• As normas de convivencia na aula son as mesmas para todo o
alumnado pero debemos proporcionar ao alumnado con TDAH un ambiente estruturado e predecible. As normas de aula -e as súas consecuencias- deben estar sempre á vista, o establecemento de límites beneficiará ao alumnado en xeral e ao alumnado con TDAH en particular. • Deberemos centrarnos máís no aumento de frecuencia e intensidade das conductas adecuadas que na eliminación de condutas inadecuadas: Por exemplo en vez de mandar calar, eloxiar ao alumnado que está traballando en silencio. Reforzar positivamente a conduta adecuada e eloxiaremos os éxitos nas tarefas. Utilizaremos se é necesario recompensas e/ou incentivos aínda que o eloxio ou a aprobación do profesorado xa constitúe en si mesmo un eficaz reforzador positivo. A mellor estratexia para reducir e/ou eliminar conductas inadecuadas é a de ignorar estas conductas, non prestarlle atención; en caso de que fora necesario utilizarase o “tempo fora”. • Sentalo nunha mesa “tranquila” cerca do profesorado, non ao lado da porta nin da ventá para que os estímulos externos non modifiquen o seu nivel de atención. • Alternar o traballo que debe facer na mesa con outras actividades que lle permitan moverse un pouco (recoller o material, repartir cadernos, borrar o encerado, avisos ou recados fóra da clase, etc). • Controlar o uso da axenda, recordarlle e comprobar que saca a axenda, apunta, etc. Sería convinte que no taboleiro de aula estén apuntadas as datas para entregar traballos, facer exames, etc. Non realizar máis dun exame ao día. • Ensinarlle a manter as súas cousas ordeadas na mesa (só as estritamente necesarias) deberá gardar o material que non corresponda coa clase que se está impartindo. Obrigar a manter ordeados libros, cadernos e material na mochila e mesa. • Non permitir deixar as cousas a medio facer. • Darlle ordes simples e breves. Explicar con claridade e explícitamente o que ten que facer (non o que non ten que facer). E convinte pedir ou comprobar con preguntas que entendeu perfectamente as instrucións e/ou a tarefa que debe facer. Dar as instrucións paso a paso e repetir as indicacións se é necesario. • Darlle actividades ou tarefas cortas ou graduadas, de maneira que poida concluílas sen dificultade. Destacar máis a calidade que a cantidade: tendo en conta o tempo máximo de atención sostida (ao redor de 30 mtos) atender ao “menos é maís” • As tarefas deben ter un formato sinxelo e con poucos estímulos (isto tamén vale para a presentación de exames), por exemplo unha ou dúas actividades por folla e deixar o espazo suficiente entre enunciados para contestar. • Facer frecuentes contactos visuais, sobre todo mentras explicamos. • Tratar de axudarlle a que sexa máis “autoobservador/a”, xa que a maior parte das veces pola súa impulsividade non teñen idea de cómo se comportan. Tratar de facelo de forma construtiva (daste conta do que fixeste?; como o podrías decir doutro modo?,...). • As técnicas de traballo intelectual son fundamentais para centrar a súa atención: ensinarlle a suliñar e facer esquemas... • Se é necesario recurrir a todo tipo de medidas de reforzo educativo referidas á secuencialización de obxectivos e contidos -darlle máis tempo para acadalos-; metodoloxía -referidas fundamentalmente ás secuenciación de tarefas, reducilas e fragmentalas e ás mencionadas explicacións e instrucións-; e aos procedementos de avaliación -darlle máis tempo para facer os exames, substituír procedementos escritos por orais se é convinte- etc.