KASAYSAYAN NG PANITIKAN SA PANAHON NG HAPON (1942 – 1945)

Ang panahong ito sa kasaysayan ng bansa at ng panitikan ang tinaguriang Gintong Panahon ng
Panitikang Filipino dahil higit na malaya ang mga Pilipino (kaysa noong sa Amerikano) sa
pagsulat ng panitikan at pagsanib ng kultura, kaugalian at paniniwalang Pilipino sa mga ito.

Sumibol ng husto ang panitikan sa wikang tagalog at itinaguyod ang pagpapayaman sa panitikan
gamit ang katutubong wika noong panahong ito dahil ipinagbawal ng mga Hapon ang
paggamit ng wikang Ingles. Ipinagbawal din ang mga magasing ingles tulad ng Tribune at
Free Press.

Nabigyang- sigla ang Pambansang Wika dahil na rin sa pagtataguyod ng pananakop.

Binigyan pa nila ng pagkakataon ang isang Pilipino, si Jose P Laurel upang mangulo sa bayan sa
kanilang pamamatnubay.

Tema ng Panitikan sa Panahon ng Hapon

 Sumesentro sa buhay sa lalawigan o pagsasaka o pangingisda.

 Ugali ng mga Hapon na masipag magtrabaho.
 Sumesentro sa Pagka-makabayan, Pag-ibig, kalikasan
 Pananampalataya at sining
 Ugali ng hapon na pagiging tapat sa kanilang bansa at pagkaroon ng dangal sa sarili
at bansa

Maikling Kwento

Naging maunlad at lubusang namulaklak sa panahon ng Hapones.

Halimbawa: Lupang Tinubuan ni Narciso Reyes

Ang Tula

Namalasak ang haiku noong panahong iyon. Ang Haiku ay isang uri ng tula na binubuo ng
labimpitong pantig na nahahati sa tatlong taludtod. Ang unang taludtod ay may limang
pantig; ang ikalawa’y may pitong pantig; ang ikatlo ay may limang pantig (5-7-5). Kahit na
napakaikli ng haiku, ito’y dapat na may masaklaw na kahulugan , matayog na kaisipan, matiim
na damdamin at di mapasusubaliang kariktan

Bunuhay naman ng makatang Ildefonso Santos ang tulang tanaga. Ito’y maikli ring
katulad ng haiku ngunit ito’y may sukat at tugma at ang bawat taludtod ay may pitong
pantig.
Ang Dula

Bunga ng kahirapang ng buhay dulot ng digmaan. Ang mga tao’y humanap ng kahit na
kaunting mapaglilibangan sa mga dulaan. Natigil ang pagsasapelikula dahil sa giyera at ang
mga artista ng puting tabing ay lumipat sa pagtatanghal sa mga dulaan. Ang malalak’t
maliliit na teatro tuloy ay nagsipaglabas ng dula.

Nobela

Sa panahon ng pananakop ng mga Hapones, masasabing lalong hindi namulaklak ang

pagsulat ng nobela. Dahilan ito sa kahirapan ng buhay at halos walang magamit na papel
ang mga manlilimbag. May apat na naging sikat na nobela noong panahon ng mga Hapon,
katulad ng:

a. Sa Pula, Sa Puti ni Francisco Soc Rodrigo

b. Tatlong Maria ni Jose Esperanza Cruz

c. Sa Lundo ng Pangarap ni Gervacio Santiago

d. Lumubog ang Bitwin ni Isidro Castillo