Klasipikasyon ng Pananaliksik batay sa sumusunod na uri:
DISENYO AT PAMAMARAAN NG
PANANALIKSIK
Ang DISENYO SA PANANALIKSIK ay ang pangkalahatang
estratrhiya na pinipili ng mananaliksik upang pagsama-samahin ang
lahat ng bahagi at proseso ng pananaliksik sa maayos at lohikal na
paraan. Ito ang natitiyak na masasagot ng pananaliksik ang suliranin at
matutupad ang layunin na itinakda nito. Ang bahaging ito ng
pananaliksik ay kadalasang naglalaman ng paraan ng pangongolekta,
presentasyon, at pagsusuri ng datos. Ayon sa Business Dictionary
(2011), ang disenyo ng pananaliksik ang detalyadong balangkas kung
paano isasagawa ang imbestigasyon. Kadalasang nilalaman nito kung sa
papaanong paraan mangangalap ng datos ang mananaliksik, ano at
paano gagamitin ang napiling instrument, at ang mga pamamaraan
kung paanong susuriin ang datos.
Nahahati sa dalawang paraan at kategorya ang disenyo ng
pananaliksik batay na rin kung saang disiplina ito nakalinya:
Kuwantitatibo (Quantitative). Ang kuwantitatibong
pananaliksik ay tumutukoy sa sistematiko atv empirical na
imbestigasyon ng iba’t ibang paksa at penomenong panlipunan sa
pamamagitan ng matematikal, estadistikal, at mga teknik na
pamamaraan na gumagamit ng kompyutasyon. Kadalasang ginagamitan
din ito ng mga nasusukat at nakabalangkas na pamamaraan sa
pananaliksik gaya ng surbey, eksperimentasyon, at pagsusuring
estadistikal.
Kuwalitatibo (Qualitative). Ang kuwalitatibong pananaliksik
naman ay kinapapalooban ng mga uri ng pagsisiyasat na ang layunin ay
malalimang unawain ang pag-uugali at ugnayan ng mga tao at ang
dahilan na gumagabay rito. Layunin nitong magpakita ng malinaw at
detalyadong salaysay ng karanasan ng tao. Kabilang sa mga metodong
madalas gamitin sa ganitong uri ng pananaliksik ang pakikisalamuhang
obsebasyon (participatory observation), pakikipanayam, at pagsusuri sa
nilalaman.
Deskriptibo. Pinag-aaralan sa mga palarawang pananaliksik ang
pang kasalukuyan ginagawa, pamantayan, at kalagayan. Nagbibigay ito
ng tugon sa mga tanong na sino, ano, kalian, saan, at papaano na may
kinalaman sa paska ng pag-aaral. Hindi ito tumutugon sa mga tanong na
“bakit”.
Disenyong Action Research. Kaiba sa deskriptibong
pananaliksik, inilalarawan at tinatasa ng isang mananaliksik ang isang
tiyak na kalagayan, pamamaraan, modelo, polisiya, at iba pa sa
layuninng palitan ito ng mas epektibong pamamaraan.
Historikal. Ang historikal na pananaliksik ay gumagamit ng iba’t
ibang pamamaraan ng pangangalap ng datos upang makabuo ng mga
kongklusyon hinggil sa nakaraan.
Pag-aaral ng Isang Kaso/Karanasan (Case Study). Ang mga
pananaliksik na nasa ganitong disenyo ay naglalayong malalimang
unawain ang isang partikular na kaso kaysa magbigay ng
pangkalahatang kongklusyon sa iba’t ibang paksa ng pag-aaral.
Komparatibong Pananaliksik. Ang komparatibong pananaliksik
ay naglalayong maghambing ng anomang konsepto, kultura, bagay,
pangyayari, at iba pa.
Pamamaraang Nakabatay sa Pamantayan (Normative Studies).
Madalas na inihahanay sa deskriptibong uri ng pananaliksik ang
disenyong normative dahil naglalayon itong maglarawan ng anomang
paksa.
Etnograpikong Pag-aaral. Ang etnograpiya ay isang uri ng
pananaliksik sa agham panlipunan na nag-iimbistiga sa kaugalian,
pamumuhay, at iba’t ibang gawi ng isang komunidad sa pamamagitan
ng pakikisalamuha rito.
Disenyo Eksploratori. Isinasagawa ang disenyong eksploratori
kung wala pang gaanong pag-aaral ng naisagawa tungkol sa isang paksa
o suliranin.