Ymprydio am resymau crefyddol yn

ystod cyfnodau arholiadau

Gwybodaeth i fyfyrwyr sy'n ymprydio am resymau
crefyddol ym Mhrifysgol Abertawe yn ystod
cyfnodau arholiadau
Mae cymuned y Brifysgol yn cynnwys pobl o grwpiau crefyddol gwahanol.

Yn ystod rhai blynyddoedd, mae'r prif gyfnod arholiadau neu'r cyfnod ailsefyll
arholiadau yn gorgyffwrdd (o leiaf yn rhannol) â Ramadan, neu un o'r cyfnodau eraill
o ymprydio crefyddol. Yn anffodus, nid yw'n bosibl i'r Brifysgol newid dyddiadau'r
cyfnodau arholiadau oherwydd eu bod yn cael eu pennu ymhell o flaen llaw, a byddai
unrhyw newidiadau'n cael effeithiau sylweddol iawn ar ddigwyddiadau eraill yn y
calendr academaidd blynyddol.

Mae'n bosibl y byddai'n well gan fyfyrwyr sy'n ymprydio am resymau crefyddol beidio
â sefyll arholiadau yn y prynhawn yn ystod cyfnod yr ympryd, oherwydd na fydd
myfyrwyr yn bwyta amser cinio. Mae'n bosibl na fydd effaith ar arholiadau'r bore
oherwydd bydd gan y myfyrwyr sy'n ymprydio y cyfle i dorri'r ympryd cyn y wawr,
felly ni fyddai hyn yn wahanol i ddiwrnodau eraill.

Mae'n anochel y bydd unigolion yn wahanol o ran i ba raddau y maen nhw'n profi
newidiadau o'r fath neu beidio. Mae hyn yn dibynnu ar eu metaboledd unigol. Yn
naturiol, byddant yn tueddu i brofi mwy o anawsterau gwybyddol yn hwyrach yn y
dydd.

O ganlyniad i ymprydio, gall y newidiadau mewn glwcos yn y gwaed gynhyrchu

hypoglycaemia (glwcos gwaed isel) oherwydd y gall diffyg cyflenwad o glwcos i'r
ymennydd effeithio ar swyddogaeth yr ymennydd. Gall hyn gynnwys prosesau
canolbwyntio, cofio, talu sylw a phrosesau gwybyddol eraill yn ogystal ag effeithiau
anuniongyrchol posibl eraill sy'n cael effaith ar hwyliau, gorbryder, a lefelau blinder.
Gall hyn effeithio ar brosesau astudio, adolygu a'r arholiadau eu hun. Fel arfer, nid
yw'r grefydd yn ei gwneud hi'n ofynnol i rai pobl ymprydio, gan gynnwys y bobl hynny
sydd â diagnosis o gyflwr meddygol, megis diagnosis, ac mewn amgylchiadau
penodol eraill.

Ni fyddai'r Brifysgol yn dymuno dweud wrth fyfyrwyr crefyddol sut y dylent drin y
sefyllfa hon. Fodd bynnag, er mwyn cynorthwyo ein myfyrwyr, mae'r Brifysgol wedi
ceisio cyngor ac wedi nodi'r opsiynau canlynol:

 Efallai y bydd rhai myfyrwyr yn dewis peidio â chymryd camau penodol,

a pharhau â'u hympryd fel yr arfer.
 Gall rhai myfyrwyr, drwy drafod â'u hymgynghorydd crefyddol, ystyried
bod eu harholiadau yn gyfiawnhad digonol dros ganiatáu iddynt beidio
ag ymprydio, naill ai ar ddiwrnodau arholiadau'n unig neu yn ystod y
 cyfnod arholiadau cyfan. Yn aml gellir cwblhau'r cyfnod ymprydio’n
ddiweddarach neu gellir ystyried rhyw fath o drefniad arall.

Mae'r GIG yn rhoi canllaw ar fyw bywyd iach a Ramadan, y gellir dod o hyd iddo
yma.

Dyma rai canllawiau ymarferol i fyfyrwyr Moslemaidd sydd ag arholiadau yn ystod

Ramadan:

 Paratowch y noson flaenorol drwy ymarfer yn feddyliol a nodi meysydd

a allai beri anawsterau.
 Meddyliwch sut i oresgyn yr anawsterau hynny, ond ceisiwch feddwl
amdano fel diwrnod arferol.
 Sicrhewch eich bod wedi cael digon o gwsg – gallai hyn olygu peidio â
mynd i 'Tarawih' (gweddïau cynulleidfa gyda'r hwyr).
 Sicrhewch eich bod yn cael 'Suhur' (pryd o fwyd cyn y wawr) sy'n llawn
bwyd sy'n rhyddhau ynni'n araf.
 Os yw'r arholiad yn ystod y prynhawn, cymerwch egwyl o oddeutu 45
munud ganol dydd.
 Os ydych yn teimlo eich bod wedi blino neu'n brin o egni, ceisiwch
atgoffa eich hun o'ch 'Wudu' (ymolchiad defodol).

Os ydych yn teimlo nad ydych yn gallu sefyll arholiad neu bod yr ympryd wedi
effeithio'n sylweddol ar eich perfformiad, gallwch wneud cais i ohirio eich arholiad yn
unol â Pholisi'r Brifysgol ar Amgylchiadau Esgusodol sy'n Effeithio ar Asesu.

Sylwer y bydd angen i fyfyrwyr nad ydynt yn eu blwyddyn olaf sydd wedi cael yr hawl
i ohirio eu harholiadau, sefyll yr arholiadau yn ystod y cyfnod arholiadau nesaf ar
gyfer y modiwlau dan sylw. Yn achos arholiadau yn ystod mis Awst, y cyfnod asesu
nesaf fydd pan gaiff y modiwl ei asesu nesaf yn ystod y sesiwn academaidd
ganlynol.