ang ilang pag-ila kanimo: O "ang ilang pagkuha sa kahibalo kanimo; ang ilang padayong nahibal-an

kanimo. "Ang Gregong berbo nga gi · no'sko sa paninugdan nagkahulogang" mahibal-an, "ug dinhi ang
berbong gigamit sa present tense aron ipahayag kanunay ang aksiyon. Kini mahimong magpasabut sa
usa ka proseso sa "pagkuha sa kahibalo mahitungod sa usa ka tawo; pag-ila sa usa ka tawo; nga
mahimong mas masinati sa usa ka tawo. "Kini mahimo usab nga maglakip sa hunahuna sa paghimo og
padayon nga paningkamot aron mas masinati ang usa ka tawo kinsa nailhan na. Niini nga konteksto, kini
nagtumong sa nagkalalom nga personal nga relasyon uban sa Dios nga gipakita pinaagi sa nagkadaghang
kahibalo sa Dios ug ni Cristo ug sa nagkadako nga pagsalig niini. Tin-aw, kini nagkinahanglan labaw pa
kay sa pagkahibalo kinsa ang usa ka tawo o nakaila sa iyang ngalan. Naglambigit usab kini sa pagkahibal-
an kung unsa ang gusto ug dili gusto sa maong tawo ug nahibal-an ang iyang mga prinsipyo ug sukdanan.

Apan aron masuod kang Jehova, kinahanglang magtuon kita uban ang hustong motibo. Si
Jesus miingon: “Ang kinabuhing dayon mao kini, ang ilang pagpakaila kanimo nga mao ang
bugtong tinuod nga Dios, ug kang Jesu-Cristo nga imong pinadala.” (Juan 17:3, Ang Bibliya,
PBS) Busa, ang atong motibo dili lang ang pagkuhag kahibalo. Angay nga mas ‘mailhan’ nato si
Jehova ingong Persona.—Basaha ang Exodo 33:13; Sal. 25:4.

Giampo usab ni Jesus kon unsay angay natong buhaton ingong mga makasasala aron mokuwalipikar sa
gasa nga kinabuhing walay kataposan. (Basaha ang Juan 17:3.) Siya miingon nga angay kitang
magpadayon sa “pagkuha ug kahibalo” bahin sa Diyos ug ni Kristo. Sa unsang paagi? Una, himoon nato
ang tanan natong maarangan sa pagkat-on ug dugang bahin kang Jehova ug sa iyang Anak. Ikaduha,
ipadapat nato ang atong nakat-onan. Gihimo kini sa mga apostoles kay si Jesus miampo: “Ang mga
pulong nga imong gihatag kanako gihatag ko kanila, ug ilang gidawat kini.” (Juan 17:8) Apan aron ilang
madawat ang kinabuhing walay kataposan, kinahanglang padayon nilang palandongon ang Pulong sa
Diyos ug ipadapat kini sa ilang adlaw-adlawng pagkinabuhi. Nahimo ba kana sa matinumanong mga
apostoles hangtod sa kataposan sa ilang kinabuhi sa yuta? Oo. Nahibalo kita niini kay ang ilang mga
ngalan nasulat diha sa 12 ka patukoranang bato sa langitnong Bag-ong Jerusalem.—Pin. 21:14.

7. Unsay kahulogan sa “pagkaila” sa Diyos, ug nganong importante kaayo kana?

7 Sumala sa mga eskolar sa Gregong pinulongan, ang ekspresyong gihubad nga “pagkuha ug kahibalo”
mahimong hubaron usab nga “angayng magpadayon sa pagkahibalo.” Ang footnote sa Juan 17:3 sa
Reference Bible naghatag sa laing hubad nga “ang ilang pagkaila kanimo.” Busa ang “pagkuha ug
kahibalo” maoy padayong proseso nga moresulta sa pribilehiyo sa “pagkaila” nato sa Diyos. Apan ang
pagkaila sa labing dakong Persona sa uniberso wala lang maglakip sa pagkahibalo sa mga hiyas ug
katuyoan sa Diyos. Naglakip kana sa pagbaton ug lalom nga gugma kaniya ug sa mga isigkamagtutuo.
“Siya nga wala mahigugma,” matod sa Bibliya, “wala makaila sa Diyos.” (1 Juan 4:8) Ang pagkaila sa
Diyos naglakip usab sa atong pagkamasinugtanon kaniya. (Basaha ang 1 Juan 2:3-5.) Pagkadakong
pribilehiyo nga nakaila kita kang Jehova! Apan sama sa nahitabo kang Judas Iskariote, kanang bililhong
relasyon mahimong mawala. Busa maningkamot kitang huptan kana. Sa ingon, kita mokuwalipikar sa
gasa nga kinabuhing walay kataposan.—Mat. 24:13.
J: Kamusta? Sa miagi, nagbilin ko ug pangutana, Sa unsang paagi ta mahimong higala sa Diyos nga si
Jehova? Unsay imong hunahuna bahin niana?

G: Aw siguro, pinaagi sa pagsunod sa iyang mga sugo.

J: Salamat sa imong tubag. Kung atong itandi sa atong personal nga kahimtang, sa unsang paagi
mahimong suod ta sa usa ka tawo?

G: Ato syang ila ilahon.

J: sakto. Ug malipay ko sa pag share nimo nga sa samang paagi usab masuod ta sa Diyos. Diri sa narekord
sa Juan 17:3. Palihog kog basa

G: *read*

J: Base sa teksto, sa unsang paagi ta mahimong higala sa Diyos?

G: kinahanglan makaila kaniya ug ni Jesu-Kristo.

J: Oo, sama sa paagi nga masuod ta sa usa tawo, ang pagkuha ug kahibalo bahin sa Diyos motabang nga
kita mas masuod kaniya. Apan aron mahimo na, kinahanglang magtuon kita uban ang hustong
motibo. ang atong motibo dili lang ang pagkuhag kahibalo. Angay nga mas ‘mailhan’ nato si
Jehova ingong Persona. Mao nga himoon nato ang tanan natong maarangan sa pagkat-on ug dugang
bahin kang Jehova ug sa iyang Anak ug ipadapat nato ang atong nakat-onan.

G: Nakasabot ko. duna lang koy pangutana. Para nato, mas sayon nga masuod ta sa usa ka tawo kay ato
man syang maestorya ug personal pero Sa unsang paagi ta masuod sa Diyos bisag dili nato siya makita?

J: Malipay ko nga hisgotan na sa sunod Nakong pagbalik.