KABANATA I

ANG SULIRANIN AT KALIGIRAN NITO

I. Introduksyon

Isa ka ba sa mga kabataang nahuhumaling sa “k-drama” ng mga koreano? Pamilyar ka ba

sa “anime” ng mga hapon? Paano naman ang mga teleserye at pelikula ng mga amerikano?

May mga pagkakataon na pinapaulit-ulit pa ito hanggang sa ang mga linya o sikat na senaryo

ay nakikintal na sa iyong isipan. Ang mga nabanggit na kultura ay ilan lamang sa mga nagpa-

“hook” sa mga kabataan ngayon. Hindi rin maipagkakaila na madalas na maririnig ang wika

ng ibang bansa mula sa kanila.

Sa yugto ng pagiging kabataan, maraming bagay ang nais nating matuklasan. Sa

panonood ng pelikula na may ibat-ibang lenggwahe ay mas pinag-aaralan natin ang isang

bagay na kung saan bago sa kaalaman, at mas binibigyan ito ng pansin kaysa sa wikang lagi

nating ginagamit, na nagiging dahilan ng pagkahumaling sa ibang wika. May mga

pagkakataon din na nais ng isipan na silipin pa ang mga sulok na di pamilyar sa kanya.

Naroon ang kasabikan na punan ang mga silid nito na maaaring paglagyan ng panibagong

mga kaalaman. Natural na sa tao ang sundin ang mga naisin nya, lalo na kung ito ay tungkol

sa pag alam ng mga bagay bagay.

Sa pag aaral na ito, malalaman ang pananaw ng mga kabataan patungkol sa

pagkahumaling sa ibang wika. Magiging silbing gabay ito upang maisip ng mga kabataan na

saliksikin ang kanilang mga sarili at malaman ang penomenang kinakaharap nila.

1
II. Layunin ng Pag-aaral

Ang pag-aaral na ito ay nais magbigay ng impormasyon hingil sa mga dahilan ng

pagkakahumaling ng mga kabataan ng mga kabataaan sa ibang wika sa edad na 14-20 sa

lugar ng Intramuros, Maynila.

Ang pag-aaral ay naglalayon ding matugunan ang mga sumusunod na katanungan:

 Ano ang ibang wikang mas madalas na gamitin ng mga kabataan?

 Paano naapektuhan ang sariling wika ng mga kabataan dahil sa pagkahumaling sa ibang

wika?

 Ano ang epekto ng pagkahumaling ng mga kabataan sa ibang wika sa mga tao sa paligid

nila at maging sa kanilang sarili?

III. Kahalagahan ng Pag-aaral

Ang pag aaral na ito ay may malaking kapakinabangan. Ito ay maaaring magdagdag ng

impormasyon upang malaman kung hanggang saan humahantong ang kanilang

pagkahumaling.

KABATAAN

Ang suliranin sa pagkahumaling sa ibang wika ay nakatuon sa mga kabataan dahil sa

kanila ito madalas na mapapansin, kayat magiging magandang tulong ang pag aaral na ito sa

kanila.

2
SUSUNOD PANG HENERASYON

Ang pag aaral na ito ay mahalaga para pa sa mga susunod na kabataan na darating pa.

Ang ating mundo ay patuloy na umuunlad lalo na sa pagdating pa ng mga taong

nagpapaunlad ng teknolohiya. Kaya’t magiging tulong din ito sa mga kabataan pang dadating

sa kinabukasan.

PAARALAN

Ang malaking porsyento ng oras ng mga kabataan ay ginugugol nila sa paaralan.

Madalas na dito rin nila matatagpuan ang mga nakakaimpluwensya sa kanila kaya’t magiging

tulong din ang pananaliksik na ito upang matugunan ng mga paaralan ang kakulangan sa

pagtuturo sa mga kabataan tungkol sa sariling wika.

IV. Saklaw at Limitasyon ng Pag-aaral

Ang pananaliksik na ito ay nakatuon sa epekto sa mga kabataang nahuhumaling sa ibang

wika. Saklaw nito ang sampung kabataang babae, at sampung kabataang lalaki na nasa edad

14-20. Nililimitan ang pag-aaral sa lugar ng Intramuros, Maynila.

