Department of Education

Division of Calamba
PUNTA NATIONAL HIGH SCHOOL
Calamba City

IKATLONG MARKAHANG PAGSUSULIT

FILIPINO GRADE 10
Pangalan: ______________________________ Iskor: __________________
Baitang at Pangkat: ______________________ Petsa: __________________

I. Panuto: Piliin ang letra ng tamang sagot at isulat sa patlang.

Bata pa lamang si Sundiata ay naging mahusay nang mangangaso. Naging matalik niyang kaibigan si Manding Bory, ang anak
ng kaniyang ama sa ikatlong asawa. Nang mabigo ang balak na pang-utas kay Djata nina Sassouma at Dangkaran, ipinatapon
nila ang mag-anak. Ang bayani sampu ng kadugo ay nakahanap ng kanlungan sa kaharian ng Mema.

______1. Batay sa pangyayari, sino ang binalak ngunit nabigong patayin?

A. Dankaran B. Manding Bory C. Sassouma D. Sundiata
______2. Ito ay ang paglilipat sa pinagsalinang wika ay pinakamalapit na katumbas na diwa at estilong nasa wikang
isasalin.
A. Gramatika B. Pagpapakaulugan C. Pagsasaling-wika D. Panlapi
______3. Ito ay matagal nang ipinaglaban ni Manuel Luis M. Quezon upang mas magkaunawaan ang mga Pilipino.
A. lahi B. Katarungan C. Watawat D. Wikang Pambansa
______4. Alin sa pahayag ang naglalahad ng damdaming nagmumungkahi o nagpapayo?
A. Tingnan mo ang iyong sarili.
B. Huminahon ka ina, kalimutan mo na iyon.
C. Walang makapaparam ng pang-iinsultong aking tinamo.
D. Tandaan, walang silid para sa dalawang hari sa isang reyno.
Para sa bilang 5
Ayaw ni Okonkwo sa mahihina. Sa ganoong paraan niya pilit na iwinawaksi ang tumatak na pagkatao ng kaniyang amang si Unoka
sa kanilang pamayanan. Tamad, baon sa utang, mahina at walang kuwenta sapagkat ni isang laban ay walang naipanalo ang
kaniyang ama. Mag-isang hinubog ni Okonkwo ang kaniyang kapalaran. Nagsumikap maiangat ang buhay, nagkaroon ng
maraming ari-ariang sapat upang magkaroon ng tatlong asawa, titulo sa mga laban at higit sa lahat, pagkilala mula sa mga katribo.
______5. Sa iyong palagay, bakit gusto ni Okonkwo na makilala siya ng mga katribo?
A. mahina ang kaniyang ama
B. gusto niyang maghiganti sa kaniyang ama
C. dahil walang kuwenta ang kanyang ama
D. gusto niya ng karangalan, pangalan at katanyagan
______6. Piliin ang pinakamalapit na salin sa kasabihang:
“A negative mind will never give you a positive life.”
A. Ang isip na negatibo ay di magbibigay ng buhay na positibo.
B. Ang kaisipang negatibo ay hindi ka mabibigyan ng positibong buhay.
C. Ang negatibong pag-iisip ay di magdadala sayo sa magandang buhay.
D. ang negatibong pag-iisip ay hindi magbibigay sayo ng positibong buhay.
Para sa bilang 7

“Naalala ko pa noon, kasalukuyan kaming nakasakay sa Bangka nang humulagpos ang isa kong tsinelas. Ang tsinelas
ay ang gamit naming pagpasok at pagpunta sa mga lakaran. Kung saan ang bakya na gawa sa kahoy ay hindi nararapat. Mabilis
itong inanod sa tubig bago ko nahabol para kunin. Malungkot ako dahil iniisip ko ang aking ina na magagalit dahil sa pagkawala
ng aking tsinelas. Tiningnan ako ng nagsasagwan nang kinuha ko ang aking isa pang tsinelas at dali dali kong itinapon sa dagat,
kasama ang dasal na mahabol nito ang kapares na tsinelas.

