KASUNDUAN SA PAGPAPAGAMIT NG LUPA

ALAMIN NG LAHAT:

Ang kasunduanh ito ay ginawa at pinasok ngayong ika- ____ ng

__________________, 20__ sa Lungsod ng San Pablo nina at sa pagitan nina:

________________________________, nasa tamang edad, kasal kay

_________________________________, Filipino, at nakatira sa
_____________________________________________, na mula rito ay kikilalanin
bilang “UNANG PANIG”

-at-

_________________________________________________, nasa tamang edad,

Filipino, walang asawa/may asawa, at nakatira sa
_________________________________________________________, na mula rito ay
kilkilalanin bilang “IKALAWANG PANIG”.

SAKSIHAN:

SA KADAHILANANG ang UNANG PANIG ay nagmamay-ari ng isang parsel

ng lupa na matatagpuan sa
_____________________________________________________________ na saklaw ng
TAX DEC NO. /TCT NO. _________________________________________________,
na may kabuuang sukat na
_____________________________________________________________ (mula rito,
“PARSEL NG LUPA”);

SA KADAHILANANG ang IKALAWANG PANIG ay nangangailangan ng

lupang matitirikan ng tirahan;

SA KADAHILANANG ang UNANG PANIG ay may kabutihan ng loob at

naiintidihan ang pangangailanga ng IKALAWANG PANIG;

NGAYON, SAMAKATWID, salang-alang sa mga nabanggit sa itaas at sa mga

sumusunod na mga probisyon, ang mga partido dito ay nagkasundo sa mga sumusunod:

1. Kinikilala at pinapatotoo ng IKALAWANG PANIG na ang UNANG PANIG ang

siyang may-ari ng PARSEL NG LUPA;

2. Inihahayag at pinapatotoo ng IKALAWANG PANIG na sila ay nakikitirik lang

ng tirahan sa nasabing lupa ng UNANG PANIG at hindi siya o kahit na sinong
miyembro ng kanyang pamilya o kaanak naging , kasulukuyan o kailanman
magiging tenante ng UNANG PANIG, pang-agrikultural man o kung ano pa man;

3. Pinapayagan ng UNANG PANIG ang IKALAWANG PANIG na gamitin ang

bahagi ng PARSEL NG LUPA na nasa ___________________ bahagi ng
 nasabing lupa at may sukat na _____________________ lamang, na partikular na
nakatalaga sa guhit ng lupa na kalakip at pinirmahan ng dalawang panig at
nagsisilbinging integral na bahagi ng kasunduang ito;

4. Gagamitin lamang ng IKALAWANG PANIG ang nasambit na bahagi ng

PARSEL NG LUPA upang maging tirahan niya at ng kanyang pamilya lamang
(asawa, anak, at magulang lamang) at di kasama ang kung sino pa mang kama-
anak, kaibigan o kung sino pa man na di bahagi ng kanyang pamilya;

5. Eklosibong gagamitin lamang ng IKALAWANG PANIG ang nasambit na bahagi

ng PARSEL NG LUPA upang maging tirahan at tirahan lamang at di upang
tamnan, sakahin, bodega, paupahan, tayuan ng negosyo, o kung ano pa mang
ibang paggamit;

6. Ang itatayo o gagawing tirahan ng IKALAWANG PANIG sa PARSEL NG

LUPA ay pansamantalang istraktura lamang at gagamit lamang ng mga
magagaan na materyales at di gagamit ng bato, semento, hallow blocks, o ano pa
mang matibay na materyales na ginagamit sa pagtatayo ng mga mala-permanente
(semi-permanent) o permanenteng istraktura;

7. Ang itatayo o gagawing tirahan ng IKALAWANG PANIG sa PARSEL NG

LUPA ay di lalampas sa itinakdang bahagi at laki nito na nakasaad sa itaas;

