DON BOSCO ACADEMY

MABIGA, MABALACAT CITY, PROVINCE OF PAMPANGA

A.Y. 2018-2019

NOLI ME TANGERE
T o u c h m e N o t

ISINULAT NINA:
AEN LOUISE P. RIVERA
ANDREI GABRIEL R. ALZAGA
LUIS RAPHAEL S. DUNGAO

9-CIMATTI

A. Y. 2018 – 2019
 Page | 1

[INTRO]
[SCENE 1]

*HINAHABOL NG MGA GUWARDIYA SIBIL SI ELLIAS NGUNIT AKALA

NILA NA ITO AY SI IBARRA.
 Page | 2

[SCENE 2]
[KABANATA 1: ISANG SALU- SALO & KABANATA 2: SI CRISOSTOMO
IBARRA]
TAGPUAN: BAHAY NI KAPITAN TIAGO
TAUHAN: | TIYA ISABEL | PADRE DAMASO | PADRE SIBYLA |
TINYENTE GUEVARRA | KAPITAN TIAGO | CRISOSTOMO IBARRA | DON
TIBURCIO | DONYA VICTORINA | SINANG | IDAY | VICTORIA |
ANDENG | ALPERES | DONYA CONSOLACION | BISITANG BABAE
MUSIKA NG EKSENA: “THE WEDDING DANCE WALTZ”
*LIGHTS ON
NARRATOR:
MAGTATAPOS NA ANG OKTUBRE NANG MAGPAHAPUNAN SI DON SANTIAGO
DE LOS SANTOS O KILALA BILANG KAPITAN TIYAGO SA KANYANG
MAGARANG TAHANAN.
(LAHAT NG MGA BISITA NI KAPITAN TIYAGO AY NASA LABAS NG KANYANG
BAHAY NAGHIHINTAY PARA BUKSAN NI TIYA ISABEL ANG PINTO.)

TIYA ISABEL:

ISANG MAGANDANG HAPON SA INYONG LAHAT NA BISITA NI KAPITAN

TIYAGO! MAARI NAKAYO MAGSIPASOK SA BAHAY.
(SAYAWAN)
(LAHAT NG MGA BISITA NI KAPITAN TIYAGO AY PAPASOK NA SA BAHAY AT
NAGSISIBATIAN NA NG MAGANDANG HAPON SA BAWAT ISA. MGA
NAKAKASALMUHA NI TIYA ISABEL SA PINTO AY KANYANG BINABATI BILANG
SIMBOLO NG MARESPETONG PAGSALUBONG.)

(MAGSASAMA-SAMA ANG MGA BABAE AT LALAKI AT MAGSASAMA SAMA SILA

DAMASO, SIBYLA, AT TINYENTE GUEVERRA SA ISANG.)

PADRE DAMASO:

GAYA NG PANINIWALA KO SA EBANGHELYO, ANG MGA INDIO AY

MAPAGPABAYA!
PADRE SIBYLA:

PADRE DAMASO, HINDI BA KAYO NASIYAHAN NA IKA’Y DALAWAMPUNG

TAON SA BAYAN NG SAN DIEGO?
 Page | 3

PADRE DAMASO:

HINDI! KUNG WALANG KALAYAAN ANG MAGKURA AY MAPAPAHAMAK ANG

BAYAN.
(BAHAGYANG MAPAPATAYO SI TINYENTE GUEVARRA AT MAPAPATANONG.)

TINYENTE GUEVARRA:

ANO ANG IBIG NIYONG SABIHIN?

PADRE DAMASO:
(LALONG INILAKAS ANG BOSES NI PADRE DAMASO AT HINARAP ANG
TINYENTE.) ANO ANG IBIG KONG SABIHIN!? SINASABI KO ANG IBIG
KONG SABIHIN! ANG MGA EREHENG KAAWAY NG DIYOS AY PINANIGAN
NG PAMAHALAAN! IYAN ANG SANHI NG MGA KAPAHAMAKAN! ANG
HARI’Y DI DAPAT MAKIALAM! ANG KURA’Y SIYANG SUSUNDAN!
TINYENTE:

NGUNIT MAY KARAPATAN ANG KAPITAN HENERAL SAPAGKAT ITO ANG

KINATAWAN NG HARI. BAWIIN NINYO ANG IYONG SINABI, KUNG
HINDI, BUKAS NA BUKAS DI’Y MALALAMAN IYAN NG HENERAL.
(NAGKAINITAN SINA PADRE DAMASO AT TINYENTE GUEVARRA. NAMAGITAN SI
PADRE SIBYLA SA DALAWA.)

TINYENTE:

TOTOO’Y HINDI SIYA NANGUNGUMPISAL TULAD KO. NGUNIT ANG

SABING SIYA’Y NAGPAKAMATAY AY ISANG KASINUNGALINGAN. NANG
BUMALIK ANG KURA, PAGKATAPOS BUGBUGIN ANG POBRENG
KOADYUTOR, IPINAHUKAY ANG BANGKAY AT IPINALABAS NG
SEMENTERYO PARA ILIBING KUNG SAAN. KAYA’T NAKARATING ITO SA
KANIYANG KATAAS-TAASAN AT INILIPAT SI PADRE DAMASO SA IBANG
MAS MABUTING BAYAN.
(LUMAYO ANG TINYENTE AT UNTI-UNTING NAGBALIK ANG KATIWASAYAN SA
BULWAGAN. DUMATING ANG MAG-ASAWANG SINA DR. DE ESPADAÑA AT DONYA
VICTORINA. KAAKBAY NI KAPITAN TIAGO SI CRISOSTOMO IBARRA.)

(PAPASOK SI DONYA VICTORINA NG AKSIDENTENG MAY NAKA-APAK SA

KANYANG BARO.)

BISITANG BABAE:
PAUMANHIN PO DONYA VICTORINA, HINDI KO PO SINASADYA.
 Page | 4

DONYA VICTORINA:

(PAGSASABIHAN NI VICTORINA ANG BISITA NG PAGALIT) DIMO BA

NAKIKITA ANG YONG DINARAANAN?! WALA KABANG MATA?! HA!?
(SIGHS AT MAGLALAKAD PAALIS)
KAPITAN TIAGO:

(PAPASOK SI KAPITAN TIAGO SA ENTABLADO) MGA KAIBIGA! AKING

IKINAGAGALAK NA IPAKILALA SA INYO SI DON CRISOSTOMO IBARRA,
ANAK NG YUMAO KONG KAIBIGAN.
CRISOSTOMO IBARRA:

IKINAGAGALAK KO KAYONG MAKILALA! AKO’Y KADARATING BUHAT NG

PITONG TAONG PAG-AARAL SA EUROPA. (MAKIKITA NI IBARRA SI PADRE
DAMASO NA NAKAUPO.)

ABA! ANG KURA NG AKING BAYAN! SI PADRE DAMASO, ANG MATALIK

NA KAIBIGAN NG AKING AMA!
(IAABOT NI IBARRA ANG KANYANG KAMAY KAY PADRE DAMASO NGUNIT HINDI
ITO TATANGGAPIN NI PADRE DAMASO.)

IPAGPATAWAG PO NINYO NA AKO’Y NAGKAMALI.

(SABAY IBABABA NI IBARRA ANG KANYANG KAMAY.)

PADRE DAMASO:

HINDI KA NAGKAKAMALI, NGUNIT KAILANMAN HINDI KO NAGING

MATALIK NA KAIBIGAN ANG IYONG AMA.
(HIYANG-HIYA MAPAPAYUKO SI IBARRA. SIYA’Y TUMALIKOD AT BUMATI SA
MGA PANAUHIN. TUTUNOG ANG KAMPANILYA NA MAGSASABING HANDA NA ANG
PAGKAIN.)

KAPITAN TIAGO:

MGA KAPAMILYA, AT MGA KAIBIGAN. HANDA NA ANG PAGKAIN!

HALINA’T SA HAPAGKAINAN!
 Page | 5

*LIGHTS OFF…
*TRANSITION MUSIC FOR NEXT SCENE PREPARATION.

[SCENE 3]

[KABANATA 3: ANG HAPUNAN]

*AAYUSIN ANG MGA LAMESA SA ENTABLADO PARA SA HAPUNAN
TAGPUAN: HAPAG-KAINAN SA BAHAY NI KAPITAN TIAGO
TAUHAN: | PADRE SIBYLA | PADRE DAMASO | LARUJA | CRISOSTOMO
IBARRA | KAPITAN TIAGO | MAPULANG BUHOK | DONYA VICTORINA |
DON TIBURCIO
MUSIKA NG EKSENA: “………….”

LIGHTS ON…
(PAPUNTA LAHAT SA LAMESA PARA MAGSIMULA SA HAPUNAN.)

*BE OUR GUEST

*TENSE MUSIC

(MAGUUNAHAN SINA PADRE DAMASO AT PADRE SIBYLA SA GITNANG

UPUAN)
PADRE SIBYLA:

PADRE DAMASO, SA INYO NARARAPAT.

PADRE DAMASO:

SA INYO, PADRE SIBYLA.

PADRE SIBYLA:

KAYO ANG MATAGAL NA KAKILALA AT KUMPESOR NG YUMAONG

MAYBAHAY.
PADRE DAMASO:

NGUNIT HINDI AKO NAKATATANDA RITO AT IKAW ANG KURA NG

KARATIG-POOK!
 Page | 6

PADRE SIBYLA:

KUNG SIYA NINYONG UTOS, SIYANG MASUSUNOD.(UUPO SI PADRE

SIBYLA SA KABISERA. PAGALIT NA SASAGOT SI PADRE DAMASO.)

PADRE DAMASO

HINDI KO INIUUTOS! HINDI KO INIUUTOS!

KAPITAN TIAGO

IHAIN NA ANG TINOLA!

(IHAHAIN NG KATULONG ANG TINOLA. SUSUBO SI PADRE DAMASO AT
IBABAGSAK ANG KUTSARA)
LARUJA:

BAKA NALIMOT NINYO ANG IYONG BAYAN SA TAGAL NG PAMAMALAGI

MO SA EUROPA?
CRISOSTOMO IBARRA:

KAHIT AKO’Y KALIMUTAN NG AKING BAYAN, SA LAHAT NG SANDALI’Y

INAALALA KO SIYA.
MAPULANG BUHOK:

SEÑOR IBARRA, ANO ANG PINAKAMAHALAGANG BAGAY NA NAKATAWAG

SA IYONG PANSIN SA PAMAMALAGI MO SA EUROPA?
CRISOSTOMO IBARRA:

MASASABI KO ANG PINAKAMAHALAGANG NATUTUNAN KO AY ANG

KAPALARAN NG ISANG BANSA AY NAKASALALAY SA PANINIWALA NG
MGA TAO NA ANG KAPAKANANG PANSARILI AT KAPAKANAN NG BANSA
AY HINDI MAPAGHIHIWALAY.
PADRE DAMASO:

(TITINGIN SI PADRE DAMASO KAY IBARRA.) IYAN LANG ANG

NATUTUNAN MO? SAYANG ANG GINUGOL MONG YAMAN! ALAM IYAN NG
KAHIT SINONG NAG-AARAL! ISA KANG TUNAY NA INDIO!
(TATAYO SI IBARRA.)

CRISOSTOMO IBARRA:
 Page | 7

MGA GINOO, IPAHINTULOT NINYO ANG AKING PAGLISAN, SAPAGKAT

AKO’Y MAAGANG AALIS BUKAS. (ITATAAS NI IBARRA ANG KOPITA.)
CRISOSTOMO IBARRA (CONT’D):

MGA GINOO, SA NGALAN NG ESPANYA AT FILIPINAS!

(SABAY ITATAAS NG LAHAT NG BISITA ANG KANILANG KOPITA AT UULITIN
ANG SINABI NI IBARRA AT MASAYANG IINOM.)

(LALAKAD PALABAS SI IBARRA)

KAPITAN TIAGO:

CRISOSTOMO! HUWAG MUNA KAYONG UMALIS! DARATING SI MARIA

CLARA AT ANG BAGONG KURA NG INYONG BAYAN.
CRISOSTOMO IBARRA:

MARAMING SALAMAT PO KAPITAN. AKO MUNA PO’Y DADAAN DITO

BUKAS BAGO UMALIS.
*LIGHTS OFF…
*TRANSITION MUSIC FOR NECESSARY ARRANGEMENTS

[SCENE 4]

[KABANATA 4: EREHE AT FILIBUSTERO AT KABANATA 5: ISANG

BITUIN SA GABING MADILIM]
TAGPUAN: SA LABAS NG BAHAY NI KAPITAN TIAGO
TAUHAN: | TINYENTE GUEVARRA | CRISOSTOMO IBARRA |
MUSIKA NG EKSENA: ...