______7. Sa salaysay na nabanggit, anong aral ang nais iparating nito?

A. Katapatan sa bayan
B. Pagpapahalaga sa kanyang kapwa
C. Pagpaparaya para sa kapakanan ng iba
D. Mahusay na pakikitungo sa kaniyang kapwa kabataan
Para sa bilang 8
Ang espiritwal at pisikal na kaisahan na ating ibinabahagi sa lupaing ito ay nagpapaliwanag sa lalim ng sakit na dala-
dala ng ating mga puso sa tuwing makikita natin ang ating bansa na nalulugmok sa di pagkakasundo. At sa tuwing makikita natin
ang pagtanggi, ang paglaban sa batas at paghihiwalay ng mga tao sa mundo. Ito ay dahil sa naging pambansang batayan ang
nakamamatay na ideolohiya at pagkakaroon ng rasismo.
______8. Ito ang epekto ng pagkakaroon ng nakamamatay na ideolohiya at rasismo.
A. pagtanggi sa rasismo
B. pagkalugmok ng sarili
C. espiritwal at pisikal na kaisahan
D. paghihiwalay ng mga tao sa mundo
______9. Inaakala ko na manghihina ang kaniyang katawang pisikal at espirituwal subalit nanatili siyang metatag at
nakakapit sa Diyos. Ang mga salitang may salungguhit ay nagpapahiwatig ng _________________.
A. paghihinuha B. Paglalarawan C. Panghihikayat D. pangangatuwiran
Para sa bilang 10
Ang ilaw na iyang maganda sa mata
Na may liwanag nang kahali-halina
Dapat mong layuan, iyo’y palamara
Pinapatay bawat malapit sa kaniya.

