Anim na libong hindi dahilan

Sa bayan ng aking ina,

May isang dakilang ama’t ina,

edad nila’y bente kwatro

anak nila’y animnapu.

Bahay nila’y may kalumaan,

bubong na kinakalawang,

upua’y bungi-bungi’t uga-uga.

Buhay nila’y salat sa makabagong teknolohiya,

telibisyo’y isang pisara’t

remot kontrol’y tsok,

at ama’t inang kagilagilalas na aktor at aktres.

Sa bayan ng aking inang,

Puno ng kakulangan,

sa dadalawang materyales,

anim na libong sahod.

Ama’t ina’y handang pumuwang,

basta’t anak ay makapagbaon,

ng higit pa sa anim na libong karunungan.