NARRATOR:
NAGLALAKAD SI IBARRA SA KALSADA AT BIGLANG SINAMAHAN NG
ISANG GINOONG NAG-NGANGALANG TENYENTE GUEVARRA
TINYENTE GUEVARRA:

GINOO, MAG-IINGAT KA. MATUTO KA SA SINAPIT NG INYONG AMA.

CRISOSTOMO IBARRA:
 Page | 8

KILALA MO ANG AKING AMA? MAAARI BA NINYONG SABIHIN SA AKIN

ANG NAGING KAPALARAN NG AKING AMA?
TINYENTE GUEVARRA:

GINOO, HINDI MO PA ALAM?

CRISOSTOMO IBARRA:

ITINANONG KO KAY DON SANTIAGO NGUNIT NANGAKONG BUKAS

SASABIHIN. GINOO, BAKA MAY ALAM KAYO?
TINYENTE GUEVARRA:

NAMATAY ANG IYONG AMA SA BILANGGUAN…

(MAGUGULAT SI IBARRA SA SINABI NI TINYENTE GUEVARRA.)

CRISOSTOMO IBARRA:

ANO? SA BILANGGUAN? GINOO, KILALA MO ANG AMA KO? SI DON

RAFAEL IBARRA?
TINYENTE GUEVARRA:

PALAGAY KO, HINDI AKO MAGKAKAMALI, SI DON RAFAEL NGA. AKALA

KO’Y ALAM NINYO.
(BABAGALAN NI IBARRA AT TINYENTE GUEVARRA ANG KANILANG
PAGLALAKAD.)
CRISOSTOMO IBARRA

ANO ANG SANHI NG KANYANG PAGKABILANGGO?

TINYENTE GUEVARRA

ISANG SANHING NAPAKARANGAL.

NARRATOR:

PATULOY NA NAGLALAKAD SINA IBARRA AT TINYENTE GUEVARRA.

HANGGANG ITO’Y AY MAKARATING SA FONDA DE LALA UPANG
MAMAHINGA.
CRISOSTOMO IBARRA:

MARAMING SALAMAT PO GINO SA ORAS INYONG INILAHAD SA PUNTONG

ITO NAIS KO NA PONG MAGPAHINGA SA AKING SILID.
TINYENTE GUEVARRA:
 Page | 9

WALANG ANO MAN CRISOSTOMO! MAGANDANG GABI.

NARRATOR:
SA KANYANG PAGDATING SA FONDA DE LALA SIYA AY BALISANG
BALISANG PUMANHIK SA KANIYANG SILID NA NAKAPANUNGHAY SA
ILOG, SUMADLAK SA ISANG SILYON, AT SINASALAMIN ANG LAWAK NA
DINULOT NG NAKABUKAS NA BINATA. ISANG NAPAKALIWANAG NA
BAHAY SA IBAYONG PAMPANG AT UMAABOT SA KANIYA ANG MASIGLANG
TUGTUGAN NA PINANGINGIBABAWAN NG MGA INSTRUMENTONG DE-
KUWERDAS NA NAGBIBIGAY SA KANIYA NG IDEA NA SI MARIA CLARA
AY NAROROON SA BAHAY NI KAPITAN TIYAGO.
CRISOSTOMO IBARRA:

REFLECTION or HOW DOES A MOMENT LAST FOREVER♫♪♬

(LYRICS TO BE FOLLOWED)

*LIGHTS OFF
*TRANSITION MUSIC

[SCENE 5]

[KABANATA 7: SUYUAN SA ASOTEA]

TAGPUAN: BAHAY NI KAPITAN TIAGO
TAUHAN: | MARIA CLARA | KAPITAN TIAGO | TIYA ISABEL |
CRISOSTOMO IBARRA |
*LIGHTS ON
NARRATOR:
MAKIKITANG NANANAHI SI MARIA CLARA HABANG NAGWAWALIS SI
TIYA ISABEL. PAPASOK SI KAPITAN TIAGO SA LOOB NG KWARTO AT
LALAPITAN SI MARIA CLARA. AT ITO’Y KANYANG TATANUNGIN.
KAPITAN TIAGO:

MARIA CLARA, NAPAKAPUTLA MO, KAILANGAN MO NG SARIWANG

HANGIN. IBIG MO BA SA MALABON… O SA SAN DIEGO?

TIYA ISABEL:
 P a g e | 10

TIAGO AKING PINSAN! HIGIT NA MABUTI SA KANIYA ANG SAN

DIEGO. MAGANDA ANG BAHAY NATIN DOON AT MALAPIT NA ANG
PISTA!
(MARIRINIG ANG PAGHINTO NG ISANG KARWAHE. ILANG SANDALI’Y
DARATING SI IBARRA.)
KAPITAN TIAGO:

DON CRISOSTOMO!
(MAGUGULAT AT MAMUMUTLA SI MARIA CLARA HANGGANG SA MABITAWAN NIYA
ANG TINATAHI.)

MARIA CLARA:

CRISOSTOMO…
CRISOSTOMO IBARRA:

MARIA AKING SINTA!

NARRATOR:

AT SA MULI NILANG PAGKIKITA SILA AY DUMARETSO SA ASOTEA AT

KANILANG PINAGUSAPAN…
*HOW DOES A MOMENT LAST FOREVER OR DAYS IN THE SUN FROM
BEAUTY AND THE BEAST O.S.T
MARIA CLARA:

HINDI MO BA AKO NALILIMOT SA IYONG MGA PAGLALAKBAY?

NAPAKARAMING MAGAGANDANG DALAGA SA EUROPA!
CRISOSTOMO IBARRA:

ANG IYONG ALAALA’Y KASAMA KO SA LAHAT NG SANDALI AT SIYANG

TANGING ALIW NG NALULUNGKOT KONG KALULUWA NANG AKO’Y NASA
IBANG BAYAN.
(ILALABAS NI IBARRA ANG DAHON NG SAMBONG AT IAABOT KAY MARIA
CLARA.)
*SHOOT VIDEO CLIPS AS A SUPPORT BACKGROUND TO THE SCENE

MARIA, NAALALA MO ANG DAHON NG SAMBONG?

MARIA CLARA:
 P a g e | 11

O CRISOSTOMO, TINABI MO NGA.

(IBABALIK ANG DAHON NG SAMBONG KAY IBARRA. ILALABAS NI
MARIA CLARA ANG LIHAM NA HULING BINIGAY SA KANYA NI IBARRA.
BABASAHIN ITO NI MARIA CLARA.)
CRISOSTOMO IBARRA:

IYAN BA ANG BINIGAY KO SA’YO BAGO AKO UMALIS?

MARIA CLARA:

OO. NAKASAAD SA SULAT KUNG BAKIT NAIS NG IYONG AMA NA

PAPAG-ARALIN KA SA EUROPA.
(MAPAPATAYO AT MAMUMUTLA SI IBARRA.)
CRISOSTOMO IBARRA:

DAHIL SA’YO AY NALIMUTAN KO ANG AKING TUNGKULIN. KAILANGAN

NA PALA AKONG UMUWI DAHIL BUKAS AY UNDAS NA.
MARIA CLARA:
MAG-INGAT KA, CRISOSTOMO.
(AALIS SI IBARRA AT MAG-ISANG MAIIYAK SI MARIA CLARA.)

KAPITAN TIAGO:

MARIA, IPAGSINDI MO NG DALAWANG KANDILA SI CRISOSTOMO PARA

SA KANYANG MATIWASAY NA PAGLALAKBAY.
MARIA CLARA:

SIGE PO AMA.

[SCENE 6]
[KABANATA 12]
TAGPUAN: SEMENTERYO
TAUHAN: | SEPULTURERO 1 | SEPULTURERO 2 | PILOSOPO TASYO |
UTUSAN | CRISOSTOMO IBARRA | PADRE SALVI |
*LIGHTS ON
 P a g e | 12

(MAY DALAWANG SEPULTURERO NA NAGHUHUKAY NG MGA LIBINGAN SA

SEMENTERYO.)
SEPULTURERO 1:
MAS MABUTI KUNG IBANG BANGKAY ANG HUKAYIN NATIN!
MASUSUKA SA AMOY ANG UNANG SEPULTURERO.
SEPULTURERO 2:
NAPAKASELAN MO NAMAN! KUNG KASAMA MO AKO SA PAGHUKAY NG
ISANG BAGONG BANGKAY DATI AY LALO KANG MANDIDIRI AT ETO PA,
MALAKAS PA ANG ULAN NOON AT MADILIM ANG PALIGID.
NAPAKASAHOL ANG AMOY NUN.
SEPULTURERO 1:
AT BAKIT MO NAMAN ITO HINUKAY?
SEPULTURERO 2:
HINDI KO SASABIHIN SA’YO ITO KUNG HINDI LANG KITA KILALA.
INUTUSAN LAMANG AKO NG KURANG MALAKI NA ILIPAT ANG BANGKAY
SA LIBINGAN NG MGA TSINO, NGUNIT DAHIL SA KABIGATAN AT
KALAYUAN AY…
(LALAPIT AT MAGTATANONG SI PILOSOPO TASYO SA ISANG
SEPULTURERO)
PILOSOPO TASYO:

HIJO! HIJO! HIJO! MASASABI MO BA SA’KIN KUNG NASAAN ANG

BUNGONG MAY KUMPLETONG NGIPIN NA LINAGAY KO SA MAY PAANAN
NG KRUS DATI?
SEPULTURERO 2:
WALA DOON? KUNG GAYON, HINDI KO ALAM! NGUNIT KUNG IBIG
NINYO, MAY MAIBIBIGAY AKONG IBA!
PILOSOPO TASYO:
KATULAD KA NG HINUHUKAY MO! ‘DI MO ALAM ANG IYONG
ITINATAPON AT ‘DI MO RIN ALAM ANG IYONG NILALAMON!
(AALIS SI PILOSOPO TASYO NA BUMUBULONG-BULONG. DARATING SI
IBARRA AT ISANG MATANDANG UTUSAN. KAKAUSAPIN NILA ANG
IKALAWANG SEPULTURERO.)
 P a g e | 13

KATULONG:

MASASABI PO BA NINYO KUNG ALIN ANG LIBING NA MAY MALAKING

KRUS SA DAKO ROON?
SEPULTURERO 2:

ISANG KRUS NA MAY MGA DUKIT AT TINALIAN NG UWAY?

KATULONG:

IYON, IYON NGA… MAARI MO BANG ITURO SA AMIN KUNG NASAAN

ITO?
SEPULTURERO 2:

E, ANG KRUS… SINUNOG KO NA. UTOS LANG ITO SA’KIN NG

MALAKING KURA.
CRISOSTOMO IBARRA:

NGUNIT SABIHIN MAN LAMANG SANA NINYO KUNG NASAAN ANG

PUNTOD.
SEPULTURERO 2:

WALA NA ROON ANG BANGKAY. MGA ILANG BUWAN KO NANG HINUKAY.

