at nagsisilbing batas at tuntunin ng kagandahang- asal ng ating mga ninunong naglalayong mangaral at umakay sa mga kabataan sa pagkakaroon ng kabutihang-asal. Halimbawa: Aanhin pa ang damo kung patay na ang kabayo. Ang hindi lumingon sa pinanggalingan, di makararating sa paroroonan. 2. SAWIKAIN – ito ay nagtataglay ng talinghaga sapagkat ito ay may nakatagong kahulugan. Tinatawag din itong idyoma o kaya naman ay eupemistikong pahayag. Halimbawa: bagong-tao - binata bulang-gugo - gastador; galante balat-sibuyas - iyakin 3. KASABIHAN – ang mga kasabihan noong unang panahon ay yaong pinalalagay na mga sabihin ng mga bata at matatanda na katumbas ng Mother Goose Rhymes. Ang kasabihan ay karaniwang ginagamit sa panunukso o pagpuna sa kilos ng isang tao. Halimbawa: Putak, putak Tiririt ng ibon, Batang duwag Tiririt ng maya Matapang ka’t Kaya lingon ng lingon Nasa pugad. Hanap ay asawa. 4. BUGTONG – ang mga bugtong ay pahulaan sa pamamagitan ng paglalarawan. Ito ay binibigkas ng patula at may lima hanggang labindalawang pantig. Halimbawa:
Bungbong kung liwanag, kung gabi ay dagat.
(banig) Dalawang katawan, tagusan ang tadyang. (hagdan) 5. PALAISIPAN – ito ay nasa anyong tuluyan na kalimitang gumigising sa isipan ng mga tao upang bumuo ng isang kalutasan sa isang suliranin. Halimbawa: Sa isang kulungan ay may limang baboy na inaalagaan si Mang Juan. Lumundag ang isa. Ilan ang natira? May isang bola sa mesa. Tinakpan ito ng sombrero. Paano nakuha nag bola nang hindi man lang nagalaw ang sombrero? Sagutin o magbigay-hinuha sa mga tanong batay sa tulang napakinggan/nabasa. 1. Bakit daw “bagyo ang aanihin kapag hangin ang itinanim”? 2. Ano ang mangyayari kapag hindi nagamit nang wasto o madaling naubos ang mga biyaya sa buhay? 3. Paano isasabuhay ang kasabihang “Ang lumakad nang matulin kung matinik ay malalim”? 4. Bakit nasabing “Ang kalusugan ay kayamanan”? 5. Ano ang ibig sabihin ng “Kung ano ang bukambibig, siyang laman ng dibdib”? Ipaliwanang ang mga sumusunod: 1. Pag may sinuksok, may madudukot. 2. Kung anong taas ng lipad, siyang lakas ng pagbagsak. 3. Ngayon kakahigin, ngayon tutukain. 4. Ang mahirap kunin ay masarap kaiinin. 5. Kapag maaga ang lusong ay maaga ang ahon. Takdang Aralin: Magtanong ng mga sawikain o idyoma mula sa mga matatanda at ibigay ang kahukugan nito. Halimbawa: Butas ang bulsa – walang pera Ikrus sa noo – tandaan Magdilang-anghel – magkatotoo ang sinabi Ibigay ang kahulugan ng mga sawikain o matatalinghagang salitang ginamit sa pangungusap. 1. Mahirap ang maging anak-dalita. 2. May mga anak na hanggang tumanda ay pasang- krus ng magulang. 3. Mahirap pigilan ang taong buo ang loob. 4. Hindi nakabubuti ang pagkakalat ng mga balitang-kutsero. 5. Ginagawa niya ang kanyang responsibilidad bilang ilaw ng tahanan. Gamitin sa pangungusap ang mga sumusunod na sawikain. 1.Nakalutang sa ulap (masaya) 2.Mababawa ang luha (iyakin o madaling mapaiyak) 3.Buhol-buhol ang dila (sinungaling) 4.Parang aso at pusa (palaging nag-aaway) 5.Nagsusunog ng kilay (nag-aaral ng mabuti)