MIDANG TANA MALSAWMNA NIH

CHAN I
(Piani leh Lalngaihi an lo lang a)
Piani : Ngaih, kumin kan group chu kum dang aiin a nuam ka ti tlat. Nang I ti ve em?
Lalngaihi : Ti ve teh reng mai?
Piani : A eng ber chu nge nuam I tih ve chhan ni a…?
Lalngaihi : E le…Puitea te nen group khatah kan awm a. Min melh kanan thei rap. He pa hi
chu a korean tawp. A all-round si, engkim mai hi a zei vel vek a ni mai.
Piani : I star vang mai mai a nih chu... Ti daih ila, nizan pawh an shortplay zirnaah ka va
kal ve e ka tia...a zei rap maw le. Rawn che hit leh ngawt ang.
Lalngaihi : A ni maw?
Piani : Dawn lo’m ni
Lalngaihi : Awi… Min lo score sak em?
Piani : Score char char ang a ni.
Lalngaihi : A pa leh awm. Eng lampang nge an chan a?
Piani : Kal pahin ka hrilh dawn che nia.
(An chhuak a)
--------------------------------------------------------------------------------------------------------------------------
CHAN II : LAN I
(Tluangi a lo lang a)
Tluangi : Hlute, I hman tawh em?
(Zawitein) Muang thei ropui si… Engtin em em nge maw a inchei thin bik ni?
Hlutei : (Lang lo atangin) Aw…ka lo kal..., min lo nghak rawh...
(Zawi deuh hlekin) Hmanhmawh thei cheng chung lutuk.
(Hlutei a lo lang a)
Hlutei : Kal ila... A va la hma hmel si ve…I kawr thar neih vang lek a ni chiang mai…
Tluangi : Ni lo ve…kal paha sawm leh tur an tam alawm. Telawmi dawr kawtah te
khan an lo thu leh nual tawh ang.
(Nienga, CHKa, Remtluanga an lo lang a, Telawmi dawr kawtah games an lo khel a)
Hlutei : I sawm buai peih mai mai ka ti thin. An rawn inkhawm leh tak tak chuang lo
vang.
Tluangi : Aw…Keini’n kan sawm lovin tu’n nge sawm chuang ang a…
LAN II
Tluangi : (Telawmi dawr kawta thute biain)
E… nangni chu in va khel tui awm ve a. Inrinni te khan ‘ti nge in rawn tel ve loh.
kan chhiat phah vek alawm…
Nienga : Chu… tha min ti tihna em ni? A… kan phu lo che… Tak takin…kan hnathawh a
laklawh lutuk a…
Tluangi : Zanin chu rawn inkhawm ve r’u aw… in la hman ang.
Hlutei : Nia… kan lo va kal ang e.
(Hlutei leh Tluangi an chhuak a…)
Nienga : Kha mite pahnih kha chu mi hi an sawm ve peih ngawt mai…an lo fel nek a
nih hi. An hmelin zir deuh phei se la chuan…
CHKa : Khaih khaih…ve tak che chuan. An duh chuang lo vang che…
Remtluanga : Nia… Min sawm apiang lah hian kan aw liam ringawt a, lan leh tak tak a awm
ngai si lo. An zahawm zozai tawh chu I ti ve lo maw…? An mi sawmna zah
vang hrim hrim pawhin inkhawm hi chu kan ba ve tawh chuan ka hria…
CHKa : A ni ngawt mai… Mahse, hnatlan leh hla zir bak hi tih tur an hre lo emaw ni.
A hman thlak ka tih zawng tak. KTP hnatlangah thahnem an ngai em em a
chhungkaw tana thahnem ngai mang si lo. Thawhchhuah ve chhun pawh
phone thar lei nan leh mahni thawmhnaw lei nan bak an hman pawh ka ring
nek lo ve.
Remtluanga : Hei sport te kan nei a. Project 180 te an ti, luanchhuah zan te pawh kan
hman dawn kha maw le. Keini ho tana an tih vek hi ni awm tak a ni. Kei aiin In
la inkhawm khat veleh chhawng a ni maw…? (Hahaha)
Nienga : Hawh u, kal teh ang u. Inkhawm kal laia helaia lo thut pawh hi a nuam lo ve
a
--------------------------------------------------------------------------------------------------------------------------
CHAN III
LAN I
(Hmangaihropuia leh Dawnga silai pu chungin an lo lang a...)