SA UTOS NG KURA, DALHIN KO SA LIBINGAN NG MGA INTSIK…
NGUNIT DAHIL MABIGAT AT UMUULAN PA NOONG GABING IYON
(BIGLANG DINAKLOT NI IBARRA ANG IKALAWANG SEPULTURERO SA
MAGKABILANG BISIG. SA SOBRANG GALIT, ITO’Y NANGGIGIL.)
CRISOSTOMO IBARRA:
AT GINAWA MO?!
(HINAHAWAKAN NG MAHIGPIT ANG DAMIT NG SEPULTURERO)

SEPULTURERO 2 (CONT’D):

GINOO, HUWAG PO KAYONG MAGALIT. HINDI KO INILIBING SA

PILING NG MGA INTSIK. NAISIP KONG NAPAKABABA ANG MAPASAMA
SA MGA INTSIK KAYA’T INIHAGIS KO SA ILOG ANG BANGKAY!
(UMALIS NA PARANG BALIW SI IBARRA SA LIBINGAN. LUMAKAD SIYA
KASAMA ANG MATANDANG UTUSAN. NAKITA NIYA SI PADRE SALVI AT
SINALAKAY NI IBARRA ANG PARI AT DINIINAN NG DALAWANG
MABIBIGAT NA KAMAY ANG BALIKAT HANGGANG SIYA’Y MAPALUHOD.)
 P a g e | 14

CRISOSTOMO IBARRA:
ANO’NG GINAWA MO SA AKING AMA!?
PADRE SALVI:
WALA AKONG GINAWA SA INYONG AMA!
CRISOSOTOMO IBARRA:
ANONG WALA!?
PADRE SALVI:
TINITIYAK KO SA INYO, ANG PINALITAN KO AY SI PADRE DAMASO,
ANG KURANG MALAKI!
(MAPAPABITAW SI IBARRA AT LALAKD PAALIS NG HIYANG HIYA.)
*LIGHTS OFF
*TRANSITION SONG
*BACKGROUND MUSIC:...
*LIGHTS ON
CRISPIN:
BAYARAN MO NA KAKA, BAYARAN MO NA ANG SINASABI NILANG
NINAKAW KO. UPANG DI TAYO TAWAGING MAGNANAKAW. BAYARIN MO,
KUYA!
BASILIO:
CRISPIN, KAPAG BINAYARAN ‘YON, WALANG KAKANIN SI INANG.
DALAWANG PISO LAMANG ANG SASAHURIN KO SA BUWANG ITO. ANG
SABI NG SAKRISTAN MAYOR, ANG DALAWANG ONSANG GINTO NINAKAW
MO AY KATUMBAS NG TATLUMPU’T DALAWANG PISO.
NAGBILANG NG TATLUMPU’T DALAWANG PISO SA MGA DALIRI
CRISPIN:

MABUTI PA NGANG NINAKAW KO NA IYON. ANG SABI NG KURA’Y

PAPATAYIN NIYA AKO SA PALO KAPAG HINDI KO NAILABAS ANG
GINTO. KUNG TALAGANG NINAKAW KO IYON AY MAILALABAS KO.
BASILIO:
IKAW NA ANG BAHALANG MAGSABI SA ATING INA NA ANG SAKRISTAN
MAYOR AY NAGSISINUNGALING.
(BIGLANG LUMITAW ANG SAKRISTAN MAYOR.)
 P a g e | 15

SAKRISTAN MAYOR
(TUTURUAN SI BASILIO NG PAGALIT) BASILIO, MINUMULTAHAN KITA
NG DALAWANG REAL DAHIL WALA SA KUMPAS ANG TUGTOG MO NG
KAMPANA! AT IKAW CRISPIN AY MAIIWAN HANGGA’T DI LUMILITAW
ANG IYONG NINAKAW.
(TUMUTOL SI BASILIO. NAGALIT SA PANGANGATWIRAN NI BASILIO
ANG SAKRISTAN MAYOR, AT KINALADKAD NITO SI CRISPIN.)
CRISPIN
HUWAG MO AKONG IWAN, PAPATAYIN NILA AKO! BASILIO! INA!
*LIGHTS OFF
[SCENE 7]
[KABANATA 17: SI BASILIO]
TAGPUAN: BAHAY NI SISA
TAUHAN: | SISA | BASILIO |
*LIGHTS ON
(KUMAKATOK SI BASILIO SA PINTO NG KANILANG BAHAY.)
BASILIO:
INANG, BUKSAN PO NINYO! INANG!
(MAPAPATINGIN SI SISA SA PINTUAN. NAPASIGAW SI SISA NANG
MAKITA ANG DUGONG DUMADALOY SA NOO NI BASILIO.)
SISA:
BASILIO, ANAK! NASAAN SI CRISPIN!?
BASILIO:
HUWAG PO KAYO MATAKOT INANG! NAIWAN SA KUMBENTO SI CRISPIN.
SISA:
SA KUMBENTO? NAIWAN SA KUMBENTO?
(TUMINGALA SI BASILIO. NAPAIYAK SI SISA AT NIYAKAP SI BASILIO.
HINALIK NI SISA ANG DUGONG NOO NI BASILIO AT SINIYASAT NIYANG
MABUTI.)

SISA:
AT ANONG GINAWA NILA SA’YO!?
BASILIO:
NANG DALHIN NG SAKRISTAN MAYOR SI CRISPIN, ANG SABI NIYA’Y
 P a g e | 16

BASILIO (CONT’D):

ALAS-DIYES AKO MAKAAALIS. DAHIL GABI NA, TUMAKAS AKO.

SINIGAWAN AKO NG QUIEN VIVE, KAYA TUMAKBO AKO. PINAPUTUKAN
AKO AT DUMAPLIS ANG ISANG BALA SA AKING NOO. NATAKOT AKONG
HULIHIN AT PAGLINISIN SA KUWARTEL HABANG PINAPALO.
SISA:
DIYOS KO! SALAMAT AT INILIGTAS MO SIYA!
BASILIO:
INANG, SABIHIN NINYO SA GUWARDIYA SIBIL NA NAHULOG AKO SA
ISANG PUNO. WALANG DAPAT MAKAALAM NA HINABOL AKO.
SISA:
(NAPATANONG SI SISA HABANG GINAGAMOT SI BASILIO.) BAKIT NAIWAN
SI CRISPIN?
BASILIO:
PINAGBIBINTANGAN NILANG NAGNAKAW SI CRISPIN NG DALAWANG
ONSA NG GINTO.
SISA:
(NAPAIYAK ANG MAG-INA.) BININTANGAN ANG AKING MABAIT NA SI
CRISPIN! DAHIL MAHIRAP KAMI AT KAILANGANG TIISIN NAMING MGA
MAHIRAP ANG LAHAT!... NAGHAPUNAN KA NA BA? MAY KANIN AT
TUYO.
BASILIO:
INANG, WALA PO AKONG GANA. TUBIG NALANG PO.
(MALUMBAY NA TUMUGON SI SISA.)

SISA:
ALAM KONG AYAW MO NG TUYO. IPINAGHANDA KITA NG IBA, NGUNIT
UMUWI ANG IYONG AMA. KAWAWANG ANAK KO!
BASILIO
(SINUSURI NI BASILIO ANG MUKHA’T MGA KAMAY NI SISA.) PATAWAD PO
INANG, NGUNIT HINDI PO BA HIGIT NA MABUTING TAYONG TATLO
LAMANG, KAYO, SI CRISPIN, AT AKO?
SISA:
(BUMUNTONG HININGA SI SISA.)ANAK, MATULOG NA TAYO.
*LIGHTS OFF
 P a g e | 17

[SCENE 8]

TAGPUAN: SIMBAHAN
KARAKTER: | SISA | BABAENG KATULONG |
*LIGHTS ON
NARRATOR:
NAGLALAKAD-LAKAD SI SISA NA MAY DALA-DALANG BAYONG. ITO’Y
MAY NILALAMANG GULAY AT MGA PINAMILI NIYA SA PALENGKE.
PAPASOK SI SISA SA SIMBAHAN AT HAHANAPIN ANG KURA PARA
MAKAUSAP. KINAKABAHAN SI SISA HABANG UMAAKYAT NG HAGDANAN.
MALUGOD NIYANG BINATI ANG DINATNANG BABAENG KATULONG NGUNIT
HINDI NAMAN SIYA PINANSIN. MAINGAT NA ILALAGAY AT AAYUSIN
NI SISA SA ISANG HAPAG ANG DALANG SARIWANG GULAY.
SISA:

MAAARI KO BANG MAKAUSAP ANG PADRE?

BABAE KATULONG:

(MAHINANG SUMAGOT ANG BABAENG KATULONG.) MAY SAKIT.

SISA:

AT SI CRISPIN? NASA SAKRISTIYA BA?

BABAENG KATULONG:

SI CRISPIN? HINDI BA’T UMUWI NA SIYA SA INYO?

SISA:

NASA BAHAY SI BASILIO. NGUNIT NAIWAN DITO SI CRISPIN. IBIG

KO SIYANG MAKITA.
BABAENG KATULONG:

TOTOO NGANG NAIWAN DITO NGUNIT NAGTANAN MATAPOS MAGNAKAW NG

MARAMING BAGAY. INIUTOS SA AKIN NG KURA NA IPAGBIGAY ALAM
KO SA MGA GUWARDIYA SIBIL, KAYA’T MARAHIL AY NAPAROON NA SA
INYO UPANG HANAPIN ANG MGA BATA.
(HINDI MAKAPAGSALITA SI SISA SA NARINIG.)
 P a g e | 18

BABAENG KATULONG (CONT’D):

LUMILITAW NA TAPAT NGA KAYONG MAYBAHAY. NGUNIT LUMALABAS NA

MASASAMA ANG INYONG ANAK TULAD NG KANILANG AMA. MAG-INGAT
SA MALIIT, HIHIGITAN PA YATA ANG AMA!
(NAPAHAGULGOL SI SISA AT PAUPONG BUMAGSAK SA ISANG BANGKO.)

HUWAG KAYONG UMIYAK DITO! HINDI BA NINYO ALAM NA MAY SAKIT

ANG PADRE? DOON KA UMIYAK SA KALYE.
(TINAKPAN NG PAMINDONG ANG MUKHA NI SISA AT PINIGIL ANG
PAGHIKBI. MATULING NA LUMAYO NA WARI’Y MAY NAIS GAWIN.)
*LIGHTS OFF
*TRANSITION MUSIC AND PREPARE FOR SISA’S HOUSE SCENE

[SCENE 9]

TAGPUAN: TAHANAN NI SISA

TAUHAN: | SISA | GUWARDIYA SIBIL 1 | GUWARDIYA SIBIL 2 |
MUSIKA NG EKSENA: “INTRO” NI MICA LEVI
*LIGHTS ON
(TUMAKBONG PAUWI SI SISA. NAKITA NIYA ANG DALAWANG
GUWARDIYA SIBIL SA KANILANG BAKURAN. IPINAGPATULOY NIYA ANG
PAGLAKAD NA KUNWA’Y DI NAPUPUNA ANG KAWAL.)
GUWARDIYA SIBIL 1:
MAGTAPAT KA SA AMIN. IKAW BA ANG INA NG MGA MAGNANAKAW?
SISA:

INA NG MGA MAGNANAKAW!

GUWARDIYA SIBIL 2:

NAPARITO KAMI UPANG HULIHIN ANG MGA ANAK MO. NAKATAKAS ANG
NAKATATANDA. SAAN MO ITINAGO ANG NAKABABATA?

SISA:
 P a g e | 19

MGA GINOO… MATAGAL NANG HINDI KO NAKIKITA ANG ANAK KONG SI

CRISPIN. UMASA AKONG MAKITA SIYA NGAYONG UMAGA SA KUMBENTO,
NGUNIT DOON KO LAMANG NALAMAN NA…
GUWARDIYA SIBIL 1:

(SASABAT ANG GUWARDIYA SIBIL) SIYA NGA! IBIGAY MO SA AMIN

ANG SALAPI AT IIWAN KA NAMIN.
SISA:

GINOO! HINDI MAGNANAKAW ANG MGA ANAK KO KAHIT NAGHIHIRAP.

HALUGHUGIN NINYO ANG BUONG BAHAY AT KUNG MAKAKITA KAYO NG
KAHIT ISANG REAL, GAWIN NINYO ANG IBIG NINYO SA AMIN.
GUWARDIYA SIBIL 2:

KUNG GAYON AY ISASAMA KA NAMIN SA KUWARTEL.

SISA:

AKO?... SASAMA SA INYO?

(HIHILAIN SI SISA AT ILALAGAY SA GITNA NG DALAWANG
GUWARDIYA SIBIL AT MAGLALAKAD.)
NARRATOR:
NAGPUPUMIGLAS SI SISA AT MAGMAMAKAAWANG MAUNA SIYA SA
PAGLALAKAD, NGUNIT HINDI SIYA PAPAYAGAN NG MGA ITO. DADAAN
SILA NG BAYAN AT DITO AY MAKIKITA SIYA NG DAANG-DAANG TAO,
NA SIYANG IKAHIHIYA NIYA. TATAKPAN NIYA ANG SARILI AT
MAGLALAKAD PATUNGO SA KUWARTEL.

*LIGHTS OFF
MUSIKA NG EKSENA: “CHILDREN” NG JACKIE(2016) NI MICA LEVI
*LIGHTS ON
(MAGIGISING SIYA SA BOSES NI ALPERES.)
ALPERES:

GAWA-GAWA LAMANG IYAN NG KURIPOT NA KURA. KUNG NAIS NIYANG

MABAWI ANG NAWALA, HINGIN NIYA KAY SAN ANTONIO! PALAYAIN
NIYO ‘YAN!
 P a g e | 20

NARRATOR:
ITINABOY SI SISA PALABAS NG KUWARTEL, ITINULAK HALOS DAHIL
AYAW KUMILOS. MABABALIW SIYA AT ISISIGAW ANG MGA PANGALAN
NG ANAK NIYA. MAKIKITA SIYANG PAGALA-GALA, PAKANTA-KANTA AT
KINAKAUSAP ANG MGA HALAMA’T HAYOP.
SISA:

BASILIO!!! CRISPIN!!! NASAAN NA KAYO MGA ANAK KO!?

