Tanda do Salip Mistirium-mistirium do Joliu Tobitua di Sangti Maria
Id Ngaan di Tama om di Tanak om di Spiritu Tobitua. Amen.
Otumbazan Zou (Apostles' Creed)
Otumbazan zou doid kinoingan tama vovozoon ngaavi I minamangun do tavan om
tana. Otumbazan zou doid di Jesus Kristus I tanak disido do iso-no I tuhan tokou,
nanaak mantad kuasa di spiritu tobitua om nosusu di hahangai Maria, duminaa doid
kuasa di Pontius Pilatus, pinapapak, napatai om nohobong. Mininsiba isido doid di
nagapatai, ontok kotohu tadau tuminungag vagu isido, mininsavat isido doid Surga om
poindikau isido doid vanan di tama, mikot mai vagu isido do manalasai do tuhun ngaavi
I sangimpasi om nangapatai. Otumbazan zou doid Spiritu tobitua, I tinimungan di tuhun
nongobitua om Katolik, kopiomungan do Sangti ngaavi, kopomohiungan do douso,
kotunganan di nangapatai om koposizon selajul. Amen.
Tama Za
Tama za doid Surga,
Apantang daa O ngaan nu,
Koikot daa O kopomolintaan nu,
Kaandak nu adadi daa doid Tana miaga doid Surga,
Pataako dagai do tadau diti O Takanon za do tikid tadau,
Om pohiongo zikoi do douso za miaga dagai do Popohiong di Papakaus dagai,
Om ada zikoi pohogoso doid koimbazatan, katapi pahapaso zikoi no do mantad
kalaatan. Amen.
Ave Maria
Ave Maria, noponu do graasia, miampai diau oh kinoingan, obitua ko doid saviavi tondu
om obitua tuva tinan nu I Jesus.
Sangti Maria, tina do kinoingan, pokiisianai zikoi tu tuhun momimidouso baino om
ontok jam do kapatazon za. Amen.
Kobontugan
Kobontugan doid di tama om di tanak om di spiritu tobitua,
Miaga di tiimpun i baino om selajul do aiso nodi kopupuson.
Amen.
Sambayang Do Fatima
Oi Jesus ku, Ompuno no ngaavi oh douso za, posizo zikoi mantad tapui nalaka, om ovito
ngaavi oh koduduvo za doid Surga, hohubi po di sontob mokinsian ngaavi diau.
Mistirium ngaavi’ do KAANDASAN
(gunoon ontok Tadau Koiso’ om Koonom om timpu do kapagandadan ‘Advent’ om Krismas)
1: Kinopoihaan do kinohodion di Tuhan tokou
2: Kinoponombuhuzan di Sangti Maria Di Sangti Elizabeth
3: Kinohodion di Tuhan tokou
4: KInapataakan di Tuhan tokou doid panambazangan
5: Kinokitanan di Tuhan tokou doid panampazangan
Mistirium ngaavi’ do KOSUSAAN
(Gunoon ontok Tadau Koduvo om Kohimo om timpu Poguhu-Paska ‘Lent’)
1: Kinadaa’an di Tuhan tokou id KAbun Gethsemani
2: Kinoposutan di Tuhan tokou id toigi
3: Kinosigaan di Tuhan tokou di ugi
4: Kinasaanan di Tuhan tokou do salib do tuminakad do Nuhu Kalvari
5: Kinapapakon om kinapatazon di Tuhan tokou id surga
Mistirium ngaavi’ do KOBONTUGAN
(Gunoon ontok Tadau Kotohu om Minggu’ om timpu Paska)
1: Kinotungagan di Tuhan tokou do mantad poimpatai
2: Kinoinsavatan di Tuhan tokou do kuminaa doid surge
3: Kinasandatan di Spiritu Tobitua doid Apostol ngaavi’
4: Kinaangazan do KInoingan di Sangti Maria kuminaa doid surga
5: Kinapamagaahan do Kinoingan di Sangti Maria do doiho’ id surga
Mistirium ngaavi’ do KANAVA’ON
(Gunoon ontok Tadau Kaapat)
1: Kinopodsuan di Jesus doid Bavang Jordan
2: Kinointahangan Sondii’ di Jesus doid Pangaangakan Pisasavaan doid Kana
3: Kinapaabalan di Jesus do Koikatan do Kopomolintaan do Kinoingan
4: Kinaahanan do Upa’ di Jesus
5: Kinoponimpuunan di Jesus do Pamakanan Tobitua
 Tabi Raani
Tabi Raani, Tina do kosianan, kaganapan, kaanangan om kohansanan za. Humaad zikoi
doid diau, izikoi tu tanak di Eva do nangazadaan, Pataakon za ngaavi diau oh onsu za do
sontootongob, songii'iad doiti id tana do kikosusan. Kosianai di poogi dagai oi
mamanampung dagai om kahapas pa kazadaan dagai diti, pokitono zikoi no di Jesus, I
tuva tobitua tinan nu. Oi maria, I hahaangai tosuou, I obingginavo om obinsianan.

M: Pokiinsianai zikoi, oi tina tobitua do kinoingan.

S: Do kapadan zikoi daa di dandi ngaavi di Kristus. Amen.

Sumambahang tokou...
Oi Kinoingan za, i koumohigan om kohigkangan za, kosianai do tuhun ngaavi, I humaad
doid diau om mantad do katampungan di hahangai Maria, I Tina di Kinoingan om
Hahangai Tobitua I aiso do douso om I Sangti Josef I savo dosido, Apostol Petrus om
Paulus om saviavi Sangti, kosianai om kinongoo o sambayang za do mimang daa vasi o
tuhun ngaavi di kidouso om kahapas om kagaza daa o tinimungan di tuhun Tobitua di
Kinoingan, Pokionoun za iti maza di Kristus I Tuhan za. Amen.

Kanou sumambayang…
Mokiinsian zikoi Diau, oi Tuhan za, do potunguon Nu a graasia Nu doid ginavo za, do
izikoi i pinoiho do tasab kokomoi do kinododizan di Kristus, Tanak Nu do tuhun, do
mantad kinadaa’an Disido id salip, oovit zikoi no daa doid kaazaan do kinotungagan
Dau. Pokionuon za iti maza’ di Kristus, i Tuhan za. Amen.

Pokiinsianan (Memorare)
Ondomo no’, oi Haahangai tobitua kozo, Maria, do au’ ko insan do minonohikud do iisai
noopo o minokiumohig om minokiinsian diau. Mantad kahansanan tagazo diti, humaad
zou doid diau, oi Haahangai do Haahangai ngaavi’, i Tina’ ku. Mikot zou doid diau,
mingkakat zou doid dumbangan nu, izou, I momimidouso om tumongob. Oi Tina’ di
Boos Nadadi do Tuhun, ada zou tovingudai, nga’ kosianai no dogo’, kinongoo’ om
insiano’ zou no. Amen.