LuPUS ET AGNUS Olim sitis lupum et agnum ad parvum rivum venire compellit.

Olim lupus et agnus ad

parvum rivum venire siti compelluntur. Supra lupus stabat, infra et longius ab agnus. A Iupo. latrone,
causa iurgii statim invenitur: — Tu mihi. dum bibo, aquam turbulentam facis. Tum agnus timide: — Non
est tibi opus iurgio. domine, nam aqua abs te decurrit ad me. Latro ei iratus statim sibi alteram iurgii
causam invenit: — Ante sex menses mihi maledixisti. ) — Carissima mater, domine, necdum me
genuerat; numquam tibi maledixi. Prae timore vestri vox lupi a me numquam exprimitur. Nos agni timidi
vos Iupos timemus. Sed lupus: — At patrem certe habes. is nobis maledixit. Deinde agnus a lupo
corripitur et necatur.

Ad rivum eundem lupus et agnus venerant 1.1

Siti compulsi; superior stabat lupus
Longeque inferior agnus. Tunc fauce improba
Latro incitatus iurgii causam intulit.
„Cur“ inquit „turbulentam fecisti mihi 5
Aquam bibenti?“ Laniger contra timens:
„Qui possum, quaeso, facere, quod quereris, lupe?
A te decurrit ad meos haustus liquor“.
Repulsus ille veritatis viribus:
„Ante hos sex menses male, ait, dixisti mihi“. 10
Respondit agnus: „Equidem natus non eram“.
„Pater hercle tuus, ille inquit, male dixit mihi“.
Atque ita correptum lacerat iniusta nece.
Haec propter illos scripta est homines fabula,
Qui fictis causis innocentes opprimunt. 15 (l.pr.l)