BASILIO!? CRISPIN!? MGA ANAK KO!...
*LIGHTS OFF
*TRANSITION MUSIC

[SCENE 10]

TAGPUAN: LAWA
TAUHAN: | TIYA ISABEL | ALBINO | MARIA CLARA | VICTORIA |
ANDENG | IDAY | SINANG | LEON | ELIAS | CRISOSTOMO IBARRA |
*LIGHTS ON
ALBINO:

MAG-INGAT KA! TAPAKAN MONG MABUTI ANG PASAK SA ILALIM NG

IYONG PAA.
VICTORIA:

AY, LULUBOG TAYO!

ALBINO:

HUWAG PO KAYONG MAG-ALALA! LIGTAS PO ANG BANGKANG IYAN.

LILIMA LANG PO ANG BUTAS AT HINDI GAANONNG MALALAKI.
VICTORIA:

LIMANG BUTAS!? SUSMARYOSEP! AT IBIG BA NINYONG MALUNOD

KAMI!?
ALBINO:

TAPAKANG MABUTI ANG MGA PASAK!

VICTORIA:
 P a g e | 21

DIYOS KO! MARIA SANTISIMA! PUMAPASOK NA ANG TUBIG!

ALBINO:

TAPAKANG MABUTI ANG PASAK, DOON!

VICTORIA:

SAAN? SAAN? DIYOS KO! PARITO KAYO’T HINDI NAMIN ALAM!

NARRATOR:
LILIPAT ANG MGA BINATA SA KINALALAGYAN NG MGA KABABAIHAN AT
SASAMAHAN ANG MGA ITO. SI ALBINO AY TATABI KAY VICTORIA AT
SIYA NAMANG SI IBARRA KAY MARIA CLARA. HABANG NAGBABANGKA
AY MAPAPANSIN NI MARIA CLARA ANG NAMAMANGKA AT ITO’Y
LILINGON SA KANILANG DIREKSIYON. TINUTURING SIYANG PILOTO
NG ILAN. MAGTUTUGTOG NG MUSIKA HABANG ANG MGA TAUHAN AY
NASA BANGKA. INILUBOG NI LEON ANG PANALOK SA TUBIG. AT
NAGHAHANDA ANG MGA BABAE.
TIYA ISABEL:

SALAMAT SA DIYOS. ANDENG, IHANDA MO NA ANG PAASIM SA SABAW

NG SINIGANG PARA MAILAGAY ANG ISDA.
ANDENG:

HANDA NA PO, TIYA.

SI LEON NA HUMUHULI NG ISDA AY BIGLANG KINABAHAN AT
TUMINGIN TINGIN. TIMINGIN SIYA SA MGA KASAMA AT PABULONG NA
NAGSALITA.
LEON:

(PABULONG) BUWAYA!
LAHAT NG TAO:

BUWAYA!?
MARIA CLARA:

HINDI PA AKO NAKAKITA NG BUWAYANG BUHAY!

(TUMAYO ANG PILOTO, KUMUHA NG ISANG MAHABANG LUBID AT
TUMALON SA TUBIG.)
 P a g e | 22

VICTORIA:

SUSMARYOSEP! MAPAPAHAMAK TAYO!

LAHAT NG TAO:

(GULONG-GULO AT NASISIPAGBULUNGAN AT ANG IBA’Y NATATAKOT)

(TATALON SI IBARRA, AT SAKA NIYA PAPATAYIN ANG BUWAYA AT
TUTULUNGANG UMAHON SA TUBIG ANG PILOTO)
ELIAS:

UTANG NA LOOB KO ANG BUHAY KO. SEÑOR, AKO PO SI ELIAS.

CRISOSTOMO IBARRA:

NAPAKATAPANG NINYO. HUWAG NA NINYONG BIBIRUIN MULI ANG

DIYOS.
MARIA CLARA

(NAMUMUTLA AT NANGINGINIG SI MARIA CLARA.) KUNG HINDI KA

NAKABALIK!...
CRISOSTOMO IBARRA:

KUNG ‘DI AKO NAKABALIK AT SUMUNOD KA SA AKIN, NAKAPILING KO

NA SANA ANG AKING PAMILYA SA PUSOD NG LAWA.
*LIGHTS OFF
*TRANSITION MUSIC FOR GUBAT SETTING

[SCENE 11]

TAGPUAN: GUBAT
TAUHAN: | PADRE SALVI | ALPERES | DON FILIPO | SISA |
CRISOSTOMO IBARRA | MARIA CLARA | IDAY | SINANG | VICTORIA
|TIYA ISABEL|
*LIGHTS ON
(PAGDATING NI PADRE SALVI, LAHAT AY NAPATINGIN SA KANYA.)
ALPERES:
NAPANO KAYO PADRE?
 P a g e | 23

PADRE SALVI:

AKO PO AY NALIGAW.
NARRATOR:
PAGKATAPOS MABALING ANG ATENSYON NG LAHAT KAY PADRE SALVI.
MAGUUSAP ANG MGA TAO SA PAGDIRIWANG. SA KALAGITNAAN NG
PAGTITIPON AY BIGLANG MAY SUSULPOT NA MARUSING AT PAYAT NA
BABAE AT ITO’Y SI SISA. AARTE NG NABABALIW SA GITNA NG
PAGDIRIWANG SI SISA. LAHAT NG TAO SA PAGDIRIWANG AY
MAGUGULAT AT NAKATINGIN KAY SISA.
CRISOSTOMO IBARRA:

PAKAININ NINYO ANG BABAENG ‘YAN!

(NATAKOT SI SISA NANG MAKITA ANG ALPERES.)
ALPERES:

SINO SIYA?
DON FILIPO:

ISANG SAWIMPALAD NA NASIRAAN NG BAIT DAHIL SA TINDI NG

INABOT NA SINDAK AT PIGHATI! MAY APAT NA ARAW NA SIYANG
GANIYAN.
CRISOSTOMO IBARRA:

SIYA BA SI SISA?
DON FILIPO:
HINULI SIYA NG MGA SUNDALO NIYO, SEÑOR ALPERES.
ALPERES:

ABA!? MARAHIL SIYA ANG INA NG DALAWANG SAKRISTAN.

(TUMANGO SI PADRE SALVI.)
DON FILIPO:

NAWALA SILA NANG WALA MAN LAMANG NAGSIYASAT!1

CRISOSTOMO IBARRA:

HABULIN ANG BABAENG IYON! IPINANGAKO KO SA KANYA NA

TUTULUNGAN KO SIYANG HANAPIN ANG KANYANG MGA ANAK.
 P a g e | 24

*LIGHTS OFF
*TRANSITION SONG

[SCENE 12]

TAGPUAN: PUNDASYON NG PAARALAN

TAUHAN: | NYOR JUAN | TAONG MADILAW | ELIAS | PADRE SALVI |
ALKALDE | CRISOSTOMO IBARRA | MARIA CLARA | PADRE SIBYLA |
ALPERES | KAPITAN TIAGO | IDAY | SINANG | VICTORIA | ANDENG
| DON FILIPO | PILOSOPO TASYO | TIYA ISABEL |
*LIGHTS ON

NARRATOR:
DUMATING NA ANG MGA MUSIKO. DUMALO DIN SI ELIAS NGUNIT
HINDI SIYA NAKILALA SA ANYONG TAGABUKID. NASA HARAPAN NG
PAGHUHUGUSAN NG BATO SI IBARRA AT ANG ALKALDE. KINAKABAHAN
SI IBARRA AT TUMINGIN SA KINASASABITAN NG KALO, NAKITA NIYA
SI ELIAS AT SIYA’Y KUMINDAT SA KANYA PARA IPAALALA ANG
KANYANG BILIN. NAGSIMULA NA ANG PAGDIRIWANG, NAKAPALIGID
ANG MGA TAO SA KALO HABANG NAGMAMASID KAY PADRE SALVI NA
NAGBABASA SA MAHINA AT NANGINGINIG NA TINIG. LAHAT NG
KASULATAN AT MEDALYA AY ISINILID SA KAHANG KRYSTAL AT
IPINALOOB SA BUMBONG AT INIHINANG NG MABUTI. INIABOT NI
IBARRA ANG KUTSARANG PILAK SA ALKLADE.
ALKALDE:

NGAYO’Y ITININATAYO NATIN ANG ISANG PAARALAN. NAKASALALAY

SA PAARALAN ANG LIPUNAN AT SIYANG AKLAT NA NAGTATAKDA NG
KINABUKASAN NG BAYAN. MAGPASALAMAT KAYO SA ESPANYANG
NAGSUSUMISIKAP PARA SA KAUNLARAN. MABUHAY ANG HARI! MABUHAY
ANG ESPANYA! MAGBUHAY ANG RELIHIYONG KATOLIKO!
MGA TAO:

MABUHAY!!
(BUMABA ANG ALKALDE SA HUKAY AT NAGLAGAY NG PALITADANG
SEMENTO. NAGPAPALAKPAKAN ANG MGA TAO. SUMUNOD SI PADRE
 P a g e | 25

SALVI HABANG TINIGNAN ANG NAKABITING TAO. SUMUNOD ANG MGA

PARI AT SI KAPITAN TIAGO.)
ALKALDE:

KAYO NAMAN ANG MAGLAGAY.

(WALANG MAGAWA SI IBARRA KUNG HINDI BUMABA DIN SA HUKAY.
HABANG BUMABABA SIYA AY NAKATINGIN SA KANYA SI ELIAS AT ANG
TAONG MADILAW. ISANG MALAKAS NA TUNOG ANG NARINIG GALING SA
MAKINARYA AT BIGLANG BUMAGSAK ANG MAKINARYA.)
*LIGHTS OFF
MGA TAO:

(NAGSISIGAWAN ANG MGA TAO.)

*LIGHTS ON
NARRATOR:
SI IBARRA AY NASA GILID NG HUKAY. ANG BANGKAY NG TAONG
MADILAW AY NASA GILID NIYA.
ALKALDE:

HINDI ITO DAPAT MAGING HADLANG SA PISTA, SEÑOR IBARRA!

PURIHIN ANG DIYOS! ISANG INDIO LAMANG ANG NAMATAY. TULOY
ANG PISTA!
(TITIGNAN NI IBARRA ANG BANGKAY NG SANDALI AT UMUWI SI
IBARRA UPANG MAGPALIT NG DAMIT.)
PILOSOPO TASYO:

MASAMANG SIMULA.
*LIGHTS OFF
*TRANSITION SONG

[SCENE 13]

TAGPUAN: BAHAY NI IBARRA

KARAKTER: | ELIAS | CRISOSTOMO IBARRA |
*LIGHTS OFF
 P a g e | 26

(NAKAUPO SI IBARRA, TAPOS NA SIYANG MAGPALIT NG DAMIT.)

ELIAS:

ANG SADYA KO DITO AY PARA HUMINGI AKO NG PABOR, KUNG SAKALI

MAN NA MAGIMBESTIGA ANG MGA MAKAPANGYARIHAN SA NANGYARI
KANINA AY SANA ‘WAG MAKARATING ANG IBINULONG KO SA IYO SA
SIMBAHAN.
CRISOSTOMO IBARRA:

HUWAG KANG MAGALALA. HINDI KO IYON GAGAWIN, HINDI KITA

IPAPADAKIP KAHIT NA ALAM KONG PINAGHIHINALAAN KA.
ELIAS:

SA ITAAS O SA IBABA, IKAW AY MAY KAAWAY. SA TINGIN KO AY

DAHIL IKAW AY MAY MGA MABUTING HANGARIN. ANG INYONG AMA AT
ANG INKONG AY NAGKAROON NG KAGALIT DAHIL SA KANILANG
MABUBUTING HANGARIN.
CRISOSTOMO IBARRA:

IKAW BA AY MAY IDEYA KUNG SINO ANG AKING MGA KAAWAY?