V. Depinisyon ng mga Terminolohiya

1. Wika- midyum na ginagamit sa pakikipag komunikasyon sa ibang tao. Nakapaloob din

dito ang paraan ng pagsasalita ng isang tao at kung paano nya ihatid ang kanyang mga

ideya gamit ang mga salita.

2. Ibang wika- tumutukoy sa mga wika ng ibang bansa na naiiba sa Wikang Filipino o mas

kilala bilang mga dayuhang wika.

3
3. Pagka- “hook”- Ito ay nagaganap kapag napukaw ng isang bagay, pangyayari, o ideya

ang atensyon ng isang tao.

4. Pagkahumaling- Sa pag aaral na ito, nangangahulugan na sinasama na ng isang tao ang

mga bagay nanatutuhan niya sa kanyang pamumuhay, o ay naguudyok sa kanya upang

bumuo ng mga pagbabago sa kanyang pag-uugali.

5. Internet- isang sistema na ginagamit nang buong mundo upang makapag konekta ang

mga kompyuter o grupo ng mga kompyuter na dumadaan sa iba’t-ibang klase ng

telekomunikasyon katulad ng linya o kable ng telepono, satellites, at ibang

komunikasyon na hindi gumagamit ng kable (wireless) na kung saan ang iba’t-ibang

impormasyon ay mapaparating at mababasa ng publiko.

6. Jargon- mga natatanging salita at pagpapakahulugan na ginagamit lamang sa isang

partikular na grupo ng mga tao o larangan.

7. Internet Culture- pag-aaral ng iba’t-ibang social phenomena na kaugnay ng paggamit ng

internet at iba pang anyo ng pakikipagkomunikasyon.

8. Sub-Culture- isang grupo ng mga tao na may sariling kultura na mula sa mas malaki

pang grupo ng mga tao na may sarili ding kultura.

9. Social media- tumutukoy sa sistema ng pakikipag ugnayan sa mga tao na kung saan sila

ay lumilikha, nagbabahagi at nakikipag palitan ng impormasyon at mga ideya sa isang

virtual na komunidad at mga network.

10. Video- maaaring mapanood ng kahit na sino na mayroong mga gumagalaw na karakter.

11. Website(s)- koleksyon ng mga pahina na kumukonekta sa world wide web.

12. Virtual- pagkakaroon ng mga katangian ng isang bagay nang hindi ipinapakita ang tunay

na pisikal na anyo nito.

13. K-drama- o “korean drama” na tumutukoy sa sari-saring teleserye o palabas sa bansang

Korea na sobrang tinatangkilik ng mga Pilipino.

4
14. Anime- nagmula ito sa bansang Japan na tumutukoy sa mga karakter sa isang palabas na

ginuhit lamang ngunit pinagalaw upang lumikha ng kwento.

15. Facebook- isang uri ng site na ginagamit sa pakikipag komunikasyon sa mga tao sa

buong mundo.

16. Twitter- isang uri ng social media ginagamit sa paglalahad ng mga ideya, saloobin atbp.

Sa loob lamang ng 140 na karakter at hindi na lalampas pa.

17. Youtube- isang site na kung saan maaaring maglagay ng kanilang sariling mga video ang

mga tao saanman silang parte ng mundo at maaari din itong mapanood ng ibang tao.

18. Post- anumang bagay na inilagay sa isang social media o sites na maaaring makita ng

mga tao sa buong mundo. Maging ito man ay larawan, ideya, video atbp.

19. Swag- may dating o porma ang isang bagay kapag ginamit.

20. K-pop- musika ng korea

21. Foreigner- o dayuhan ang mga tao na hindi nakakaunawa o nakakpagsalita ng isang

wika kung nasaan sila. Halimbawa na lamang ang isang amerikano na nasa pilipinas. Ito

ang tawag sa kanya dahil hindi sya nakakaintindi ng wikang Filipino.

22. Weirdo- inilalarawan sa mga taong kakaiba buhat sa normal na nakikita o

nakakasalamuha.