8. Ang gastos sa pagtatayo o pagagwa ng tirahan ng IKALAWANG PANIG ay

ekslosibong sagot lamang ng IKALAWANG PANIG at walang pananagutan ang
UNANG PANIG sa kahit na anong gastusin,pagkakautang, o ano pa mang
obligasyon ng IKALAWANG PANIG sa manggagawa, mayari ng mga
materyales, o kung kanino p a man sa pagtatayo o pagagawa ng kanayang
tirahan;

9. Hindi maglalagay o magpapalagay ng linya ng tubig, kuryente, tubigan, o kung

ano pa mang serbisyo ang IKALAWANG PANIG ng walang naunang nakasulat
na pahintulot ng UNANG PANIG;

10. Hindi gagawa ang IKALAWANG PANIG ng pagbubungkal, pahuhukay,

ekskabasyon (excavation) o kahit na anong gawain na maaring magdulot ng
kasiraan sa PARSEL NG LUPA nang walang naunang nakasulat na pahintulot ng
UNANG PANIG;

11. Hindi magtatayo ng pader o bakod ang IKALAWANG PANIG sa kahit na anong
bahagi ng PARSEL NG LUPA ng walang naunang nakasulat na pahintulot ng
UNANG PANIG;

12. Hindi din magtatanim ang IKALAWANG PANIG ng kahit na anong

puno,halaman o kahit anong pananaim sa kahit na anong bahagi ng PARSEL NG
LUPA nang walang naunang nakasulat na permiso ng UNANG PANIG;

13. Hindi magtatago, magiingat, magiimbak o kahit na magpasok o magdala man

lang ng lason, paputok , baril, bala, granada, armas, dinamita at kahit na anong
 bagay na mapanira, maaring maging sanhi ng sunog o ipinagbabawal ng batas sa
loob ng kahit anong bahagi ng PARSEL NG LUPA;

14. Hinidi gagawa ng kahit na anong gawain na magdudulot ng kasiraan sa lupa o ng

sunog o kahit ana anong gawain na ipinagbabawal ng batas sa loob ng kahit
anong bahagi ng PARSEL NG LUPA;

15. Hindi magpapatira ng o ipapagamit o papaupahan sa ibang tao ng

IKALAWANG PANIG ang kahit na anong bahagi ng PARSEL NG LUPA na
pinapayagan siyang tirahan ng UNANG PANIG o sa kahit na anong bahagi ng
PARSEL NG LUPA na pagaari ng UNANG PANIG;

16. Ang IKALAWANG PANIG ay walang ano mang karapatan sa mga tanim o
bunga/bulaklak ng mga ito na nakatanim sa looob ng PARSEL NG LUPA;

17. Pananatiliin ng IKALAWANG PANIG ang kalinisan at kayusan sa PARSEL

NG LUPA at lubos na pangangalagaan ng IKALAWANG PANIG ang nasabing
parsel ng lupa;

18. Maaring inspeksyonin ng UNANG PANIG ang kahit na anong bahagi ng

PARSEL NG LUPA kasama na ang kinatitirikan ng tirahan ng IKALAWANG
PANIG sa kahit na anong araw at resonableng oras;

19. Hindi ilipat o i-tatalaga ng IKALAWANG PANIG ang Kasunduang ito sa kahit
na sino ng walang naunang nakasulat na permiso ng UNANG PANIG;

20. Hindi din maaring ibenta, i-talaga o ilipat man ng IKALAWANG PANIG ang
mga konstruksyon, imprastraktura o pagpapabuti na itinayo niya o ng kanyang
pamilya, lahat ng kanyang kaanak, bisita o kahit na sinong naninirahan o lumalagi
dito sa kanyang pahintulot o naghahayag ng karapatan sa ilalim niya sa PARSEL
NG LUPA sa ibang tao;

