Republic of the Philippines

SINILOAN, LAGUNA
SANGGUNIANG BAYAN

ORDINANSA BLG. _______

SAPAGKAT, sa RA7160 seksyon 447 ay sinasaad na ang Sangguniang Bayan, bilang

ang pambatas na kinatawan ng munisipalidad, ay magpapatupad ng mga ordinansa,
mag-aapruba ng mga resolusyon at mga angkop na pondo para sa pangkalahatang
kapakanan ng munisipalidad at sa mga naninirahan dito;

SAPAGKAT, sa RA7160 seksyon 447 - I.VIII, tungkulin ng Sangguniang Bayan na

tukuyin ang mga posisyon at suweldo, sahod, allowance at iba pang mga empleyado at
mga benepisyo ng mga opisyal at empleyado na pangunahing binabayaran nang mula
sa munisipal na pondo at nagbibigay ng mga pinansyal na kinakailangan para sa
tamang pag gawa ng mga programa, proyekto, serbisyo, at gawain ng munisipal na
pamahalaan;

SAPAGKAT, sa RA7160 seksyon 447 - 1.XI, ang munisipal na pamahalaan ay

pinahihintulutan ang pagbabayad ng kompensasyon sa isang kwalipikadong tao na
hindi nagseserbisyo sa gobyerno na pupuno sa isang pansamantalang bakante o isang
ipinagkaloob na parangal sa anumang kwalipikadong opisyal o empleyado na itinalaga
upang punan ang isang pansamantalang bakante sa isang kasabay na kapasidad, sa
rate na pinahintulutan ng batas;

SAPAGKAT, sa RA7160 seksyon 447 - 2.I, tungkulin ng Sangguniang Bayan na

aprubahan ang mga pang-taunan at suplemental na pondo ng Sangguniang Bayan at
naaayong pondo para sa mga partikular na programa, proyekto, serbisyo at mga
aktibidad ng munisipalidad, o sa iba pang layunin na hindi labag sa anumang batas,
upang ipakilala ang pangkalahatang kapakanan ng munisipalidad at mga naninirahan
dito;
SAPAGKAT, sa RA7160 seksyon 447 - 2.XIII, ang Sangguniang Bayan ay may layuning
magbigay ng mga gawad sa iba pang mga lokal na yunit ng pamahalaan o sa
pambansa, panlalawigan at munisipal na mapagkawanggawa, pang-edukasyon na
institusyon: Kalakip, na ang mga institusyon ay dapat na pinamamahalaan at
pinananatili sa loob ng munisipalidad;

SAPAGKAT, ang pagbibigay ng access sa edukasyon sa pamamagitan ng scholarship

ay lalong mahalaga, habang tinutulungan mo ang mga mag-aaral na matupad ang
kanilang mga pangarap at maabot ang kanilang mga potensyal ng lubos, ang iyong
mga suporta sa mga ipinagpapahintulot na scholarship ay hindi lamang nagbibigay ng
tulong pinansyal para sa edukasyon ng mga estudyante, ngunit ito rin ay isang
pamumuhunan sa kanilang mga kinabukasan;

SAPAGKAT, maraming mga mag-aaral na nagtapos mula sa kolehiyo ang may

napakalaking utang o kung di man ay nilimitahan ang kalidad ng kanilang edukasyon sa
pagtatangkang kontrolin ang kanilang mga gastos. Ang pagiging mag-aaral ay libre,
gayunpaman, ang mga estudyante ay mas mainam na tumuon sa kanilang mga karera
sa halip na sa pag-iisip kung paano nila babayaran ang mga gastusin pinanansyal; at

SAPAGKAT, ang mga scholarship ay magbibigay ng pagkakataon para sa maraming

estudyante na makakuha ng edukasyon. Ang pagiging working scholar ay isang sagot
sa pagmumulan ng tulong na maaaring makatugon sa mga suliraning kakaharapin ng
isang estudyante habang siya ay nag-aaral. Gayundin, ito ay isang paglilinang ng
sariling kakayanan ng isang estudyante sa kanyang maaring matutunan habang
nagtatrabaho o nakakatamo ng experience at upang maging isang nag-aambag na
miyembro ng lipunan.