23. OPM- o “Original Pilipino Music” isang uri ng mga sari-saring awitin at tugtugin na

likha ng mga Pilipino, na mas higit na pinapasikat sa Pilipinas.

24. Socially inclined- pagiging mahusay sa pakikipagusap at pakikipag kapwa.

25. Globally competitive- nakikipag sabayan sa buong mundo kaya’t inaaral ang ibang wika.

5
 KABANATA II

MGA KAUGNAY NA PAG-AARAL AT LITERATURA

Bilang isa sa layunin ng mga mananaliksik na malaman kung paano nakaka apekto sa

sariling wika ng mga kabataan ang kanilang pagkahumaling sa ibang wika. Kaya’t nilalayon

ng pag-aaral na itaguyod ang sarili nating wika na Filipino. Isinasaad sa Aritkulo XIV,

seksyon 6 na ang Wikang Pambansa ng Pilipinas ay Filipino, Samantalang nililinang, ito ay

dapat payabungin at pagyamanin pa salig sa umiiral na mga wika ng Pilipinas at sa iba pang

mga wika. Alinsunod sa mga tadhana ng batas at sang-ayon sa nararapat na maaaring ipasya

ng Kongreso, dapat magsagawa ng hakbangin ng Pamahalaan upang ibunsod at pupuspusang

itaguyod ang paggamit ng Filipino bilang midyum ng opisyal na komunikasyon at bilang

wika ng pagtuturo sa sistemang pang-edukasyon.

Mahalaga ang wikang Filipino sa pagkaunawa ng mag-aaral sapagkat mas malaki ang

naitutulong nito sa intelektwalisasyon at ang anumang uri ng kaalaman ay nakapagpapabilis

sa proseso ng edukasyon. Mas naipapahayag nila ang kanilang sariling opinyon, damdamin sa

isang isyu o usapin sa kanilang pinag-aaralan. Nakatutulong ang paggamit ng wikang Filipino

tungo sa mabilis na pagkaunawa ng mag-aaral.

Maraming iba’t-ibang wika dahil sa archipelago ng hugis ng bansa Pilipino o tinatawag

ding barayti ng wika. Sabi ng marami na ang Wikang Ingles ang mas mahalaga kumpara sa

Wikang Filipino dahil ang Wikang Ingles ang pangunahing linggwahe na mas ginagamit ng

karamihan kahit saan man magpunta sa buong mundo. Pero para sa mga Pilipino at sa mga

taong mas nakakaintindi sa kahalagahan ng ating Wikang Filipino, ito ang sumisimbolo sa

6
katauhan bilang Pilipino, makakaya ring mapaunlad ang sariling bansa kahit ang sariling

wika lamang ang ating gamitin (Apao, Gavino et al., 2014).

Paliwanag naman ni Prof. April Perez, ng University of the Philippines-Filipino

Department, malaki rin ang nagagawa ng teknolohiya at modernisasyon sa paggamit ng ilang

salita.

May ilan naman na nagpapatunay na

dahil sa teknolohiya kung bakit

unti-unti nang

nalilimutan ang sariling wika. Ayon

sa blog nila Añonuevo. X.R. &

Nocum.V. (2015) Dahil sa patuloy na

paglaganap ng teknolohiya, ang

komunikasyon ng bawat mamamayan ng

isang bansa ay patuloy na

7
naaapektuhan sa iba't-ibang aspeto ng

kanilang buhay. Bawat bansa ay may

kanya-kanyang uri ng epekto batay sa

kultura nito. Naririto ang ilan sa

mga epekto ng modernong teknolohiya

sa komunikasyon batay sa nasabing

obserbasyon sa pagitan ng kapwa

Pilipino:

1. Dahil sa mga salitang Jargon, naaapektuhan ang pamamaraan ng mga mamamayang Pilipino

kung paano nila ipahiwatig ang kanilang mga nararamdaman.

2. Nakabubuo ang mga mamamayang Pilipino ng mga makabagong salita na minsan ay

nakabubuti at nakasasama sa isang komunikasyon.

3. Ang nasabing Internet Culture na isang sub-culture na nabuo sa kadahilanan ng mga

modernong teknolohiya ay lubos na nakakaapekto sa isang komunikasyon lalo na sa mga

mamamayang Pilipino na may mga murang edad.