ELIAS:

ANG NAMATAY. NALAMAN KO KAGABI NA ANG TAONG ITO’Y MAY

BINABALAK NA MASAMA SA INYO. HINDI KO MAPIGILAN MAGDUDA AT
LUMAPIT SAYO SA SIMBAHAN PARA IKA’Y PAGSABIHAN.
BULAG ANG KATARUNGAN. AT KUNG SAKALING BUHAY SIYA AY
MALAMANG IPINAWALANG SALA SIYA NG BULAG NA HUKUMAN. DIYOS
NA ANG HUMATOL SA KANYA. DIYOS ANG PINAKAMAKAPANGYARIHANG
HUKUMAN.
(NAPANSIN NI IBARRA ANG MGA GALOS AT LATAY SA KAMAY NI
ELIAS KAYA’T NAPATINGIN SIYA DITO HABANG NAGSASALITA SI
ELIAS.)
CRISOSTOMO IBARRA:

ANO YANG MGA LATAY SA KAMAY MO?

ELIAS:

NANINIWALA AKO NA DIYOS LAMANG ANG MAAARING KUMUHA NG

BUHAY. NANG BABAGSAK NA ANG BATO AY PINIGILAN KO ANG
TALAMPASAN SA PAGBAGSAK.
 P a g e | 27

CRISOSTOMO IBARRA:

KUNG GANON IKAW…?

ELIAS:

OPO. NAKITA KO ANG KANYANG PAKANA.

CRISOSTOMO IBARRA:

SINO BA KAYO? IKAW BA AY NAGAARAL?

ELIAS:

NALUBOS ANG PANINIWALA KO SA DIYOS NG NAWALA ANG PANINIWALA

ELIAS (CONT’D):

KO SA KAPWA AYON LAMANG ANG AKING SADYA DITO, SANA AY

MAAASAHAN KITA.
CRISOSTOMO IBARRA

KAILAN KO KAYO MAKIKITA MULI?

ELIAS

KAILANMAN KAILANGAN MO, MAY PAGKAKAUTANG AKO SA IYO.

*LIGHTS OFF
*TRANSITION SONG

[SCENE 14]
TAGPUAN: BAHAY NI SANTIAGO
TAUHAN: | KAPITAN TIAGO | ALPERES | CRISOSTOMO IBARRA |
MARIA CLARA | PADRE DAMASO | IDAY | SINANG | VICTORIA |
ANDENG |
*LIGHTS ON
KAPITAN TIAGO:
MGA GINOO, DARATING ANG KATAS-TAASANG KAPITANG HENERAL AT
SIYA AY MANUNULUYAN SA AKING TAHANAN.
(NAGMADALING UMALIS SI KAPITAN TIAGO SA HAPAG SAMANTALANG
ANG ALPERES AT ALKLADE AY NAKATANGGAP DIN NG TELEGRAMA.)
 P a g e | 28

ALKALDE:
MGA KASAMA, HALIKA’T ITULOY NATIN ANG PAGKAIN NG
PANANGHALIAN, MAMAYA PANG ALAS-KWATRO DARATING ANG KATAAS-
TAASAN.
(HABANG KUMAKAIN AY BIGLANG DUMATING SI PADRE DAMASO NA
NAKANGITI NA PARA BANG NANGUNGUTYA. LAHAT SILA AY BUMATI
PWERA KAY IBARRA.)
BINABANGGIT LANG NI GINOONG IBARRA ANG ARKITEKTO NA
TUMUTULONG SA KANYA NANG DUMATING ANG INYONG REBERENSIYA.
PADRE DAMASO:
AKO AY WALANG ALAM SA ARKITEKTURA AT BINABALEWALA ANG MGA
GAWA NG ARKITEKTO AT ANG MGA BOBONG NAGSASADYA SA KANILA.
ALKALDE:
NGUNIT ANG PAARALAN NA IPINAPATAYO NI GINOONG IBARRA AY
KINAKAILANGAN NA NG ISANG EKSPERTO.
PADRE DAMASO:
ANO BANG DALUBHASA ANG PINAGSASABI MO. IPINAPAKITA LANG
NIYAN NG HIGIT NA KAMANGMANGAN NG HANGAL KAYSA INDIO NA
KAYANG MAGTAYO NG SARILI NIYANG BAHAY.
(ANG LAHAT AY NAPALINGON KAY IBARRA.)
KILALA NIYO NAMAN ANG MGA INDIO, MATUTO LANG NG KONTI,
UMAASTA NANG DOCTOR!

ANG MGA AMA NG TAONG TRAYDOR AY PINARURUHASAN NA NGAYON PA

LAMANG, NAMAMATAY SA BILANGGUAN AT… ANG IBIG NAMING
SABIHIN, WALA SILANG PUPUNTAHAN…
(SINUNTOK NI IBARRA SI PADRE DAMASO AT SIYA AY BUMULAGTA AT
AGAD NAHILO.)
CRISOSTOMO IBARRA:
LUMAYO KAYO KUNG AYAW NINYONG MAMATAY!
(HALOS LAHAT AY TAKOT NA TAKOT AT WALANG MAY LAKAS NG LOOB
NA UMAWAT DAHIL SA KUTSILYO NA HAWAK NI IBARRA.)

NAKIKITA MO BA ANG KATAHIMIKANG IYAN? IKAW AY SUGO NG

KABANALAN, PARING PUNO ANG BIBIG NG PANANALIG PERO ANG PUSO
MO AY WALANG KASING TIGAS AT SAMA!
(ITATARAK NA SANA NI IBARRA ANG KUTSILYO NG BIGLANG UMAWAT
SI MARIA CLARA)
 P a g e | 29

MARIA CLARA:
CRISOSTOMO!
(BIGLA BIGLA AY BINITAWAN NI IBARRA ANG KUTSILYO AT
UMALIS.)

*LIGHTS OFF
*TRANSITION MUSIC
[SCENE 15]
TAGPUAN: BAHAY NI SANTIAGO
TAUHAN: | TIYA ISABEL | ANDENG | MARIA CLARA | KAPITAN
TIAGO |
*LIGHTS ON
NARRATOR:
SI MARIA CLARA AY WALANG TIGIL NG IYAK. DUMAGDAG PA SA
KANYANG DINARAMDAM ANG PAGBABAWAL SA KANYA NI KAPITAN TIAGO
NA MAKIPAGUSAP KAY IBARRA HANGGAT HINDI PA SIYA
TINATANGGALAN NG EKSKOMUNYON NG MGA PRAYLE.
TIYA ISABEL:
‘WAG KANG UMIYAK, ‘WAG KANG MAGALALA. DI NAMAN NAMATAY SI
PADRE DAMASO, NAWALAN LAMANG SIYA NG MALAY. AALISIN DIN NG
MGA PRAYLE ANG EKSKOMUNYON.
ANDENG:
HUWAG KA NANG UMIYAK. TAMA NA. GAGAWA NAMAN AKO NG PARAAN
UPANG MAKAPAGUSAP KAYO.
(BIGLANG DUMATING SI KAPITAN TIAGO NA MALUNGKOT.)
TIYA ISABEL:
SA NGALAN NG DIYOS, MAGSALITA KA. ANO ANG NANGYARI?
KAPITAN TIAGO:
EH ANO PA? ITO ANG AKING KINAKATAKOT. IPINAPASARA NI PADRE
DAMASO ANG PAGPAPAKASAL NI MARIA CLARA AT IBARRA AT KUNG
HINDI AY MAPAPARUSAHAN AKO.
(LALONG LUMAKAS ANG IYAK NI MARIA CLARA.)
KAPITAN TIAGO:
ANAK KO, WAG KA NANG UMIYAK. MAY SINABI SA AKIN SI PADRE
 P a g e | 30

DAMASO NA DUMATING NA BUHAT SA ESPANYA ANG ISANG KAMAG-ANAK

MO NA ITINALAGA NIYANG MAGING KATIPAN MO.
TIYA ISABEL:
DIYOS KO! NABABALIW KA NA BA SANTIAGO? SA TINGIN MO
MAGAGAWA NG ANAK MO IYON NA AGAD IPAGPALIT SI IBARRA?
KAPITAN TIAGO:
GANYAN DIN ANG NASA LOOB KO. MAYAMAN SI IBARRA SAMANTALANG
ANG MGA KASTILA AY NAGPAPAKASAL LAMANG DAHIL SA SALAPI.
NGUNIT WALA AKONG MAGAGAWA LALO NA AT BINANTAAN NILA AKO NG
EKSKOMUNYON.
(DAHIL SA DINARAMDAM NI MARIA CLARA AY NAGTUNGO NA LANG
SIYA SA KANYANG SILID. NAGPUNTA SA SILID NI MARIA CLARA SI
TIYA ISABEL.)
MARIA CLARA:
PAKISABI NA LANG SA KAPITAN HENERAL NA AKO AY MAY SAKIT.
TIYA ISABEL:
NAKO, GUSTO MO BANG MAPAHIYA ANG IYONG AMA?
MARIA CLARA
KUNG MAYROON SANA AKONG…(DAHAN DAHAN TUMAYO SI MARIA CLARA
AT NAG-AYOS.)
*LIGHTS OFF
*TRANSITION MUSIC
[SCENE 16]

TAGPUAN: BAHAY NG ALPERES

TAUHAN: | DONYA CONSOLACION | SISA | GUWARDIYA SIBIL 1 |
ALPERES |
*LIGHTS ON
NARRATOR:

(SA BAHAY NG ALPERES, NANDOON SI DONYA CONSOLACION. MARIRINIG NI

DONYA CONSOLACION AT NG GUWARDIYA SIBIL ANG KUMAKANTA.)
DONYA CONSOLACION:

QUIEN ESTA CANTANDO, TÓMALO.

 P a g e | 31

(INUTOS AGAD SA GUWARDIYA SIBIL NA IAKYAT ANG KUMAKANTANG SI

SISA.)
DONYA CONSOLACION:
MAGCANTAR ICAU
SISA:
HA? ANO? ANO?
GUWARDIYA CIVIL 1:
MANGMANG! KUMANTA KA RAW! KANTA!
(KAKANTA SI SISA NGUNIT DAHIL MALUNGKOT ITO’Y PINATIGIL NG
ALPERESA.)
DONYA CONSOLACION:
ANG LUNGKOT. AYOKO YAN! KUMANTA KA NG MASAYA! MASAYA!
GUWARDIYA SIBIL 1:
ABA! MARUNONG PALA NG TAGALOG!
DONYA CONSOLACION:
UMALIS KA MUNA.
(AALIS ANG GUWARDIYA SIBIL. HINARAP NI DONYA CONSOLACION SI SISA
AT INIUTOS SA WIKANG KASTILA.)
DONYA CONSOLACION:
BAILA! BAILA!
MUSIKA: “MASTER OF THE HOUSE” NG LES MISÉRABLES
(SASAYAW SI DONYA CONSOLACION.)
SISA:
HA! HA! HA! SUMASAYAW ANG MATANDANG BALIW!
DONYA CONSOLACION:
HOY! HINDI AKO ANG BALIW! IKAW! AT INUUTUSAN KITANG
SUMAYAW! SAYAW O PAPATAYIN KITA SA HAGUPIT!
SISA:
AYOKO. AYOKONG SUMAYAW! BALIW LANG ANG SUMASAYAW. HA! HA!
HA!
(PAPALUIN NI DONYA CONSOCLACION SI SISA GAMIT ANG ISANG
LATIGO.)
 P a g e | 32

DONYA CONSOLACION:
ANAK NG… BALIW KA! SABI NANG IKAW ANG BALIW! BALIW KA
TALAGA! SINONG BALIW NGAYON? IKAW!
SISA:
ARAY! ARAY! TAMA NA! ARAY!
ALPERES:
(MAKIKITA NG ALPERES AT LALAKASAN ANG BOSES)CONSOLACION!
ANO BA ITONG GINAGAWA MO?!(HAHAWAKAN ANG BRASO NI
CONSOLACION AT HAHATAKIN.)
DONYA CONSOLACION:
BITIWAN MO NGA AKO! TUTURUAN KO NG LEKSYON ANG BALIW NA
‘YAN!
ALPERES:
TUMIGIL KA NGA! HINDI KA NA NAAWA. MAY SIRA KA NA RIN
TALAGA, ANO? (BIBITAWAN NIYA SI CONSOLACION.) MGA GUWARDIYA
SIBIL! BIHISAN N’YO AT GAMUTIN ANG BABAENG ITO. BUKAS AY
IHATID N’YO SIYA SA TAHANAN NI GINOONG CRISOSTOMO.
SIGURADUHIN NINYONG HINDI ITO MASASAKTAN MULI.
*LIGHTS OFF
*TRANSITION SONG

[SCENE 17]