______ 10. Anong damdamin o saloobin ng persona sa tula?

A. nag-aanyaya B. Nagbababala C. Nangangako D. nagpapayo
______ 11. Sa pagsasalin, anong hakbang ang hindi dapat na isaalang-alang?
A. Muling isalin.
B. Magdagdag at magbawas ng salita.
C. Ihambing sa iba ang ginawang salin.
D. Rebisahin ang salin upang ito’y maging totoo sa diwa ng orihinal.
Para sa Bilang 12
Unang Tula Ikalawang Tula
Samakatuwid, ako’y minahal. At kung ako’y iyong nahambing sa iba na di nagkaisip
Samakatuwid, ako’y lumigaya. na layuan siya, disin ako ngayo’y katulad nila nawalan
Samakatuwid, ako’y kapilas ng buhay. ng buhay at isang patay na.
Samakatuwid, ako’y nagtamasa ng dangal.
“Ang Matanda at ang Batang Paruparo”
“Hele ng Ina sa Kanyang Panganay” Ni Rafael Palma
Salin sa Filipino ni Mary Grace A. Tabora
______ 12.Batay sa dalawang tula, paano naiba ang tulang may malayang taludturan sa tulang may tradisyunal na
taludturan?
A.Ang tulang malaya ay walang sukat samantalang ang tulang tradisyunal ay may sukat.
B.Ang tulang malaya ay walang sukat at tugma samantalang ang tulang tradisyunal ay may sukat at tugma.
C.Ang tulang malaya ay walang sukat at tugma samantalang ang tulang tradisyual ay may sukat at tugma at
parehong nagtataglay ng matatalinghagang pananalita upang lumitaw ang kariktan nito.
D.Ang tulang malayaay walang sukat at tugma samantalang ang tulang tradisyunal ay may sukat at tugma at
parehong nagtataglay ng matatalinghagang pananalita at simbolismo upang lumitaw ang kariktan at talinhaga
nito.
______13. Sa iyong palagay, ano ang pinakamalapit na ipinahihiwatig ng anekdota ni Rizal na Gamugamu at Lampara?”
A. Kasayahan, kulitan ng kabataan noon
B. Ang kabataan ay dapat mag-aral na mabuti.
C. Ang liwanag na nilikha ni Rizal at ang kaayusan ng bansa
D. Ito ay sumisimbolo sa edukasyon at kabataan na pag-asa ng bayan.
Para sa bilang 14
Sa tingin ko nga, mas mahal pa niya kami kaysa sa kaniyang sarili. Nang mawala ang aming ama, ganoon na lamang ang pag-
aaalala naming sa kaniya, inaakala ko na manghihina ang kaniyang katawang pisikal at ispiritwal subalit nanatili siyang matatag
at nakakapit sa Diyos.
______ 14. Ano ang ipinahihiwatig ng pangungusap na Sa tingin ko nga, mas mahal pa niya kami kaysa sa kaniyang sarili.
A. Gagawin lahat ng magulang para sa kaniyang anak.
B. Alam ng magulang kung ano ang makabubuti para sa mga anak.
C. Binibili ng magulang ang mga luho ng anak para sa sarili nitong kapakanan.
D. Ibibigay ng magulang ang pangangailangang pisikal at espiritwal para sa pangangailangan ng mga anak.
______ 15. Ano ang tawag sa paglilipat ng pinakamalapit na katumbas na diwa at estilong nasa wikang isasalin?
A. panlapi B. Gramatika C. Pagpapakahulugan D. pagsasaling-wika
______ 16. Ito ay pagpapahayag ng mga pangyayari o kasanayang magkakaugnay.
A. pangangatwiran B. paglalarawan C. Paglalahad D. pagsasalaysay
______ 17. Ito ay panitikang may suliraning kinakaharap ang pangunahing tauhan at nag-iiwan ng isang kakintalan sa isip
ng mambabasa.
A. nobela B. Karilyo C. Dula D. maikling kuwento
______ 18. Ang tulang ito ay walang sukat at tugma ngunit mayaman sa matatalinghagang pananalita.
A. blangko berso B. Malaya C. pandamdamin D. tradisyonal
______ 19. Basahin ang kasunod na taludturan mula sa tulang “Hele ng Ina sa Kaniyang Panganay,” ano ang ibig sabihin
ng salitang may salungguhit?
Ang poo’y di marapat pagnakawan,
Sa iyo’y wala silang masamang pinapagimpan.
A. nais B. Mithi C. Hangad D. pangarap
Para sa bilang 20 at 21
Alanganing Dalaw
Minsan kadudulog pa lamang ni Lieblings, isang tanyag na musikero, sa hapag kainan nang may isang panauhing dumating.
“Naririto si Ginoong X, na inyong kaibigan,” pagbabalit ng utusan.
Gayon na lamang ang pagkayamot ng naabalang musikero at padarag na sinabi, “Napakaalanganin naman ng oras ng dalaw na iyan.
Dalhin mo siya sa sala upang di mainip.”
Matapos ang isang masaganang hapunan, tinungo ni Liebling sang kinaroroonan ng kaibigan.
“Naku, dinaramdam kong napaghintay kita, pero laging eksaktong alas siyete an gaming hapunan.”
“Alam ko,” ang tuyot na pakli ni Ginoong X, “katunayan, iyan ang sinabi mo sa akin nang anyayahan mo akong maghapunan ditto sa
inyo ngayong gabi.”
Hango sa Little Book of Music Anecdote
ni Helen Kauffman
______ 20. Batay sa binasang anekdota, tama ba ang naging pasiya ng musikero na ipagpatuloy ang kaniyang hapunan
bago harapin ang panauhin?
A. Oo, sapagkat hindi siya dapat malipasan ng gutom.
B. Hindi, sapagkat hindi mainam na paghintayin ang panauhin.
C. Hindi, sapagkat baka maaaring mahalaga ang sadya ng panauhin.
D. Oo, sapagkat ang pagkain ng hapunan sa ganap na alas siyete ng gabi ay kaniyang nakagawian.
______ 21. Anong aral ang iyong natutuhan sa anekdotang binasa?
A. Tanggapin nang maayos ang mga panauhin.
B. Iwasan ang pagbabalatkayo, ito’y hindi mabuting gawa.
C. Hindi mabuting unahin ang pansariling pangangailangan.
D. Palaging tandaan ang ginagawang paanyaya sa mga kaibigan.

