Ndodhet në lartësinë 1200 m mbi nivelin e detit, pranë fshatit Dragobi
të komunës Margegaj në rrethin e Tropojës. Njihet edhe me emrin Shpella e Bajram Currit, pasi aty është strehuar ai kur ndiqej nga regjimi i Zogut. Ndodhet në fundin e një rrëpire shkëmbore dhe ka më shumë formën e një guve karstike me gjatësi rreth 8 m, gjerësi 3 – 4 m dhe lartësi 2 – 4 m. Ka vlera shkencore (speleologjike e gjeomorfologjike), didaktike, turistike dhe historike. Vizitohet sipas intinerarit qyteti i Bajram Currit – fshati Dragobi – monumenti.