8
 4. Dahilan sa modernong teknolohiya tulad ng Internet, mas napapadali ang komunikasyon sa

bawat pamilya ng sambayanang Pilipino lalo na para sa mga mamamayan nating nag

tatrabaho sa malalayong lugar o abroad.

5. Ngunit Dahilan rin sa mga makabagong teknolohiya ang isang malusog na komunikasyon sa

loob ng isang sambahayan ay nababawasan dahilan sa pag po-pokus nila sa kanilang mga

gadgets.

6. Minsan rin ay nag kakaruon ng mga anomalya sa pagitan ng kapwa nila Pilipino dahilan sa di

pag kakaunawaan ng bawat panig dahilan sa mga maling impormasyon dulot ng nasabing

modernong teknolohiya o Internet.

Ang mga hiram na salita ay nagkakaroon ng maraming epekto sa ating wika at dahil na rin sa mga dayuhan

na nanakop o nagbigay ng impluwensya sa atin dahil dito nagkaroon ng iba’t-ibang wika ang ating bansa kaya

natuto tayo manghiram ng ibang salita sa dayuhan dahil wala itong katumbas na salita o kahulugan sa ating

wika (Crampatana, J.R., et al., 2015).

Kung sa pag-unlad naman ang pag-uusapan, ayon sa journal ni Kiko Labro, Ang bansa

bilang “archipelagic” o binubuo ng 7,100 pulo kabilang ang mayor na pulo ng Luzon,

Visayas at Mindanao. Kinakatawan ito ng mga wikang etniko na naglalarawan ng kani-

kanilang mga katutubong kasaysayan; maliban pa sa mga mayor na wikang Tagalog, Bisaya

at Muslim. Ganito kahalaga ang wika, “etniko” man o mayor. Ito ang nag-iisang dahilan…

kung bakit para sa inyong lingkod, nananatiling buo ang integridad ng lipunang Filipino; sa

bawat sulok ng komunidad sa kanayunan, ang mayamang kasaysayan nito… ay inilalarawan

ng pagkakaroon ng etniko at katutubong wika.

Hindi maikakaila, para sa maraming bansang gumagamit ng “lokal” na wika sa

pakikipag-talastasan sa loob at labas ng kaniyang bansa….mas itinuturing na “mayaman” ang

9
kanilang ekonomiya dahil sa paggamit ng kanilang sariling “wika”. Ang ganitong pananaw

ay nakatuntong sa pilosopiya ng “pagpapalakas” ng kakayahang domestiko ng lokal na

produkto; mga bansa ito mula sa Europa, rehiyon ng Indo-Chinese, Hapon at iba pa.

Hindi lamang sa pagsasalita naapektuhan ang mga kabataan, pati na rin sa uri ng musika

na kanilang pinpakinggan ay apektado din. Ang mga kabataan ay nahihilig sa musikang

banyaga dahil sa pag-uugali ng mga iniidolo nilang artista. Nahihilig din sila sa dayuhang

musika dahil sa kultura ng isang bansa dahil ang musika ay isang bintana sa kultura sa isang

bansa. Isa pa sa mga dahilan ng pagkahilig ng kabataan sa musikang dayuhan ay ang napaka

lakas na colonial mentality na taglay ng mga kabataan dahil sa pananakop noon ng iba’t-

ibang bansa sa pilipinas. May ibang mga kabataan na nhihilig sa musikang banayaga dahil sa

uso ito at para makasali sa usapan ng mga kaibigan at iba pa (Paraiso, M., 2013).

Ayon kay Todd (1987) ang wika ay isang set o kabuuan ng mga sagisag na ginagamit sa komunikasyon. Ang

wikang ginagamit ng tao ay hindi lamang binibigkas na tunog kundi ito’y sinusulat din. Ang mga tunog at

sagisag na iyo ay arbitraryo at sistematiko. Dahil dito ay ayon sa kanya, walang dalawang wikang magkapareho

bagamat bawat isa ay may sariling set ng mga tuntunin.