Para sa bilang 22-26, piliin ang angkop na salin sa salitang nakaitalisado.

______ 22. Noong unang Time, ang kalangitan at ang kalupaan ay mag-asawa.
A. Bagyo B. Kalamidad C. Oras C. Panahon
______ 23. At si Pond naman ay diyosa ng katubigan.
A. Kalikasan B. Katubigan C. kalawaan D. Tubigan
______ 24. Sina Langit at Tubigan ay Married at ang naging anak nila ay apat, tatlo ang lalaki, at isa ang babae.
A. Magkababata B. Nagpakasal C. Nag-iibigan D. Nagsasama
______ 25. Si Aldaw ay Cheerful na lalaki na ang katawan ay ginto.
A. Mainam B. Masayahin C. Masigla D. Masipag
______ 26. Si Bulan ay Weak, isang lalaki na ang katawan ay ginto.
A. Maginoong B. Mahinang C. Matabang D. Matipuno
______ 27. bulaklak : hardin :: aklat:_____________
A. silid-aklatan B. Silid-aralan C. silid-sambahan D. silid-tulugan
______ 28. espiritwal : kaluluwa :: pisikal:______________
A. kakisigan B. kaguwapuhan C. Katapangan D. Katawan
______ 29. puso : katawan :: ______________ : puno
A. Kabukiran B. Kagubatan C. Kaparangan D. Karagatan
______ 30. Ano ang sukat ng saknong ng tula sa ibaba?
Tunay ngayong umid yaring dila’t puso
Sinta’y umiilag, tuwa’t lumalayo.
A. lalabindalawahin B. lalabing-animin C. Pipituhin D. wawaluhin
______ 31. Ano ang talinghagang nakapaloob sa tula?
Putol na tinapay
at santabong sabaw
sanabiksang pinto’y iniwan ng bantay
halos ay sinaklot ng maruming kamay
A. Nararanasang kaapihan ng isang mahirap C. Nararamdamang pag-asa ng mahirap
B. Nararanasang gutom ng isang mahirap D. Nararamdamang sakit ng mahirap
______ 32. Alin ang may tamang antas ng tindi ng damdamin?
A. Kagalakan, Katuwaan, Kaluwalhatian, Kaligayahan, Kasiyahan
B. Katuwaan, Kagalakan, Kaluwalhatian, Kaligayahan, Kasiyahan
C. Katuwaan, Kasiyahan, Kagalakan, Kaligayahan, Kaluwalhatian
D. Kaluwalhatian, Kasiyahan, Kaligayahan, Kagalakan, Katuwaan
______ 33. Alin ang may papatinding damdamin?
A. Lungkot, lumbay, dalamhati, pighati, pagdurusa
B. Lumbay, lungkot, dalamhati, pighati, pagdurusa
C. Dalamhati, lungkot, lumbay, pagdurusa, pighati
D. Pighati, pagdurusa, lungkot, lumbay, dalamhati

