Signum Crucis
In nomine Patris, et Filii, et Spiritus Sancti. Amen.
Symbolum Apostolorum: (Apostles’ Creed)
Credo in Deum Patrem omnipotentem, Creatorem caeli et terrae. Et in Iesum
Christum, Filium eius unicum, Dominum nostrum, qui conceptus est de Spiritu
Sancto, natus ex Maria Virgine, passus sub Pontio Pilato, crucifixus, mortuus, et
sepultus, descendit ad inferos, tertia die resurrexit a mortuis, ascendit ad caelos,
sedet ad dexteram Dei Patris omnipotentis, inde venturus est iudicare vivos et
mortuos. Credo in Spiritum Sanctum, sanctam Ecclesiam catholicam, sanctorum
communionem, remissionem peccatorum, carnis resurrectionem, vitam aeternam.
Amen.
Pater Noster: (Our Father)
Pater noster, qui es in caelis, sanctificetur nomen tuum. Adveniat regnum tuum.
Fiat voluntas tua, sicut in caelo et in terra. Panem nostrum quotidianum da nobis
hodie, et dimitte nobis debita nostra sicut et nos dimittimus debitoribus nostris. Et
ne nos inducas in tentationem, sed libera nos a malo.
Ave Maria: (Hail Mary)
Ave Maria, gratia plena, Dominus tecum. Benedicta tu in mulieribus, et benedictus
fructus ventris tui, Iesus. Sancta Maria, Mater Dei, ora pro nobis peccatoribus, nunc,
et in hora mortis nostrae. Amen.
Doxologia Minor: (Glory be)
Gloria Patri, et Filio, et Spiritui Sancto. Sicut erat in principio, et nunc, et semper, et
in saecula saeculorum. Amen.
Mysteria Gaudiosa (The Joyful Mysteries)
1. Primum Mysterium Gaudiosum: Annuntiatio; Quem, Virgo, concepisti.
2. Secundum Mysterium Gaudiosum: Visitatio; Quem visitando Elisabeth portasti.
3. Tertium Mysterium Gaudiosum: Nativitas; Quem, Virgo, genuisti.
4. Quartum Mysterium Gaudiosum: Presentatio; Quem in templo praesentasti.
5. Quintum Mysterium Gaudiosum: Inventio in Templo; Quem in templo invenisti.
Mysteria Dolorosa (The Sorrowful Mysteries)
1. Primum Mysterium Dolorosum: Cruciatus in Horto; Qui pro nobis sanguinem
sudavit.
2. Secundum Mysterium Dolorosum: Flagellatio; Qui pro nobis flagellatus est.
3. Tertium Mysterium Dolorosum: Coronatio cum Spinis; Qui pro nobis spinis
coronatus est.
4. Quartum Mysterium Dolorosum: Bajulatio Crucis; Qui pro nobis crucem baiulavit.
5. Quintum Mysterium Dolorosum: Crucifixio; Qui pro nobis crucifixus est.
Mysteria Gloriosa (The Glorious Mysteries)
1. Primum Mysterium Gloriosum: Resurrectio; Qui resurrexit a mortuis.
2. Secundum Mysterium Gloriosum: Ascensio; Qui in caelum ascendit.
3. Tertium Mysterium Gloriosum: Descensus Spiritus Sancti; Qui Spiritum Sanctum
misit.
4. Quartum Mysterium Gloriosum: Assumptio; Qui te assumpsit.
5. Quintum Mysterium Gloriosum: Coronatio; Qui te in caelis coronavit.
Mysteria Luminosa (The Luminous Mysteries)
1) Primum Mysterium Luminosum: Baptisma apud Iordanem; Qui apud Iordanem
baptizatus est.
2) Secundum Mysterium Luminosum: Autorevelatio apud Cananense
matrimonium; Qui ipsum revelavit apud Canense matrimonium.
3) Tertium Mysterium Luminosum: Regni Dei Proclamation coniuncta cum
invitamento ad conversionem; Qui Regnum Dei annuntiavit.
4) Quartum Mysterium Luminosum: Transfiguratio; Qui transfiguratus est.
5) Quintum Mysterium Luminosum: Eucharistiae institutio; Qui Eucharistiam
instituit.
Oratio Fatima: (Fatima Prayer)
Domine Jesu, dimitte nobis debita nostra, salva nos ab igne inferni, perduc in
caelum omnes animas, praesertim eas, quae misericordiae tuae maxime indigent.
Salve Regina: (Hail Holy Queen)
Salve, Regina, mater misericordiae: vita, dulcedo, et spes nostra, salve. Ad te
clamamus exsules filii Evae. Ad te suspiramus, gementes et flentes in hac
lacrimarum valle. Eia, ergo, advocata nostra, illos tuos misericordes oculos ad nos
converte. Et Iesum, benedictum fructum ventris tui, nobis post hoc exsilium
ostende. O clemens, o pia, o dulcis Virgo Maria.
V. Ora pro nobis, Sancta Dei Genetrix.
R. Ut digni efficiamur promissionibus Christi.
V. Oremus: Deus, cuius Unigenitus per vitam, mortem et resurrectionem suam
nobis salutis aeternae praemia comparavit, concede, quaesumus: ut haec mysteria
sacratissimo beatae Mariae Virginis Rosario recolentes, et imitemur quod continent,
et quod promittunt assequamur. Per eumdem Christum Dominum nostrum. Amen.
Oratio ad Sanctum Michael: (Prayer to St. Michael)
Sancte Michael Archangele, defende nos in praelio; contra nequitiam et insidias
diaboli esto praesidium. Imperat illi Deus; supplices deprecamur: tuque, Princeps
militiae caelestis, Satanam aliosque spiritus malignos, qui ad perditionem animarum
pervagantur in mundo, divina virtute in infernum detrude. Amen