KABABATA III

DISENYO AT PARAAN NG PANANALIKSIK

I. Disenyo ng Pananaliksik

Ang disenyo ng pananaliksik na ito ay mayroong pamamaraang kuwalitatibo-

eksploratori. Upang makakalap ng impormasyon at upang makadiskubre ng mga

kaalaman ukol sa epekto ng pagkahumaling ng mga kabataan sa ibang wika.

10
II. Respondente

Ang piniling respondente para sa pag-aaral na ito ay mga mag-aaral na nasa sekondarya

at kolehiyo. Ang mga respondente ay nasa dalawampu (20), sampung (10) babae at sampung

(10) lalaki na may edad na labing apat (14) hanggang labing siyam (19).

Ang mga nabanggit ay napili bilang mga respondente dahil ang suliranin ng epekto ng

pagkahumaling sa ibang wika ay higit na maoobserbahan sa mga kabataang mag-aaral.

III. Intrumento sa Pananaliksik

Ang mga mananaliksik ay gumamit ng sarbey kwestyuneyr upang mas makalakap ng

mga datos.

Upang madagdagan ang kaalaman ang mga mananaliksik ay humango din ng iba’t-ibang

artikulo, journal, aklat at internet sources.

IV. Tritment ng mga Datos

Mula sa nakalap na mga datos sa pagsasarbey, ang mga mananaliksik ay nagsagawa ng

pagtatally upang malaman ang bahagdan ng mga kasagutan sa pamamagitan ng graf. Ang

graf ang magbibigay ng interpretasyon sa kinalabasang resulta ng mga kasagutan mula sa

respondente.

KABABATA IV

REPRESENTASYON AT INTERPRETASYON NG MGA DATOS

LOKASYON

Intramuros, Maynila

11
 Ang sarbey ay ginanap sa lugar ng Intramuros Maynila. Ang mga mananaliksik ay

nagsagawa ng sarbey sa mga mag-aaral na nakasalamuha nila sa daan. At humingi din ng

pahintulot ang mga mananaliksik sa isang pamantasan dito, ang Pamantasan ng Lungsod ng

Maynila kung saan isinagawa ang sarbey sa mga mag-aaral dito.

RESPONDENTE

Ang mga lumahok ng mga respondente sa Epekto ng mga kabatang nahuhumaling sa

ibang wika ay binubuo ng dalawampung mag-aaral (20), sampung (10) babae at sampung

(10) lalaki na may edad na labing apat (14) hanggang labing siyam (19).

Chart 1

12
 Ipinapakita ng Chart 1 na ang mas madalas na wikang ginagamit ng mga kabataan ay ang

wikang Ingles na may pinaka malaking bahagdan na 64%. Sumunod naman ang korean na

may bahagdan na 29%, at 7% naman para sa iba pang wika.

Chart 2

Ipinapakita sa Chart 2 ang mga sources at interes ay ang pangunahing nakakaimpluwensya sa

paggamit ng ibang wika na amay parehong bahagdan na 34% kasunod ay ang dahilan sa

competetive skills na may bahagdan na 24% at bahagdan na 8% sa kurso.

Chart 3

13
 Ipinapakita sa Chart 3 ang epekto sa mga tao sa paligid sa paggamit ng ibang wika ang

bahagdan na 32% ay nagsasabing walang epekto kasunod ng 29% na bahagdan na

nakakaimpluwensya, 17% bahagdan naman ay para sa nag-iiba ang tingin at pangungutya o

pagkaweirdo at 5% bahagdan sa nakakakilala ng ibang tao sa paggamit nila ng ibang wika.

Chart 4

Ipinapakita sa Chart 4 ang impluwensya nito sa sarili. Ang dagdag na kaalaman ang may

pinakamalaking bahagdan na 42% kasunod ng 34% na bahagdan na may iba pang dahilan at

16% na bahagdan ang nagsasabing nagpapataas ito ng tingin sa kanilang sarili at 8% naman

na bahagdan ang nagsasabiing napapasaya sila ng paggamit ng wika.