Para sa bilang 34-36, piliin ang kahulugan ng simbolismo at matatalinghagang pananalita na ginamit sa mga tula sa
bawat bilang.
______ 34. Mata’y napapikit sa aking namasdan;
Apat na kandila ang nangagbabantay
A. Naputulan sila ng ilaw C. May mga nakatirik na kandila sa kanilang bahay
B. May mga taong nagdarasal D. Patay na niyang dinatnan ang isang minamahal
_____ 35. Siya’y mabiyayang inilatag
Sa tubong matamis ay matingkad,
Itong disyerto’y kaniyang buhok
Ginituang paa’y namumukod,
At ang kaniyang dibdib ay bundok
Na sa ilog ng Nile nalulunod,
Kaya’t siya’y pinong itinakda,
Na ginawarang itim tuwina.
A. Paglalarawan sa isang babaeng Africana na walang kasing-ganda
B. Isang Africana na handang lumaban sa pang-aapi
C. Paglalarawan sa bansang Africa
D. Isang babeng Africana na inapi at natutong lumaban
______ 36. Sandaling lisanin ang nakasanayan
Unatin yaring kaluluwa’t katawan
Kawangis ng paghalik ng Maylalang
Sa burol, dalampasiga’t kaparangan.
A. Paglimot sa kasalukuyang kalagayan upang damhin ang kalikasan
B. Pagtakas sa katotohanan upang pumunta sa ibang mundo
C. Paghanga sa gandang taglay ng kalikasan
D. Pag-ibig sa kalikasan na walang kapantay
______ 37. Ngayon, gugugulin niya ang kanyang buhay sa maliit niyang dampa sa tabi ng ilog sa Kalansanda.
A. Gagastusin B. Ibubuhos C. Ilalaan D. Itatapon
______ 38. Ang pagmamahal sa alagang baboy ang namamayani kay Kibuka kaya hindi niya ito maipagbibili.
A. Nangingibabaw B. Nanginginig C. Nananagana D. Nanunuot

A. Tumalsik B. Humagis C. Pumunta D. Nangalat

______ 40. Habang naghahalukay sa kumpol ng mga sanga ang alagang baboy, isang di inaasahang pangyayari ang
naganap.
A. Nag-uud-od B. Naghahanap C. Nagkukutkot D. Naglilikot
______ 41. Anong elemento ng nobela ang nagbibigay kulay sa mga pangyayari.
A. Damdamin B. Pananalita C. Pananaw D. Simbolismo
______ 42. Ito ang nagbibigay ng mas malalim na kahulugan sa tao, bagay, pangyayari.
A. Damdamin B. Pananalita C. Pananaw D. Simbolismo
______ 43. Ang paksang mula rito ay pinakamadali at pinakadetalyadong paraan ngpagsasalaysay.
A. Napanood B. Narinig sa iba C. Nabasa D. Sariling karanasan
______ 44. Nangangailangan ng ganap na pagkaunawa sa pangyayari mula sa anumang tekstong nabasa.
A. Napanood B. Narinig sa iba C. Nabasa D. Sariling karanasan
______ 45. Ito ang paksa na mula sa palabras sa sine, telebisyon o dulang pangteatro.
A. Napanood B. Narinig sa iba C. Nabasa D. Sariling karanasan
______ 46. Paksang mula sa imahinasyon, katootohanan man o ilusyon.
A. Likhang-isip B. Napanood C. Narinig sa iba D. Nabasa
______ 47. Isang pagsasalaysay na kung saan ang pakikipagsapalaran, pagbibiyahe o paglalakbay ang pinapaksa.
A. Maikling kuwento B. Nobela C. Talambuhay D. Travelogue
______ 48. Isang uri ng pagsasalaysay na kung saan ito ay nahahati sa mga kabanata at punong-puno ng mga
masalimuot na pangyayari.
A. Napanood B. Narinig sa iba C. Nobela D. Sariling karanasan
______ 49. Ang kuwentong ito na isinulat upang itanghal ay nagbibigay diin sa bawat kilos ng mga tauhan, kanilang
panlabas na kaanyuan at pananamit sa bawat tagpuan.
A. Dulang Pantanghalan B. Narinig sa iba C. Nabasa D. Travelogue
______ 50. Ito ay patulang pasalaysay sa pamamagitan ng mga saknong.
A. Anekdota B. Travelogue C. Talambuhay D. Tulang Pasalaysay

“Be honest! Dahil ang test ay parang LOVE, Tama ka n a sana Tumingin ka pa sa iba”