër-periferi dhe kjo shihet edhe në formimin e
parlamentit i cili përbëhet nga 2 dhomat: Këshilli Kombëtar dhe Këshilli i Shteteve që formojnë të dyja Këshillin e madh.
Kantonet janë aktulisht 26 prej të cilëve 6 quhen si gjysëm-kantone. Ato nuk janë plotësisht sovrane, por me autonomi të gjerë
e të barabartë mes tyre. Kushtetuta siguron tutelën e ekzistencës së tyre, të rregullores së tyre kushtetuese, territoret dhe
federalizmin. Secili kanton ka një kushtetutë, një parlament njëdhomësh (Landsgemeinde-asamble kantonale), një qeveri të
vogël në numër dhe organet përkatëse të drejtësisë.
Të gjitha kompetencat të cilat nuk u janë atribuar në mënyrë konkrete nga kushtetuta qeverisë federale, ushtrohen nga
kantonet në respekt të parimeve bazë të shtetit. Disa nga kompetencat e tyre janë: iniciativë legjislative dhe referenduese si
dhe revizion kushtetues duke respektuar vullnetin federal. Kantonet gëzojnë një autonomi të madhe administrative dhe lirinë e
vendimmarrjes. Ato kanë kontroll të pavarur mbi sistemet e tyre të arsimit dhe shërbimeve sociale dhe secili ka forcën e vet
policore. Çdo kanton përcakton gjithashtu edhe nivelin e vet të taksave.
Janë vetë kantonet të cilat vendosin për shkallën e autonomisë së komunave përbërëse të tyre. Bëhet fjalë për një federalizëm
bashkëpunues (Konferenca e qeverive kantonale në vitin 1993). Kantonet ndahen në distrikte (ndarje administrative) dhe
komuna (ndarje politike). Kantoni kryen detyra që kanë të bëjnë me të gjitha komunat. Tek kantonet ekziston decentralizimi
administrativ dhe politik që nga viti 1999 sipas të cilit ato janë ekskluzivisht përgjegjëse për policinë lokale, menaxhimin e
territorit, transportin publik etj. Janë komunat dhe jo qyteti që japin shtetësinë zvicerane.