PAMANTASANG NORMAL NG PILIPINAS

Ang Pambansang Sentro sa Edukasyong Pangguro

Linangan ng Pagtuturo at Pagkatuto
Daang Taft, Maynila

I. Layunin:
Sa pagtatapos ng aralin, ang mga mag-aaral ay inaasahang:
A. naauunawaan ang kahulugan at iba’t ibang halimbawa ng matalinghagang
pahayag,
B. naipakikita ang kawilihan sa paggamit ng matalinghagang salita sa
pagbabasa ng mga dayalogo;
C. nagagamit nang wasto ang mga matalinghagang pahayag sa isang
pangungusap at paglikha ng meme; at
D. napahahalagahan ang paggamit ng mga matalinghagang pahayag sa
paglinang ng mga kasanayan sa pagsusuri at pagkamalikhain

II. Paksang-Aralin:
A. Wika:
Matatalinghagang Pahaya
B. Sanggunian
 KANLUNGAN: Batayan at Sanayang Aklat sa Pag-aaral ng Wika at
Panitikang Filipino batay sa Bagong K-12 Kurikulum nina Pena, ES. et.
al, pahina 250
 Ang Diskurso ng Pahiwatig sa Komunikasyong Pilipino ni Wennielyn
Fajilan
C. Kagamitan
Cartolina, Puzzle Piece

III. Pamamaraan
A. Panimulang Gawain
a. Panalangin
b. Pagbati
c. Pagsasaayos ng Silid-aralan
d. Pag-alam sa mga Liban sa Klase
B. Pagganyak
Ipabasa ang sumusunod na dayalogo:

Maria: Kawawa naman ang kinasapitan ng pamilya Guerrero! Ngayon ay isang kahig
isang tuka na lamang sila. Samantalang dati’y parang nagtatae lang sila ng pera.
Juana: Paanong hindi sila maghihirap ehh, mga bulang-gugo sila kung gumasta ng
pera. Kahit hindi kailangan ay binibili?
Fe: At isa pa, napakataas pa ng lipad ng mga iyan. Mga buwayang-lubog kung ituring
ang iba.
Maria: Ganoon talaga, sadyang umiikot ang gulong ng buhay. Ang Panginoon na ang
bahala sa kanila.
Mga Tanong:
1. Tungkol saan ang usapan?
2. Anong mapapansin sa paraan ng pagapahayag ng bawat tauhan?

C. Paglinang ng Talasalitaan
Pagdugtungin ang mga puzzle piece na may magkaugnay na kahulugan.

mataas ang lipad hindi mabuti sa

kapuwa

bulang-gugo hambog

buwayang-lubog mahirap
nagtatae ng pera gastador

isang kahig mayaman

isang tuka

D. Pagtalakay sa Nilalaman
Mga Gabay na Tanong:
1. Paano niyo masasabi na malikhain ang tao sa paraan ng ating
pagpaphayag?
2. Ano ang mga halimbawang pahayag na nagpapakita ng pagiging malikhain?
3. Ano ang kahulugan ng matalinghagang pahayag?
4. Ano ang mga halimbawang matatalinghagang pahayag na alam niyo?
5. Sa anong mga pagkakataon o sitwasyon niyo magagamit ang mga
matalinghagang pahayag?

E. Paglalahat
Pangkalahatang Tanong:

Paano nakatutulong ang paggamit ng matalinghagang pahayag sa paglinang ng

kasanayan sa pagsusuri at pagiging malikhain ng tao?

F. Paglalapat
Magtala ng limang pangungusap na kinapapalooban ng matalinghagang
pahayag sa bawat akdang tinalakay. Tukuyin ang kahulugan ng matalinghagang
pahayag at gamitin ito sa sariling pangungusap. Punan ang talahanayan:

Akda 1: Ang Talinghaga Tungkol sa May-ari ng Ubasan

Pangungusap Matalinghagang Kahulugan Sariling
Pahayag Pangungusap
1.
2.
3.
4.
5.

Akda 2:Parabula ng Banga

Pangungusap Matalinghagang Kahulugan Sariling
Pahayag Pangungusap
1.
2.
3.
4.
5.

G. Pagtataya
MEMEasabi
Batay sa inyong mga natutunan, bumo ng sariling halimbawa ng mga
matalinghagang pahayag na may kinalaman sa pag-uugali ng tao. Tiyaking
lapatan ito ng mga katangian ng isang matalinghagang pahayag. Mainam kung
gagamit ng mga makabagong konsepto o bagay na maiuugnay sa kaugalian ng
tao. Ilapat ang mga nabuong matalinghagang pahayag sa paglikha ng isang
meme.Lakipan ito ng maikling paliwanag. Gamiting gabay ang rubriks at
halimbawa:
Pamantayan Napakahusay Mahusay Nalilinang Nagsisimula
(5) (4) (3) (2)
Nilalaman
Komprehensibo ang
ugnayan ng larawan (meme)
at pangungusap na may
matalinghagang pahayag.
 Presentasyon
Maayos ang daloy at
malinaw ang
pagpapaliwanag sa meme
Pagkamalikhain
Bago at kakaiba ang
nalikhang matalinghagang
pahayag at gumamit ng mga
makabagong konsepto o
bagay.
Wika
Gumamit ng angkop na
salita at pinatibay ng
gramatika ang buong
gawain.

KABUOAN

Halimbawa:
Matalinghagang Pahayag: Asal- Wifi
Kahulugan: Mabagal Kumilos
Meme:

Paliwanag: Kadalasang reklamo ng mga tao ang mabagal na signal ng wifi na

nagiging dahilan upang hindi magawa ng mga tao ang mga dapat nilang gawin.
Dahil dito, sa halip na napagtatagumpayan ang anomang gawain, kadalasan ay
naaantala at bumabagal ang usad ng mga gawain. Sa konteksto ng ugali ng tao,
may ilan na nag-aasal wifi. May mga tao na dahil sa katamaran ay napakabagal
kumilos na nagigig dahilan upang walang matapos na gawain na nagiging
dahilan upang maging hindi produktibo ang kanilang araw.

H. Kasunduan
Paghandaan ang pagtatanghal sa susunod na araw.

Inihanda Ni:

Angelica D. Agunod
Gurong Mag-aaral., IV-4 BFE