Luntiang kapaligiran, malamig na damyo ng sariwang hangin,
magandang anyo ng kabundukan at masaganing ani na hatid ng tribung
aming kinabibilangan, ito ang tribung Mangyan, isang katutubong pangkat sa ating bayan na sa araw na ito’y magbibigay pasasalamat sa seremonyang ritwal na ito upang purihin ang Maykapal sa mga produktong aning ipinagkaloob sa amin sa panahon ng anihan. Pagtatanim ang pangunahing kabuhayan ng tribong mangyan. Pagkakaingin at pagtatanim ng saging, kape, gabi, mais at iba pang gulay. Ang mga ito na rin ang kanilang kinakain sa araw-araw at dinadala nila sa mga palengke o “tianggean” upang pagkakitaan. Bukod sa mga bundok, lubhang mahalaga rin sa tribong Mangyan ang mga ilog. Doon sila kumukuha ng tubig na maiinom at panggamit na rin sa paliligo, paglalaba at iba pa. Ginagawa rin nilang daanan ang ilog sa pamamagitan ng mga balsa. Kaya sa araw na ito, kaming katutubong pangkat ng ating bayan na nagmula sa komunidad ng mga mangyan ay inyong saksihan.