KUNG KAYAT,

PANUKALANG ORDINANSANG BAYAN NA MAGTATATAG NG ISANG

PROGRAMANG TUTULONG AT SUSUPORTA SA MGA LEHITIMONG ESTUDYANTE
NG KOLEHIYO NA MAMAMAYAN NG BAYAN NG SINILOAN, LAGUNA, NA
TATAWAGING “SINILOAN WORKING SCHOLARS PROGRAM”, AT PARA SA
PAGLALAAN NG PONDONG KINAKAILANGAN PARA DITO.

Patrick Ellis Z. Go / Ronie M. Tubice

ORDINANSANG BAYAN NA MAGTATATAG NG ISANG PROGRAMANG TUTULONG

AT SUSUPORTA SA MGA LEHITIMONG ESTUDYANTE NG KOLEHIYO NA
MAMAMAYAN NG BAYAN NG SINILOAN, LAGUNA, NA TATAWAGING “SINILOAN
WORKING SCHOLARS PROGRAM”, AT PARA SA PAGLALAAN NG PONDONG
KINAKAILANGAN PARA DITO.
 Artikulo I
Pambungad na Bahagi

Seksyon 1. Pamagat: Ang Pambayang ordinansang ito ay tatawaging “SINILOAN

WORKING SCHOLARS PROGRAM”
Seksyon 2. Layunin at Adhikain: Ang layunin ng ordinansang ito ay tulungan ang mga
mag-aaral ng kolehiyo na magkaroon ng karagdagang suportang pinansyal at paglinang
sa mga aking kakayanan ng mga natatanging studyanteng determinadong maitaguyod
ang kanilang pag aaral.
Seksyon 3. Saklaw: Ang ordinansang ito ay sumasaklaw sa mga lehitimong
estudyante ng kolehiyo sa LSPU na naninirahan sa Bayan ng Siniloan na ang mga
magulang ay lehitimo at rehistradong mamamayan ng Siniloan, Laguna.
Seksyon 4. Kahulugang Oda: Para sa mga ginamit na mga salita sa ordinansang ito
ay magkakaroon ng mga pakahulugan ang mga sumusunod:
a. Estudyante ng Kolehiyo – Mag-aaral na maaaring nasa ika-1 hanggang sa ika-5
antas ng kolehiyo.
b. Lehitimong Estudyante – Kasalukuyang enroll at pumapasok sa Laguna State
Polytechnic University - Siniloan Campus.
c. Residente – Naninirahan na lehitimong at rehistradong mamamayan sa Bayan ng
Siniloan, Laguna.
d. Working Scholars – Kwalipikadong estudyante ng kolehiyo na magtatamo ng
scholarship katumbas ng pagtatrabaho sa munisipyo sa mga piling bakanteng oras ng
pasok sa eskwelahan.

Artikulo II
Pagpapatupad

Seksyon 1. Ahensya at Kagawaran: Ang programang ito ay sasailalim sa tanggapan

ng alinmang departamento ng pamahalaang bayan ng Siniloan sa pakikipag ugnayan
sa comitiba ng edukasyon ng Sangguniang Bayan at pamamatnubay ng opisina ng
Punong Bayan ng Siniloan.

Seksyon 2. Benipisyaryo: Ang mga piling mag-aaral ng kolehiyo sa bayan ng Siniloan

na may taglay ng mga sumusunod nakatangian:
a. Lehitimong at rehistradong mamamayan ng Siniloan, Laguna;
b. Kasalukuyang estudyante at enroll sa Laguna State Polytechnic University (Siniloan
Campus);
c. May markang hindi bababa sa 2.50 o 81%-83% na General Weighted Average
(GWA);
d. Handang magtrabaho sa pamahalaang bayan habang siya ay nag aaral;
e. Ang mga magulang ay lehitimo at rehistradong mamamayan ng Bayan ng Siniloan; at
f. Ang SINILOAN WORKING SCHOLARSHIP PROGRAM na ito ay may kalakip na
kontrata sa pagitan ng estudyante, LSPU at Pamahalaang Bayan ng Siniloan.

Seksyon 7. Tungkulin at obligasyon ng mga mag-aaral: ang mga napiling working

scholars ng kolehiyo ay may mga obligasyon na:
1. Panatilihin ang kanilang General Weighted Average (GWA) sa markang hindi
bababa sa 2.50 o 81% - 83% habang sila ay nakapaloob sa “SINILOAN
WORKING SCHOLARS PROGRAM” ng bayan ng Siniloan.
2. Kinakailangang pumasok sa munisipyo o anumang departamento na sila ay
maaatasang magtrabaho ng 10-15 oras kada linggo (lunes hanggang biyernes)
sa kanilang mga piling bakanteng oras ng pag-aaral sa Unibersidad.