14
 Chart 5

Ipinapakita sa Chart 5 kung paano nito naiimpluwensyahan ang iba sa paggamit nila ng

ibang wika. Ang interes ay ang may pinakamalaking bahagdan na 31% at nagsasabing

nakakatulong din ito sa iba sa kaparehong bahagdan. 23% bahagdan naman ang nagsasabing

nakakahikayat sila at 15% na bahagdan ang nagsasabing walang impluwensya.

Chart 6

Ipinapakita sa Chart 6 kung sa paanong paraan nakakatulong ang pakikisalamuha sa tao

gamit ang ibang wika. Pagkausap at pag-intindi sa dayuhan ang may pinakamalaking

bahagdan na 57% . Samantalang 29% na bahagdan ang nagsasabing ito’y nakadadagdag ng

kaalaman. At parehong 27% naman ang nagsasabing ito ay nakatutulong sa mga Pilipino

gamit ang ibang wika at iba pa.

15
 Chart 7

Ipinapakita sa Chart 7 ang kahalagahan ng paggamit ng ibang wika. 37% na bahagdan

ang nagsasabing ito ay oportunidad. Parehong 21% na bahagdan ang pagpapahalaga sa wika

at nagsasabing walang kahalagahan. 14% na bahagdan naman ang iba pa at 7% na bahagdan

naman ang nagsasabing ito ay naging medyum na ng mga Pilipino.

Chart 8

Ipinapakita sa Chart 8 kung paano nakatutulong ang paggamit ng ibang wika sa

pagpapalawak ng kaisipan. 50% na bahagdan ang nagsasabing ito ay pagkainteres sa

ibang wika. 29% na bahagdan ang nagsasabing walang kinalamna ang pagpapalawak na

kaalaman sa paggamit ng ibang wika. At 7% naman ay pagkakaroon ng impormasyon sa

kultura, paglawak ng pangunawa at pagiging mapamaraan.

16
 Chart 9

Ipinapakita sa Chart 9 ang naidudulotng paggait ng ibang wika. 34% na bahagdan ang

nagsasabing pakikipag komunikasyon. 20% na bahagdan ang dulot nito ay wala at iba pa.

13% na bahagdan ang pagkaroon ng kaalaman. 7% na bahagdan ang pagkakaroon ng tiwala

sa sarili at 6% na bahagdan naman na nagdudulot ng kasiyahan.

Chart 10

17
 Ipinapakita sa Chart 10 kung paano ito nakakaapekto sa wikang Filipino. 57% na

bahagdan ang nagsasabing ang paggamit ng ibang wika ay nakakaimpluwensya sa mga

Pilipino. 29% na bahagdan naman ang pagkawala ng halaga ng wikang Filipino. At 14%

naman sng nagsasabing wala itong epekto sa wikang Filipino.

KABANATA V

LAGOM, KONKLUSYON AT REKOMENDASYON

I. LAGOM

Ang mga datos na nakalap ng mga mananaliksik patungkol sa epekto ng pagkahumaling

ng mga kabataan sa ibang wika ay nalikom. Mayroong labing apat na kabataan ang sumagot.

18
 Malaking bilang ng mga kabataan ngayon ang higit na ginagamit ang wikang Ingles.

Sumunod ang wika ng korea at mapapansin na malaking bahagdan ay impluwensya lamang

ng panonood at pakikinig ng musika o palabas ng bansang nabanggit.

Masasabi din na malaking factor sa pagtaas ng tiwala sa sarili kapag hinahangaan ka ng

ibang tao dahil sa iyong pananalita. Ika nga ng iba ay nagiging socially inclined o di kaya

naman ay globally competitive. Ngunit may iba naman na nakakaranas ng pangungutya o

nakakarinig ng mga salitang weirdo.

Pagdating naman sa impluwensya ng ibang wika sa sarili, makikita na mas tumataas ang

tiwala ng mga kabataan sa kanilang sarili. Mas nagiging komportable sila dahil sa alam

nilang may mas benepisyo silang makukuha dito kaysa sa mga kabataan na Filipino lamang

ang kayang gamitin. Kasama na nga dun ang pagkakaroon ng mas madaming kaibigan na

naiimpluwensyahan.