Hmangaihropuia : Vawiin chu sava an vang hle mai. Nidang ang chu ni se iptepui ang hawk
khawpin kan han kap thla leh tur a nia
Dawnga : Sava te pawn i rim an hne tawh a niang
Hmangaihropuia : Tun tum chu insem tham pawh a awm loh hi, hawn vek mai ta che.
Dawnga : A ngai hlei nem.
Hmangaihropuia : Hawn rawh, hawn rawh. In ei khat awm si... Keini te chu kan ei hnem
tawh lutuk
(Zomuanpuia leh Nunhlimi inkhawm tur an lo lang a)
Hmangaihropui : Kha nangni chu in inkhawm dawn bik e lo...?
Zomuanpuia : Nia...kan han inkhawm ve ang e. Kha in va haw tlai ve...?
Hmangaihropuia : Sava kan veh e kan tia... Kan duh aiin kan tlai ta a nih hi.
Dawnga : Zanin chu thulh leh phawt mai teh ang. Min lo inkhawm kep mai teh u.
[Hmangaihropuia leh Dawnga an chhuak a]
Zomuanpuia : (Kal pahin) Tun laiah min sava an veh duh tawh loh lai a, KTP memberin sava
lo la veh tut tut te chu a...an ti ang lo thei.
LAN II
(Nunhlimi leh Zomuanpuia an lo lang a)
[Tluangi, Hlutei, Siami an lo lang a...Nunhlimi leh Zomuanpuia te an rawn um phak a]
Tluangi : Hei… min lo nghak tu.
Nunhlimi : (Siami biak pahin) Awi, he nu hi i rawn inkhawm ve dawn e lo...?
Siami : Nia, Tluangi ten min sawm nasa em a. Inkhawm loh ngam chi pawh a ni hlei
nem.
Nunhlimi : Nangni meuh in rawn inkhawm tawh chuan khawvel tawp a hnai tawh dawn a
nih chu a…
Zomuanpuia : Khati khan ti kher lo la...a inthlahrung ang asin maw le. Mi’n harsa taka an
sawm chhuah sa i hnawt tiau leh mai ang asin. Model ve si...I thing thei em mai.
Siami : (Nunhlimi te kal hnuah) Ka lo kal ta kher kher a ni, ka inchhir ngawt mai.
Hlutei : Engah mah ngai duh suh. Thil tul lo hi kan sawi peih lutuk a.
Tluangi : KTP hrikhru an nih saw. Ka deh puah pawp pawp nghal loh. Kal ang u dar
nawn a ri mai dawn.
--------------------------------------------------------------------------------------------------------------------------
CHAN IV
(Piani leh Lalngaihi an lo lang a)
Lalngaihi : Kha zawng kha maw?
Piani : Aw... a tawi viau naa kei chu min hneh tawp.
Lalngaihi : A ho e.
Piani : Enge a hoh na... I hrethiam lo mai mai a nih kha.
Lalngaihi : Hrethiam nang, han sawi la.
Piani : Aw...kan tawngkam khat vang lek pawh hian mi dang tan malsawmna kan ni
theiin kan ni lo thei asin. Midangte tana malsawmna kan tih hian kan mihringpui
te tan chauh pawh a ni hlei nem thilsiam dangte tan hlei hlei hian a nia sin
pawimawh.
(Mipui lam hawiin)
Midang tana malsawmna ni tur chuan Rosum leh pai neih a ngai lo, Silhfen man to neih
a ngai hek lo, Sakruangah lai tha a zam kher pawh a ngai lo ve… Hawh u, KTP member te
hi, kan tawngkamah leh kan chetze tinrengah te hian i fimkhur ang u. Chuti chuan
midangte tan Malsawmna kan ni mai dawn a lo ni.
Lalngaihi : Teh hluai a che...min lo zui ve reng emaw tia...tlak duah zel mai, kal ang.

A TAWP TA