Seksyon 8. Benepisyo:
a. Una, ang mga working scholars na estudyante ng kolehiyo ay makakatanggap
ng kompensasyon o financial assistance na hahanguin mula sa rate kada oras
(hourly rate) na katumbas ng rate ng isang Job-Order (JO) na kanilang
pinagtrabahuhan sa munisipyo sa loob ng isang linggo.

b. Ikalawa, ang mga estudyante ay may pagkakataon na magtrabaho ng 10 oras

bilang pinakamababa (minimum) at 15 oras bilang pinakamataas (maximum) na
oras lang sa loob ng isang linggo.

c. Ikatlo, ang bawat working scholar ay itatalaga sa naaayong

departamento/gawain na angkop sa kanilang kurso upang sila mismo ay
makapag-ambag ng kanilang mga taglay na kaalaman at natatanging kakayanan
upang ang kanilang mga angking kaalaman at kakayanan ay mabigyan ng
pagkakataong malinang at mas umunlad habang sila ay nakatatamo ng
experience sa pagtatrabaho sa pamamagitan ng SINILOAN WORKING
SCHOLARS PROGRAM.

d. Sa huli, ang naturang kompensasyon/financial assistance ay pinaniniwalaang

tutulong at susuporta sa mga estudyante upang sa gayon ay makaiwas sila sa
 anumang mga malalaking pagkakautang o kakapusan hinggil sa mga gastusin
sa kanilang pag-aaral.

Artikulo III
Kasunduan o Kontrata
Seksyon 9. Pagliliwat. Walang pagliliwat ang pinapayagan ng ordinansang ito ng
pagbibigay kompensasyon sa mga estudyante ng kolehiyo na hindi naaayon o
kwalipikado sa mga panuntunan na sinasaad sa Seksyon 2.
Seksyon 10. Pagsasawalang-Bisa. Ang pagkakalahok sa SINIILOAN WORKING
SCHOLARSHIP PROGRAM ay maaaring mawalang-bisa kung ang isang estudyante
ay:

a. napatunayang kasapi sa kahit anumang scholarship program;

b. hindi napanatili ang kaniyang marka sa 2.50 o 81%-83% (GWA);
c. hindi pumapasok sa tamang oras ng trabaho sa munisipyo o pumapasok ng mas
mababa sa minimum na oras ng pagpasok na kinakailangan kada linggo maliban kung
mayroong abiso at pinayagan ng kanyang immediate supervisor o kaya man ay may
sapat at balidong dahilan; at
d. mapapatunayang hindi kwalipikado sa mga pamantayang isinasaad ng Seksyon 2.

Artikulo IV
Paglalaan ng Pondo
Seksyon 1. Paglalaan. Ang pondo ay manggagaling sa Local Fund o General Fund ng
Bayan ng Siniloan. Kung kaya’t ang programang ito “SINILOAN WORKING
SCHOLARS PROGRAM” ay kinakailangang pondohan sa paghahanda ng taunang
budget ng pamahalaan ng bayan ng Siniloan na makakasama sa regular program of
activities ng kahit anumang departamento ng pamahalaang Bayan ng Siniloan. Kung
kaya ang Sangguniang Bayan ay inatasan na siguraduhin ang paglalaan ng pondo sa
katuparan ng programang ito.
 Artikulo V
Mga Sugnay

Seksyon 1. Pagpapawalang-Bisang Sugnay: Ang lahat ng mga ordinansa na

salungat sa o hindi naaayon sa ordinansang ito ay pinawalang-bisa o mababago nang
naaayon.
Seksyon 2. Sugnay na Naghihiwalay: Kung ang anumang bahagi o probisyon ng
ordinansang ito ay ipinahayag na labag sa saligang-batas o di-wasto, ang pareho ay
hindi dapat makakaapekto sa bisa at pagiging epektibo ng iba pang mga bahagi o
probisyon nito.
Seksyon 3. Sugnay ng Pagkakabisa: Ang Ordinansang ito ay magkakabisa matapos
mapagtibay ng mga bumubuo ng Sangguniang Bayan ng Siniloan.