Kasaysayan at diwa ng

Buwan ng Wika
Ang tema ng Buwan ng Wika ngayong 2017 ay Filipino bilang 'wikang mapagbago'

Kaela Malig at Gari Acolola

Published 7:34 PM, August 22, 2017
Updated 7:34 PM, August 22, 2017

Facebook
Twitter
Reddit
Email

MANILA, Pilipinas – Ginugunita ng Pilipinas ang Buwan ng Wika tuwing Agosto.

Puno ng iba't ibang aktibidad ang buwan bilang pagsaludo sa wikang Filipino at sa
pagmamahal sa bansa.

Kaakibat ng pagdiriwang na ito ang pagbalik-tanaw sa kasaysayan ng pambansang

wika at ang mga hakbang upang itaguyod at paunlarin ito.

Pagbuo ng pambansang wika

Ang pagbuo ng isang pambansang wika upang mapagkaisa ang buong bansa ay
mithiing nagsimula noong 1935, sa panahon ni Pangulong Manuel L. Quezon.

Sa Konstitusyon noong taong iyon, iniatas sa Kongreso ang "magpaunlad at

magpatibay ng pangkalahatang Pambansang Wika na batay sa isa sa mga umiiral
na katutubong wika."

Napili ang Tagalog bilang batayan. Kalaunan, naiproklama ang wikang pambansang
Pilipino sa pamamagitan ng Batas Komonwelt Bilang 570, na nagkabisa noong
1946. Noong 1959 lamang ito opisyal na tinawag na Pilipino.

Upang maisaalang-alang ang iba pang mga katutubong wika, ang wikang pambansa
ay pinaunlad muli simula noong 1973, at ito ay makikilala bilang wikang Filipino.

Opisyal na idineklara ang Filipino at Ingles bilang mga wikang pambansa sa

Saligang Batas ng 1987.

Kasaysayan ng pagdiriwang
Si Pangulong Sergio Osmeña ang unang nagdeklara ng pagdiriwang ng Linggo ng
Wika. Mula 1946 hanggang 1954, ito ay ginugunita mula ika-27 ng Marso hanggang
ika-2 ng Abril, alinsunod sa Proklamasyon Bilang 35. Pinili ang Abril 2 dahil ito ang
kaarawan ng kilalang Tagalog na manunulat na si Francisco Balagtas.

Other Stories

Retired fishermen on Chinese assault: 'Back then, we were free'

'Dati walang ganoon, malayang malaya ka,' says 59-year-old Freddy Montes, recounting his time
fishing in Recto Bank in the West Philippine Sea

Owner of sunken boat: I feel like we’re slaves of China

'Parang alipin po tayo ng China. Parang wala tayong karapatan sa sarili nating nasasakupan,' says
Felix dela Torre, the owner of the fishing boat sunk and abandoned by a Chinese fishing boat in West
Philippine Sea

Satellite data show China ship not 'besieged' by Filipino boats

(UPDATED) 'What 7-8 vessel swarm of night-marauding Filipino fishing boats is China talking about?'
says maritime law expert Jay Batongbacal

Ito ay iniusog sa ika-29 ng Marso hanggang ika-4 ng Abril ni Pangulong Ramon

Magsaysay noong 1954. Sa sumunod na taon, noong 1955, inilipat ni Pangulong
Magsaysay ang selebrasyon sa ika-13 hanggang ika-19 ng Agosto, sa pamamagitan
ng Proklamasyon Bilang 186.

Bakit Agosto? Ayon kay Pangulong Magsaysay, ang orihinal na Linggo ng Wika ay
nagaganap tuwing bakasyon ng mga estudyante, kaya hindi naisasama ang mga
paaralan sa pagdiriwang nito. Samantala, ang huling araw naman ay gugunitain sa
kaarawan ni Pangulong Quezon, ang itinuturing na Ama ng Wikang Pambansa.

Noong 1988, pinirmahan ni Pangulong Corazon Aquino ang Proklamasyon Bilang

19, na nagpatibay ng selebrasyon ng Linggo ng Wika sa Agosto 13-19.

Makalipas ang halos isang dekada, noong 1997, sa bisa ng Proklamasyon Bilang
1041, idineklara ni Pangulong Fidel Ramos na ang selebrasyon ng Wikang Filipino
ay magaganap na sa buong buwan ng Agosto. (BASAHIN: Buwan ng Wika or
Linggo ng Wika: What do we celebrate?)

Paggunita sa Buwan ng Wika

Ang Komisyon sa Wikang Filipino (KWF) ang punong abala sa pagdiriwang ng

Buwan ng Wika.

Ngayong 2017, pinili ng KWF na tema ng Buwan ng Wika ang Filipino bilang "wikang
mapagbago."

"Bilang wikang pambansa ng Filipinas, ang pagbabagong ito ay nakasandig sa

tatlong halagahan na pinagsisikapan ng KWF na maipalaganap sa buong Filipinas:
ang Filipino bilang wika ng kaisahan, kaunlaran, at karunungan," sabi ng KWF sa
isang pahayag.

Ang tatlong halagahang ito ay naging tema rin ng KWF noong mga nakaraang
taon: Wika ng Pagkakaisa noong 2014, Wika ng Pambansang Kaunlaran noong
2015, at Wika ng Karunungan noong 2016. – Rappler.com

Sina Kaela Malig at Gari Acolola ay interns ng Rappler.

Advertisement

Sanggunian: Komisyon sa Wikang Filipino, National Commission for Culture and the
Arts, "Honoring our language, Remembering our heroes" ni Ching Pangilinan sa
SunStar Pampanga