TAGPUAN: BAHAY NI KAPITAN TIAGO

TAUHAN: | DON TIBURCIO | DONYA VICTORINA | KAPITAN TIAGO | TIYA
ISABEL | LINARES | PADRE DAMASO | PADRE SALVI | MARIA CLARA |
*LIGHTS ON
(NAG-UUSAP SINA DON TIBURCIO, DONYA VICTORINA, KAPITAN TIAGO,
TIYA ISABEL AT LINARES.)
DONYA VICTORINA:
MALUGOD KONG IPINAKIKILALA SA INYO ANG AMING PINSAN, SI DON
ALFONSO LINARES DE ESPADAÑA. SIYA’Y INAANAK NG KAMAG-ANAK NI
PADRE DAMASO, AT KALIHIM NA MINISTRO SA ESPANYA.
LINARES:
NAGAGALAK KO PO KAYONG MAKILALA.
 P a g e | 33

DONYA VICTORINA:
HALIKA NA’T PUMASOK NA TAYO. NAIS NAMING MAKITA ANG MAY SAKIT NA
SI MARIA CLARA.
(BIGLANG DARATING SI PADRE SALVI.)
LINARES:
NAKITA NIYO PO BA SI PADRE DAMASO? PARA SA KANYA PO ITO. NAIS KO
PO SANANG MAGABOT NG LIHAM.
KAPITAN TIAGO:

PUNTAHAN NA NATIN SI MARIA SA KANIYANG KWARTO

(NAGTUNGO SILA SA KWARTO KUNG SAAN SI MARIA CLARA. NATULALA SI
LINARES. DINAMA NI DON TIBURCIO ANG PULSO NG DALAGA, SINURI
SIYA.)
DON TIBURCIO:
MA-MAY SAKIT, PERO PUWEDENG GA-GAMUTIN. LIQUEN CON LECHE SA
UMAGA, JARABE DE ALTEA, DALAWANG PILDORAS NG CINOGLOSA!
DONYA VICTORINA:
LAKASAN MO ANG LOOB MO CLARITA! NARITO KAMI PARA GAMUTIN KA. OO
NGA PALA IPAKIKILALA KITA SA AMING PINSAN! SI LINARES!
(HINDI KUMIKIBO SI LINARES.)
PADRE SALVI:
MAWALANG GALANG SA INYO NGUNIT, LINARES, NARITO NA SI PADRE
DAMASO.
PADRE DAMASO:
(DUMATING NA MAPUTLA AT MALUNGKOT SI PADRE DAMASO NA PARANG
WALANG IBANG TAO. ANG MATA NIYA’Y MALUHA-LUHA. NAMANGHA SI MARIA
CLARA SA NAKITA.) SALAMAT SA DIYOS! MABUTI NALANG AT WALANG
MANGYARING MALALA SA IYO, CLARA. MABUTI IYAN AT MAGPAHINGA KA
MUNA. MAS MAPABILIS PA SANA ANG IYONG PAGGALING.
(HINDI MAKAPAGTULOY SI PADRE DAMASO AT LUMAYO SA DALAGA.)
DONYA VICTORINA:
MAHAL NA MAHAL NIYA ANG KANIYANG INAANAK.
(SA MALAYO, NILAPITAN SIYA NI DONYA VICTORINA AT LINARES.)
PADRE DAMASO, PINAKIKILALA KO PO SAINYO ANG AKING PINSAN SI DON
ALFONSO LINARES DE ESPADAÑA.
 P a g e | 34

PADRE DAMASO:

(KINUHA ANG SULAT NA INIABOT SA KANYA NI LINARES.)

LINARES:
AKO PO SI LINARES, ANG INAANAK NG INYONG BAYAW.
PADRE DAMASO:
(SINURI NIYA ITO MULI.) AH! ANG INAANAK NI CARLICOS! HALIKA’T
NANG MAYAKAP KITA. KAILAN KO LANG NATANGGAP ANG SULAT NIYA. IKAW
PALA! HINDI KITA NAKILALA. HINDI KA PA NAPANGANGANAK NOONG
UMALIS AKO. AT NGAYON, ANO’NG GUSTO NI CARLICOS NA GAWIN KO PARA
SA IYO?
LINARES:
AKALA KO’Y SINABI NA IYON SA SULAT.
PADRE DAMASO:
SA SULAT? AH OO NGA. GUSTO NIYANG IHANAP KITA NG TRABAHO AT
MAPAPANGASAWA. HMM… MADALI LANG ANG TRABAHO. MARUNONG KA BANG
BUMASA’T SUMULAT?
LINARES:
NAGTAPOS PO AKO NG ABOGASYA SA UNIVERSIDAD CENTRAL.
PADRE DAMASO:
ABA’Y MABUTI! HMM.. ISANG ASAWA-
LINARES:
PADRE, HINDI NAMAN PO AKO NAGHAHANGAD NG MAPANGAASAWA NGAYON.
PADRE DAMASO:
HALIKA BINATA! KAUSAPIN NATIN SI SANTIAGO.
(SANDALI AY MAY MARIRINIG NA PUTOK NG BARIL, MAY REBULTO NA
NAGANAP)
*LIGHTS OFF
*LIGHTS ON
(HAHABULIN ANG DALAWANG KASAMA SA REBULTO NG GUARDIA SIBIL)
GUARDIA SIBIL 1:

SINO ANG NAGSIMULA NG REBULTO

TAO 1 & 2 :
 P a g e | 35

SI DON CRISOSTOMO IBARRA!

*TRANSITION SONG

[SCENE 18]

TAGPUAN: LANSANGAN
TAUHAN: | DONYA VICTORINA | DONYA CONSOLACION | DON TIBURCIO |
PADRE SALVI | GUWARDIYA SIBIL 1 | GUWARDIYA SIBIL 2 |
MUSIKA NG EKSENA: “LOVELY LADIES” NG LES MISÉRABLES
*LIGHTS ON
NARRATOR:
NAGLALAKAD SINA DON TIBURCIO AT DONYA VICTORINA SA LANSANGAN
KUNG SAAN MARAMING INDIO ANG NANINIRAHAN.
DONYA VICTORINA:
NAPAKAPANGIT NAMAN NG BAHAY NG MGA INDIO! MGA WALANG PITAGAN!
MASASALUBONG NA TAYO’Y HINDI MAN LAMANG NAGPUPUGAY. PALUIN MO NG
SUMBRERO TULAD NG GINAGAWA NG KURA! TURUAN MO SILANG GUMALANG!
PWEE! NAKAKASUKA TALAGA ANG MGA TAO DITO. AMOY… AMOY MAHIRAP.
DONYA CONSOLACION:
AKO BA ANG IYONG PINAGSASARINGAN?
DONYA VICTORINA:
BAKIT NIYO AKO TINITIGNAN NANG GANYAN, SEÑORA? NAIINGGIT KA NOH?
AT PANO MO NAMAN NALAMAN NA PARA SA INYO ANG MGA BINITIWAN KONG
MGA SALITA? AHH HAHAHA ALAM KO NA KASI ISA KA LANG HAMAK NA
LABANDERA DATI. YUCK! HA! HA! HA! LABANDERA!
DONYA CONSOLACION:
AKO? NAIINGGIT SA INYO? A! OPO! NAIINGGIT PO AKO SA KULOT NINYO!
DON TIBURCIO:
TAYO NA! HU-HUWAG MO NA IYANG PATULAN!
DONYA VICTORINA:
HAYAAN MONG TURUAN KO NG LEKSYON ANG WALANG HIYANG KALADKARING
ITO. HOY! KILALANIN NINYO ANG INYONG KAHARAP! HUWAG MONG
AKALAING ISA LANG AKONG PROBINSIYANA O KALUNYA SUNDALO! SA BAHAY
 P a g e | 36

KO SA MAYNILA, ‘DI NAKAPAPASOK ANG MGA ALPERES. NAGHIHINTAY SILA

SA PINTUAN!
DONYA CONSOLACION:
AHH! EXCELENTISIMA SEÑORA PUPOT! HINDI PALA NAKAPAPASOK ANG MGA
ALPERES, NGUNIT ANG MGA PILAY NA TULAD NIYANG KASAMA MO AY
MAAARI, HAHAHA!
(NAMULA SI DONYA VICTORINA, NAGBALAK SIYANG PUMASOK NGUNIT
PINIGIL SIYA NG BANTAY. DUMARAMI ANG NANONOOD SA DALAWA.)
DONYA VICTORINA:
HOY, BABAE! ANG PAKIKIPAG-USAP KO SA IYO’Y NAKAKAPAGPABABA NG
AKING KARANGALAN! IBIG BA NINYONG MAGLABA NG AKING DAMIT?
BABAYARAN KO KAYO NGANG MALAKI! ANO? AKALA MO BA HINDI KO ALAM
NA NAGING LABANDERA KA?!
(NASAKTAN SI DONYA CONSOLACION.)
DONYA CONSOLACION:
AT AKALA MO BA HINDI KO ALAM KUNG SINO KAYO? NASABI NA PO SA
AKIN NG AKING ASAWA! SEÑORA, IISA PA LANG ANG UMANGKIN SA’KIN,
PERO IKAW? PATAY-GUTOM LANG ANG MAKAPAGTITIIS SA TIRA, SA TRAPO
NG BUONG MUNDO!
DONYA VICTORINA:
BUMABA KA, MATANDANG INAHING BABOY AT DUDURUGIN KO ANG BUNGANGA
MO! KERIDA NG ISANG BATALYON, PUTA KA NA NANG IPANGANAK!
(MABILISANG BUMABA ANG SI DONYA CONSOLACION NA DALA ANG LATIGO
NG ASAWA NGUNIT HINDI SILA NAG-ABOT DAHIL SA PAGDATING NG
ALPERES.)
ALPERES:
PERO, SEÑORAS, DON TIBURCIO!
DONYA VICTORINA:
PANGARALAN NINYO ANG INYONG ASAWA AT INYONG BIHISAN. KUNG WALA
KAYONG PERA MAGNAKAW KAYO SA TAUMBAYAN!
DONYA CONSOLACION:
NARITO NA PO AKO SEÑORA, BAKIT HINDI DINUROG NG KATAAS-TAASAN
ANG AKING BUNGANGA? PURO DILA’T LAWAY LANG PALA KAYO, DONYA
KATAAS-TAASAN.
 P a g e | 37

ALPERES:
SEÑORA! KUNG HINDI LAMANG KAYO MGA BABAE AY NABUGBOG KO NA SANA
KAYO NG SIPA.
DON TIBURCIO:
SEÑOR ALPERES!
ALPERES:
TUMIGIL KA DOKTOR PATAY! HINDI KA ISANG LALAKI!
(ANG MGA NANONOOD AY NASIYAHAN AT HINIHINTAY NA MAGSABUNUTAN ANG
DALAWA NGUNIT DUMATING ANG KURA.)
PADRE SALVI:
TAMA NA! HINDI NIYO BA ALAM NA ANG LAKING ESKANDALO ANG GINAGAWA
NIYO RITO?
ALPERES:
H’WAG KANG MAKIALAM! NAGBABANAL-BANALANG CARLISTA!
PADRE SALVI:
DON TIBURCIO, ILAYO NINYO ANG INYONG ASAWA! SEÑORAS, MAGSITIGIL
KAYO!
(NAGSI-ALISAN ANG MGA TAO AT LUMAYO NA RIN SINA DONYA VICTORINA
AT DON TIBURCIO.)
*LIGHTS OFF
*TRANSITION SONG

[SCENE 19]

TAGPUAN: BAHAY NI PILOSOPO TASYO

TAUHAN: | DON FILIPO | PILOSOPO TASYO |
*LIGHTS ON
(NAG-UUSAP SINA PILOSOPO TASYO AT DON FILIPO. SI PILOSOPO
TASYO’Y ILANG ARAW NANG NAHIHIGA DAHIL SA MABILIS NA PANGHIHINA
NG KATAWAN. SA BUONG EKSENANG ITO AY MABAGAL MAGSALITA SI
PILOSOPO TASYO.)
PILOSOPO TASYO:
HINDI KO KAYO MABATI SA INYONG PAGBITIW. SAPAGKAT KALABAN NA
NINYO ANG GUWARDIYA SIBIL.
 P a g e | 38

