Professional Documents
Culture Documents
Matalinhagang Salita
Matalinhagang Salita
Matalinhagang Salita
Ang wika ay sandata na ginagamit ng kahit anumang uri ng tao sa lipunan. Bata,
matanda, may pinag-aralan o wala, mayaman man o mahirap, wikaang bukod tanging
instrumentong pangkomunikasyon na walang pinipili.
Ang lahat ay pantay-pantay. Gamit natin ito upang maipahayag natin ang ating
saloobin, damdamin, at mga ideya o opinion.
Ang wikang Pilipino ay mayaman at hitik sa maraming klase ng panitikan. Gabay ito at
gamit ng ating mga linggwistiko at mga manunulat sa paglimbag at paglathala ng mga
iba’t-ibang uri ng babasahin. Isang uri ng panitikang Pilipino ang matalinhagang salita.
Ang parte ng wikang ito ay may malalim na mga kahulugan o di kaya’y halos walang
tiyak o kasiguraduhang ibig-ipahiwatig maliban sa literal na kahulugan nito. Ito ay
ginagamitan ng mga kasabihan, idyoma, personipikasyon, simili at iba pang uri ng mga
mabubulaklak at nakakalitong mga salita.
Mahalaga ang pag-gamit ng mga salitang matalinhaga. Dito nahuhubog ang ating
intelektuwal na kaisipan. Nagkakaroon din tayo ng mas malalalim na pang-unawa at
pag-aaral sa mga salita na ang akala natin ay simple lamang. Nahihimok din tayo na
pagyabungin at mas palaganapin ang wikang sariling atin.