21. Kapag nilabag ng IKAWALAWANG PANIG ang kahit na anong probisyon ng

Kasunduang ito, lalo na sa mga probisyong partikular sa pagbabawal sa
pagpapaupa, pagpapatira, pagtatayo ng mga permanenteng pagpapabuti,
pagbebenta, paglilipat at paga-tatalaga, o ano mang materyal na paglabag,
maaaring kanselahin ng UNANG PANIG ang Kasunduang ito nang hindi na
dadaan sa korte sa pamamagitan ng pagbibigay sa IKALAWANG PANIG ng
nakasulat na TATLUMPUNG (30) ARAW na abiso kung saan nakasaad ang
detalye ng paglabag. Kapag hindi naayos o naitama ng IKALAWANG PANIG
ang paglabag sa loob ng nasabing panahon ng abiso, kanselado na ang
Kasunduang ito;

22. Lubos na nauunawaan ng IKALAWANG PANIG na siya at kanyang pamilya ay

pinatitira lamang ng UNANG PANIG sa bahagi ng p PARSEL NG LUPA
hanggat hindi pa ito kailangan o gagamitin o ibebenta ng UNANG PANIG o ng
kanyang mga anak, apo, inapo, inanak, angkan o itinalaga;

23. Sa pagkakataon na kailanganin o gagamitin o ibebenta na ng UNANG PANIG o

ng kanyang mga anak, apo, inapo, inanak, angkan o itinalaga ang PARSEL NG
 LUPA, maaaring din kanselahin ng UNANG PANIG ang Kasunduang ito nang
hindi na dadaan sa korte sa pamamagitan ng pagbibigay sa IKALAWANG
PANIG ng nakasulat na TATLUMPUNG (30) ARAW;

24. Ang kasunduang ito ay matapos din sa pagkamatay ng kahit na sino sa dalawang
panig na siyang nagsawa ng kasunduang ito;

25. Kapag na kansela o natapos na ang kasunduang ito, kusa at lubos na lilisanin ng
IKALAWANG PANIG, kasama ang buo niyang pamilya, lahat ng kanyang
kaanak, bisita o kahit na sinong naninirahan o lumalagi dito sa kanyang pahintulot
o naghahayag ng karapatan sa ilalim niya an PARSEL NG LUPA, at ang
PARSEL NG LUPA ay ibibigay/ibabalik ang posesyon sa UNANG PANIG na
hindi na kailangang sabihan o palalahanan pa;

26. Kapag na kansela o natapos na ang kasunduang ito, kusa ring gigibain o
tatanggalin ng IKALAWANG PANIG ang ano mang istraktura na kanyang
itinayo o itinayo ng kanyang pamilya, lahat ng kanyang kaanak, bisita o kahit na
sinong naninirahan o lumalagi dito sa kanyang pahintulot o naghahayag ng
karapatan sa ilalim niya sa PARSEL NG LUPA nang hindi magdudulot ng hindi
resonable at permanenteng kasiraan sa PARSEL NG LUPA at sisiguraduhin ng
IKALAWANG PANIG na ibabalik niya ang PARSEL NG LUPA sa orihinal
nitong kondisyon o estado bago siya manirahan dito;

27. Ekslosibong tutustusan ng IKALAWANG PANIG ang ano mang gastusin na

may kaugnayan sa kanyang paglisan sa lupa;

28. Ang ano mang gastusin na tinustusan ng UNANG PANIG na may kaugnayan sa
pagpapagiba sa istraktura na itinayo at iniwanan ng IKALAWANG PANIG sa
PARSEL NG LUPA o sa pagpapsaayos ng PARSEL NG LUPA upang ibalik ito
sa orihinal nitong kondisyon o estado ay babayaran ng IKALAWANG PANIG sa
UNANG PANIG;

29. Ang PARSEL NG LUPA ay hindi sumasailalim ng mga tadhana ng Batas

Repulika 3844 o ng mga Kautusang Pampanguluhan ukol sa Reporma sa Lupa;

30. Ang Kasunduang ito ay magiging epektibo sa pagpirma ng bawat panig at

mananatiling epektibo hanggang magawa ng bawat panig ang lahat ng obligasyon
na nakapaloob dito o hanggang kanselahin ito ng mas maaga o matapos na ito.