DON FILIPO:
WALA PO AKONG MAGAGAWA SA BAYANG NATATAKOT. TINGNAN NIYO PO SI
SEÑOR IBARRA NA SUMUSUNOD SA PANINIWALA NG MARAMI. SIYA PO BA’Y
NANINIWALA SA EKSKOMUYON?
PILOSOPO TASYO:
IBA ANG KATAYUAN NIYO KAY GINOONG IBARRA. ANG NASA NIYA’Y
MAGTANIM AT UPANG MAGAWA IYON AY KAILANGAN MAGBIGAY SIYA SA
KALIKASAN.
(NAGMUNIMUNI SI DON FILIPO AT MAYA-MAYA’T NAGSALITA.)
DON FILIPO:
MAY NAIS PO BA KAYONG GAMOT?
PILOSOPO TASYO:
ANG MGA MAMAMATAY AY HINDI NANGANGAILANGAN NG GAMOT. ANG GAMOT
AY PARA SA INYONG MAIIWAN. IPAKISABI LAMANG KAY GINOONG IBARRA
NA NAIS KO SIYANG MAKITA BUKAS, MAY MAHALAGANG BAGAY AKONG
SASABIHIN SA KANIYA. ILANG ARAW NA LAMANG AT AKO’Y MAWAWALA NA.
NASA KARIMLAN ANG FILIPINAS!
(NAGPAALAM NA SI DON FILIPO NA TAGLAY ANG MALABIS NA
KALUNGKUTAN.)
*LIGHTS OFF
*TRANSITION SONG

[SCENE 20]
TAGPUAN: BAHAY NI IBARRA
TAUHAN: | ELIAS | CRISOSTOMO IBARRA |
*LIGHTS ON
(DUMATING SI ELIAS SA BAHAY NI IBARRA.)
ELIAS:
GINOONG IBARRA! SUNUGIN MO LAHAT NG MGA SULAT NA MAKAPIPINSALA
SA INYO AT PUMUNTA KAYO SA LUGAR NA MALAYO SA PANGANIB.
CRISOSTOMO IBARRA:
ISANG PAG-AALSA? AT SINO ANG MAY GAWA NITO? AT BAKIT?
 P a g e | 39

ELIAS:
HINDI KO MASABI SA INYO SAPAGKAT HINDI KO NATUKLASAN ANG MAY
PAKANA.
CRISOSTOMO IBARRA:
HINDI BA SINABI SA INYO KUNG SINO ANG UMUPA SA KANYA?
ELIAS:
OPO, PAGKATAPOS NA HILINGIN SA AKING ILIHIM KO AY SINABING KAYO
RAW.
CRISOSTOMO IBARRA:
DIYOS KO!
ELIAS:
KUMILOS KANA DAHIL ANG PAG-AALSA AY NGAYON GABI NA DIN, UMIWAS
KA SA SAKUNA ALANG-ALANG SA INYONG BAYAN.
CRISOSTOMO IBARRA:
SAAN AKO PAROROON? NGAYONG GABI’Y HIHINTAYIN AKO NI MARIA!
ELIAS:

KAHIT SAAN BASTA’T HINDI DITO. SA IBANG BAYAN, KAHIT SAAN, SA

MAYNILA, SA BAHAY NG ISANG MAKAPANGYARIHAN UPANG HINDI MASABING
KAYO ANG NAGPAPALAKAD SA KILUSAN!
CRISOSTOMO IBARRA:
E KUNG ISUPLONG KO ANG PAG-AALSA?
ELIAS:
IKAW ANG MAGUSUSUPLONG? SASABHIN NG MGA MAG-AALSANG IKA’Y TAKSIL
AT DUWAG. ANG IBA NAMA’Y MAGPAPARATANG NA GUMAWA KAYO NG PAKANA
UPANG KAYO’Y MAGTAMO NG KARANGALAN
CRISOSTOMO IBARRA:
ANO ANG DAPAT KONG GAWIN?
ELIAS:
SINABI KO NA.SUNUGIN MO NA ANG LAHAT NG IYONG MGA KASULATAN NA
MAY KAUGNAYAN SA IYO. TUMAKAS KAYO AT HINTAYIN ANG ANUMANG
MAGYAYARI. (SUMULONG SI ELIAS SA PAGHAHANAP NG KASULATAN.
NABIGLA SIYA AT NAPAHINTO SA ISANG KASULATAN.)

NAKILALA BA NG INYONG PAMILYA SI GINOONG EIBARRAMENDIA?

 P a g e | 40

CRISOSTOMO IBARRA:
MANGYARI PA! SIYA ANG AMA NG AKING NUNO.
ELIAS:
AMA NG INYONG NUNO SI DON PEDRO EIBARRAMENDIA?
CRISOSTOMO IBARRA::
OPO. ANG AMING APELYIDO AY PINAIKLI SAPAGKAT LUBHANG MAHABA.
ELIAS:
ISA BA SIYANG VASCO?
CRISOSTOMO IBARRA:
OPO, ANONG NANGYARI SA’YO KILALA NIYO PO BA SIYA?
ELIAS:
KILALA BA NINYO KUNG SINO SIYA!? SIYA ANG TAKSIL NA NAGBINTANG
SA AKING NUNO! MATAGAL KO NANG HINAHANAP ANG APELYIDONG IYAN AT
NGAYON INIHANDOG SA AKIN NG MAYKAPAL! PAGBABAYARAN NINYO ANG
LAHAT NG AMING KASAWIAN!
(MAY KUKUNIN NA SANDATA SI ELIAS DATAPWA’T ILANG SAGLIT LAMANG
AY NABITIWAN DIN ANG BALAW NA KINUHA AT UMALIS.)
*LIGHTS OFF
*TRANSITION SONG
[SCENE 22]

TAGPUAN: LABORATORYO NI IBARRA

TAUHAN: | CRISOSTOMO IBARRA | GUWARDIYA SIBIL 1 | GUWARDIYA
SIBIL 2 | TAO 1 | TAO 2 |
MUSIKA NG EKSENA: “THE END” NG JACKIE(2016) NI MICA LEVI
*LIGHTS ON
(PUMASOK SI IBARRA NANG MABILIS SA KANYANG LABORATORYO. NAG-
IMPAKE SIYA. SA SANDALING ITONG MAY MARIRINIG NA TATLONG MALAKAS
NA KABOG SA PINTO. NAGSUKBIT NG REBOLBER SI IBARRA AT PAGKATAPOS
AY TINUNGO ANG ILANG LALAGYAN NIYA NG MGA KASANGKAPAN.)
CRISOSTOMO IBARRA:
SINO ‘YAN?
 P a g e | 41

GUWARDIYA SIBIL 1:
SA NGALAN NG HARI’Y BUKSAN NINYO ANG PINTO, AT KUNG HINDI’Y
GIGIBAIN NAMIN!
(SUMILIP SA DURUNGAWAN SI IBARRA AT PAGKATAPOS AY IKINASA ANG
KANYANG BARIL, NGUNIT NAGTALO ANG KANYANG KALOOBAN. BINITAWAN
ANG KANYANG SANDATA, AT BINUKSAN ANG PINTUAN. MABILIS SIYANG
DINAKIP NG DALAWANG GUWARDIYA SIBIL AT IDINALA SA KUWARTEL.)
TURING NINYONG BILANGGO KAYO SA NGALAN NG HARI!
CRISOSTOMO IBARRA:
AT BAKIT?
GUWARDIYA SIBIL 1:

DOON SASABIHIN SA INYO, BINAWALAN KAMING MAGSABI NG KAHIT NA

ANO.
*LIGHTS OFF
*TRANSITION SONG
TAGPUAN: KALSADA
MUSIKA NG EKSENA: “THE END” NG JACKIE(2016) NI MICA LEVI
*LIGHTS ON
NARRATOR: 22E3
ANG MGA BILANGGO AY DINADALA SA BAYAN. MARAMI ANG NAKAGAPOS
NGUNIT SI IBARRA ANG PINANSIN NG MGA TAO DAHIL SIYA LAMANG ANG
HINDI NAKAGAPOS.
TAO 1:
SIYA ANG MAY SALA AT SIYA PA ANG WALANG GAPOS?
CRISOSTOMO IBARRA:
SIYA, GAPUSIN NINYO AKO NANG MAHIGPIT.
(GINAPOS SI IBARRA NG GUWARDIYA SIBIL.)
TAO 2:
ANO ANG GINAWA SA INYO NG AKING ASAWA AT ANAK? MASDAN NINYO ANG
BUNSO KONG INALISAN NINYO NG AMA! DUWAG!
TAO 1:
SUMPAIN KA NG DIYOS! SUMPAIN ANG KAYAMANANG KINAMAL MO PARANG
 P a g e | 42

GULUHIN ANG AMIN KAPAYAPAAN! SUMAPAIN KA! ANG DAPAT SAYO’Y

BITAYIN!
*LIGHTS OFF
*TRANSITION SONG

[SCENE 23]

TAGPUAN: BAHAY NI KAPITAN TIAGO

TAUHAN: | MARIA CLARA | CRISOSTOMO IBARRA | ELIAS |
*LIGHTS ON
(MARAMING BISITA SA BAHAY NI KAPITAN TIAGO.LUMABAS SI MARIA
CLARA. NAGTAWANAN ANG MGA BABAE. TUMAKAS SI MARIA CLARA MULA SA
MGA TAO PAPUNTANG ASOTEA. NAKITA NIYA SI IBARRA AT NAPAURONG SI
MARIA CLARA.)
MARIA CLARA:
CRISOSTOMO!?
CRISOSTOMO IBARRA:
AKO NGA, SI CRISOSTOMO. SI ELIAS ANG NAGTAKAS SA AKIN SA
BILANGGUANG PINAGTAPUNAN SAKIN NG AKING MGA KAIBIGAN.
(UNT-UNTING LALAPIT SI IBARRA KAY MARIA CLARA AT KUKUNIN ANG
KANIYANG KAMAY.)
MARIA, SA HARAP NG BANGKAY NG AKING INA, SUMUMPA AKONG
PALILIGAYAHIN KITA, ANUMAN ANG MAGING KAPALARAN KO!... SA GITNA
NG LIBONG PANGANIB, PUMARITO AKO UPANG TUPARIN ANG AKING SUMPA,
AT IPINAHINTULOY NG PAGKAKATAON NA IKAW ANG MAKAUSAP KO. MARIA,
HINDI NA TAYO MAGKIKITA MULI. NAGSADYA AKO DITO UPANG SABIHIN SA
IYO, BAGO AKO LUMISAN, NA PINATATAWAD KITA. NGAYON, LUMIGAYA KA
NAWA. PAALAM.
(AALIS PALAYO SI IBARRA NGUNIT PINIGILAN SIYA NI MARIA CLARA.)
MARIA CLARA:
CRISOSTOMO!... ISINUGO KA NG DIYOS UPANG ILIGTAS AKO SA KAWALANG
PAG-ASA… DINGGIN MO AKO AT HATULAN!
CRISOSTOMO IBARRA:
HINDI AKO NAPARITO UPANG HINGAN KA NG PALIWANAG…
 P a g e | 43

(NAKITA NI IBARRA ANG KAWALANG PAG-ASA AT HAPIS NI MARIA CLARA,

AT ITINANONG KUNG ANO ANG NAIS.)
CRISOSTOMO IBARRA:
ANO ANG IYONG NAIS?
MARIA CLARA:
NA MANALIG KANG LAGI KITANG MAHAL!
(NGUMITING MAY PAIT SI IBARRA.)
NAG-AALINLANGAN KA SA KAIBIGAN MO MULANG PAGKABATA, NA HINDI
KAILANMAN NAGLIHIM SA IYO! NAUUNAWAAN KITA! KAPAG NALAMAN MO ANG
KASAYSAYAN KO IKA’Y MAAAWA SA AKING PAGHIHIRAP. BAKIT HINDI MO
AKO PINABAYAANG MAMATAY!? HIGIT SANA TAYONG MALIGAYA!
(SAGLIT NA HUMINTO SI MARIA CLARA DAHIL NANGINGILID ANG KANYANG
LUHA SA KANYANG MATA.)
NOONG AKO’Y NAHIHIBANG SA TAAS NG LAGNAT, NALAMAN KO ANG TUNAY
KONG AMA. SIYA ANG NAGBAWAL SA AKING IKA’Y IBIGIN. MALIBAN NA
LAMANG KUNG IKA’Y PAPATAWARIN SA KALAPASTANGANANG GINAWA MO SA
KANYA.
(NAPAURONG SI IBARRA AT GULILAT NA NAPATINGIN KAY MARIA CLARA.)
CRISOSTOMO IBARRA:

(MAHINAIN.) DAMASO…
MARIA CLARA::
OO. HINDI MATUTULOY ANG ATING KASAL SAPAGKAT MAPIPILITAN SIYANG
IBUNYAG ITO SA MADLA. ANO ANG MAGAGAWA KO?
CRISOSTOMO IBARRA:
MARIA, KAILANGAN MO NG KATIBAYAN!
MARIA CLARA:
ANG TANGING NALABI SA AKIN AY MAGTIIS, INGATAN ANG LIHIM, AT
MAMATAY NA NAGHIHIRAP! AKO’Y IYONG KAWAWANG MARIA, MAPAPANGITI
MO SIYA?
CRISOSTOMO IBARRA:
MARIA, ISA KANG SANTA!
MARIA CLARA:
MALIGAYA AKO SAPAGKAT PINANIWALAAN MO…
 P a g e | 44