At sa mga tao naman sa kanilang paligid, nakakaimpluwensya sila sa paraang

natutulungan nila ang ilan. Sa wikang Ingles ay nakakaranas sila na sundin dahil sa wikang

kaninag ginagamit. May iilan naman na nakakaimpluwensya sa pamamagitan ng

pamamahagi ng nalalaman nila tungkol sa isang wika.

II. KONKLUSYON

Mayroong iba’t-ibang epekto ang pagkahumaling ng mga kabataan sa ibang wika.

Napagtanto na higit na mas pinapahalagahan ng mga kabataan ang ibang wika kaysa sa

kanilang sariling wika. Patuloy na ginagamit ang wikang Filipino ngunit, mas kinakikitaan na

ng potensyal ang ibang wika. Pinapahagahan nila ang mga ito dahil sa paniniwala nila na ito

ang magpapaunlad sa kanila bilang isang mga indibidwal.

19
 Mula sa pag-aaral at mga datos na nai-tally, nakita ng mga mananaliksik na maraming

kabataan ang nahuhumaling sa dalawang wika na madalas na ngang ma obserbahan kahit

saan. Nangunguna dyan ang Ingles na kung saan, pinapahalagahan ito dahil sa ito ang

“lingua-franca” ng buong mundo. Gamit ito, higit na magkakaroon ng ugnayan ang bawat

kultura sa bawat bansa. Dahil rin dito ay mas natututunan ng mga kabataan na makisabay sa

tumataas na istandard ng mundo. Mula sa interpretasyon ng mga datos, malinaw na may

malaking epekto sa ating sariling wika ang pagkahumaling ng isang kabataan sa wikang

Filipino.

III. REKOMENDASYON

Mula sa nabanggit na suliranin kung saan tinatalakay ang pagkahumaling ng mga

kabataan sa ibang wika, nakabuo ang mga mananaliksik ng rekomendasyon na isinasaan ng

mga sumusunod:

1. Ang edukasyon na nagbibigay sa atin ng kaalaman ay maaaring mag silbing tulay

upang maunawaan ng mga kabataan kung bakit kailangan pahalagahan natin higit sa kahit na

ano mang wika ang sarili nating wika, na Wikang Filipino. Nararapat lamang na isulong ang

pag gamit ng wikang ito upang sanayin ang mga mag-aaral na matutong magsalita ng ibang

linggwahe ngunit di nasasapawan ang sariling wika. Gaya nga ng banaggit sa kaugnay na

literatura, mas maipapahayag ng isang kabataan ang kanyang opinyon at mas mapapadali ang

pagunawa niya sa mga bagay bagay kung gagamitin ng mas madalas ang sariling wika.

2. Hindi dapat na pinipilit ang isang mag-aaral na maging mahusay sa isang wika na hindi

naman niya kinagisnan. Maigi na maging competitive pa rin sa paraang ang ginagamit ay

Wikang Filipino. Nasasaad nga sa mga kaugnay na literatura na, may mga bansang nagagawa

pa ding payabungin ang kanilang ekonomiya gamit lamang ang sarili nilang mga wika.

Mapapansin naman na may mga bansa na hindi bihasa sa wikang Ingles na sinasabing

20
mahalaga upang umunlad ang isang indibidwal o bansa, ngunit napapanatili pa din nilang

matatag ang bansa at sariling wika.

3. Maraming kabataan ang may talento sa paglikha ng musika. Kapansin-pansin kung

gaano kahilig ng marami ang makinig sa mga awitin. Lokal man ito o sa ibang bansa. Ngunit

mas higit na kapansin-kapnsin kung paanong mas ginugusto ng maraming kabataan ang

musika ng mga dayuhan. Kaya’t iminumungkahi na maaaring bigyan ng pagkakataon ang

mga kabataan na pagyamanin ang kanilang mga talento sa pamamagitan ng pag oorganisa ng

mga institusyon ng maliliit na pprograma na naglalayong makalikha ng mga OPM na awitin.

Gayon din naman ang mga palabas na maaaring mapanood sa mga telebisyon. Magiging

tulong din kung makakalikha ng mga palabas na mas naipapakita ang pagiging Pilipino.

21
22