Pipino

Ang pipino, Cucumis sativus L. ay isang

tanim na nabubuhay sa mainit na lugar. Ayon sa
ilang pag-aaral, kaunti lang ang taglay nitong
bitamina A ngunit mayaman sa iron, calcium, at
bitamina B at C.

PANGANGAILANGANG PANGKAPALIGIRAN

Mainam na itanim ang pipino sa lugar na

may temperaturang 250C hanggang 350C sa araw
at 180C hanggang 240C sa gabi. Nakatutulong sa
paglaki ng tanim ang sapat na tubig at araw. Ang
mataas na temperatura ay nakaaapekto sa paglago
ng tanim at pagkakaroon nito ng sakit.

PAGPILI NG LUPANG TANIMAN

Nabubuhay ang pipino sa anumang uri ng

lupa ngunit para sa mas magandang ani, magtanim
sa matabang lupang tinatawag na lagkitang galas
o buhanginang galas na may asim (pH) na 5.5
hanggang 6.5 at may sapat na mapagkukunan ng
tubig.

PAGHAHANDA NG LUPANG TANIMAN

Araruhin at suyurin ang lupa nang dalawang beses. Gumawa ng tudling na may pagitang 2
hanggang 3 metro at butas na tatamnan na may pagitang 50 hanggang 60 sentimetro.

PARAAN NG PAGTATANIM

Maglagay ng 500 gramo ng organic fertilizer sa bawat

butas. Magtanim ng 2 buto sa bawat butas at tabunan ito.
Patubigan ang pagitan ng mga tudling.

PAGPAPATUBIG

Patubigan ang tanim isang beses sa isang linggo.

Kailangang sapat ang tubig lalo na sa tag-araw. Kapag tag-ulan
naman, patubigan lamang ito kung kinakailangan.
PAGBABALAG

Labingdalawang araw pagkatapos mailipat-tanim, maaari nang

gumapang ang tanim na pipino. Ang paggamit ng balag na gawa sa kawayan
at GI wire ay nakatutulong para sa mas magandang bunga na may maayos
na hugis.

PAGSASAAYOS NG SANGA AT PAGSUGPO NG DAMO

Iayos ang mga sanga sa pamamagitan ng pagbubuhol

nito sa taling paggagapangan. Damuhan ito pagkatapos ng
14 na araw mula pagkatubo.

PAGPAPATABA

Dami ng Pataba Panahon ng Paraan ng

Uri ng Pataba
(kada ektarya) Pagpapataba Pagpapataba
Sa
14-14-14 5 sako Basal
pagtatanim
46-0-0 + 0-0- 21 araw
2 sako + 1 sako Side Dress
60 (2:1) pagkatanim

PAGBABAWAS NG SANGA

Para sa mas masaganang ani, bawasan nang bahagya ang mga sanga ng tanim hanggang sa
maabot nito ang taas ng balag. Gawin ito sa unang 10 buko ng tanim.

PAG-AANI

Maaari nang anihin ang bunga 35 araw pagkatapos mamulaklak.

Maglaktaw ng isang araw bago anihing muli ang natitirang bunga o kung
kinakailangan. Alisin din ang bungang di maganda ang hugis.

Para sa karagdagang impormasyon, sumulat, bumisita, o tumawag:

NUEVA ECIJA FRUITS & VEGETABLES SEED CENTER
CLSU Compound, Science City of Muñoz, 3119 Nueva Ecija
0916-508-3569

Inilimbag na may pahintulot ng NUEVA ECIJA FRUITS & VEGETABLES SEED CENTER