CRISOSTOMO IBARRA:
NGUNIT… NARINIG KONG IKAKASAL KA.
MARIA CLARA:
OO. BINABAYARAN KO ANG UTANG NA LOOB KO SA AKING AMA. NGUNIT…
CRISOSTOMO IBARRA:
NGUNIT ANO?
MARIA CLARA:
HINDI KO MALILIMOT ANG MGA SUMPA NG KATAPATAN KO SA IYO.
(YAYAKAPIN NI MARIA CLARA ANG ULO NI IBARRA NG MATAGAL AT
KANYANG HAHALIKAN, AT BIGLANG ITINULAK.)
MARIA CLARA:
CRISOSTOMO, TUMAKAS KA NA! PAALAM!
CRISOSTOMO IBARRA:
MARIA…
MARIA CLARA:
(HABANG UMIIYAK.) TUMAKAS KA NA! TUMAKAS KA!
(TUMALON SI IBARRA SA PADER AT SUMAKAY SA BANGKA. NAG-ALIS NG
SALAKOT SI ELIAS AT MAGALANG NA NAGPUGAY KAY MARIA CLARA.)
KANTA: “NAGIISA”
MUSIKA: “ON MY OWN” NG LES MISÉRABLES
TAUHAN: | MARIA CLARA |
MARIA CLARA:
NGAYON MULING NAGIISA
MULING WALANG MALALAPITAN
NI TAHANAN O KAIBIGAN
O SINUMANG MAKAKAUSAP
PAGSAPIT NG GABI
SIMULA NG ATING AWIT
PAGMINSAN AY NAGLALAKAD
NG MAGISA SA KAGABIHAN
IISIPIN KA AT SASAYA
SA AKING KALAGAYAN
TULOG NA ANG MUNDO
IKAW ANG NASA ISIP KO
NAGIISA
 P a g e | 45

NAGKUKUNWANG KAPILING KA
SA ISIP KO
TAYO HANGGANG UMAGA
KAHIT WALA KA
DAMA KO ANG IYONG YAKAP
AT PAGPIKIT KO NG MATA
IKAW ANG NAKIKITA
SA ULAN
MAY KISLAP ANG KALSADA
ANG ILAW
NAGLALARO SA ABOT-TANAW
AT SA DILIM
MUNDO’Y PUNO NG TALA
AT SA BUONG PALIGID
AY DINIG ANG ATING AWIT
ALAM KONG
ITO’Y NAIS LAMANG
NA ANG YAKAP KO’Y HAMOG
HINDI IKAW
ALAM KONG
HINDI MO AKO PANSIN
KAHIT NA
MINAMAHAL KITA
SUBALIT
PAGSAPIT NG UMAGA
WALA KA
ANG AWIT AY TITILA
KUNG WALA KA
NAGBABAGO ANG HIMIG
NAGLALAHO ANG PAGIBIG
HIWAGA AT PAGASA
MAHAL KO
ALAM KO ARAW ARAW
BUHAY KO’Y
WALANG PATUTUNGUHAN
AT ANG BUHAY MO’Y
TULOY TULOY ANG IKOT
ISANG MUNDO NG LIGAYANG
DI KO MATITIKMAN
MAHAL KO
MAHAL KO
 P a g e | 46

MAHAL KITA
KAHIT SA AWIT LANG…
*LIGHTS OFF
*TRANSITION SONG

[SCENE 24]

TAGPUAN: KWARTO NI MARIA CLARA

TAUHAN: | PADRE DAMASO | MARIA CLARA |
*LIGHTS ON
MARIA CLARA:

(MAY HAWAK NA DYARYO SI MARIA CLARA.) CRISOSTOMO? NALUNOD SA

LAWA?! (NANGINGILID ANG KANYANG LUHA SA KANYANG MATA.)
(MAYA-MAYA’Y DUMATING SI PADRE DAMASO.)
PADRE DAMASO:
SA LALAWIGAN PA AKO NANGGALING UPANG MASAKSIHAN ANG IYONG KASAL.
(MAPAPAIYAK SI MARIA CLARA.)
BAKIT KA UMIIYAK ANAK KO? NAGKATAMPUHAN BA KAYO NI LINARES?
MARIA CLARA:
AYOKONG PAG-USAPAN SIYA NGAYON!
(NAPAIYAK SI MARIA CLARA NANG MAPATINGIN SA INAAMA.)
PADRE DAMASO:
HUWAG KANG UMIYAK, ANAK KO. ANG PUSO KO’Y NASASAKTAN SA
KALUNGKUTAN MO.
(MARAHANG LUMAPIT SI MARIA CLARA KAY PADRE DAMASO, LUMUHOD, AT
INIANGAT ANG MUKHANG NALILIGO SA LUHA.)
MARIA CLARA:
AKO PO BA’Y MINAMAHAL NINYO? TULUNGAN NINYO ANG AKING AMA AT
SIRAIN ANG KASUNDUAN SA AKING KASAL.
(HALOS HINDI MAPANIWALAAN NI PADRE DAMASO ANG NARINIG.)
 P a g e | 47

MARIA CLARA:
NOON AY IBIG KO PANG MABUHAY SAPAGKAT NALALAMAN KONG KAHIT SAAN
SIYA NAROROON AY MAAALALA PA RIN NIYA AKO. NGAYON AY WALA NANG
NATITIRA SA AKIN KUNDI ANG… KUMBENTO O LIBINGAN.
PADRE DAMASO:
TALAGA BANG MAHAL NA MAHAL MO SIYA? PATAWARIN MO AKO MARIA! AKO
ANG NAGDULOT SA IYO NG KASAWIAN, ANAK KO, PATAWARIN MO AKO.
IKA’Y NAPAMAHAL SA AKIN… TULAD NG ISANG ANAK. WALA AKONG
KALIGAYAHAN KUNDI IKAW.
MARIA CLARA:
KUNG GAYO’Y PAYAGAN NINYO AKONG MAGMONGHA.
PADRE DAMASO:
MAGMONGHA? MAGMONGHA? HINDI MO ALAM ANAK KO ANG BUHAY AT LIHIM
SA LIKOD NG MAKAPAL NA PADER NG KUMBENTO.
MARIA CLARA:
ANG KUMBENTO O ANG KAMATAYAN?
PADRE DAMASO:

MARIA…
MARIA CLARA:
(MAS MALAKAS.) ANG KUMBENTO O ANG KAMATAYAN?!
(KUKUHA NG KUTSILYO SI MARIA CLARA NGUNIT MAPIPIGILAN NI PADRE
DAMASO.)
PADRE DAMASO:
DIYOS KO! AKO’Y PINARURUSAHAN MO ANAK KO! MAGMONGHA KA, HUWAG KA
LANG MAGPAKAMATAY.
*LIGHTS OFF
*TRANSITION SONG

[SCENE 25]

TAGPUAN: LABAS NG BAHAY NG ALPERES

TAUHAN: | BASILIO | SISA | ELIAS |
*LIGHTS ON
 P a g e | 48

KANTA: “MINSAN ISANG PANAGINIP”

MUSIKA: “I DREAMED A DREAM” NG LES MISÉRABLES
KARAKTER: | SISA |
SISA
MAY PANAHONG, TILA ANGHEL
SILA’Y MALALAMBING
SILA’Y NAPAKAAMO
MAY PANAHONG PUSO’Y BULAG
ANG BUHAY AY AWIT
AT ANG AWIT AY GINTO
MAY PANAHON, BIGLANG GUMUHO…
MINSAN ISANG PANAGINIP
MAY PAGASA’T TAMIS ANG BUHAY
PAGIBIG AY WALANG HANGGAN
NAKIKINIG ANG DIYOS NG TUNAY
DATI’Y LIKAS KABATAAN
PANGARAP DI NAUUBUSAN
WALANG HINDI INAASAM
WALANG HINDI KAYANG SUBUKAN
NGUNIT MARAMING SALARIN
AT MADUDULAS NA DILA
BINABASAG ANG SALAMIN
TINUTULAK SA KAHIHIYAN
KASIPING SIYA ‘SANG TAGARAW
PUNO ANG BUHAY NG LIGAYA
TANGAY NIYANG KABATAAN KO
INIWANAN SA TAGULAN
AT ASA PA DING SIYA’Y BABALIK
AT MAGSASAMA HABANG BUHAY
NGUNIT TIGANG NA ANG HALIK
MAY PANGARAP NA HINDI TUNAY
MINSA’Y MAY PANAGINIP
IBANG IBA SA AKING BUHAY
IBANG IBA SA ‘KING DAIGDIG
NAGLAHO NA’NG PANAGINIP…
(NANG MAKITA NI SISA ANG TANOD, TUMAKBO SIYA PAPALAYO. NAKITA
SIYA NI BASILIO AT TUMAKBONG PAIKA-IKA. BINATO SA SA ULO NGUNIT
SIYA’Y NAGPATULOY.)
 P a g e | 49

BASILIO:
INANG! INANG! AKO ‘TO, SI BASILIO!
(LUMAYO SI SISA.)
INANG! AKO ‘TO! SI BASILIO! HINTAY INANG! HUWAG NIYO AKONG
TINATAKBUHAN INANG! AKO ITO, ANG ANAK MO!
SISA:
PABAYAAN MO AKO MAG-ISA! UMALIS KA DITO!
BASILIO:
INANG! AKO ‘TO!
(TATAKBO SI BASILIO PAPUNTA KAY SISA AT NANG MAYAKAP AY ITINULAK
SIYA NI SISA AT NAPADAPA’T NAWALAN NG MALAY. SISIGAW SI SISA.
NAKITA NIYA ANG ANAK NIYANG WALANG MALAY AT SIYA’Y NAKILALA.)
SISA:
ANAK KO! HINDI KO SINASADYA!(YINAKAP AT HINALIKAN NI SISA SI
BASILIO.) ANAK KO! ANAK KO! (NAWALAN NG MALAY SI SISA.)
(MAKARAAN NG ILANG SEGUNDO AY NAGISING SI BASILIO. NAKITA NA
NIYANG PATAY ANG KANYANG INA.)
BASILIO:
INANG! AKO ‘TO, AKO ‘TO, SI BASILIO, ANG ANAK NINYO!
(GINAGALAW GALAW NIYA ITO NGUNIT HINDI KUMIBO ANG PATAY NA INA.
IYAK NG IYAK SI BASILIO. BIGLANG DUMATING SI ELIAS.)
ELIAS:
IKAW BA ANG ANAK NIYA?
(TUMANGO SI BASILIO.)
ANONG PLANO MONG GAWIN?
BASILIO:
(PALUHA.) ILIBING SIYA!
ELIAS:
SA SEMENTERYO?
BASILIO:
WALA AKONG SALAPI AT HINDI AKO PAPAYAGAN NG KURA!
ELIAS:
KUNG GAYON?
 P a g e | 50

BASILIO:
KUNG IBIG NINYO AKONG MATULUNGAN
ELIAS:
PAGMASDAN MO AKO. HINDI NA AKO MAGTATAGAL. DALAWANG ARAW NA
AKONG HIDI KUMAKAIN AT NATUTULOG.

MAKINIG KA. KUNIN MO ANG MARAMING KAHOY NA NAKABUNTON SA KABILA

NG BATIS AT ITALAKSAN MO RITO. SINDIHAN MO ANG MGA KAHOY AT
HAYAAN MONG KAMI’Y MASUNOG HANGGANG SA MAGING ABO. KUNG WALANG
DUMATING, HUMUKAY KA RITO AT MAKIKITA MO ANG MARAMING GINTO.
GAMITIN MO SA PAG-AARAL. HINDI NA KITA MATUTULUNGAN.
(BUMAGSAK SI ELIAS. KUMILOS NA SI BASILIO. TUMINGIN SIYA SA
HILAGA.)
MAMAMATAY AKONG HINDI MAN LANG MAKIKITA ANG MANINGNING NA
BUKANG-LIWAYWAY NG AKING INANGBAYAN.
IKAW NA MAKAKIKITA, HUWAG NIYONG KALIMUTAN ANG MGA NALUGMOK SA
DILIM NG GABI!

(TIMINGIN SI ELIAS SA KALAWAKAN AT SIYA AY NAMATAY.)