31. Ang mga nakapaloob dito ang kumpletong kasunduan ng mga partido ukol sa
PARSEL NG LUPA at pinapawalang bisa at pinapalitan nito ang lahat ng
naunang kasunduan nila tungkol dito, nakasulat man o hindi.

32. Ang hindi paggamit ng ano mang karapatan o pagpapatupad ng ano mang
obligasyon ng bawat panig sa Kasunduang ito ay hindi nangangahulugan
pinapaubaya na ito. Ang lahat ng pagpapaubaya ukol sa mga karapatan at
obligasyon sa kasunduang ito ng kahit na sinong panig ay dapat na malinaw at
nakasulat.
 33. Sakaling maideklarang illegal, labag sa Konstitution o hindi pwedeng aksyonan
(unenforceable) ang ano mang bahagi ng Kasunduang ito kasama ang ano mang
papeles na kalakip o kaugnay dito, ang ibang bahagi nito ay mananatiling
epektibo.;

34. Ang kahit na anong susog o pagbabago sa Kasunduang ito ay dapat na nakasulat
at sinusunod lahat ng pormalidad na sinunod dito;

35. Sa lubos ng kanilang makakaya, aayusin ng mga partido ang ano mang hindi
pagkakaintindihan sa Kasunduang ito sa pamamagitan ng mapayapang paguusap
at mga alternatibong paraan.

36. Ang lugar ng lahat ng aksyong legal ukol sa Kasunduang ito ay eklosibo lamang
sa tamang hukuman ng lungsod ng San Pablo.

37. Ang ano mang komunikasyon o abiso sa pagitan ng mga partido ay dapat na
nakasulat. Lahat ng sulat, abiso o ano pa mang komunikasyon na ipinadala ng
isang panig sa address ng kabilang nakasaad sa itaas ay pinapalagay na natanggap
nito.

38. Lubos na naiintindihan at naunawaan ng bawat panig ang mga nakapaloob sa

Kasunduang ito.

SA KATUNAYAN NG LAHAT NG ITO, ang bawat panig ay lumagda sa ibaba

nito ngayong ika-____ ng _____________________ 2019, dito sa lungsod ng San Pablo.

UNANG PANIG: IKALAWANG PANIG:

_______________________________
GIID Type/No:__________________
Issued by:______________________
Issued on:______________________
Valid until:_____________________
_______________________________
GIID Type/No:___________________
Issued by:______________________
Issued on:______________________
Valid until:_____________________

May pahintulot ko: May pahintulot ko:

Mga
Saksi:
 PAGPAPATUNAY

REPUBLIKA NG PILIPINAS )
LUNGSOD NG SAN PABLO ) S. S.

SA HARAP KO, sa araw at lugar na nakasaad sa itaas, ay dumulog ang mga

sumusunod na nagpakita ngkani-kanilang ebidensya ng pagkakakilanlan, na ang mga
detalye ay nakasaad sa itaas , na kilala kong siyang nagsagawa ng nauunang kasulatan na
pinatunayan nila sa harap ko na ito ay naayon sa malaya at sarili nilang papagpapasiya.

Ang kasulatang ito na may pamagat na “KASUNDUAN SA PAGPAPAGAMIT NG

LUPA” at mayroong anim (6) na pahina kabilang ang pahina kung saan nakasaad ang
Pagpapatunay na ito ay pinirmahan ng lahat ng partido dito at ng kanilang mga saksi sa
kaliwang gilid ng bawat pahina.

SAKSI ANG AKING LAGDA AT SELYONG PANATAK.

NOTARYO PUBLIKO
Kas. Blg. ______;
Pahina Blg. _______;
Libro Blg. _______;
Serye ng 2019